Joyful Dessert House

營業中

休息中

在旺角逛街，順道吃個下午茶，上網竟然讓我找到這間米芝蓮甜品店，於是便來試試。我和朋友分別叫了綠茶心太軟伴雪糕和藍莓拿破崙。綠茶心太軟是獲米芝蓮推介的其中一款街頭小食，蛋糕很鬆軟，用刀輕輕切開，裏面的綠茶朱古力緩緩湧出，非常吸引。綠茶朱古力醬不會太甜，綠茶味明確但不苦澀，配上清甜的紅豆，真是絕配！暖哄哄的心太軟配冰凍的綠茶雪糕，滋味十足！其實芒果拿破崙才是米芝蓮推介食品，但我個人比較喜歡藍莓，於是就叫了藍莓拿破崙。拿破崙有多層酥餅，非常酥脆可口，每層中間也會有淡淡的忌廉，與餅身上的藍莓醬配合得天衣無縫。這樣的價錢就可以試到米芝蓮級數的食品，超值！

大大力懲罰黃店 上網見到話可以主動向店員講加Pepe 便免費畫pepe 在碟上 店員畫得好靚 啲字都好工整 見到甜品不禁哇了出嚟👍🏻而且梳芙厘果然冇令我失望 好鬆化鬆軟 加上我最愛既抹茶雪榚無得頂然後再試焦糖布丁🍮 燒得岩岩好 唔會濃到變苦 卜卜脆好正 反而oreo 雪榚冇咩特別 作為黃店 鋪頭入面有唔同顏色既memo 紙比大家寫野～ 有唔少不同甜品選擇 而且環境舒適 只係好多人排隊 要食就早啲啲去喇

呢間就係上網講嘅米芝蓮 甜品舖咁當然我就慕名而去啦 完飯梗係去食糖水啦，指定動作哈哈哈！！！ 喺附近食完飯想搵間普通糖水食下， 行到過去真係好多人都同我一樣慕名而去排隊排到一條好長嘅龍派咗半個鐘 期待已久。 坐低嗰陣都覺得舒服因為室內設計都好新潮。 員工服務態度都好好，滿面笑容……………………………… 呢個餐牌見到好多選擇 ， 我當然係叫咗最出名嘅菠蘿沙冰 係一間值得去嘅餐廳。性價比高，而且水果都新鮮， 一定要試嘅朋友都覺得好好食，質量有保證 ， 同埋價錢都好平民化 可以接受 唔好話真係好貴。最開心嘅係可以喺尖沙咀，食到甘嘅質素，絕對比出面嘅質素好 ，而且食落都唔會好甜 ，口咁啱啱好。 環境都比較適合朋友聚會。 地點方便亦好方便，食完嘢出去行下都仲得。 員工態度都好有禮貌………… 總體嚟講係值得推薦，之後會再返去食㗎哈哈

係旺角行街行到累，就入咗嚟呢間甜品鋪食。入面啲staff好nice，好好人，而且好有禮貌，而餐牌見到樣樣都想食。於是點咗個梳乎厘同埋抹茶心太軟，兩個需時都唔算好耐，同平時整梳乎厘嘅時間差不多，不過都唔怕等。食完兩個之後，覺得抹茶心太軟比較好食，可能佢個味道比較濃，而且入邊啲餡都好好食，心太軟最緊要係夠暖，而且個抹茶雪糕好好食，好有抹茶味👍🏻👍🏻👍🏻而學生嚟會有優惠，所以學生可以選擇嚟呢間食

一大班人附近食完晚飯 就立即去呢度等位大大力懲罰佢！好多人排隊 外面有凳仔一邊坐一邊等 首先要俾個like啦 之後佢會喺出面落order 你坐低可以快啲有得食之餘 佢又可以做多一枱客 入到去 枱面已經有一人一杯水 再俾個like 凳底有籃可以放袋 我地六人又唔會俾四人枱逼住坐 坐得好舒服 芒果拿破侖 夠脆 芒果粒甜 打卡一流沖繩黑糖oreo芭菲 有黑糖粒粒jelly糖(?) 加埋oreo碎同忌廉 好夾下 不過我就嫌太多忌廉 如果其中一兩層換番oreo雪糕仲好士多啤梨窩夫 好脆 窩夫本身暖暖地 唔係好甜 加埋甜甜地的凍冰冰雪糕 一冷一熱 抹茶心太軟 應該焗得太耐 唔係太流心 同埋好重蛋味 冇咩抹茶味 呢個就差少少喇益力多綿綿冰 益力多味好勁 不過冰就一定偏甜架啦一個甜品60蚊 我覺得係比其他同類的甜品舖貴 不過服務 例如等位啲凳仔 入座已經準備好水 係好值呢個價位ps 好似up相同埋like ig 送雪糕一球🙈

