K-Bab Korean Road Food (已結業)

入到去態度本身都唔好 係到命令我地一定要買野食俾左錢先可以坐低😡咁算啦 細台店都唔介意態度問題😩跟住揀野食 都唔算平一個飯七十幾咁😩我同朋友最後揀左芝士拉麵同水餃年糕個芝士拉麵個味都ok 正常唔難食啦嘩！但係個年糕個湯係透明 完全冇味都算！份量勁少！一般女仔都唔會夠飽😭最嬲係 坐左三四個字 杯野都未飲完個店完笑笑口話sorry 指一指出面有人等緊 跟住收左我朋友個野飲 都未飲完！😡😡😡快到叫都叫唔切你話我食完仲霸住你個位就話姐食左三四個字炸！😡😡😡唔會再黎 又貴又細又差態度

中午想食少少野，但又唔想太飽食韓國菜我覺得比較適合。因為星期日的關係，不是太多人不用等位。餐廳外觀不起眼，但食物比較傳統的韓國料理。服務員態度一般，點菜時叫食號不用叫食物名。韓國紫菜包飯，有兩條，材料有酸瓜、紅蘿蔔、火腿、煎蛋。睇到煎蛋是自家煎的。但中間的部分比較鬆散，中間的材料會跌落。炸紫菜包粉絲，有五粒，新鮮熱辣，紫菜味很濃，入面的粉絲碎碎的。烤牛肉蓋飯就好一般，好似食緊牛肉飯咁！唔太似韓國蓋飯。

我從未幫襯過一間咁差嘅舖頭！以後都5好去，食到成肚氣🤬🤬🤬🤬食歺飯啫嬲爆😡😡😡😡😡叫左杯凍檸茶，完全沒有茶味，好似飲水咁咪叫阿姐換過其他飲品，點知佢話這是個人口味，要換就要比錢入機買過一杯其他🤬🤬🤬🤬我叫佢搵老闆出來，佢話在韓國叫我自己搵🤬🤬🤬🤬🤬🤬什麼服務態度？？？好心你啦，5鍾意做咪返屋企囉！！！大家5好去呢間舖頭啦！！！

門面係完全唔起眼， 原來一打開門就睇到係都幾地道嘅韓國小店。睇餐牌就知唔好睇小佢， 雖然細舖，原來菜式全部都幾齊， 仲有前後兩頁嘅餐牌。不過因為店主收得太快，影唔切。食韓國菜- 最鍾意就係石頭鍋飯。 70蚊嘅價錢，通常平時係細細兜。真係冇想像到佢個份量都幾大我本身好肚餓嘅時間，所以一口氣真係食曬成碗。美中不足就係因為個石頭鍋飯，飯本身比較濕，所以就冇飯焦， 如果期待有飯焦嘅石頭鍋飯既朋友，，咁呢個就未必滿足到.服務方面,坦白講一間小店食，就唔好要求咁高喇整體嚟講-好欣賞佢上菜非常之快， 又真係熱辣辣+ 適合香港人口味 嘅石頭鍋飯 。如果肚餓嘅朋友呢間真係可以考慮得過

《K-Bab Korean Road Food》 #食在灣仔📍灣仔軒尼詩道156-162號利榮大厦地下-突然好想食韓國野 原本係想食另一間 但真係太多人排隊放棄左 行下行下見到呢間就決定試下☑️先買餐再安排座位等送餐就可以啦🔹泡菜炒飯 $60 （可選大中小辣）跟餐有個湯 淡淡地小小清甜 唔錯；前菜有泡菜同芽菜 泡菜唔夠入味 小小酸，芽菜就好香麻油味，仲有杯麥茶炒飯揀左中辣 可以再辣d 🍳隻蛋好靚 加左分 有d紫菜可以撈埋黎食 食到尾略油 泡菜份量好多但同前菜一樣 較酸 要咁多都無用😂🍴7.5/10

