Joyful Dessert House

營業中

休息中

門口好多人排隊，不過都算排得快，唔洗10分鐘就入座。同埋門口嘅連儂牆都好吸引。見到Menu，好多選擇，樣樣都睇落好好食啊! 上甜品速度都好快!店好細心，會準備個籃放手袋背嚢。沖繩黑糖Oreo芭菲大杯又好食，入面嘅配料，無論係食定睇，都好有層次。Oreo雪糕好好食。朱古力香蕉窩夫好大份，有3塊窩夫無論係窩夫定雪糕，朱古力味好香濃同埋可以按自己口味去選擇加糖漿，加咗仲好食~食完就真係飽哂啦。呢間係絕對值得再翻炒! 

同朋友去開旺角食飯知道佢係黃店諗住幫襯下 食下甜品佢哋主要都係賣一啲西式甜品為主有心太軟 拿破崙 雪糕芭菲 疏乎厘等等.一入到去就見到成間餐廳都係連儂牆😍😍我地叫左 一個曲奇雪糕巴菲一個原味疏乎厘 同埋兩個心太軟講咗疏乎厘先 其實味道就還可以不過真係好似食空氣咁 五十幾蚊 得兩啖 再加個雪糕好似好唔抵😂😂😂心太軟 我自己覺得個朱古力味好似有少少燶燶哋咁😂😂😂 而綠茶味就係好食嘅不過好似都五十幾六十蚊 小貴😰😰之後再嚟就係雪糕巴菲 其實入面都係得兩球雪糕少少寒天同埋曲奇 味道都唔會差得去邊 不過又係覺得唔太抵 (好似都係六十蚊左右).主要係覺得其實間餐廳就好一般 但價錢就真係有少少貴可能因為始終都係旺角所以覺得如果經過想食甜品都可以一試但我試過一次就未必會再返去啦

呢間甜品有米芝蓮㗎，仲係好出名嘅黃店，一入到去就見到連儂牆，又有播歌，平時啲心太軟仲會寫埋口號出嚟添！拿破崙個皮好鬆脆，夾住啲cream食落有口感😋 雖然而家唔係芒果季節，但啲芒果都算幾甜，甜品仲配埋芒果雪糕😚 雖然以呢個份量來講，價錢黎講都有少少貴，但既然係黃店就要支持下🙌🙌而且仲要幾好食，十分推介嘻嘻💯💃💃除咗拿破崙之外，仲有好多甜品都好值得試下～ 下次仲可以食下佢嘅心太軟tim!! 睇落都好高質

Visited a dessert house Randomly after gathering dinner with old friends ~I picked my favourite, soufflé, and this time was Bailey in favour it was very spongy!! Which is not easy to control the baking & mixing process like eating bubbles but in a “firm” textureI love this feeling!! However, I cannot taste the favour of “alcohol “, maybe the Bailey was little in ingredient or it was volatilized?For the little scoop of vanilla ice cream, it was nice with a creamy & smooth texture!Overall, desse

喺旺角食完飯想繼續吹水，所以就去咗出咗名又黃又好食嘅甜品舖《Joyful》💛入座嘅時候已經接近凌晨一點，但人潮依然無減退，見差唔多八成嘅位已經滿嘅時候就知道自己無入錯餐廳啦🥰 成間店都貼滿post-it～好有家的感覺🏠🇭🇰（見唔見到後邊個背景真係好多post-it）想讚下佢個心太軟🤤外面鬆化嘅朱古力鬆餅加上入邊暖暖地嘅朱古力醬，再配埋凍冰冰嘅雪糕，簡直係perfect match 👍🏻🥰朋友話芒果綿綿冰又足料又好食～十分推介🥰總括來講，呢間係一間又黃又甜嘅甜品舖值得再嚟💛

同朋友一齊食完飯路過，見到呢間門口貼住米芝蓮推介，就膽粗粗想試下。一坐低就一人一杯水，每人各叫一款，我直接揀左米芝蓮推介嘅芒果拿破崙（$64），拿破崙酥皮脆卜卜，食落好容易碎，中間每一層都有Cream，少少偏甜，芒果粒都唔酸，份量十足，都幾好食。對面嘅係朋友叫嘅伯爵奶茶奶凍（$52）。朋友叫嘅芒果窩夫（$64）同紫薯窩夫（$64），都大讚窩夫鬆軟好食，份量大到可以當正餐，而紫薯雪糕好特別。要等一陣先上嘅綠茶心太軟伴雪糕（$64），唔記得影切開流心果下，睇落都流晒口水。雖然價格偏貴左少少，不過感覺唔錯，下次都想試下窩夫。

