Jumbo Cafe (已結業)

作為大埔人真係好幸福，因為大埔實在太多好嘢食！上次經過， 已經見到對面有間新開嘅西餐相當吸引，今日見有時間就即刻行過去試吓。餐廳環境相當有格調，歐洲風格，同女朋友把酒談歡一流。重點係佢哋嘅生啤好抵飲，一pint都係＄38！要幾多round都唔怕~今晚一於不醉無歸。先叫兩個小食送下酒，炭燒豬頸肉，外脆內juicy，而且係薄切，香口得來唔會太油膩。水牛城雞翼夠香辣入味， 配埋藍芝士醬，我呢啲鍾意重口味嘅人啱晒。飲到咁上下就入返正題食晚飯，set dinner 都有10款咁多，我哋一人叫一個，分別係頂級安格斯牛肉芝士漢堡，同炭燒澳洲安格斯西冷牛扒。今日嘅餐湯係大蒜薯蓉湯，味道香濃而且好滑，高水準喎。聽落材料簡單但原來一問之下，侍應話係要先將蒜頭焗過，然之後先至再同其他材料打到細碎再煮！工序一絲不苟難怪咁好飲。我嘅漢堡先上，外表平實，但一食落去就知道牛肉真才實料！牛肉味香濃肉汁多到不得了！值得一提嘅係薯條，連皮嘅新薯即叫即炸，熱辣辣脆卜卜，而且廚師加左辣粉調味，好食到停唔到口一條接一條。澳洲安格斯西冷扒擺盤相當靚仔，睇見都流口水。澳洲牛扒雖然冇美國牛扒咁重脂香，不過相對冇咁肥膩而且肉味夠重，炭

終於同男友跳出元朗去到大埔搵下有咩好食Cafe星期六Lunch hour 泊好車經過Jumbo Cafe 見到入面都幾闊落 Menu 上的野食都好吸引決定同男友一試餐廳的員工都好nice知道我地有選擇困難症 特登recommend 我地食邊幾款我地最後決定點份炭燒澳洲安格斯西冷＋藍蟹肉煙三文魚意大利飯Set Lunch 都包湯＋飲品／是日甜品先黎餐包＋蕃茄忌廉湯如果鍾意蕃茄湯的人一定會一試愛上忌廉中和了蕃茄的酸味《炭燒澳洲安格斯西冷扒》點了5成的西冷扒加上薯條兩邊煎香的牛扒加上有口感的西冷既保留肉汁又不會靭份量剛剛好《藍蟹肉煙三文魚意大利飯》男友最愛煙三文魚藍蟹肉＋煙三文魚的配搭滿不錯藍蟹肉不腥，三文魚入口滑嫩淡淡的芝士香味意大利飯清淡不膩《朱古力奶昔》不得不提Jumbo Café 的飲品滿有驚喜竟然有朱古力奶昔有淡淡的雲尼拿加朱古力味道最重要是不太甜《芒果沙冰》夏日最岩飲杯SMOOTHIE 酸酸甜甜的芒果沙冰既解膩又沒有奶昔帶來的罪惡感冰冰涼涼很滿足

上星期是我的生日週~~同事都好好，請我LUNCH。大埔的午餐都有很多選擇，這次去了一間比較坐得舒服，而且高檔少少的西式Cafe，一試食物質素！！ 我們一行三人，兩個點了F，一個點了B！ 午餐可以配湯或沙律~ 湯原來每日都不一樣，是次是南瓜湯，很濃味，不稀！ 沙律都是每日變化的~~睇大家的運氣了！ 頂級安格斯牛肉芝士漢堡！！ 份量是多的~而且感覺已經盡量健康，都抵讚！ 安格斯牛肉很有汁，處理得不錯！ 出奇地...個包好好味^^。 薯條很有內涵，不是真空的~HAHA！ 外脆內軟~GOOD！ 香煎黑豚豬扒燒汁配白飯~~就咁睇似牛扒。 黑豚豬扒很易入口，應該之前的功夫做得足，個汁好好味~哈哈！ 整體食物質素都是好的，當然，LUNCH付這個價錢(在大埔)就是要這樣質素~~ PS: 朋友買了蛋糕幫我慶祝，點知原來另外收了$50元....有點貴=.="   

同朋友經開見新開張試試環境舒服👍🏻地方唔錯牛扒🐃同🍔漢堡都正👍🏻仲有酒飲🍾🍹🍻🥂👭👭對一班人聚會傾計都好好老闆又出嚟問下意見👍🏻服務態度都好好聽老闆話有VIP 房仲可以包房👏🏻👍🏻👍🏻地點不錯🎉🎉下一次會再嚟食價錢平👍🏻大埔聚會平正地點推介🎉🎉🎉🎉🎉🎉🎉🎉🎉🎉🎉👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻⭐️⭐️⭐️⭐️⭐️⭐️⭐️⭐️⭐️⭐️⭐️