K2 Kitchen (已結業)

是日放假，不過因為要在觀塘上課，所以還是往觀塘走了一趟，先吃過午餐。今天的選擇是在巧明街的K2 Kitchen。午市都是吃套餐的了，食物種類繁多，由輕食的沙律到豐富的肉扒，一應俱全。還在閱讀餐牌的時候，侍應已經送上法式精緻小點。套餐可以選擇餐湯或沙律，我選擇了餐湯雜菌湯。菇菌份量非常豐富，每口也是滿滿的菇菌碎，口感十足，鹹淡適中，菇香一流。主菜是扒澳洲肉眼配洋蔥燒汁，五成熟的做法，口感更加軟熟。洋蔥燒汁令肉扒更加香口，食過返尋味。伴碟令整個菜色更具藝術氣息。可搭配有機糙米飯或蔬菜。這天不太肚餓，所以選擇了蔬菜，是白烚的做法，更加健康，顏色豐富，提升食欲也確保營養十足。如想加點甜品，可加錢再叫。吃飽了，直接上個餐飲熱檸茶。

觀塘的食肆都集中在工廈，有不少好吃的餐廳。今次揀咗K2 Kitchen。餐廳裝修以黑白色為主。有套餐，單點亦可以轉套餐，即有頭盤、湯、甜品、餐飲。甘筍湯，味道清新。蟹肉，粟米茸湯，粟米味非常香濃。燒有機紅菜頭伴羊奶芝士，紅菜頭煮很好腍，羊奶芝士很夾。焗車打芝士，煙肉大傘菌，非常香口而且菇味濃。芝士海膽焗龍蝦(半隻)伴龍蝦汁天使麵，龍蝦肉質爽口鮮甜，天使麵煙韌彈牙。三色果仁焗紐西蘭B.B.羊仔鞍，檸檬芥末，火候適中，肉質結實嫩滑，配上三色果仁，增加口感。精選甜品，賣相吸引，甜度適中，朱古力味濃。套餐仲包一杯飲品。

之前睇OpenRice，經常見到k2 kitchen都係好多正評，今次終於有機會試吓啦！星期日嘅中午，冇book位嘅， 12點幾嚟到餐廳，只係得一兩台客，但食食吓就開始多人，但都唔會爆場。坐低冇耐，會出售拎咗芝士餅乾過嚟，啲芝士都幾好食吖！枱上面仲有棒型嘅餅乾，配埋啲肉一齊食都OK架！我哋叫咗羊排、魚同牛扒，其實佢得六個餐左右，另外嗰啲係沙律，意大利飯同意粉。認真，佢嘅羊排同牛扒，真係唔好食，好硬唔係幾咬得開，個魚就正正常常咁。佢嘅前菜有沙律同餐湯，我揀咗餐湯，個味道認真奇怪。最後叫餐飲嘅時候，佢有個list都幾多野揀，我想叫熱朱古力，個waitress話咁啱無晒朱古力粉，我就轉咗earl grey

點了晚餐set，是酥皮鵝肝羊柳，七成熟，羊柳切開看到粉紅色的肉，火喉掌握得剛剛好，切開時已有肉汁流出來，果然咬下去好多汁，羊味豐郁，有點羶味，但不會太強烈，肉質軟，很出色。羊柳外有酥皮包住，增加了不同口感，又有一股牛油香味，原來鵝肝藏在酥皮和羊柳之間，想不到鵝肝與羊是絕配，肝味增強味道，讓味道可以停留久一點。餐湯是蟹肉粟米湯，意想不到會吃到一塊塊蟹肉，而且很鮮甜。粟米湯味道偏甜，質地幼滑，賣相吸引。

昨晚終於能約齊人一同去gathering吃個飯🎉工作實在太忙，但是飯還是要吃的🤣進門口就看到這一個小小的酒架🍾《蟹肉粟米茸湯》湯的賣相吸引，有一支長長的餅乾，粟米味香濃，都還未喝香味撲鼻，碗底還有一點點蟹肉，上面的泡沫還有甜甜的味道的。《燒有機紅菜頭伴羊奶芝士, 北海道帆立貝, 檸檬泡沫》這個頭盤令我最深刻的是紅菜頭和羊奶，紅菜頭很甜，加上羊奶氈味濃，不是每個人都會喜歡，但喜歡的人會很喜歡它獨特的味道，還有帆立貝不靭。《焗車打芝士，煙肉大傘菌》朋友點的頭盤，看似也很吸引喲！《鹿兒島有骨黑豚豬鞍伴楓糖芥末籽，青蘋果茸》豬鞍是厚切的，外面煎至金黃，鎖住肉汁，配清甜青蘋果茸。《意大利紅茄燴牛仔膝》朋友點了這份牛仔膝，顏色好繽紛呀！《喜馬拉亞山礦物鹽焗原隻法國黃油春雞》另外兩個朋友都分別點了春雞，擺盤精緻。《提子冧酒芝士餅》餅底以消化餅製成，芝士餅creamy嘅感覺，加上軟綿綿的綿花糖和脆脆的朱古力粒，口感豐富。《洋甘菊🌼》好清香，令人放鬆的味道呀😌

