K2 Kitchen (已結業)

觀塘近年食肆臨立，有質素的食肆都會因其他地區租金昂貴，特意搬來此區開業，相信不久將來觀塘會變成美食天“塘”。今午特意來到觀塘巧明街冠力工業大厦十三樓的 K2 Kitchen 午膳。此處環境不錯，地方寛敞舒適，看過餐牌，揀了两款套餐，分別是香煎美國豬肉眼排配時菜和焗石斑魚卷配時菜。餐湯是蘑菇湯，濃郁香滑，豬扒肉質鮮嫩，慢火煎至金黄色配意大利黑醋，入口鬆軟不黏牙，非常滋味。酥皮石斑魚卷製作頗為費時，用新鮮石斑塊放在酥皮上，卷起封口，塗上蛋漿，在焗爐以200度焗20分鐘，上枱時酥皮鬆脆，魚肉嫰滑，加上醬汁，十分可口。最後還有香濃咖啡，埋單$282，享受一頓不錯的午餐。

今日因為要整電話既關係，所以去咗觀塘。記得朋友提起過有間工廈内既餐廳評價都幾好，決定去試下。我去到既時候係11：55,等咗5分鐘準時12：00開門。唔知係咪工廈關係，餐廳座位闊落，黑色皮梳化幾好坐，枱和枱之間距離都幾遠，私隱度幾高。餐廳有 lunch set 提供，選擇都多元化。上餐湯前有個法式小點提供，煎吞拿魚配青瓜，吞拿魚用咗黑椒調味，食落惹味，青瓜中和番個辣味。是日餐湯：大蒜煙肉薯仔湯，個湯夠熱，大蒜唔會好搶味，加了忌廉令個湯滑身，食到粒粒煙肉和薯仔。主菜叫咗香煎極黑豬肉眼配黑醋汁lunch set 可以配蔬菜或糙米飯，我揀左蔬菜，菜有西蘭花，翠肉瓜，木耳和秋葵，用煎嘅蒜頭和黑椒，食落唔會咁單調。個主菜有做裝飾，令食慾大增，豬肉眼扒夠厚身，肥瘦適中，肉面有焦香，少少黑椒做調味。配黑醋汁酸酸地，中和番個油膩感。餐飲叫了凍朱古力，朱古力味濃，唔會太甜

平時食飯多數都喺商場嗰類地方，如果唔係朋友介紹都唔知，原來喺工厦都可以搵到好野食呢度門面唔係特別搶眼不過一入到嚟環境好舒服同簡潔餐牌嘅set lunch算多元化，而且由頭盤到飲品都包哂，唔洗諗太耐就揀到想食嘅野呢個法式精緻小點加左黑椒調味，辣辣地幾開胃之後我揀左沙津，沙律菜新鮮爽脆，加左黑醋調味，開胃得嚟食多左都唔怕肥主菜我揀左焗三文魚龍脷卷配菠菜忌廉汁第一時間俾佢個擺盤吸引左，好colourful好精緻飯同菜我就揀左菜，開頭擔心白灼會好寡，不過廚師好細心加左黑椒調味，所以一樣好味個龍脷非常嫩滑，淡淡地配埋煙三文魚，夾埋一齊食啱啱好唔太咸食完野飽飽地，揀左飲番杯洋甘菊茶，熱熱地飲落去好舒服成餐飯感覺舒服，環境同服務唔錯，如果下次朋友再約我都會再嚟食飯

難得今天放假，又冇咩特別野做，朋友約我去cafe hea 下，知道觀塘有很多工廈入面，有各種形式cafe餐廳裝潢以黑色為主，牆身塗上黑色，予人一種神秘感覺一坐下，店員即時送上法式精緻小品，小食賣相唔錯餐湯熱辣辣，唔杰，味道唔錯香煎鱸魚配黑松露薯茸鱸魚表面煎得好香，魚肉唔腥，蘸埋醬汁，十分惹味薯茸入口滑溜又有松露香，食到停唔到美國安格斯肉眼外面燶燶地，香口，𥚃面幼嫰多汁，有口感什菜綠悠悠，賣相吸引，西蘭花，鮮甜多汁

上網睇食評話唔錯，於是走左去食。牛扒又肥又韌，食到成個口腔都係佢啲肥油，我即刻噁返出嚟。以佢呢個價錢我已經可以食到好過佢十萬八千倍嘅牛扒。食完行返出嚟，好想同出邊等緊位嘅人講千祈唔好入去食。唔明點解我會蠢到去呢度食。d 煎野有窿， 心太軟都唔係流心.現在去左第一次，冇第二次入去食。個湯都最算好。。。其他真係唔好。我唔係想差平佢。但是整到我一晚都想嘔。個飯都係好多油，環境枱會搖搖擺擺，太過黑。光少少就好好