經朋友介紹，便決定嘗試這間甜品小店。很喜歡它的Logo，參考了Oreo曲奇模樣，十分可愛。餐廳的裝飾主要是以Pepe為主題，不斷播放抗爭歌，有提供連儂牆。很多生日的朋友都選擇了在這間小店慶祝，當天包括我們這桌，共有四個壽星仔/女，大家都十分友善，雖然素未謀面，但都為對方唱生日歌。在這裏點甜品是可以要求寫上生日祝福，如果店的甜品不是太大，還可以要求畫上卡通人物Pepe, 可惜小編忘了，所以碟上只寫了Happy Birthday, 但是重點還是甜品，三層的酥皮配上忌廉，芒果，多重口感令人難以停口。另外點了綠茶心太軟伴雪糕，流心的效果明顯，綠茶味香濃，外脆內軟。還有很多吸引的甜品，下次決定要嘗試伯爵奶茶奶凍，以及紫薯窩夫。

Joyful dessert其實有個神秘menu~ 就係可以訂佢既皇牌🥭芒果拿破崙做生日蛋糕🎂喇！價錢同連鎖店差唔多，但係有米芝連同米🐽蓮既保證喎！******************************6 x 6” （4~6 人份量） $3489 x 9” （6~8 人份量） $51812 x 12” （8~12 人份量）$688*一定要兩日前訂，仲可以加錢錢寫牌仔～寫咩都得！

紫薯心太軟伴雪糕🍠($66)好多時食心太軟既心都唔太流, 不過呢個絕對有驚喜, 一切落去紫色既流心湧曬出黎, 我完全係哇左一聲🤩 唔單只視覺效果好, 連味道都好好, 紫薯味超濃, 連個雪糕都係紫薯味嫁🤤 身為紫薯愛好者既你哋必食呀沖繩黑糖Oreo 芭菲🍨($64)呢個甜品我覺得係完全唔會輸, 首先佢既造型相當吸引, 二黎係大大杯完全係滿足到對甜品既慾望😍 呢杯野都好豐富嫁, 面頭有一大球食落質地好似土耳其雪糕咁既雪糕🍦雪糕上面插住一塊Oreo 夾心餅, 杯既邊邊填滿左幼滑既cream😋 雪糕下面有大量粒粒口感煙韌既啫喱, 口感豐富得黎又唔會太甜, 好正呀藍莓拿破崙🍰($64)其實拿破崙要整得好食並唔容易, 不過呢個藍莓拿破上崙絕對唔會令大家失望👍🏽 首先佢地餅皮係超鬆脆有淡淡既牛油香,而且唔油膩,再黎係餅與餅之間夾住既cream 係好light 同smooth 所以食落成個甜品都好輕盈唔會覺得有負擔

話說，呢一晚啲朋友同我去食生日飯... 幫襯左一間火鍋店，真係好難食.... 然後我啲朋友決定去搵一間好食嘅甜品店補返數！之前上網都見過一間野勁多好評，有陣時都好平都會好會中伏... 但係今次都決定去試一試啦...好好彩今次冇咩人排隊，等左10分鐘左右已經可以入座！佢限每個人都要點一樣甜品/飲品... 都無所謂嘅，咁我哋就一人點左一樣... 店員態度好好，又nice~ 最難忘嘅真係佢嘅拿破崙！我地點左士多啤梨拿破崙，佢個拿破崙整得好香、好鬆脆！我哋幾個好後悔只係點左一款拿破崙😂 其實佢嘅芒果窩夫都好好食！但係如果兩樣要比較的話，我真係鍾意拿破崙多啲～🥰好彩夜晚又來到呢度食甜品～咁我嘅生日飯先至冇咁失望❤️絕對絕對會再嚟幫襯！！！

一個凡事以打卡為先既港女N一早已經想試呢間大家可以估下邊張memo係由我所畫抺茶心太軟十分滿分我俾十分雪糕有少少奶味 似mocha latte心太軟相對黎講會有抹茶本身帶有的苦澀味食物九分 一分係人情味最後摺左隻豬仔 留番小小心意

呃錢*黑*店*！今年5月黎食 本身都諗住算 但見到越黎越多人吹捧呢間係黃店 唔理佢係真黃定假黃 *黑*店*就唔應該幫襯呢間*黑*店*博啲客唔check單每個甜品收貴10蚊 我發現左之後問佢 佢聲稱有加一服務費 但加一都無理由係每個貴十蚊 之後check返menu都無寫過要加一 再問佢先扮打錯單收返menu上嘅價錢大家記得check單！但最好唔好再幫襯啦！另外呢間又貴又難食 特別係雪糕勁難食就算支持黃色經濟圈都唔應該助長啲無質素嘅*黑*店*！