🔖燒菠蘿雪葩💰56可以成為米芝連推介甜品當然有佢嘅原因啦~菠蘿上燒咗一層焦糖，咬落去夠哂香脆，酸酸甜甜，滿口juicy嘅口感😋夏天食真係好啱☀️雪葩口感細滑，有陣陣清新嘅菠蘿味🍍Double菠蘿滋味😍鐘意食菠蘿一定要試🙌🏼温馨提示👉🏼雪葩溶得都幾快，唔好淨係掛住同朋友傾計啦😛另外一齊去嘅朋友仲嗌咗朱古力心太軟同梳乎厘🤩梳乎厘夠空氣感，鬆軟嘅口感令人一試難忘😋至於心太軟都非常出包，外層有少少脆脆地，連雪糕一齊食，一凍一熱~真係好正😭果日食都見到好多人嗌😍

< Joyful Dessert House >呢間位於旺角既甜品鋪好出名架！點解？因為佢同時獲得米芝蓮同米豬連！————————————————- 朱古力綿綿冰 $54 -呢個朱古力綿綿冰睇樣就知佢真係好濃郁！食落去就好似用一杯好濃郁既朱古力製成冰上面仲有朱古力力醬更加濃添啊～😄配料方面就有美綠波波、jelly同彩針～ 小編同友人就麻麻地jelly，總覺得呢d配果味既products同yoghurt多d🤣————————————————- 朱古力梳乎厘伴雪糕 $54 -呢個需時12分鐘～ 不過都好快有！個人認為呢個相對上比較，因為食落口得甜味無乜朱古力味但係口感都okay既未至於食空氣又唔會好實～ 雪糕有多種味道選擇，係帶少少粘姓既雪糕球😊————————————————下次再去食，小編會想食心太軟同拿破崙！見到拿破崙真係好吸引幾高身幾大件同好似好脆咁————————————————評分：6.6/10地址：旺角黑布街74號藝興大廈地下2及3號舖營業時間：星期一至四15:00-01:00；星期五至六15:00-02:00；星期日14:00-01:00#旺角 #旺角美食

Follow @pigfoodiexhk for more food!🐷💛#pigfoodiexhk_黃店#pigfoodiexhk_甜品=========📍黃到金甜品小店 -- Joyful Dessert House🍰呢間甜品小店夜晚行過成日見到好多人排😍前排同咗foodie朋友仔一齊去食tea😆下午茶時段食甜品去仲送熱飲一杯👍------------⭐芒果拿破崙($64)呢個係店舖招牌之一，當然要試下啦😋賣相吸引，店員仲畫咗碟，好有心思😆拿破崙好大份，有三層高😍每層中間有滿滿嘅吉士忌廉😋拿破崙酥香十足，層次分明🙈吉士忌廉口感香滑,同酥皮好match👍加埋芒果雪糕一齊食口感豐富，好滿足😍------------⭐綠茶心太軟伴雪糕（$64）心太軟微暖，一切開有流心~不過內餡食落味道好甜，甜到有啲漿喉嚨😕蛋糕體ok，食落微濕潤唔會太乾-------------整體黎講小編中意芒果拿破崙多啲😆心太軟真係太甜了😣😣服務方面，店員有禮貌，服務周到💕------------賣相：7.5/10味道：7.1/10性價比：6.7/10回頭率：6.1/10------------店舖資料名稱：Joyf

原本見呢間甜品舖幾多好評又多人排隊，就應該唔會差得去邊，但係結果好失望，味道唔好，價錢又偏貴☹️Oreo芭菲個Oreo雪糕味道正常，但芭菲中間嘅Cream實在唔好食，口感好厚，而且味道好漏；中間的Oreo粉有中奇怪嘅味道，似受潮軟咗嘅感覺，唔係平時食麥旋風Oreo碎個隻味。好失望，個人覺得個芭菲唔值$64😩芒果拿破崙見佢係米芝蓮招牌就嗌個試下，點知又係雷。拿破崙酥皮算正常，但味道亦都係奇奇怪怪，唔係新鮮芒果個種清新味，反而似芒果味兒童牙膏🤢難以入口朱古力綿綿冰朱古力味道偏苦澀，相比上面兩款甜品算正常許多除此之外，店舖嘅店員成日行過黎想收碟，我明舖頭唔大同埋出面有人排隊，係要食快啲讓個位俾人，但我哋甜品上台冇幾耐，店員已經係咁望我哋食成點，好想收碟咁，非常影響品嚐過程。呢間顛覆咗我和友人對甜品嘅認知，唔會再黎👋，即使係米芝蓮都有好大保留。

