K-Pop snack

營業中

休息中

外賣左個豬肉炒粉絲，仲有芝士蛋卷同紫菜卷😋雖然係外賣但個蛋卷仲係暖架，食落好好味！好厚實嘅感覺！紫菜卷嘅料都唔少，但我覺得都係真係韓國嗰啲香啲好味啲😝而個粉絲就料多過粉絲😂幾抵食但其實我想食多啲粉絲😂總括黎講，呢間都係性價比高嘅小店，下次再幫襯！

叫左個芝士蛋卷, 芝士係類似PIZZA HUT 果D芝士, 但一 D 芝士味都無, 其實80蚊買個茄汁蛋, 好似貴左少少囉!!  泡菜餅_--->苦苦地  同感覺好乾.....最衰既就係凍左(我最討厭堂食都凍????)!! 紫菜卷明明入面有幾種材料, 但為什麼味道得白飯味? 唯一比較好食就是送既小菜--->芽菜整體來說,  就是有點失望,  不能令到我下次再乘車到火炭食, 而且遠火車站也有點遠的. 要行斜路.食物環境勉強接受吧, 服務也算OK, 但始終餐廳最重要係食物呀。

喺工業區返工，雖然附近都唔少食堂、食店，不過通常份量都較大份，一個人未必食得晒，就算有同事肯share，兩個人一個飯又好似唔多夠。這間店的老闆是韓國人，是家庭式經營，有時會見到兩位像韓星的公子到店面幫忙。韓國人主理，泡菜也是自己弄的。今天買了一條飯團，足足有20CM長，直徑有4CM，有菜、蛋、醃蘿蔔、蟹柳、紅蘿蔔絲等，圈得很結實，味道是每款食材本來的味道，沒有額外加調味，午餐7成飽，不會飽到飯氣攻心。這店有堂食的，不過只有數個位，唔相同人迫，我會買外賣。如果唔想等，可以先Whatsapp或電話落單 (簡單英語可以應付)，然後再落去攞。如果想佢哋送，就要留意最低消費和截單時間。

一去到 我話一個人堂食.....結果就比老闆 呼喝  叫過去隔離食......我已經好愕然...結果主要係因為食物令到去寫依篇文章!!!!!!!第一  就係牛骨湯.....其實係厚切牛仔骨而且得3小塊....仲要有1塊係肥膏.... 話就話湯....其實係水....而且係有雪藏味的水........七十蚊既牛骨湯......就係2小塊牛仔骨加幾塊白蘿蔔.....同一個白飯.....而第二!!點了既食物就係海鮮薄餅......八十蚊....係無海鮮....小得太過份....得兩隻蝦仔..同一粒魷魚圈.....無錯係一粒......一粒呀!!!! 其他就係蔥同雞蛋, 麵粉.............其實依個海鮮薄餅 係要加賣佢地個醬汁先會好食少少.......但可惜佢只比得好少醬汁....也不可以再拎....因為佢話預備不充足.....所以今天只能一人一份醬汁........一個人食一個大約150蚊既午餐, 依個價錢算係偏高的......但依間韓國餐廳的食物令我太不滿意了......而且湯飯既種類亦都太少有得選擇.........

我地公司幾個同事早上10點, 就打電話去外賣手提落定ORDER話12點要到......結果外賣都係遲左40分鐘.....12點40分先到達...........其實遲左應該要講唔好意思或者簡單一句sorry 就已經可以!!!!好可惜依間小店沒有講,只係講外賣時間太繁忙......話自己都無辦法......其實我地得一個小時LUNCH.....無左40分鐘....最後咁趕食....而且食物不便宜....我們為左咩呢?重點食物黎到已經凍曬...... 我地公司只係火炭...是小店既附近烤五花腩好失望........ 煎到乾曬..明顯煎過左火位.......而且只提供一塊生菜.......有免費送一小盒泡菜的....可惜可能都雪耐左......泡菜明顯很乾....而且都有苦澀味.......最後我地沒有再食其他食物例如原味炸雞泡菜炒飯真的沒有什麼特別.....但不會難食......可以真的是凍了...令食物味道大大下降我地5個同事有男有女....最後賣單都四百幾蚊......希望小店真的會改善呀!!!!!

依間餐廳係我睇到好評, 特登由火炭火車站行上去食的。結果真係太失望, 首先一去到韓國男人叫我地去另一邊貨倉既地方坐。一路等食一路比蚊咬, 我同我小朋友都咬左幾粒。 上網睇相牛肉粉絲係有牛肉的。但去到食只得兩小塊小牛肉。除左好細碟...食完之後好口渴.....臨走既時間我用英文同韓國男人講另一邊座位有蚊.....但佢一D反應都無~無采我地~比完錢 BYE BYE都無講~~ 感覺實在太失望了.....

係韓國旅行食過既炸醬麵 滿心歡喜去食。點知個炸醬麵$49 無味既 d麵煮到夾起就爛。叫左個35蚊既紫菜卷 就無咩特別一般啦。但問韓國阿叔 可唔可以比杯水。阿叔就話要買佢既韓國汽水飲品。 我食完極速閃…………

等左20分鐘, 等待時間係OK。食物完全無特別, 叫左個原味炸雞 肉質勁"鞋",  辣豆腐湯除左辣椒油味真係無其他味, 豆腐仲應該係百福豆腐............牛排骨湯得蔥同胡椒粉味無牛味..........食物環境好差, 好似貨倉...... 最差係收銀叔叔, 態度好串,無笑容。完全不需要再去............

