Just Salad (已結業)

一邊吃. 一邊覺得自己好健康Salad的配料好好好好多懶得逐樣選...於是叫了pre-set的 Sesame Grain Salad. 好大碗d菜好新鮮. 不過雞肉有點硬. 個汁唔錯. 好清新醒胃. 吃完了...牙有點...Salad中有些粗糧 (好似係小麥). 咬下咬下幾特別. 唔錯的下次要自選...有好多種芝士..火腿..豆類..中環超健康之選.最好食完Burger黎食

上星期因為想食其他東西而沒有食菜，再加上今晚會食勁(油膩)野(請留意下篇食評)，所以 今日lunch 時先為自己腸胃打好個底!因為要擁有健康身體，我維持了一星期要食2次菜的習慣已有一段日子，雖然過去兩星期有d behind, 但我會繼續努力!我每次都選擇自選 salad，因為我可以選我自己鐘意食既野，而且價錢會平d，當然自選 salad 通常都無肉，我自己亦吾會額外加，除左海鮮外，不過好少咁做，因為通常加 $10 但係比兩粒帶子仔或者三隻蝦仔，真係好吾抵，所以我通常加三文魚，起碼大0舊d嗎!其實佢地d野都好新鮮，無論 dressing 或者 toppings 都有 label 那日開始用，咁先可以 keep 到個 quality! my salad bowl today:雜錦沙律葉羅文生菜牛油果蛋白大烤菇 西柚杏仁露荀很豪地加了三文魚配上和風柚子醬油 (yuzu)個配搭超正! 其實頭5樣野我每次係必叫，因為我鐘意食，我亦都想同其他會員分享一個個人小經驗，係關於 dressing 配搭，用我今日個 bowl 為例，西柚是酸的，如果再配甜 dressing (eg raspberry v

雜錦沙律葉,三文魚,飛碟瓜,小紅莓,小麥,青瓜+檸檬味醋汁健康之選*因每個料都係對身體好好~~又補充到營養~當然包括埋個汁*好味~~所有野都好fresh好match~~大碗,,絕不少料~~係值架個價*令我下次都仲想再食

一向都未能食素，很難想像自己會走進這類以吃沙律作selling point的食肆先前在Pro-burger做了一輪食肉獸，還不太夠飽，走到閣麟街內看到這店，大家提議吃些菜蔬中和一下，心想吃碗沙律清清腸胃也好，就走了進去....這兒的沙律配料及dressing選擇多得尤如繁星，看得人頭都昏掉。橫豎目的只是吃菜，那就不用太講究了。隨便在selection menu揀了一個叫Texas Two Step的，轉身就走到樓上雅座等吃....好碩大的一份沙律，似乎對一個正常OL的食量來說是overloaded了，對於已吃過angus beef burger的我，就更是有點力有不逮一個沙律裏頭有羅馬生菜、黑豆粟米、燒紅甜椒、青椒、roasted chicken及chedder cheese，斤両可真是十足十。一向對沙律沒有甚麼研究，不是太懂得分辨好吃與否。只知可能是跡近收舖時候，菜蔬好像有點不太新鮮；雞倒是挺夠味道；車打芝士份量足也很味濃....反而沒有走入鏡頭的蕃茄湯就很好喝 ---- 味甜亦夠濃稠，出色.....用匙义吃着吃着，霎時覺得自己很像一些食草動物似的

中環有好多好啱上班一族食既快餐，但係好多都係多肉少菜，不過食呢間一定唔會喇。由於太多配料俾你揀既關係，都係叫佢既set比較方便。叫左香草烤燒沙律(紅酒醋)同Turkey Club Salad(lemon sauce)，一間小小既店，竟然都有成6-7人serve你(切菜都兩個人!)，唔怪得要賣咁貴。紅酒醋真係有少少紅酒味，加上大量既蔬菜，真係好醒胃。個人認為香草雞沙律既蔬菜配得比較好，相反tukey club沙律就太多cheese，食完都好滯。唔好以為淨食菜會唔飽，個日我食完夜晚都唔覺餓! 雖然佢個形象好健康咁，但係就用左個好唔環保既膠盒(如果下次幫襯用返呢個盒，可以減$10架)同膠袋!唔好以為食菜好平，成$55一個沙律架!

