Joyful Dessert House

營業中

休息中

因為未夠鐘入#陸陸雞煲#所以食個甜品先！估唔到。。有驚喜😋😋竟然有拿破崙叫😱😋。。好少有嫁。。仲要有好多隻味。。最後叫左朱古力香蕉拿破崙！👍👍👍叫埋其他野。。終於望下個環境。。原來係黃店黎嫁！望住pepe。。人都開心D🤗最後仲買左香港品牌既 Baileys popcorn tim...so happy🤗🤗🤗ps:7點前有下午茶。。甜品送$36野飲👍👍

今次係我第一次寫食評，因為真係不得了～上星期六約左同朋友食生日飯，但book左既餐廳果晚提供唔到甜品，問佢地可唔可以帶生日蛋糕去切，其實預左有切餅費，但兩個人收我$150又真係唔係好抵，咁星期六零晨時份就苦惱緊點樣準備蛋糕，點知碌碌下OpenRice，見到joyful，見佢零晨1點幾仲營業緊，就打去碰碰運氣，點知真係有人聽，其實佢地10點已經山左門，但仲可以安排到寫碟服務真係好感動，寫左happy birthday之餘仲有個口罩Pepe，真係無得頂，物超所值！果晚我自己同朋友見到都好開心！多謝老闆漏夜幫我hold位～

如果想食甜品，Joyful dessert 係我喺旺角第一間諗起嘅甜品店同朋友行到攰，好多同路人coffee cafe都爆晒人，所以我哋就嚟食甜品 甜品嘅選擇唔係特別多，下午茶時段叫一客甜品會送一杯$36嘅飲品，今次我揀咗朱古力心太軟，加埋雪糕甜度啱啱好以前食過抹茶心太軟覺得甜，紫薯味都夠特別，因為唔係好多地方都食到 呢度嘅窩夫唔知點解我幾時食都係會食剩一塊，因為真係好飽肚哈哈食物質素好好，唯一唔好係覺得坐邊都有好大陣廁所味，希望可以有改善，但我都會繼續支持

堂食試過好幾次拿破崙蛋糕，第一次訂9吋×9吋拿破崙生日蛋糕跟家人慶祝生日。。。芒果，士多啤梨，和藍莓都好新鮮，包裝和蛋糕味道都好好，價錢也合理。。！店員解釋好清楚最好當天吃完是最好味的。

I’ve heard about this Michelin-recommended dessert place for over a year, and finally i paid a visit recently!-First, I had a cup of matcha beautifully topped with whipped cream. I’d say the matcha flavour is too mild to my liking, and the milk itself is too watery as well.-I’m so amazed by this mango napoleon cake! It’s more like the Italian version, mille foglie, which has layers of puff pastry and whipped cream, topped with fresh mango cubes. There’s also a scoop of mango ice cream next to it

1️⃣ ⭐️芒果拿破崙⭐️$64 (8/10)好少地地方有拿破崙食，而哩度又做得幾好🥳每層酥皮做得好鬆軟，又唔會太油膩👍🏻芒果好新鮮香甜，唔會係罐頭個種嘅死甜💛2️⃣紫薯窩夫 $64 (7.5/10)窩夫本身嘅紫薯味未算太重，但配合隔離嘅紫薯蓉就啱啱好💖窩夫有少少太脆，少左種口感😢但60幾蚊都可以食到好飽，當一餐都得🤣 3️⃣朱古力香蕉窩夫 $64 (7/10)有少少失望，朱古力味有少少假，同未夠濃郁😗表現比較中規中矩😔同紫薯一樣，窩夫足料又飽肚，係略嫌太脆🥺4️⃣Baileys 疏乎厘伴雪糕 $56 (5.5/10)聞落幾香蛋味，可惜食落無乜Baileys味😭唔知係咪師傅唔記得落呢😭疏乎厘空氣感做得唔錯，唔怕好似食左啖空氣咁乜都無🤣

如題算係喺旺角區比較人少，可以靜靜地食野傾計嘅地方。店內環境幾好 甜品靚到可以打卡之餘又好味一個人食咗個雪糕加薑汁疏乎厘送飲品都唔算太貴。Ps.佢播啲歌好啱我心水。

呢間米芝蓮一星既甜品店都隔左一排無今,又好味又有良心既小店一定要再支持下.8點幾黎到人流一如既往的多.好彩排左一陣就好快到我.比利時朱古力期慕絲伴雪糕,雙重朱古力充滿視覺上既刺激超享受.朱古力慕絲打得幼滑,入口軟綿重濃厚可可味,入口甘香又唔會過甜.除左朱古力雪糕外仲額外加上朱古漿直頭係三重享受超邪惡.紫薯奶凍分左4重口感,底層既紫薯奶凍入口奶味同紫薯味平衡得幾好,紫薯味都幾突出.奶凍入口細滑綿密.中層加上朱古力穀物脆增加脆口既感覺令口感無咁單一.第三層係紫薯蓉,味道清香入口香甜又唔膩,本身紫薯係健康食品所以做甜品感覺都無咁邪惡.最後係最上層加上香芋雪糕,芋頭味香濃同紫薯除鼒左顏色夠match外味道都好夾.

