Just Café (已結業)

今日去三聯睇書 發現三樓原來有間cafe除咗供應咖啡飲品 仲會有意粉多士等等嘅小食5點左右去幫襯店員提醒六點就收鋪我叫咗杯ice latte 陪伴住我仲有幾本書呢度環境非常寧靜 座位都坐得舒服非常享受咁渡過左一個下午講返咖啡 奶味唔算香濃溶埋啲冰 飲落就偏淡口食物嘅質素感覺一般般不過叫做環境搭救 換來舒服嘅閱讀體驗

呢間係系鬧市中既樓上cafe，位置比較唔顯眼，不過入到店內就有驚喜，入面以木做主題，配以休閑背景音樂，好有田園感覺，好舒服。今次就叫左一個All Day Breakfast 、流心蛋芝士toast同埋一杯香蕉味飲品，特別推介係個toast！切開流心蛋汁加埋芝士香，配搭一流，下次再去都會叫多次黎食！嗰日唔算太多人，所以唔洗要急急腳食完就讓枱比下個人，可以慢慢好優閒咁食嘢，同埋同朋友談心！真心做到好chill既感覺！

第一次知道原來三聯入面會有cafe，於是就走去試下，依間Cafe 係喺三聯嘅頂樓（即是三樓），頂樓嘅人流唔多，所以即使open area 較多都唔會令人唔舒服🤓-但係cafe 嘅menu 選擇較少，午餐得3個選擇，我叫咗個黑松露雞胸意大利麵+凍紅茶($88)-落完order好快就整好，個意粉好香黑松露味，但係食落口就略嫌比較清淡，但係就突顯到雞胸烹調得啱啱好，好軟熟，配上大量菇嘅香氣，令到清淡嘅意粉香氣十足，又有唔同嘅口感，所以非常適合口味清淡啲人，食到每種食材嘅原味道🤤👍🏻如果真係怕太淡都仲可以加其他調味料，例如tabasco、茄汁等等😆-而杯凍紅茶都幾夠香，不過我諗嚟依到叫咖啡會好過叫紅茶🤣🤣-整體而言，成餐都好有文青、簡約嘅感覺，行書局行到攰值得入嚟坐吓😋

如果買書的話，我現在較多會選擇某台灣連鎖書店。在本地連鎖書店裏面用餐，實在是逼不得已的事。位於書店三樓的咖啡店空間不大，這天時間緊逼很快挑了一份煙鴨胸扁意粉和手冲咖啡。意粉一般，番茄味很濃，手冲的咖啡豆來自秘魯。#灣仔 #WanChai #PourOver #HandDrip #咖啡經濟圈 #cafehopping #hkcafe #cafehk #hkcoffee #coffeehk #hkcafehopping #cafehoppinghk

當日諗住而家限聚令放寬咗四人一枱，去到亦都見到餐廳有2張二人枱拍埋一齊，中間無膠板，所以就坐落去。但之後店員就要我哋二人一枱，話因為餐廳不做晚市，所以仍然要二人一枱餐廳係喺書店入面，要行樓梯行到三樓。環境清靜，所以我哋傾計都唔敢太大聲食物選擇方面，只得三個選擇，因為整個餐廳就只得2個人，一個煮，另一個就收銀同煮，做到踢晒腳。另一方面，餐廳只收現金，如果唔夠現金又要踩3層樓梯去撳機我嗌咗All Day breakfast，每樣食物都不過不失，但沒什麼特別，如果有薯餅，厚多士等特別食材會更吸引最後，餐廳都係要客人去自助區攞餐具，杯同水。在疫情期間感覺不太良好，希望可以喺取餐時由員工派發會更好

