K-Bab Korean Road Food (已結業)

老闆態度好差，員工語氣都好差。明明間鋪入邊咁焗，我哋提議開冷氣。因為真係焗住好唔舒服，點知個員工開咗唔夠20分鐘之後，個老細黑口黑面咁熄咗個冷氣。真係好耐都未見過啲咁差嘅老細，啲食物又差，個石煱飯仲要係凍嘅。啲價錢都唔算平啦，仲要受員工老細啲差嘅態度😢

店舖門口寫有最低消費，每人$38，我哋四人，點三個餐另加飲品共$361，收銀收錢亦覺無問題，但突然廚房有職員大嗌出來，話唔啱數，應該要每人都要叫一個餐計，我哋覺得唔合理，消費金額應已附合要求，當時另有一外藉食客，他看過門口告示英文版本後，亦同意我哋的觀點，爭拗期間，該職員竟出言講，食三百幾蚊，好巴閉咩，如此待客，真不敢恭維，

不指望佢係親子友善餐廳，但係態度真係差到無法形容2大2小(4歲)，首先入去坐低，我地當然會睇餐牌食咩餐牌上大部分平價都打晒交叉不供應，得番100$以上既餐我地睇緊有咩岩小朋友食，前後未夠5分鐘有個呀姐就行過黎話：睇完未，快d出去落單態度極惡劣，問題係店面仲有一半空位都要咁樣催客我地叫左2主菜+1小食+4飲品，佢話小朋友都要收費，一定要再額外叫多一樣我地再拎番Menu埋位睇下加d咩，算數又有另一員工走埋黎收我地menu！成間鋪態度差，食物差，韓國人老闆勁差！好似睇犯咁，仲要不停指鬧員工

近排真係好鐘意食Kimchi 酸酸辣辣咁好過癮☺️凍食又爽 熱食浸湯都好惹味🤩以前唔多食韓國嘢既H先生呢家都食多左😂.不過呢個泡菜湯就真係麻麻地🤨味道偏酸 但唔夠辣 香味都欠奉😞本身睇色水以為都幾濃 但飲落又唔覺😣飯就幾大碗 煮得幾煙韌👍🏻配菜OK 芽菜爽 有麻油味幾香口😬95蚊唔包嘢飲 要另外加🤔位置喺正軒尼詩道灣仔站隔離 都算方便😌真心如果肯俾貴少少附近一定有更好選擇🤭

約左朋友放工去會展睇演唱會，到左灣仔本來揀定食日式拉麵貪佢食得快，到達已七點見拉麵館勁多人排隊，可能個個都係食完去聽歌，唯有放棄去左附近望下有咩食，行行下發現此間韓式餐廳。餐廳唔顯眼場內空間有限坐到三十人，都幾FULL下，見收銀處已有幾個人排隊，此餐廳係先付款才安排入坐，故此排隊時要盡快揀好食咩，餐牌抬頭便見到，圖文並茂清晰可見，選擇幾多感覺地道，短時間要決定食咩真不容易，最終揀左兩款美食試試，總數 $108 唔駛加一價錢實惠。炸醬麵 ($60)我最喜歡多醬野食，所以點左炸醬麵來試試，麵熱辣辣撈起來出晒煙，炸醬勁多鋪滿整碗麵，材料蘿蔔洋蔥青瓜椰菜都見，唯獨醬色深但味道淡有點失望。蒸豬肉餃子（$48）餃子內餡只得豬肉食起來無咩味，要點豉油增加味道。泡菜、芽菜、昆布湯主菜無味反而拌菜味道比較正正常常。