聽朋友講呢間甜水舖好黃又幾好食就試試佢🤤店內充滿memo💛💛💛最震驚係連甜品都黃😂📍1️⃣ 香蕉朱古力窩夫每個碟畫嘅pepe都唔同，好有心思畫得好靚🤤💛味道就中規中矩，窩夫咁嘅味道🤪📍2️⃣ 綠茶心太軟都幾流心🤪📍3️⃣ 芒果拿破崙拿破崙咁嘅味😂————————————————————總括而言，呢間甜水店的確好黃，好多memo又有得畫pepe🤤 不過味道上就無乜特別，普普通通🤪

朋友話想食呢間甜品，帶左我地去試！呢間黃店全間鋪頭既牆都係連儂牆，仲有好多紙鶴同文宣💛💛————————🔸燒菠蘿雪芭 $56果然係餐廳既米芝連推介，真係好好食！菠蘿面頭有一層焦糖，食落甜甜地脆脆地，菠蘿又好甜好juicy，好正！加埋下面既菠蘿雪芭一齊食勁fresh，成件事好夾😍評分：🌕🌕🌕🌕🌕-🔸雲呢拿梳乎厘伴雪糕 $54個梳乎厘好有空氣感，就算影左一陣相都冇即刻扁左！食落又唔係好甜，同埋雪糕食正正子👍🏻評分：🌕🌕🌕🌕🌘-🔸朱古力心太軟伴雪糕 $62就係平時食開既味道，外皮少少脆，入面係朱古力流心😋評分：🌕🌕🌕🌕🌘-呢間黃店真。高質，抵佢咁多人食💛

上星期去咗旺角個頭食飯，食完仲有啲肚仔餓所以決定食甜品！而家出街嘅人多咗，食飯搵位又好似返番去以前咁，好彩dinner算早食，所以嚟到等咗5分鐘就入得喇！排隊嘅時候，店員會俾你睇定食咩先，再量體溫消毒坐低就可以直接等食由於對抹茶同心太軟有種情意結，見到有佢哋嘅合體，當然要嗌啦！等咗10幾分鐘後，抹茶心太軟就上枱喇！有陣陣抹茶香飄嚟！一即落去，啲抹茶朱古力湧出嚟！正！食落唔會太甜，心太軟外層焗得啱啱好，夠乾身食過濕嘅心太軟就會知外層嘅重要性抹茶雪糕就中規中矩，奶味重過抹茶味， 好彩有啲紅豆搭救吓～另外，仲叫咗個Earl Grey Panna Cotta見出面好少呢樣嘢，貪新鮮就叫咗奶凍好滑身，亦都幾大杯，但係earl grey味就缺乏，個人覺得似普通奶茶Panna Cotta可能因為落得多糖嘅關係～ 下次可能會試過第二樣～不過都值得一試🍧

於下午茶時段購買一款甜品可以獲贈一杯價值$36的飲品。甜品選擇豐富，除了招牌的拿破崙，還有綿綿冰、奶凍、疏乎厘、芭菲等等。芒果拿破崙 ($64)• 芒果份量多、絕不吝嗇，整個甜品都充滿芒果的香濃，而且味道香甜同時帶點微酸，十分開胃可口。• 酥皮金黃酥脆、層次分明，落刀切開時會聽見清脆悅耳的分裂聲。• 不知道是芒果的關係還是吉士本身就有芒果味，口感偏向厚實的吉士充斥住奶油香。• 配合芒果的滑溜和酥皮的鬆脆，一齊食用時味道和口感加起來非常有層次。• 旁邊香滑的雪糕球同樣是芒果味，原全滿足了吃芒果甜品的慾望！香蕉奶 (+$4)• 下午茶時段只需加$4就可以享受一杯鮮榨的香蕉奶，非常抵食呢！

黃店甜品店 💛⁣食完唔係好滿足嘅韓式炸雞 決定食多個甜品等自己開心啲 🤪 留意番呢度 min. charge 每人最少嗌一個甜品或者飲品 🙆🏻‍♀️⁣⁣/紫薯 waffle $ 64⁣窩夫質感偏薄脆 自己比較喜歡煙韌啲 不過入邊嘅紫薯餡都幾香 隔離嘅紫薯雪糕亦都好滑好重紫薯位 最深色嘅紫薯忌廉 當然亦都有好濃厚好濃厚嘅紫薯味啦 👍🏻 鍾意紫薯既朋友應該會好喜歡 🤣⁣⁣/抹茶鮮奶 $36/⁣呢個就比較普通 有啲似用即沖粉沖既感覺 😅⁣⁣