今日去咗朋友公司，差不多三點先諗住去食飯，佢話不如叫外賣，今次去左附近K-Bab Korean Road Food，見到餐牌有芝士紫菜包飯就好想試吓，不過可惜賣晒啦，咁就轉左A1食紫菜包飯$35。另外朋友就叫咗個A22 辣烤豬肉盖飯$58。下左單之後，等左幾分鐘就有得攞啦，下午茶時間呢度都冇乜人，只係得一兩個人喺度食飯。紫菜飯包都真係幾好食，啱晒食素嘅人，要咗小辣嘅烤豬肉飯，熱辣辣都幾大碗，小辣都幾野味👍

地點非常就腳，就係灣仔A出口行兩步就到~ 朋友過來灣仔找我吃午飯，心血來潮好想吃韓國野，就去左呢間了~ 鋪店個樣係好家庭式的樣子，有D舊。LUNCH時間好多人，前面有4位排隊，我地2位，待應見有位就比我地入左先了，前後等左都無5分鐘！入口要收銀處自已點餐比錢~ 朋友點左A23 $58 烤雞肉蓋飯配一碗紫菜湯、一杯熱茶、芽菜同泡菜~分量多，女仔會飽，男仔應該剛剛好~雞肉少少dry，唔係好有韓國feel。後來朋友擠左d辣醬撈埋食！個味就岩啦！哈！A30 牛肋骨湯 $80 配一碗白飯，都係一杯熱茶、芽菜同泡菜一上台熱辣辣，出哂煙，有5、6舊牛肋骨同10粒白蘿蔔，一上個味道比我想象中淡！所以佢都同時比左胡椒粉我，我以為佢會比鹽，因為韓國的這類湯也是自已落鹽的，但胡椒粉效果也不錯！牛肋骨煮得好軟腍，唔會韌、乾柴！不錯！呢個價錢，可以有更好既選擇，不過呢間既地理位置係方便d既~

Went for a quick Korean lunch with my colleague. It’s funny how they made you order and pay at the cashier first before seating you down. The order queue blocks the people at the entrance as the cashier is right next to the window.The food was okay. We ordered a spicy fried rice with seaweed and a spicy squid on rice. The taste is average.My colleague needed some extra water as some spice got caught in her throat. It was a challenge to get their attention for extra water. Probably won’t come bac

睇到餐牌，款式都算大路同多，但入到去睇入面既餐牌，有成五至六款打左交叉🤦🏿‍♀️好在想食個啲都仲有供應，叫左水冷麵、韓式芝士飯卷、海鮮豆腐湯同韓式粉絲炒年糕。其實全部都係普普通通，無話邊個特別好食，而個份量就正正常常，不過如果男仔黎食而叫以上既野食就未必夠食啦，建議都係叫返石頭窩飯，可以飽肚啲😂水冷麵好似唔太正宗咁，去韓國食開既都係用梨黎做伴菜，但哩到用蘿蔔有啲格格不入咁。而且配料不多，麵就有咬口都算唔錯既。豆腐湯就最唔抵，講明係海鮮湯但海鮮得好少，無論係份量或者款式，所以係失望既。炒年糕就平平無其，無咩可以講到😂比較出色既係飯卷，味道夠同有芝士味，不過只係食得出個芝士係普通既車打芝士片，感覺有啲hea。整體真心係普通，但又唔可以講差。而服務可以仲好啲既，我地都未食完就問仲要唔要啲醬，同佢講左要但轉頭老細就問都唔問就收左佢🤷🏿‍♀️

今日晨早去咗灣仔上堂，上完堂已經剛好又係食飯時間，加上今朝吾夠時間食早餐，真係餓到個肚都凹晒，呢個時候真係好想食飯！咁啱見到有韓國菜館，其實裡面full曬，不過有個留位牌放咗喺其中兩個位度，我朋友又無啦啦走去問吓嗰張枱坐唔坐得，原來個牌又真係可以攞走架喎！呢D咪緣份到了，自然有飯食囉！我哋叫左A26蔬菜什錦飯，上層係雜菜，下層好大碗飯，就算我好肚餓，都冇辦法食得曬；另一個B05泡菜湯餐，有豆腐、菜，有D辣，但好味。

