Joyful Dessert House

營業中

休息中

一行四人，每人都叫咗一個甜品黎試。呢個係朱古力疏乎厘配朱古力雪糕。空氣感都幾重，試咗一啖，感覺一般般，可能我本身就唔鍾意食疏乎厘，欣賞唔到疏番厘嘅美味之處每一枱可以揀其中一份甜品比店員畫pepe。呢個係心太軟配朱古力雪糕。心太軟焗得啱啱好，仲係流心㗎焦糖燉蛋正常味，好食最後呢款係紫薯窩夫配紫薯蓉加朱古力雪糕。紫薯窩夫可以在鬆軟啲，配埋紫薯蓉同埋蜜糖一流，整體來講都好好食。如果啲紫薯蓉可以再多d就更好😂😂

一早就想試呢一間旺角嘅良心甜品店咖啦!今日終於有機會,雖然剛食完午飯有啲飽飽地,但都有預留quota懲罰呢間甜品店!可能喺晏晝所以有位,不過入面都已經有好多人,隔住玻璃隔住檯坐品嚐緊甜品,鋪頭雖然唔大但係好骨子好企理講番試咩先,頭先都話食完晏晝,所以只係點左一款甜品,就係比利時朱古力慕絲雪糕啦,我朋友話依款一定一定要試架!黎到之後真係哇一聲,賣相非常之吸引,下層係濃濃厚厚嘅慕絲,每一啖都食到甜品師傅嘅誠意!上面嘅雪糕都係非常之濃郁嘅朱古力味,所以雖然得一款甜品,但係要慢慢品嚐,再加上少少朱古力醬同埋生果嘅襯托,無論賣相同味道都係一級棒!

係旺角食完晚飯，就轉場搵個地方傾吓計，係朋友介紹之下去咗呢間糖水舖食呢個朱古力雪花冰嘅朱古力味好濃郁！比想像中好食好多唔係其他糖水舖食淡茂茂咁！ 抵讚伯爵茶奶凍都好有伯爵茶味！質地軟滑，唔會太un/淋，處理拿捏得幾好 另外仲叫咗窩夫同埋心太軟，兩樣都非常高質 係絕對對得住呢個價錢唯一唔好嘅就係店舖座位比較窄，坐得比較迫同埋如果想搵個地方坐低傾偈就唔係太適合啦～ 因為實在太多人等位啦，所以唔可以坐太耐就要走

依間舖幫手過罷市💛-#比利時朱古力慕絲伴雪糕 $56雖然係朱古力慕絲再配朱古力雪糕但係都唔會漏慕絲係用黑朱古力整嘅 好濃好滑慕絲底層仲有朱古力脆脆 夠曬有層次👍🏻食到咁上下再食返啖雪糕 平衡返 正呀🤤評分:8.5/10

旺角食完飯想食甜品最鐘意去邊間食甜品 🤨❔我會答你呢間 🥰佢個朱古力窩夫🤩翻兜十次 🤪十次都覺得好食 😛jeng〰️🤯好濃朱古力味 🤯外脆內軟 就算凍左都keep到好食 🤯沾啲雪糕咬啖窩夫 好落好豐富好濃郁 😋三種配搭無懈可擊 😌 🥱😵🥺有時食到八成飽再去食以為會食唔落😋結果黎到都係好快會食曬 😛因為真係好好食 😝所以食曬都唔易膩 😛 除左窩夫之外 👀都推薦佢既拿破崙同燒菠蘿雪皅 都唔錯😋

好耐無出街食飯啦！😫😫😫😫 今日外出，同家姐都係食完返先返屋企，再係屋企食飯應該會想嘔 (呀媽，唔好打我呀😫😫😝😝！)本身食完個超超超飽既飯！但家姐食梗飯中途都俾公司嘢煩住，我都戥佢慘，食完飯諗住返屋企，冷不防家姐一句懲罰黃店😅😅 好！幾飽都陪你！Yeah~~ (內心小劇場: 心裹暗罵，早講，頭先唔好叫咁多餸啦！🙄🙄🙄)經過個路痴帶路，行錯2條街後，終於都揾到luuu~~ 係限聚令同疫情下，依然坐滿，要排幾張枱，無所謂，俾多少少時間我消化下，唔該！🙇🏻‍♀️呢度啲店員好後生，好有禮貌呀，雖然係外面等，但都好好安排我地坐低同幫我地點餐！👍🏻👍🏻👍🏻👍🏻😊😊😊😊 睇下食乜先。。我的姐話要點車軚人推介，一打開個menu.....um ......... 佢話要食拿破倫同waffle....🙄🙄🙄🙄 我仲好飽。。😅😅經過佢解釋同威迫下，好啦，照叫啦！不過我地叫左個菠蘿拿破倫，諗住無咁漏，但竟然叫左個紫薯waffle....🙄🙄🙄🙄 我個腦當時只係諗到一樣嘢！好飽！😅😅等左一陣，我地有位啦！而家餐廳都好好，整個膠板隔住下，未知係咪好安全，不過起碼安心啲！✌🏻👍🏻唔使一陣，甜品來啦 (預先落單的好處