支持黃色經濟圈💪🏻食完黃正餐直落再食黃甜品入到門口已經見到米豬蓮推介🥳-🔹綠茶心太軟伴雪糕（$64）黑洞私心最愛 心太軟外層微脆切開有暖笠笠綠茶流心🤤甜度剛好-🔹朱古力疏乎厘伴雪糕（$54）疏乎厘空氣感十足 超軟綿綿☺️但朱古力味唔算太重自私食一個都吾會膩胃😬-🔹紫薯窩夫（$64）窩夫口感煙韌 中間有紫薯餡不過黑洞略嫌少許乾身🙈伴碟係紫薯雪糕 紫薯控一定啱食😏-🔹藍莓拿破崙（$64）拿破崙皮好脆 陣陣酥香🤩每層之間有吉士醬 面頭藍莓中和甜品 加埋酸酸甜甜幾開胃⭕️-鋪面有大大個連儂牆同小量文宣可拎黑洞見到文宣貼紙好得意🥰拎咗張黃懲罰藍罷買提醒自己要多d懲罰黃店😡

朋友帶我去懲罰呢一間旺角良心甜品店，話佢勁黃唔懲罰唔得！👍其實在於我嘅立場除咗佢黃，仲有啲嘢食有品質先得，如果佢聲稱自己係黃但係啲嘢食麻麻地一我都會排到好後先幫襯，始終我覺得作為飲食業最基本都係食物嘅品質，呢個係佢哋對消費者所盡的責任。去到我發現佢入面除咗知左好多連儂牆，仲可以每一張枱響一樣甜品上面畫香港人公仔！我同朋友個揀咗一個特色甜品！我哋發現有啲良心小店都有一個共通點，就係佢哋嘅服務人員態度都超好，所以我哋都覺得幫襯得零些舒服😌首先上嚟嘅係朋友的比利時朱古力慕絲伴雪糕（$56），朱古力慕絲外型都幾高級，好似一塊好厚嘅圓朱古力磚，上面一球朱古力雪糕，朱古力慕絲嘅質地有啲實但係入口非常之滑，可可粉味道非常之香濃，真材實料!配埋雪糕一齊食，小小濕潤口感更佳！👍而我最期待嘅芒果拿破崙（$64）大概等左20分鐘，可能即焗即製的關係，一嚟到當然俾佢上面畫嘅V煞面具pepe吸引！真心超靚囉！😍😍😍💪😤淨係睇住都非常之賞心悅目，背景佢仲會播香港嘅國歌同埋一啲鼓勵香港人嘅流行曲，喺呢度食甜品你會覺得好振奮好感動😢💪講返個拿破崙，佢大概有四層，而且每一層嘅酥餅都烤得非常之鬆脆可口👍讚！而且每層中間都

係旺角食完晚餐，梗係要繼續為黃色經濟圈出一份力～Joyful Dessert本身已經好出面，啲野又抵食！😋我叫咗伯爵茶奶凍（$52）入口即時有好香嘅伯爵茶味，味道甜啲，唔會有茶澀味～口感好軟滑，加埋雲尼拿味雪糕幾好！朋友叫咗藍莓拿破侖，除咗藍莓味，仲有芒果味、士多啤梨味、朱古力香蕉味，同埋菠蘿味。賣相好靚，好有心機，一共有三層，每層中間都有啲cream～好鬆脆，一啲都唔會硬身，好好食，亦都唔太甜，啱我口味好食又抵食甜品舖買少見少，香港人要好好珍惜！

➖➖➖旺角。米芝蓮甜品店➖➖➖#黃店 （黃到金 ）飯後甜品推介😍要大力懲罰之前已經有朋友介紹過呢一間甜品店，今日終於經過，係下午嘅時分，人流唔算好多，甜品的確唔錯。。呢間2016-2019獲得米芝蓮甜品店太過分啦1.成間鋪頭都係連儂牆2.私自係甜品畫出大家心聲🙈 (插畫係隨機啊)3.免費請學生食甜品 （第6張相）4.不停播抗爭歌.▪️綠茶🍵心太軟伴雪糕$64▪️士多啤梨拿破崙$64送飲品兩杯.抹茶心太軟有驚喜，雪糕嘅口感好好，好creamy 抹茶有少許回甘，唔算係太濃郁不過切開夠流心拿破崙亦都夠鬆又脆.➖小總結：支持黃店目睹兩檯學生擺低錢就衝出門口🤔原來餐廳請學生食甜品.點知香港學生太可愛❤️佢哋想支持餐廳，唔想白食，所以擺低錢就奪門而出😌..