呢日去完動漫展想食少少嘢，醒起往返灣仔地鐵站天橋底必經有間韓國食店🇰🇷，幾年前去完會展都食過，見天氣咁熱☀️廢事再搵食乜，所以就入去了。舖仔細細，綠色牆身貼滿食物相同韓星poster🤣，啲枱櫈擺得好密，但整齊同乾淨嘅，而且冷氣充足。要落咗單先安排入座，但落單個女店員目無表情😐，語氣又麻麻。食物選擇都多種類，但有啲嘢賣哂，例如飯卷無咗呑拿魚等。但留意返食物一啲唔平，最平嘅都由$38起，平均麵食同飯都$6x，又唔包飲品，可能始終喺灣仔區啦，不過唔使加一。我哋叫咗牛肉紫菜包飯🍙($48)、韓國水冷麵($68)同一杯柚子茶($15)。兩樣食物都無乜味道，未到難食，但更加同好食拉唔上。牛肉飯卷無牛肉🐂味，就算入面有蘿蔔等，但咸味酸味都無😑。至於水冷麵，更加係冷麵加冰就完咗，不過佢有啲醋、芥辣同辣醬俾你自己加，加完醋就正常啲嘅，但都係好寡。最好味反而係前菜嘅芽菜同泡菜，但好少。題外話，一個疑似老闆嘅男人應該真係韓國佬嚟，但長期都係鬧緊(用韓文🤣)個女店員應該點做點做，好燥底咁，雖然唔係鬧我，但都覺得好煩😅😅。總括嚟講，真係唔好食，又唔抵食，又無服務，經過就腳都唔使試。完。😶

明明可以去坐30分鐘天氣是33度,未齊人就命令我在門外等入到去態度超差 入到去,要馬上付款好似全港只有佢的韓國餐廳下午飯的時間一個水冷面近70元買左個水冷面及芝士紫菜卷由於店員太趕的閞係水冷面只隨意放幾塊冰在碗內令面冷卻份量少少少少一般人都唔會夠飽另外點了芝士紫菜卷芝士十分之無味唔會再黎 又貴又細又差態度

每次去到灣仔做嘢都必定會喺灣仔尋找美食，熱愛kpop和愛睇韓劇都必定喜愛韓式食物. 趁下午有時間又想食韓式嘢就係openrice睇下有冇一間好好食嘅韓式餐廳，搵到呢間韓式小店就不妨去試一下！入到去餐廳裏面已經見到好多韓星海報同親筆簽名店內還播放著kpop歌曲🎶，真係好適合一班韓迷嚟呢度食嘢🇰🇷呢間小店菜色種類真係多不勝數有紫菜包飯 石頭鍋飯 水冷麵 炒年糕辛辣麵等等地道韓式食物還有韓國汽水同果汁價錢方面喺呢個地區都非常合理唔算太貴！發現小店意外地有韓國炸醬麵成日喺韓劇都見到韓星成日食，所以我特意都嗌咗個同埋另外都點咗喺韓國街頭必食嘅魚糕串！🍜勁多炸醬怖滿喺麵上，炸醬裏面有蔬菜粒同豬肉粒，麵條質感爽口彈牙！仲有少少青瓜絲襯托🥒🐟🍢魚糕好厚身又軟浸係啲清湯度帶出鮮甜味仲有附送泡菜🥬同韓式醃製芽菜同韓式熱茶一杯🍵

想起好耐都冇食過韓國餐，今日又口痕痕想食辣嘢🥴諗起附近有間韓國餐廳，雖然成曰都路過但都冇機會試下，聽聞是韓國人開嘅，今日難得有時間，就入去試下正唔正宗先🇰🇷🇰🇷😏一入門口，就有個唔係講中文好正嘅中年男士，應該是老闆🤵🏻叫我們睇下食咩，再去收銀處比左錢買嘢食先，之後就會有人送餐過嚟比你食嫁啦！！！✍🏻點菜辣烤豬肉盖飯（有大、中、小辣）比你選擇，我就叫左小辣🌶😋一上枱已經聞到好香辣豬肉味，份量好充足，有埋前菜（泡菜、芽菜）加碗海帶湯🍵豬肉雖然是小辣但已經好惹味，仲越食越辣攞嚟餸飯食一流👍🏻😋$58蚊大大碟真係好抵食，點解抵食...因為佢碟飯2/3都係豬肉，當你食晒d飯嘅時候仲有好多豬肉剩🤣🤣