一直想試這間的沙拉，不過時間總是遷就不了。這天終於可以一試了。我們選擇了自選的沙拉，選擇了兩種菜，分別是火箭菜和羅馬生菜，topping選了柚子、菠蘿、蘑菇，醬汁就選了檸檬香醋汁。選好了材料之後，店員就切呀切呀，看著一碗滿滿的沙拉完成了，十分歡喜。菜十分新鮮，吃起來十分爽脆，而配料的柚子很多汁，又是不錯。唯一覺得醬汁太少了，而且味道有點淡，可能是切合健康的緣故吧。另外加錢點了一個湯，味道和份量都不太值$15。吃完還有紀念品，就是裝沙拉的碗，下次再來可以有兩樣free topping呢。

當日午飯，去了JUST Salad 買 take away ，在那裡，你可以叫特定了的salad set，亦可以買一兜自選沙律，那我就試了"自選"。點知，"自選"選了一個"苦的配搭"。自選錯沙律:火箭菜，雜錦生菜，加橄欖，非洲小米，扭扭粉，配牛油果醬汁。終體是"成兜苦菜"。另外，我嫌他們把菜料切得太細小了，好像完全失去了蔬菜的咬口和爽脆感。蔬菜的新鮮度又比同類型競爭者為低。但是，我要真讚一下他們的餐湯，那天是"蘋果洋蔥湯"，有蘋果的醒神酸味，又有洋蔥的香味。喝了整個人都舒服晒!所以比個ok佢!沙律hk$45湯hk$15

經過justsalad數次...今天終於有機會一試...事實上本人甚愛食沙律...尤其是加醋的那一種...可惜今次亦帶著一點失望離開...我要了一個自選沙律...材料包括: greeen :羅馬生菜 - 新鮮, 剪碎後仍然爽口雜錦沙律菜 - 新鮮, 紅色的那一種不太苦,還不錯toppings:洋薊心 - 不太感覺到它的存在....露筍 - 味道太淡...比dressing的酸味掩蓋了那種筍應有的清新...但由於爽口...仍可接受西柚 - 令沙律更清新,微酸帶點苦,不錯,有"調"味的作用紅菜頭 - 應該是帶點甜味及"土"味...不過這裏的紅菜頭卻太酸...dressing:紅酒醋 - 不是"靚"的紅酒醋...只有酸而不香...很失敗平心而論...食物是新鮮的...不過質素不是太高...有待改善....服務方面更差...收銀的女職員可能見人少就走了過去沙律製作部的那一邊傾計...之後當我問白蘑菇及大烤菇的分別時...2個女職員(其中1個是收銀的女職員)竟然互望打眼色...好不耐煩的樣子...之後收錢時亦覺甚不耐煩...態度極差...我相信"今時今日(海嘯下)咁既服務真係唔得"...FYI

懶，於是，雖然有好幾廿百款食材選擇，也只在pre-set的沙拉款式上作選擇。點了「Immunity XX」（忘了）：雜菜、三文魚、小麥、青瓜、飛碟瓜、小紅莓，還額外加了巴馬芝士。哎，還以為是煙三文魚哩，好腥哦那舊用保鮮紙包了不知多久的蒸三文魚；第一次吃小麥，很有嚼勁，幾特別；青瓜和飛碟瓜很難吃，而且，那些好明顯是中國翠玉瓜囉；小紅莓下得豪爽，感覺「好像」很健康；最愛的，是那個烤紅椒甜醋沙拉汁，原本是檸檬醋的，幸好轉了，值得試試的；那堆巴馬芝士，雖下了好多，卻因為品質問題，完全沒味，索價十元，好貴。那片可憐的小法包，乾、冷、難吃。總的來說呀也不太特別，但價錢（$65）不合理（雖然挺飽肚）。我們連碗子都歸還了，想是不會再來。店員在超大砍板上「混」沙律，看似有趣，實情是吵耳非常。另，無意中看到它的廚房，唔，衛生不太理想。

過年食到超滯，頂唔順，做隻牛咬下草先。揀左份有雞肉既唔知乜鬼沙律﹖然後就見佢地倒菜倒醬切野，視覺就真係唔錯。捧住個碗到樓上，重話留住個碗，下次可以平d添，玩咩，拎個碗返公司呀﹖上到樓上，噫，環保成咁呀，熱到好似坐係露天位咁。開始趙草，既，可能我真係唔係好識揀，菜就好新鮮，但係醬汁味道好鬼單一，食多兩啖已經有種「下，重有咁多呀﹖」既感覺，同埋切得唔平均，有幾舊芝士好似無掂過咁扔入去。呃，起碼都叫清左腸胃既。

同事一向鍾情沙律, 於是與她來試一試這新店.45元一個沙律, 送一隻碗可以取走. 選了羅馬生菜和雜錦沙律菜兩溝做底, 配料選了粟米, 烤菇, 西芹和西柚. 沙律醬選了紅酒醋. 再加一小塊法飽. 我喜歡它把沙律切碎, 因為吃起來比較方便. 味道沒怎的, 菜亦很新鮮, 但我揀的紅酒醋很酸, 刺激起食慾, 令胃酸增加. 越食越肚餓. 食完的時候很想跑去買個面包吃.於是, 吃完便去光顧美心買了份三文治和維他奶. 要盡快吃個包抵銷胃酸的刺激. 原本來吃沙律想清清地, 估不到最後要吃更多的東西.可能自己不是西方人胃口, 價錢又有點貴. 這店只一試無妨, 再來的機會不大.