喺火炭返左幾個月，經過都想試下呢間韓國 餐廳，結果今日下午睇曬上面嗰啲食評，都講到咁好食又話份份大碟 ，就一家四口晚上六點半去到餐廳，不用等位， 但老闆就帶咗我哋去隔兩間臨時舖，環境差 好似喺個貨倉度食嘢咁， 但都唔算係問題，老闆由頭到尾都冇笑容，又冇eye contact，仲冇乜無耐性。我哋第一道菜點咗壽司卷，但真係超級無敵超行自家製壽司卷 ， 完全冇特色又一啲都唔算好食，但係就唔難食， 第二味餸係泡菜薄餅，同上面其中一位食評一樣，一點也不好吃， 第三味係芝士年糕 味道一般算ok，但和所有菜一樣都係超級細碟， 四人每人只分到三條小年糕， 最後是 甜辣雞，完全不好吃， 雖然冇雪味但亦冇雞味，份量也是超少每人分得兩小件， 埋單二百二十蚊有叫咗一罐韓國飲料， 不算貴，但一點也不好吃，老闆埋單完全無表情 ， 超級中伏。

去完馬會嘉年華，唔想去沙田同人迫，行去火炭搵野食，工業區在假日勁少人，成間鋪得一枱客，如果平時假期諗約人，但唔知邊度坐得耐又唔想迫，去工業區搵食就冇人打擾啦！整間店都係韓國人，阿珠媽，韓國伯伯，仲有韓國美女，樣靚服務好。睇價錢唔貴喎，睇相仲好吸引，食物來到有驚喜喎。炸醬麵咁大碗，樣貌地道100分(咁真係韓國人做的嘛)，味道更合香港人口味，加了薯仔洋蔥翠肉瓜青瓜絲，口味更豐富。紫菜卷咁大卷，$35,小女食三件就話飽了.甜蒜雞件，好味，連蒜頭都好甜，多吃蒜有益。甜辣雞有點辣但又甜又好味，雞皮脆，有肉汁，少骨啖啖肉，想試味雞件都有甜辣味。副店有接近廿個位，關門後自成小小天地，雖然店長都會出出入入，仍然可以狂歡不騷擾人(如果包場,冇其他人)，難怪係附近大學生受歡迎食店。

I am Korean and this place is really just like my Mom's cooking--especially the Kalbi Tang.  It is owned by a Korean family and I often see Mom and Dad diligently working in the kitchen.  Their sons help out at the cashier.  It is very small so I usually order take out since I live near by.  I really love this place and have been here more than 30 times so I thought I should post a good review! It's nice I don't need to go all the way to Kimberley Rd to get authentic Korean food.  The dumpling/r

假如你要吃環境、吃氣氛，當然，你不會來這裏。但若你要吃地道的韓國食物，這裡卻可稱得上是價廉物美：）店舖小小，但重要的是好味道嘛！寥寥三數桌子，未到六時，我們好像包場般佔據整個空間。除了點菜時見過店主外，其餘時間是自由活動😂。店主是年輕夫婦？很可親的：）記得來吃時可自攜水，否則他們也有韓式罐裝飲料或礦泉水出售的。半隻雞才$80， 份量也多。味道香脆鮮美，不多油，遠較那所炸雞連鎖店好多了！炸醬中夾雜了薯仔，拉麵麵質不錯，只是炸醬稍嫌多了，有點鹹！一層一層薄薄的旦皮摺疊捲成，上鋪上鮮茄醬，另加芝士。很清新的感覺，賣相可喜，也美味：）

今日懶得郁，所以同同事叫外賣做Lunch。叫左公司附近由韓國人打理的Kpop餐廳，專賣各種韓式小食同主食。兩個人共叫左一個炒粉絲及兩份小食share。呢份紫菜卷，包得都幾實淨。新鮮無雪味，入面的酸蘿蔔好香。另外我們叫左份泡菜煎餅，唔多食得辣+好鍾意食煎餅的我，認為泡菜份量適中，有泡菜香但唔會辣。大家可以跟據大家的喜好揀豬/牛/辣雞的韓式炒粉絲，而今次我們就揀左辣雞。辣雞主要放係炒粉絲的面，唔算好辣，只有辣的香味。如果你同我一樣都係唔點食得辣可以放心食。粉絲的面質都係好彈牙，唔會過淋。粉絲仲落左洋蔥、紅蘿蔔條入去炒，令到個粉絲更香更有口感。兩個人一麵兩小食共$113，唔算平，不過間中食下都ok。另外餐廳的份量比較少，男孩們可能要叫多少少野先夠飽。

話說今日公司太多野做，所以就同同事叫外賣就算。之前食過公司附近的一間KPOP韓式餐廳，上次食完拎左外賣紙，今次就叫外賣上黎食。原來火炭工業區滿$100就可以免費送貨。1條11件的紫菜包菜，用料都幾足，配料又香。辣雞肉炒粉絲的雞肉唔算太辣，不過都幾香。整碗份量唔算好大，男仔未必夠食。本身想叫海鮮煎餅，不過見價錢比呢塊貴好多，所以keep it basic。1客8塊的泡菜煎餅唔會太厚，泡菜的份量滿意。前後等左30分鐘到就送到Office，送到黎仲係熱，都係咁好食！

因為鐘意食韓國嘢 今日同幾個朋友一齊嗌呢間既外賣食 但係送外賣既男人開頭送錯地方 我地等多十幾分鐘 佢送嚟之後 個態度唔nice又找錯錢 而且送嚟d嘢已經凍曬 紫菜飯卷同炸雞唔錯！係好食的！如果炒粉絲無咁凍既話都會再好食d！泡菜炒飯同年糕味道偏淡 如果加多少少味會更好！ʕ •ᴥ•ʔ 所以都係有待加強的食店