Joyful Dessert House

營業中

休息中

記得一年多前 tea time 來過，有買一送一優惠。所謂買一送一即買甜品送飲品。估唔到而家仲有呢個優惠，不過已經係三點半，而我地book 左晚上六點食好西，所以唔想食咁多，怕晚飯太早食唔落。我地係店外睇左一陣，兩個人食兩個甜品再加兩杯野飲實在too heavy ! 正猶豫之際，有個老闆定店員係門口，於是膽粗粗問下可唔可以叫一份餐。佢話可以呢！因為唔係夜晚Peak hour! 咁先係做生意ma! 外子叫左紫薯葩菲，賣相很美，甜度也適中，不過略嫌cream 太多。非常香的紫薯送飲品只限$36 以內，補左$4 差價要左荔枝沙冰，唔太冰，合我心意。

中秋節一家人本應開開心心食飯媽咪好鐘意食甜品，所以食完飯，都會入甜品店嘅一行6人，侍應已經話買6送2, 我地就話食唔到咁多，之後佢地就改口話買3送1都得架！好啦，坐入去，舖入面其實得一枱人，我地本身想坐張大啲嘅枱，咁個侍應話得一張大枱，叫我地坐返張6人枱。咁好啦，我地坐返去6人枱，之後就叫左4個甜品，因為之前侍應話可買3送1叫左4個之後，侍應又走埋黎話要多過人頭嘅甜品先有得送。好！冇得送唔緊要，我話咁我地唔洗送喇，照要4個啦，我地可以照俾錢，好啦，侍應又再返黎話，有最低消費，要我地一係叫多2杯飲品。。。其實呢，有最低消費係冇問題，一開始同我地講又得，同埋呢個買3送1根本就用唔到我地身上，成個感覺真係好差！仲要推個侍應岀黎話自己中秋呢日先返工，所以唔熟，咪玩啦，買3送1根本就唔係呢個侍應講！最後我地起身走，取消order!

見到呢間openrice評價相當高，仲要喺米芝蓮店，所以食完晚飯就過黎食甜品。位置就喺he she eat轉角，附近有好多間甜品店對手。可能因為過黎嘅時間尚早，啱啱係晚飯時間8點左右，唔使等位就入到去，但其實都算full，可見呢間係受歡迎嘅～都係叫左3個甜品share。第一個係earl grey奶凍：雪糕冇咩好講，但奶凍好食奶味重，earl grey味唔會太搶，兩者好夾，又唔會太甜。係最推薦嘅一款甜品。另外係因為店家推薦而嗌嘅芭菲。食完飯再食佢都相當有罪惡感，因為係焦糖口味一定會偏甜少少，但可以接受，啫喱味道都唔會假，一定要撈混食。呢個都唔錯完全明白點解會係推薦餐單。其實呢味都唔差，但平心而論同其他鋪頭食到嘅冇咩分別，冇咩特色，對綠茶情有獨鍾嘅人都可以試下嘅。埋單180，人均60唔算平，但有番咁上下質素嘅。

係旺角行街行到攰 邊度有坐得耐嘅甜品舖？係黑布街呢間就岩哂啦。星期六下午茶時段都吾駛等位，叫一個甜品仲送指定飲品添。岩哂同fd吹水用。本身係朱古力控 想叫mr.black，點知話未凝固好，冇得食😢跟住勉強揀左👑菠蘿金寶配燒菠蘿加雪糕(~$65)♥️點知好驚喜啊 賣相吸引 好香燒菠蘿味♥️燒菠蘿啲香味仲融入左係上面嘅雲呢拿雪糕度 連埋個雪糕一齊食 一冷一熱都好有層次感👍🏻👍🏻蘋果金寶就食得多 菠蘿金寶都好正 有啖啖菠蘿肉仲有好香肉桂味 值得推介😘😘飲品：青蘋果梳打就一般青蘋果糖漿溝出黎嘅味🤦🏼‍♀️下次會再黎食甜品的 飲品就不用送我了😂

我地total 4個人,, 咁見到menu話嗌3送1先入去,, 但係入到去之後佢話我地因為係4個人 所以買4先送1,, 話係計人頭.. 雖然話係因為有人頭費,, 但係真係覺得有d fake,, 不過見坐低咗就算。甜品覺得好一般。伯爵茶奶凍無咩伯爵茶味,, 好milk ge... 但係如果係咁我不如嗌原味... 益力多棉花冰.. 都係益力多味唔夠lo...梳乎里ok ge,, 好air,, 好梳乎,, 不過又未至於去到食完會意猶未盡ge feel。菠蘿crunch個個都唔錯ge,, 都叫厚切,,紫薯waffle係全枱我地一致認為最好個碟嚟ga la,, 夠紫薯味。不過個雪糕好似係香芋(?) 個waffle其實我覺得一般,, 因為我中意食脆d ge,, 我覺得佢唔夠脆。另外一間ge waffle我會中意doverall嚟講,, 可能因為坐低咗之後見到佢個優惠咁狡猾已經覺得心情麻麻,, 甜品又唔係話特別好味 比較一般,, 我諗我都唔會再食le間。