連續狂食了兩日後，有點飽飽滯滯的感覺，我提議輕怡一點，食沙律幫助消化，當然幫襯近來人氣沙律店。店內橙橙綠綠的裝潢，十分亮麗奪目，也是我至愛的顏色，倍添親切感。有自選沙律、精選沙律及沙律卷，而自選沙律的款式種類眾多，與同事研究一輪後才下了決定。$45自選沙侓有羅馬生菜、雜錦沙律菜，另揀toppings是菠蘿、橄欖、合桃及黑豆，配紅酒醋，由於大家是減肥中，所以沒有加錢要肉類或芝士。沙律材料切得太碎，失去口感及本身材料的味道，顯得很淡口，每當食到菠蘿及紅酒醋就好興奮，因為點點甜酸味，令到沒味的沙律增添吸引。另有一條加州卷，揀了菠菜味薄餅皮，大大塊的餅皮有淡淡菜香，包住生菜、雞肉、牛油果、蛋白、杏仁配黑醋，又是清新之選。由於餅皮較大，重疊的有部份較為厚身，咬落去時有點費力。店員一步步工序，之後付錢，再上去堂食，所費需時，要有耐性等候，第一次我會貪新鮮好奇，下次再來的話，我都要考慮下。食了一大堆素菜，口腔有點乾乾的，配湯較為適宜，而且到了下晝肚子有點空虛感覺。

入左呢間公司度做之後, 愛上左食"鬼佬"salad...即係菜菜菜0個d...唔係平時0個d 雜果沙律(超多沙律醬)開頭見just salad 開...覺得都几貴...所以一路都無試後來拎到一張減$5 coupon...就去試下啦結果試完之後就停唔到, 而家一個禮拜起碼食2-3次佢d 配料好新鮮, 亦有好多好多選擇...雖然有好多選擇, 但係我懶得諗, 所以次次都叫佢set 好0個d咁我re-use 個bowl, 咁又多兩個toppings...所以都可以試到几多唔同既配搭值得一提既係...1. 叫佢set 好0個d salad 比散叫平2. d salad 有配料唔0岩食? 唔緊要...你出聲就得啦toppings 同dressing 都可以換的...咁當然你將佢改頭換面就唔可能啦...譬如我叫turkey club salad咁, 我可以唔要車打芝士, 轉其他cheese又唔想要佢0個隻dressing, 變左黑醋汁...3. 佢d 蘋果好甜...好好味!!! =)如果佢可以再有多d set 好既沙律就好啦...同埋...佢塊包包其實唔好食...

中環沙律新貴之二去過 Dressed, 自不然要拜訪一(天)橋之隔的 Just Salad。這次有心情自選沙律材料, 就 make my own salad。自創沙律包括 1-2 款沙律菜, 另 4 款基本配料 (多是蔬果類), 另可自費選配其他肉類材料 (由$5-$10不等)。此店沙律吧的基本格局跟 Dressed 差不多, 不同的是座位設在樓上。我選的沙律是:主菜: Argula (火箭菜) + Mesclun (雜錦沙律菜)自選配料: Artichoke Hearts (洋薊心) + Portobello Mushroom (大蘑菇) + Banana Peppers (黃甜辣椒) + Chick Peas (鷹嘴豆) + Jalapeno (墨西哥辣椒) (另加的一種配料+ $5)Dressing: Fresh Lemon Juice (無脂肪, 無碳水化合物, 低鈉) 隨沙律跟麵包一片 (今天的是法包)由頭選到尾, 連揀連切, 都要搞上 5 分鐘的。沙律做好後, 統統放在碗內就食得了!走了上樓上吃, 有電視播著 CNN, 可是樓底不高, 有點壓迫感。評評幾句:法包又凍又硬,

前排腸胃不適..所以想吃沙律...清清腸胃...知道中環開了這間自選材料的沙律店~雖然價錢有點貴...但也和sheep來試試看~店裡有自創沙律和自創沙律卷~我們就每樣各一...一次吃兩種風味...我是牛油果的忠實擁護者...所以必然會選牛油果的...結果就製造了, 羅文生菜, 牛油果, 車厘茄, 燒紅甜椒, 法式麵包粒加帶子配牛油果醬汁的沙律......sheep的配料和我差不多, 只是他選了雞肉和洋蔥芝麻汁的沙律卷...做沙律卷的材料切得較碎...我想是因為方便包著吧...加了牛油果和牛油果醬汁...本來以為會充滿牛油果味...可惜牛油果被切得很小塊...在生菜堆中如果不小心找尋就會吃了也不知道...牛油果醬汁更讓失望...沒有味道的醬汁...更不要說是牛油果味...材料是很新鮮的...感該會是不錯的...可能是我選錯了醬汁吧...幸好sheep的沙律卷挽回了不少分數~味道不錯, 吃上去很健康, 而且洋蔥芝麻汁令沙律卷更美味....P.S. 沙律碗留著下一次再去可以有兩個免費TOPPINGS....感覺上很環保, 就算不會再回來, 碗拿回家還是可以再用呢~