和好友們匆匆見個面，找了個最近地鐵站的餐廳。catch up 為主，原打算快食一頓，加上網上對這餐廳的評價好壞參半，對食物沒抱有多大期望。想不到有驚喜 一出灣仔地鐵站往左看就見到這書店。這餐廳則藏身於書店中的第三層。餐廳不大，有一排對著街外靠窗的位置。看著街上人來人往的路人，更感受到此刻的悠閑感。•餐牌只有簡單的一張紙，只有三個選擇，連上額外的today special，也只有四個choices，不用多想，即使選不到用剔除法也能知道點什麼。雞柳蕃茄乾意大利麵 $78 with hot coffee 份量不少，賣相吸引，紅彤彤的蕃茄汁看起來令人垂涎🤤 味道不過不失，稍嫌雞柳太少有點寡口味道雖沒有什麼驚喜，但這價錢來說又合理至少醬汁足夠又夠濃郁，Lunch來說合格。•all day breakfast $98 朋友點了全日早餐，絕對是一個令人打起精神的賣相。材料豐富，友人讚口不絕，大家可以試試。menu for ref:-

返工日日用腦，難得weekend 放下假梗系想俾個腦放鬆下咩都唔諗，好耐冇睇過書，本身諗住去誠品，但係諗諗吓覺得太多人，最後去咗三聯書局打下書釘睇得書耐少少攰買咗幾本書有收穫，行咗去頂樓間Cafe諗住杯野坐下，順便睇吓頭先買嘅書<Waterlemon Juice$30>本身諗住食件cafe ，飲杯果汁，再睇下書chill 下點知雪櫃得番件藍莓芝士蛋糕，賣相唔系好吸引就放棄左lu~~叫左枝西瓜汁飲，味道普普通通，不過三十蚊可以hea 下都好he

唔講唔知原來依度既三聯書局最頂層...係有間coffee shop 㗎☕️人少少又寧靜🤫坐係度一邊食一邊同朋友傾左半個下午...-正值下午茶時間～點左一個lunch set同一個tea set😛煙三文魚白菌意大利麵🍝$88（配一杯mocha latte🍵$20)，士多啤梨奇異果窩夫🧇half $58( 配一杯cafe latte ☕️$20)-意大利麵都算大碟，配料亦都好足，雜菌有大亦有細，都幾爽口（大舊口感唔錯）煙三文魚切碎左，不過都唔差👍 意大利麵有嚼勁（個人幾喜歡麵身偏硬質少少）而且裡面加左少少檸檬汁，感覺幾開胃😋（整體覺得幾好食）-窩夫比較重麥味，蛋味唔太重，比較實少少（採用既麵粉可能有啲唔同）不過配埋水果忌廉一齊食，感覺ok😋記得趁熱食～-兩杯飲品都唔甜👍拉花唔差～cafe latte 香滑不過唔算太重咖啡（可能奶嘅份量多咗啲）mocha latte 就覺得一般...完全覺得好似飲緊牛奶🥛😂（牛奶味極重）抹茶味超淡...只係輕輕帶過你嘅味蕾😶P.S. 食物種類選擇唔多🤓不過就好岩坐喺度享受下寧靜嘅獨處時間

喺市區嘅大型書店，依家已經真係買少見少。好似灣仔呢間有三層樓高嘅三聯已經唔多。有時想靜靜地睇下書飲杯野，三樓嘅cafe係一個唔錯嘅選擇！如果要講價錢的話，一個茶包一壺水40幾蚊，就一定唔抵㗎啦。不過有個地方俾你舒舒服服，花一個下午黎睇下書，chill下，算係咁啦。有時唔係下下都要計住個性價比嘅😬另外，見隔離枱食意粉同沙律，賣相都唔錯喎，見到餐牌意粉都係$52，唔算貴，加野飲會有discount，下次會想再黎試下。