今晚本來是高高興興同屋企人去大吃大喝的，點知食嗰間烤雞店食到一肚氣兼唔飽😡。半吊的胃點算好呢？！好彩我地心中經常袋定十間八間餐廳wishlist 😏。今晚係旺角，所以即時想起最近成日經過嘅呢間米芝蓮推介甜品店。YEAH! 可能我地嚟嘅時間尚早(晚上七點幾) ，所以店內人唔算多。啱哂，我地可以舒舒服服嘆甜品。今晚由我同姨甥仔發板，(話我兩個最為食喎🤭😝) 。嚟到呢度，芒果拿破崙蛋糕就係必點架啦，姨甥就揀左薑汁梳乎厘。另外我再點左燒菠蘿雪葩，姨甥再點伯爵茶奶凍😋😋😋。佢地嘅甜品份量都幾大架喎，好彩我地有四個人share啫。芒果拿破崙蛋糕好好味，酥餅好有牛油香而且好酥脆，但層層分明又唔會一咬就粉碎👍，custard cream吱成花型賣相特別靚，不過食起上嚟因為個餅太高就有啲唔方便，但都無損佢嘅美味嘅😝。薑汁梳乎厘好夠薑味，質地夠鬆軟，最好係佢點縮倒塌嘅時間夠長，足夠我影幾相打咭相囉😜😜😜。我好鍾意呢個燒菠蘿，因為用左焦糖包住再燒脆，菠蘿嘅微酸味同焦糖膠味相當夾，而個雪葩就夠哂清新，不過分量好大，好似食極都仲有😅。伯爵茶奶凍偏結實，但伯爵茶味非常突出，如果奶嘅比例再多啲唔知會唔會再滑啲呢🤔？

晚飯早左食，行街買多小小野，兩個人仔就即刻甜品上腦，唉點減肥呀仲要有芭非杯，omg 叫啦。芒果七彩椰果芭非個雪糕芒果味重，唔係d 雪糕品牌買番黎，佢有椰果一齊食，口感好好，中間有層芒果布甸，第一次食有布甸，好正，有芒果肉係裏面宇冶金時杯Green tea 雪糕幾香，佢中間d cream 好滑，中間層朱古力粒好親，最後撈埋d 粟米片好正

和友人吃完晚飯, 想吃吃甜品, 但旺角幾乎家家甜品店都是人龍, 準備放棄之際，看到一間甜品店沒有太多人在等, 便決定試試。行近才看到原來這是一家米之蓮的店!!!便點了最出名的其中兩樣甜品，綠茶心太軟和燒菠蘿雪葩。綠茶心太軟真的很好食!蛋糕同流心嘅綠茶味好香而且綠茶粉唔苦同唔澀。蛋糕甜度適中(本人不喜歡太甜)至於燒菠蘿雪葩, 需然都是出名的甜品之一，但是整體有點遜色。首先燒菠蘿很酸,然後那個雪葩很多冰, 融掉後水汪汪......整體來說, 綠茶心太軟是值得一試，至於燒菠蘿雪葩就頗為失望。

剛在附近晚餐後，一行朋友想找甜品店繼續第二攤。由於太飽，我就點了看上去不會很膩的燒菠蘿雪葩，其實看名字也不知道是什麼來。首先，店面裝潢很少女，進去燈光讓人很舒服地聊天。我的甜品來到後，整塊燒菠蘿鋪在面，而下層是類似菠蘿冰的甜品，但融化速度快過我吃的，所以很快就變成一攤水，我朋友試食覺得酸，我還好，但燒菠蘿是甜的，所以併在一起是酸酸甜甜，但我不是太喜歡這甜品。

好耐冇同老婆撐下枱腳食下甜品，襯住出開街就嚟左試下呢間出左名星級嘅甜品店因為我地都想食心太軟，所以就一人揀一隻味，我就揀左個綠茶心太軟+雪糕，老婆就要左個紫薯心太軟加雪糕2款心太軟都好好味，如果唔係已經食飽就真係想叫多款甜品試下老婆話好味，下次都要再嚟食甜品