又喺觀塘工厦揾食，四個人，基本上我哋都係逐間逐間試，第一次嚟呢一度，叫咗四個set lunch，米蘭海鮮長通粉，紐西蘭黑安格斯肉眼扒，松子仁醬烤三文魚，香煎極黑色豬肉眼 。最好食係長通粉同三文魚，長通粉果汁辣辣地，要出面高級西餐廳嘅水準，長通粉煮得啱啱好，配埋個汁超過100分，仲要只係七十幾蚊，三文魚夠香脆，今日無白桃汁，轉左士啤多梨汁，一樣咁夾。扒類比其他觀塘工廈水準高，擺盤亦都比較精緻，以呢個價錢來講唔應該挑剔！每個午餐都可以揀湯或者沙律，仲有免費嘅冷盤小食，同埋條條麵包餅乾！每個餐仲可以揀飯或者蔬菜！同埋佢杯咖啡真係沖得唔錯！仲有一個抵讚嘅地方，就係佢坐得比其他觀工西餐廳舒適！

收爐前跟女朋友去K2 Kitchen吃了一個豐富午餐，之前其實也有來過，蠻喜歡這裡的環境，挺舒服的～這天我們早了出門，餐廳剛開門我們就到了，趕快來拍個沒人的照片，因為過了大概１５分鐘左右就坐滿了！法式精緻小點我們點了兩個set lunch，有可愛的精緻小點，清新的青瓜＋煙三文魚＋酸瓜，整個就是開胃～田園沙律香煎鱸魚配黑松露薯茸女朋友最近迷上煎魚，她很喜歡這個煎得皮脆脆的，鱸魚肉質細緻有口感，偏向甘甜，而且淡淡的黑松露味不會搶走魚的香味！扒厚切美國安格斯肉眼身為食肉獸的我當然要來個安格斯牛扒嘛！老實說，之前有段時間蠻怕點牛扒（不是說這家的），因為有吃到過很不好吃的，甚至沒味道的，不過還好K2 Kitchen沒讓我失望，這安格斯牛扒牛味蠻重的，重點是肉質很嫩，輕輕就可以切開，不用跟牛扒來個拉据戰，哈哈！！

今日又嚟觀塘揾食啦！又係上樓嘅時候啦今次嚟咗呢度，k2 kitchen,門口已經有個搶眼嘅藍燈，一眼就見到餐牌都幾多選擇，仲可以全部加58轉做餐，有個沙律，又有湯同餐飲，抵食餐沙律”紅菜豆，羊奶芝士帆立貝”新鮮嘅火箭菜，加上鮮甜嘅紅菜頭，配上鮮甜嘅帆立貝加上紅菜頭汁，非常可口餐湯”蟹肉粟米茸湯”濃濃嘅粟米湯，加上鮮甜嘅蟹肉，配上一條包條加上少少忌廉令湯更加香滑“扒肉腸拼盤配薯條”每款香腸都各有滋味，配上醃椰菜同沙律令唔會感覺太油，加上香脆嘅薯條，份量十足又飽肚“刺身帶子黑松露意粉”香煎鮮甜帶子，配上高貴嘅黑松露，加上什菌同芝士片，香味撲鼻“原隻波士頓龍蝦”龍蝦配上芝士烤焗，果然非常絕配，大大隻龍蝦亦非常吸引眼球，肉味香濃，鮮甜賣相同味道都非常吸引嘅甜品，劃上完美嘅句號

工作地點不穩定的我，每日午餐只可OpenRice 一下附近有乜好食～ 尤其是觀塘區，午飯時間APM爆多人，唯有睇睇工廈有無好西。見OpenRice 咁多人俾😋呢間野，就來試一試! 午飯餐牌有7-8個款可選擇，包湯/沙律，蔬菜/糙米飯，及冷/熱飲，加$10有甜品。先來個湯，waitress 話係甘荀雞湯，個湯好稀，甘荀味真係搵唔到叫左個最貴價既極黑豬肉眼，但咪以為貴就係正野，舊豬好多肥膏。配菜只有幾舊翠玉瓜，份量細，男士應該唔夠飽。糙米飯係另上的，其實只係白飯，糙米得幾粒。$10甜品係非常細粒mousse cake，加幾粒”憶憶”地既朱古力。未食完個waitress會問都唔問就走過黎收野，咁都正常既，要顧住同其他waitress 吹水埋單要成$180，以咁既環境+食物質素及service真係好唔抵，不怪得1點都仲有大把位剩

今日放假，約了在觀塘工作的小學同學來個小聚，雖然只有一個小時，但舒適的環境仍是必須的，於是，她介紹了這樓上餐廳給我。一坐下，店家已預備了餐前小食，太有驚喜！然後，桌上又有兩條脆脆餅乾條，超開心呢！可以邊吃邊點菜！餐湯是薯仔煙肉湯，濃濃口感！正！我點了煎鱸魚配黑松露薯茸，配蔬菜。煎得非常薄脆，而且薯蓉有滿滿黑松露味！朋友的燴牛尾飯也不錯，飯是珍珠米，香香甜甜，份量剛好。兩杯餐飲是水準之上，朱古力奶正，香濃朱古力味。熱情果蛋糕（$10），小巧非常，但極有心思，每層有不同口感，為小聚畫上完美的句號。