今日去韓國人開既韓國餐廳食飯。裝修都以青春綠為主。牆上除左餐廳菜色仲掛有好多韓國人氣天團既海報，一抬頭便可以見到好多靚仔美女，心情都好好。鋪頭唔同大多數香港餐廳食完先買單。而是先落單買單侍應才會將食物送上。葡萄汁，（$HKD:10）個樽汽水上高滿滿既韓文，雖然睇唔明但試左便知口感。哇，入邊仲有粒粒既果肉。但個葡萄汁我就嫌太過甜。韓國泡菜炒飯（$HKD:60）。可自由選擇辣度，我要左個中辣，下次可以試埋大辣。哈哈😄大大碟泡菜炒飯上會有一粒太陽蛋，同一d紫菜絲，可以一同拌飯食。炒飯飯量並不少.而且真係用好多既泡菜去炒飯。每一啖都可以食到開胃爽脆辛辣既泡菜。又不會有油膩感。配菜仲會有芽菜與泡菜。同一碗蘿蔔清湯。總體OK.下次可以試埋其他。

今日lunch time時間去左灣仔食，見到呢間韓國餐廳，感覺好味。個老闆好似係韓國人，所以覺得食物會正宗。呢間店要先在門外排隊，之後入座前要向老闆付錢點餐，再可以等待食物。我同同事都分別點了蔬菜拌牛肉飯(可選牛肉，或豬肉)同一個泡菜拉麵(有大，中，小辣)。這間鋪的lunch set指定會有兩道前菜，今日係泡菜同芽菜(不清楚會不會換款式)。還有，就是一杯熱米茶。那個拌飯，份量十分足夠，材料亦很豐富。牛肉的口感亦不錯。至於那個拉面，我個人就覺得小辣就好足夠，反之就會吃得比較辛苦。不過這都是個人喜好啦。面的份量亦剛好，而且這個面是用鍋去盛著的，店員亦好溫暖提示我吾好碰那個鍋。整體都覺得這間好食的，價錢亦合理，送餐的時間亦好快。

同朋友嚟食晚飯，職員快速示意帶我們坐下, 然後立刻放下餐牌, 好快我們點好菜付款後，就很快送上食物，整件事好快手，但唔好感覺到服務令人舒適，只有「趕住食」嘅感覺。講返食物，叫咗雜菜炒韓式粉絲，味道不錯，仲送咗一碗湯及熱茶。但下次如果想坐耐少少，就唔會揀呢間餐廳喇.....

辣烤豬肉蓋飯🇰🇷🐷🍚.是日去左灣仔一間韓式快餐食lunch🇰🇷，地點好方便一出地鐵就見到。有不同款式例如韓式飯卷、年糕、石頭鍋飯等等😋小編點左辣烤豬肉蓋飯，set lunch有一碗清清地既紫菜湯、一碟前菜(泡菜同芽菜)同熱茶🍵。碟飯size認真大，而且辣豬肉都勁多，食落唔鞋口，仲有好多泡菜添！可自選細/中/大辣🌶，中辣初時食落唔覺辣，但慢慢會滲出來，好爽🤤🤤🤤第一次食完米飯都仲淨好多辣豬肉，証明老闆落足料！👏🏻👏🏻.至於同事就點左石鍋雜錦飯，砌到好靚咁有各式各樣既蔬菜🥬，肉類就可自選雞牛豬😋加埋隻雞蛋去撈，食到尾仲有飯焦，好味😋.不足之處係店舖勁細，容納唔到太多人，lunchtime多人時店員會比好多signal示意你快啲食完好走，呢樣就令小編有啲壓力了！😲

今日, 午飯時間到這間韓國食店吃LUNCH, 隔離檯的女士食食下發現窩內有隻小強, 她畢出比侍應看時, 都幾大隻, 中形SIZE,.......好恐怖, 以後也不敢去這店食!!

同朋友諗住簡單食個快嘅飯，隨便揀一間入去坐低左。本想開OpenRice睇吓有咩好食，都未來得及睇佢啲劣評已經瀨咗嘢。🤮個侍應極之冇禮貌咁走埋黎用命令既語氣同我地講”唔好掛住玩電話，嗌左嘢食先”心諗”咩事, 俾人諗下食咩都唔得？之後環顧四周，吉位遠比食客多，做咩要呼喝人呢？想人快啲叫野食你有數之不盡嘅方法，唔需要惡然相向。普通餐廳食飯，根本唔期望有五星級嘅服務，但尊重同禮貌係人既最基本。員工唔代表餐廳，但係唔會再幫襯，何必俾錢人當你係🐶看待。