藍莓乳酪芭菲（$64）沖繩黑糖Oreo芭菲（$64）士多啤梨三重奏（$59）綠茶心太軟伴雪糕（$64）喺旺角附近食完想搵啲甜品食，知道旺角黑布街不嬲都好多嘢食，呢間甜品舖網上面好多好評，所以就黎試吓。所有甜品望落都好吸引，好靚， Oreo芭菲入邊加咗兩層嘅黑糖啫喱，夾住一層雪糕同cream，令到成個芭菲多咗唔同嘅口感，但個人認為藍莓乳酪芭菲食落有啲似藥水，不過我另外兩個friend就覺得好味，可能大家口味唔同。士多啤梨慕絲cake味道還好，略嫌少咗奶酪嘅味。心太軟外脆，切開流心，配上綠茶味嘅雪糕，味道清新又好食。

啲甜品味道一般對個紫薯芭菲好失望 個雪糕係維記個隻除左雪糕外 其他cream都係室溫... 成個感覺覺食cream多個食芭菲🤧。。。 冇乜層次 因為係食緊pat cream 入口紫色個層紫薯味夠濃不過啲忌廉質感都係偏實、有啲膩中間只有Milo波波有待進步 唔太值$64另外嗌左個心太軟 都幾流心 不過個外層都係偏實個雲呢拿雪糕幾香

呢間甜品舖已經連續5年榮獲米芝蓮的街頭小食殊榮😌😌😌 而佢嘅拿破侖係我食過最喜歡的～☺️🍍 菠蘿拿破侖 $64三層金黃酥皮，入口超鬆化同脆口～ 酥皮每一層都層次分明，所以既好味又鬆化😍 餡料係好軟滑嘅pastry cream🤩 仲有埋酸甜嘅菠蘿醬，呢個真係my fav唔係講笑～ 最後個菠蘿雪糕我都好喜歡，唔會雪得太冰😙雖然芒果好似人氣d但我反而未試過😝 呢個係我每次嘅必點😙 可能係因為市面較少菠蘿，而joyful又真係做到我想要嘅味道😌 🍠 紫薯香芋芭菲 $64呢個都好好食😍 無論係雪糕或內層cream都係好重紫薯同芋頭味，冇乜香精嘅感覺😚 份量都唔細，同人一齊share啱啱好😙呢間係一間實力甜品店，唔會得個樣但d嘢唔好食（市面好多係咁😂😂），肥幾磅都抵😌😌😌

未到晚飯時間，決定同朋友係附近搵間小店食下午茶，貼滿連儂牆的Joyful Dessert寫滿了香港人的訴求和願景。呢度甜品種類尚算多，我對於任何口味的梳乎厘都抗拒唔到，雲呢拿、朱古力、士多啤梨、薑味及橙酒全部都非常中意，所以見到Menu上有Baileys口味即刻雙眼發光!!Baileys梳乎厘配士多啤梨雪糕，未上枱已經聞到陣陣Baileys酒香，外表震騰騰，入口口感軟綿綿，軟得黎卻帶點濕潤而綿密的感覺，酒香在口腔中慢慢擴散，味道醇厚。不過蛋香無被Baileys味蓋過，只係味道較甜多於香，襯埋一杯黑咖啡變成一個完滿的下午茶。

評分：🐷🐷🐷🐷🐽（5🐷滿分；🐽半分）出名到冇人有既joyful已經食左超級多次，每個甜品都係50-60蚊，又平又高質既米芝蓮真係碩果僅存！必食❗️綠茶🍵💛太軟 - 外脆內流心，焗得恰到好處，又唔會過甜，超級正👍🏻旁邊既雪糕唔係普通雪糕，而係黏黏韌軔，好似麻薯口感，好上癮🤣另外仲有紫薯心太軟💜都係佢地既signature，紫薯控就岩晒啦～第一次試佢地既冰，絕對唔係藥水味！好綿好滑！配料都好多！有興趣既朋友可以一試啊🤣🤣

食完飯， 搵甜品鋪。。。 本來搵咗一間， 點知去到佢地full house, 咁唯有轉地方， 行多兩條街嚟呢間，之前食過， 好好味， 所以再嚟呢間其實都幾好， 條龍好似好長但係郁得好快， 同埋有凳坐住等， 好快就到~~~ 姐姐仔又好禮貌， 俾menu你揀住先， 差唔多到就會幫你落定單， 所以都唔駛等好耐~今日真係好熱， 所以我食綿綿冰， 其他fd就食燒菠蘿雪葩，疏乎厘，apple crumble, 心太軟，全部都好靚~ 個樣都好吸引我嗰個係益力多綿綿冰， 好好味， 大熱天時食冰真係好正

就算係甜品都可以選擇黃色，今晚慶祝朋友生日，不過又唔想去返連鎖餅店買蛋糕，於是就去到旺角既呢一間甜品店，貪佢夠晒黃位置係出晒名有多間甜品店既黑布街裡面，都唔算太過難搵喺門口已經見到大大個餐牌，右上角仲寫住係連續三年米芝蓮推介，完全係品質嘅保證，甜品種類都有好多，最後我揀咗其中兩款，怕食完晚飯之後食唔到咁多由於我係叫外賣自取，本身應該係店舖出面等候，但係店員怕我太熱，所以招呼我入去坐低等，一入到去即刻呆咗，冇諗過裡面有咁多memo紙貼左係牆，全部都係支持香港嘅語句，感覺即時好窩心我叫嘅甜品其實係芒果拿破崙，而上面果款係比利時朱古力慕絲。首先個拿破崙真係好鬆脆，咬落去係一層層嘅酥皮，中間仲有唔算太甜嘅忌廉，仲有少少芒果醬，真係好食到停唔到口。唯一希望改善嘅就係份量，因為真係唔夠食。至於上面嘅朱古力慕絲就充滿朱古力嘅味，入口幼滑，特別鍾意佢帶出嚟嘅苦味，食完唔會覺得口渴整體感覺唔錯，下次可以再嘗試下其他推薦嘅甜品