🍵 宇治金時芭菲（$64)其實Joyful Dessert House都唔係第一次嚟食，上次試過銅鑼灣分店，今次都試吓旺角分店水準如何。叫咗宇治金時芭菲，芭菲杯嘅層次好多，有抹茶雪糕、抹茶cream、紅豆蓉、脆米同抹茶啫喱等等，雪糕質地似土耳其雪糕，黏度好高，喺出面好難食到，紅荳蓉非常香甜，整體唔錯。🍍菠蘿拿破崙 （$64)夏天又係食熱帶水果既季節，又點少得食菠蘿！🍍🍍菠蘿味嘅拿破崙你又食過未？估唔到味道竟然出奇地match！菠蘿熟成度啱啱好，勁香甜，酥皮焗到好香脆，配埋雪糕好消暑！下午茶時間仲可以免費送一杯$36嘅飲品，勁抵食！

食完晚飯就搵地方食甜品，上網search到呢間見到係米芝蓮推介餐廳後就決定試下最鍾意d 甜品舖既menu 有晒所有甜品既相，咁就可以真正揀啱自己想食既野同埋睇下邊款最靚最特別今期推介係用新鮮菠蘿整既甜品，如果唔鍾意食菠蘿，都仲有好多其他選擇，仲要款款都好吸引我揀左菠蘿金寶拼菠蘿扒伴雪糕$64一拎上枱勁靚啊，大大塊菠蘿片上面仲有燒過脆卜卜既焦糖，咬落去多重感覺，看似簡單但味道好特別！隔離果個菠蘿金寶都一樣正，而且好足料，入面勁多菠蘿粒，又唔會話好甜仲叫左綠茶心太軟伴雪糕$64坊間d 甜品舖通常都係朱古力味心太軟，但呢間有綠茶味同紫薯味。心太軟外脆內軟，綠茶味濃郁，而且仲好流心添，配埋個綠茶雪糕一齊食真係好味到不得了

今日食完飯同朋友係旺角行街，諗住買返對波鞋，不過波鞋就買唔到啦，唯有去食個甜品啦。其實都知左呢間米芝蓮推介嘅甜品店好耐，不過未有機會試過，今日就試一試。紫薯心太軟伴雪糕黎得呢度，都要試下招牌心太軟，因為比較鐘意食紫薯，所以都唔洗點揀，就食佢啦。甜品黎到，賣相非常靚，仲配上我鐘意嘅士多啤梨雪糕，十分美好。心太軟做得好好，外層非常香脆，但一切開，紫薯漿嘅味道即刻湧出黎，流到成碟係。紫薯味非常濃郁，果然不負米芝蓮推介之名。非常出色的甜品店，希望可以一直保持呢個水準。

平時喺旺角食糖水都會行去好景商場後面個條街搵。😗 差唔多都食過晒😂，所以今次行遠啲去咗黑布街搵😤。 真係有新發現😳，嗰陣係high tea時間，見到佢有下午茶優惠🤔，叫甜品會送一杯野飲，又見到佢環境幾好，又有米之蓮推介 ，所以就入咗去試吓😝。下午茶時間入邊都幾多人，8成full。入面啲甜品好靚😍，味道種類亦都好特別👍🏼。有一頁成頁都係菠蘿味道😂，可惜我唔鍾意食紫薯，我見到一個紫薯心太軟。我最鍾意食抹茶，梗係叫咗個抺茶心太軟🤤。之後仲叫咗個芒果拿破崙，😏因為呢一個好似係好受歡迎嘅甜品之一。抺茶心太軟煮得啱啱好👍🏼，一拮落去啲抺茶醬流晒出嚟。附上左紅豆同綠茶雪糕。至於個芒果拿破崙😍真係好正。芒果好新鮮唔酸好甜嘅。👍🏼拿破崙啲酥皮好脆唔油，一啖咬落去有吉士、有酥皮、有芒果，口感一流，好有層次👍🏼。飲品方面我叫咗個熱抺茶牛奶同柑桔檸檬梳打。熱左嘅牛奶好甜再加埋少少苦嘅抺茶好味道。👍🏼下次夜晚食糖水嘅時候，等我行遠啲去呢間睇下多唔多人先😂

食完晚餐就去咗食甜品，去咗黑布街嗰邊搵嘅食，好彩我哋早入去有位坐價錢大約都係五六十蚊左右，我同老公一人點左一個甜品綠茶心太軟配綠茶雪糕，旁邊仲有一啲紅豆，心太軟切開一半，有綠茶流心，本身仲以為會好甜，點知又唔會喎，甜度啱啱好，而且仲食到有茶嘅甘香，帶點苦澀味，但係我鍾意，唔會剩係得一個甜字，旁邊嘅雪糕溶得比較快，撈埋旁邊嘅紅豆黎食有幾夾喎梳乎厘配曲奇味雪糕，梳乎厘有好香嘅蛋白味，食落口感豐富，好鬆軟，味道唔會太甜，曲奇味雪糕係比綠茶雪糕細舊一啲，但係溶得冇咁快，我估係兩種唔同嘅雪糕嚟嘅值得一讚嘅係呢度嘅甜品真係唔會太甜，下次再黎食