K2 Kitchen有提供Set dinner包前菜,湯,主菜,甜品和飲品。前菜要了焗車打芝士, 煙肉大傘菇大傘菇幾香,又多汁, juicy!餐湯要了蟹肉,栗米茸湯。蟹肉,栗米茸湯濃稠, 又食到蟹肉, 真材實料。主菜我則揀了芝士海膽醬焗龍蝦伴龍蝦汁天使麵。龍蝦有半隻,賣相吸引。未食已令人垂涎欲滴。當然要相機食先。我們先拍照。才慢慢品嚐。蝦肉爽口鮮甜。天使麵幼身,伴上龍蝦汁, 不錯。甜品, 我們加了$58要了雪葩。雪葩是用桃來承載。碟中加了綿花糖,Cream,橙肉。桃雪葩甜度適中。

今日友人帶我來試試工廈的K2 Kitchen。我們二人皆揀了set dinner。前菜:燒有機紅菜頭伴羊奶芝士,北海道帆立貝,檸檬泡沫。這個前菜予人健康的的一道前菜, 因有紅菜頭。紅菜頭營養豐富，有降血壓、減肥、延緩衰老等功效。帆立貝新鮮。羊奶芝士不羶。蟹肉,栗米茸湯: 湯飲到蟹肉。主菜:鹿兒島有骨豚豬鞍伴楓糖芥末籽,青蘋果茸日本豬鞍比較放心吃。豬鞍燒得幾靚。厚切, 配上楓糖芥末籽醬, 可以解膩。感到少了點罪咎感, 没有這麼肥膩。Set dinner有甜品送,是芒果慕絲。擺設像一幅畫。

觀塘工業中心 食肆林立呢日揀咗位於冠力工業大廈入邊嘅K2 kitchen餐廳門口黑色為主 充滿神秘感餐廳以黑白為主調 簡約而又充滿貴氣牆上掛住唔同動物嘅立體雕塑 特別又有氣氛套餐頭盆紅菜頭汁煮帆立貝賣相精美帆立貝厚身 餐湯賣相亦很精美蟹柳粟米茸湯 味道濃郁 焗原隻波士頓龍蝦又係令人感到驚喜嘅賣相連伴碟都費盡心思輕煎北海道刺身帶子 黑松露意粉份量很足帶子大粒 厚身 意粉爽口煙韌 滲出陣陣黑松露香扒德國肉腸拼盤豬 牛 雞 肉腸 各有特色佢既薯條炸得香脆可口甜品擺設同樣充滿心思🥰

今天來到K2 kitchen, 是工廠大厦內的西餐廳，午餐有多款選擇，價錢也算親民的。今次有四個同事一齊食，可以叫四個餐share, 楝了米蘭式海鮮直通粉，安格斯肉扒，焗三文魚柳及美國黑豬肉眼。好豐富，牛豬魚及意大利粉都有點。直通粉茄醬汁美味，加上巴馬拿芝士就更好，扒類外表煎得香脆，尤以豬肉眼質感鬆軟，配上法國白桃汁酸甜可口。三文魚外皮也煎得香脆，入口啖啖鮮美。每一個更配餐前小點，簡單清新青瓜，先開胃口。還有餐湯或沙律，最後配上餐飲，豐富的午餐，為下午忙碌工作打打氣。

約兩三星期前曾經到觀塘的一間樓上凍肉公司買了一條澳洲穀飼牛柳, 不經不覺給家中的食肉獸消耗了大部份, 故今天就再到那凍肉公司補貨. 可惜牛柳賣完未能及時進貨, 白走一趟, 卻無意發現了另一午餐好地方. 前菜蟹肉青瓜酥盒很精緻, 鮮甜蟹肉夾着清爽清瓜再配上沙律醬很開胃.田園沙律蔬菜很新鮮, 爽脆. 餐湯甘筍雞湯清甜可口, 店家還附有麵包條可跟餐湯一起享用. 香煎美國極黑豬肉眼配黑醋汁亦很大片, 肉質結實, 肥瘦適中, 多汁香甜. 黑醋汁微酸偏甜, 使多吃幾口肉眼也不感肥膩.  香草松子仁醬烤焗三文魚柳皮脆肉嫩, 淡淡香草幽香. 三文魚很大片. 松子仁醬香口幼滑, 果實香氣十足. 主食可跟蔬菜或飯. 熱情果白朱古力慕絲果香撲鼻, 入口甜絲絲的, 慕絲鬆軟, 還有朱古力兩點及由糖造成的小花點綴, 實在悅目.   期望凍肉公司再進貨牛柳時, 可再到這裏品嚐其他美食.