雖然疫情嚴重，但無飯情侶兼地獄廚神的我們選擇外出食飯。咁岩去左旺角日常料理食完晚飯，唸起黑布街附近有間主打西式既甜品，咁香港人最愛晚飯後配甜品作結，於是火速奔到呢間主打西式甜品既小店。職員真係好有禮貌，搞到我都有點唔好意思。本來想試窩夫同拿破崙。但奈何兩人食左四餸一湯，白飯兩大個之後，肚皮實在沒辦法，只好叫清爽開胃既士多啤啤綿綿冰同燒菠蘿雪葩，好令自己肚皮沒咁撐同消化一下。綿綿冰真係超綿，士多啤梨亦剛好酸度，唔算太甜，唔錯。燒菠蘿雪葩造型可愛，而且職員仲額外俾多一隻碟俾我地放菠蘿，真的超窩心。說起雪葩，真係超正。燒菠蘿上面仲有一層糖片，酸酸甜甜。而雪葩甜度剛好，唔會好漏。對於漸老的我們，沒辦法接受太甜既食物，呢間非常岩我地呢d老野。

又一間出名黃店，非常之咁黃，要懲罰下，咁就一定要過嚟同朋友食下，嘿，順便睇下啲野食得唔得，我自己就叫左個綠茶心太軟，有流心就基本啦，綠茶味好夠，好食，食完都飽飽地，下次再試其他

一早想黎食下 好似好耐之前係有米芝連推薦過？黎到 入面係坐到爆哂 出面都有條小人龍入去前需要探熱同噴消毒酒精叫左梳乎厘同apple crumble要等大概三個字左右其實食個甜品真係好快 所以其實想傾計都係靠等嗰陣( ´▽｀)又有時間比我眈天望地一下其實舖位好細 客人係L型坐舖頭入面枱同枱之間距離都近 而L型既牆 客人望到既一面都係痴左好多張紙其實如果本身牆係白色 咁樣色彩繽紛好似開心啲係好joyful 既甜品舖( ´▽｀)Apple crumble 我冇份食( ´▽｀)睇落都靚仔既( ´▽｀) 梳乎厘 高過杯身近2cm( ´▽｀)係即叫即焗 因為真係拎出黎我影完相都未塔紅色嗰一下 試下係唔知咩名( ´▽｀) 可能真係只係用黎畫碟 唔預人食拎出黎至上枱到整爛黎食蛋香都好重 重要係加左糖既味道我都真係幾中意食梳乎厘最頂既面係成左形 乾身入面係濕濕地 少少泡沫感既甜品其實唔太識評價 但係係正既( ´▽｀) 食完 員工冇趕我地走 但見到喺舖頭外不停探頭入黎既人我地就走啦一睇。。。可能夜左先係甜品時間 人龍已經長長的( ´▽｀)真係受歡迎( ´▽｀)

已經好幾次想試 @joyful_dessert_house ，不過每次飯後時間嚟都見到好多人排隊！之前又覺得呢度都係普普通通嘅甜品鋪，咪又係食窩夫心太軟嗰啲，所以次次都會放棄排隊🤪但今次10:30左右嚟到終於唔使排隊，而同行朋友都會食過話好食，所以決定試一試～雖然門口唔使排隊，但裏便都算坐滿㗎～有連儂牆圍住，又播晒香港國歌咁，氣氛都真係幾好🥰入到黎先發現原來呢度嘅拿破崙有米之連推介，我哋就無試到其他甜品，不過呢度嘅拿破崙真係相當唔錯，值得一試！😋.always wanted to try the dessert at @joyful_dessert_house but every time there is a huge line of people waiting 😂 finally got a chance the other day to try this place 😆 i only realised then that their napoleon is actually michelin recommended 🤩 thats why we ended up only tr