因為約了好友，估計“三個女人一個墟”——有排傾，所以上OpenRice search了一下附近的樓上cafe，最主要的是可以坐久點，慢慢聊。Just cafe很近地鐵站，三個女人都很就腳。具體位置在地鐵對面的三聯書店三樓，扮文藝的地方，我們也會斯文一點哦～始終是間cafe shop，還把名字說得很有意思：Just cafe！可是我們偏偏要在這裡用餐，還好，餐單方面可以有cake 、多士和意粉，三個惡鬼，當然要來一份意粉。要先點餐結帳，之後會有員工送餐。不過這裡的員工都比較unfriendly，WiFi past world 要開口問，也沒有好好說是怎麼連，甚至有點不耐煩，但另一邊則跟同事不停聊，很扣分。點完餐後，除了坐下等餐到，其他的叉子匙羹紙巾要自己取，也可以自己倒水喝。我點了個番茄汁蝦肉意粉，普普通通，份量真的很輕盈，蝦很大顆，尚算爽口。兩個朋友都是叫巴馬火腿卡邦利意粉，據說不僅僅火腿鹹，連意粉也很鹹，不太可取。要想促膝長談，免不了要一杯飲料補一補口水。不過三個女人都怕午間咖啡、晚間失眠，所以雖然這裡名叫Just Cafe，我們還是肆意要喝別的——也有提供嘛！的——也有提供嘛！可惜

宜家好多地方都開咗cafe，就連三聯書店都開咗間just cafe灣仔食lunch平時周圍都好多人，心諗如果去呢啲cafe應該會相對地容易搵位，跟住就相約朋友一齊喺呢度lunchjust cafe位於三月聯書店3樓，行到上去已經充滿書卷味，有文青嘅味道去到的確唔係好多人，而且坐得幾寬敞，幾relax幾舒服嘅~午市餐牌選擇唔算多，而且定價偏貴。午市一個主菜包沙律或湯，並冇飲品，加配飲品最少要20蚊朋友嗌左黑松露螺絲粉，黑松露就咁放上螺絲粉上面，淡而無味，味道強差人意完全唔值98蚊呢個價錢我叫咗牛油果煙三文魚法包，呢個望落賣相ok，三文魚都算大塊，但係食落去味道一般，唔算好突出， 88蚊都唔值。午餐包餐湯或沙律，我同朋友每人叫咗一個。是日餐湯係菠菜湯。菠菜湯都算足料，味道唔錯，呢個反而係今餐最好嘅。麵包超級硬，硬到好似石頭咁，超差沙律菜都新鮮，但係唔叫好食。呢個價錢咁嘅食物質素真係唔會再去

🥘黑松露白菌牛肝菌汁螺絲粉（$98 包沙律/餐湯）份量好多而且味道唔錯⋯但價錢較貴🐥☕️Flat white(加$25）拉花係咪失敗左🤣以前我明明唔飲咖啡，但而家番工既日子唔飲好眼訓🤦🏼‍♀️

位於灣仔三聯書店入邊嘅一間咖啡室。叫左個西西里汁蝦肉意粉$52，一杯latte。其實喺度食嘢都好地地，客人唔多，係書店入邊夠曬靜，啱晒買完書上黎一邊坐一邊飲咖啡。不過對客人嘅態度可以好啲囉！唔知點解同佢買野好似得罪佢咁，我比錢消費咖喎，唔想做不如唔好做啦cashier哥哥。

幾星期前的週六上去，先付款落Order，都感覺男店員語調不太友善，在我後面有位女士只是問多一句半句，其實那位女顧客並没有麻煩他，不知何故，男店員語氣上都表現得很不耐煩，我也完全不明白，可能覺得我們阻礙他與同事閒聊，我也為那位女士不值，幸好那位女士很有修養和謙卑，没有表現出有半點不滿，比著其他人隨時鬧返佢轉頭。最過份是之後有位西人女子幫襯，他即刻態度大轉，用返正常禮貌語氣招呼。

星期日黃昏幫襯買了一樽椰子水，坐低想靜靜地睇下書，不幸那兩位店員卻大聲傾偈，尤其嗰位女嘅，粗聲粗氣，呼呼喝喝另外嗰位男店員，完全破壞哂書局應有嘅寧靜氣氛， 似大排檔多啲！！