我地一家4口（2大2小）走入去晚餐，點左兩個餐➕紫菜卷➕泡菜餅（1支$70真露➕3杯無酒精飲品）Total：$330必須要櫃檯點餐俾💰，期間唔知道圖片韓國飲品係乜嘢味道飲品，所以問多小小個戴眼鏡的阿姨伺應，態度已經好不耐煩，到上菜不久，個老闆都好搞笑，成日巡監咁走來走去，人地都啱啱開始食就急住攞走托盤支韓式辣醬，問都唔問客人用完未，到最後食剩d紫菜卷同泡菜餅，想問他地攞外賣盒take away.點知個後生仔伺應攞個湯碗來，問他地有無平身的普通外賣盒，唔想d卷疊埋一齊，點知個阿姨竟然話要➕$3蚊（普通叉雞飯飯盒咋啵）離曬譜！！！

作為一個超級韓國粉絲的我，有時候都會掛念「家鄉」美食。《K-Bab》是由韓國人開的，每款食物都烹調得十分地道，感覺好像置身於首爾一樣！😃我自己都試過幾款食物，款款都是很正宗，而且味道一流！當中最令我回味的是「炆牛肋骨」！😋這裡的「炆牛肋骨」是用石頭鍋奉上，熱燙燙、湯滾滾，未食已經聞到濃濃的清甜牛骨湯，令人食指大動！😋😋😋 先品嚐那個牛骨湯，味道非常清甜濃郁，完全沒有羶味！牛肋骨炆得超級淋身，很容易就把肉跟骨分開。火喉、時間控制得十分到位，肉汁完全沒有流失，原汁原味。而且食材也是精心挑選，沒有很多肥膏。分量也挺多，每份有約5-6大件，配上蘿蔔、甘筍、厚身冬菇及紅棗配料，再奉上一碗韓國米飯及兩款韓國傳統佐飯配菜，$98是一個合理的價錢！👍🏻我試過尖沙咀韓國街的幾間韓國餐館，沒有一間比《K-Bab》煮得更好，我真心誠意推薦給大家，肯定令你一試難忘！😃🙂😁

平時好少過海, 今日咁岩有野做, 就順便食個LUNCH行行下又肚餓, 就入咗一間韓式餐廳.入到去發現牆身有好多韓國樂隊POSTER, 不過就有啲歲月感餐廳比較家庭式, 可能我去到時已經過咗2點, 所以食客唔多 而且內部裝潢比較似茶餐廳. 快食都可以, 但就坐得唔夠舒服唔理咁多, 叫野食先其實去親韓式餐廳, 我都好鐘意食紫菜包飯既然有得叫, 就梗係試下啦~韓式紫菜包飯嘅紫菜係唔同D, 充滿油份.再配上簡單青瓜, 黃蘿蔔等等, 食落爽口, 都算係清新之後叫咗個辣菜炒年糕, 原本以為只有菜加年糕, 點知原來仲有粉絲粉絲將個汁索晒, 所以好黏, 要咬醉啲先好, 如果唔係好易消化唔夠好年糕普通, 但辣味都可以, 但唔算係好辣個種仲叫咗個泡菜拉麵, 麵比較冧但我比較喜歡佢跟麵送個兩個配菜配埋個麵就無咁單調

我先生突然想吃韓國菜，灣仔比金鐘多餐廳，在地鐵站出口附近找到這一家。老闆是韓國人，我跟他用韓語溝通，老闆人很親切。我點是基本的烤牛肉鍋飯，我先生點是辣豆腐(花)鍋飯，我不知道辣度有多辣，有小辣和大辣可以選。我先幫先生選小辣。上菜蠻快速的，我覺得我的烤牛肉鍋還不錯吃，我先生覺得他的鍋不夠辣。點基本的可以吃得出這家餐廳的水準到那邊，身為韓國人連煮家常菜都可以煮得難吃，那就太差勁了。但我們覺得這家還算不錯!! 價格可以接受! 應該會再光顧。

要不是店員阿姨主動叫我入去，飢詩應該在門口睇完餐牌便走人了😆 下午餐時間，估唔到叫芝士紫菜包飯 $38 都跟了一碗熱湯及茶，天氣冷冷的，很窩心啊~ 這個紫菜包飯雖然簡單，但味道不錯的，像韓國街頭買到的 😄 飢 Point : 7/10