今日同幾個朋友仔去呢間糖水舖食個下午茶，懲罰下間黃店😈入到去會見到滿滿ge memo 紙癡晒喺牆身，甘我地就叫左菠蘿拿破崙，綠茶心太軟，益力多綿綿冰同埋chocolate waffle, 個菠蘿拿破崙食得出佢用新鮮菠蘿而且拿破崙鬆脆，綠茶心太軟綠茶味相當重le兩款極度推介！chocolate waffle 佢本身唔係好甜 如果想食甜d可以加d糖漿上去😋而個益力多綿綿冰就相對一般般 益力多味唔係太重😕 而且而家下午茶時間叫一個甜品送你一杯$36以下ge飲品👍🏾 都幾抵食！

同朋友去開旺角食完飯就想去搵甜品食，check過哩間係米芝連甜品店，所以即刻去咗試。.🐽燒菠蘿雪芭🐽Check哩間鋪嗰陣見到燒菠蘿雪芭係米芝連推介嘅甜品，所以專登叫咗嚟試下🤤喺菠蘿雪芭嘅上面放咗燒菠蘿，菠蘿雪芭酸酸甜甜，充滿鮮果味。菠蘿好新鮮，上面仲有層焦糖，多汁又好味😋.🐽比利時朱古力慕絲伴雪糕🐽望落已經覺得好靚好高級咁，食落仲好有層次感。放最上面嘅雪糕球好好味，入面仲要係有朱古力碎🍫朱古力慕絲嘅質地厚實得嚟又夠滑，仲要加入咗啲花生醬好特別🥜最估唔到係佢仲有朱古力脆脆做餅底，加埋一齊嚟食好好味。😍.總括嚟講覺得哩間幾高質，絕對會再返去食🥰

日日抗疫，有時心情都會 down down哋，美食係其中一個方法增加正能量。我今天路過，睇到有燒菠蘿甜品，就吸引咗我入去。燒菠蘿雪葩比預期中好味，菠蘿是新鮮菠蘿，上有燒焦糖，脆脆的，加分。女侍應服務很好。牆上貼滿連儂牆，我留下小字條多謝他們用心製作的美食。值得推介的小店。

今日晚上準備食飯，但同朋友有共識唔想食正餐，只想食甜品🍰，所以決定去黑布街間Joyful。去到附近發現成條黑布街都幾多好野食，但我地目標明確，一去到就入去食。岩岩好仲趕到下午茶既尾班車🤪，只要叫一款甜品就可以送$36以下既飲品。我同朋友分別叫左「藍莓拿破倫」同「朱古力窩夫」。我果個拿破倫比我想像中大起碼兩倍👀真係可以當正餐食。個味道都唔錯，脆皮加cream 個味幾夾。仲有舊雪糕做點綴。朋友個朱古力窩夫都好重朱古力🍫味，佢推介要加埋雪糕🍦一齊食先好味～另外成間店都變左連儂牆，仲有筆同紙比你寫野，好正👍🏻

旺角出名黃到出汁的甜品店-Joyful Dessert House! 平日9點幾去到都要等一陣 入面真係座無虛席🤓 成間店痴晒memo! 我地叫左朱古力綿綿冰同Baileys梳乎厘😛 綿綿冰超濃朱古力味 仲要吾系甜個啲朱古力，而系好dark chocolate，苦苦地🤤啱晒吾中意好甜的我！面頭會有小小朱古力醬令佢未至於太苦😂 配料就冇乜 得小小彩針同啫利粒咁🤔 而質地都同平時的綿綿冰一樣 入口會即化😌 個人就幾中意個味！但另一個baileys souffle就吾太好🤐 本身諗住叫啲特別啲的味 但baileys的味都吾出😶 系得普通的砂糖的甜味😨 都算有小小酒味的 但吾香🥴 佢同平時梳乎厘一樣得空氣咁😂 影多陣相都會開似塌，所以要快啲食！個人真系吾建議叫呢個味，起碼你叫朱古力個啲，你會知道你食緊咩味😝 不過黃色經濟圈 點都要支持下！