上一個星期每天都要加班，難得約齊人吃飯，打算不加班啦，但是都是遲了大半小時...... 趕到餐廳，看了看餐牌，覺得全部食物名稱都很長 🤣，因為它說明了食物的來源地 👍🏻 蟹肉栗米茸湯 - 上面有泡沫、餅乾條用來伴湯，內有蟹肉粒，栗米湯又香呢！焗車打芝士煙肉大傘菌 - 朋友點了這個，賣相不錯喔！燒有機紅菜頭伴羊奶芝士，北海道帆立貝，檸檬泡沫 - 買相已經大讚，羊奶芝士配上大大粒厚切帆立貝，好鮮甜又不會太羶（對我來說）意大利紅茄燴牛仔膝 - 這個是朋友點的主菜，因為我不吃牛的喔 😂 鹿兒島有骨黑豚豬鞍伴楓糖芥末籽，青蘋果茸 - 這個又是朋友點的主菜這是超級厚切，朋友說一點都不韌喜馬拉雅山礦物鹽原隻法國黃油春雞- 我跟另一位朋友都是雞空，見到有雞一定先點。原隻小春雞，礦物鹽則放在雞的下面，大約在雞胸部分，好惹味。雞肉好 juicy 提子冧酒芝士餅 - 這個好有驚喜，因為大多數是日精選甜品都是比較求其，但這個就很有水準，不會太甜又不會太膩，上面還有棉花糖朱古力 👍🏻

呢排返工日日都好忙要勁開OT,點知今日居然可以在放工前完成,真係開心到要約朋友好好慶祝!所以搵齊好朋友一齊出街食飯!!因為其中一位朋友仲未放工,為左方便佢唔洗行咁遠,所以去佢公司附近的工廈尋找美食!!我們行左幾個圈,最後決定來這間人氣西餐廳!我們喜歡這裡地點好方便,距離地鐵站行5分鐘就到,而且工廈環境乾淨企理,有種放心用餐的感覺!餐廳裝修得很有格調,加上燈光暗暗地幾有氣氛,坐位好寬敞,唔會有侷促的感覺,令人坐得好舒服!打開餐牌有好多選擇,可以選擇套餐又可以選擇單點主菜加錢轉套餐!!<焗車打芝士,煙肉大傘菌> 大傘菌肥大肉厚,菇味濃郁,中間釀滿煙肉,再放上大大塊車打芝士一齊焗,香味撲鼻,用刀切開,半溶芝士和蘑菇汁漏哂出來!再配上沙律菜,食起來非常滋味!<燒有機紅菜頭伴羊奶芝士,北海道帆立貝,檸檬泡沫> 紅菜頭清新又爽口,雖然本身帶有少少的酸味,但剛好中和了羊奶芝士的羶味! 帆立貝肉厚肥美又鮮甜,咬起來有嚼勁, 味道和口感都不錯!<蟹肉粟米茸湯> 粟米茸令整個湯變得很香甜,每一啖都飲到濃稠質感,仲食到好多沉在湯底的鮮甜蟹肉,跟麵包脆條一齊食,

雖然坐落喺觀塘工廠區，但係上到去不一樣的天地。裝修得好有格調，擺設用心，上菜由餐湯到甜品都看得出別有用心的設計過才送到客人檯面！比較過餐牌之後揀左set dinner！餐湯係蟹肉，粟米茸湯（個樣有D似南瓜湯，甜甜地幾好味）前菜揀左燒有機紅菜頭伴羊奶芝士，北海道帆立貝，檸檬泡沫（個名好長但形容得好仔細）好清楚自己叫緊D咩好清好醒胃，紅菜頭感覺好健康！D 泡泡都有味㗎主菜揀左喜馬拉雅山礦物鹽焗原隻法國黃油春雞（礦物鹽係亮點，配埋真係好食好多）時日甜品：提子冧酒芝士餅，creamy 好香唔太甜，精美唔漏啱啱好。

和朋友相約午膳，選了這間在朋友辦公室對面的西餐廳。餐廳空間尚算寬敞，有長檯適合一大班朋友聚會。午市共有8個選擇，除了沙津/餐湯，另有多款飲料。法式精緻小點，鬆脆的小點內有開胃的沙律醬吞拿魚，既美觀又可口。食肉獸最愛—香煎澳洲肉眼配蘑菇汁，medium 的肉眼很juicy；除了蘑菇汁，另有紅菜頭等醬汁伴碟。肉眼可選配米飯或雜菜，雜菜加了蒜蓉或黑椒很香口。西班牙紅花帶子意大利飯，足料的意大利飯，內有多粒帶子，但醬汁稍微有點稀。肉眼美味而且地點方便，值得一試。

同朋友係觀塘做完運動，朋友話有間餐廳想試下，咁做完運動又有d肚餓，咁就唯有成全我朋友啦~可能因為時間尚早既關係，上到去都未有人🧐上到去見到環境其實都不錯，坐落都好舒服😌我同朋有各自都叫左一個餐，落order無耐之後，就有精緻既餐前小食送上😌哩兩個野菌撻雖然細細粒，但係味道非常不錯，香甜味美朋友話哩個沙律都幾好，d菜都新鮮👍🏻終於輪到主菜，朋友既龍利柳卷，肉質嫩滑，調味岩岩好，唔會過鹹我既羊排就揀左7成熟，廚師既水準亦都不錯，真係岩岩好7成熟，不多不少，海蝦都非常新鮮，值得推介👍🏻值得一提既係，哩間餐廳既員工係我既主菜上枱後亦非常貼心問我需唔需要芥辣同薄荷醬，非常好既服務👍🏻總括而言，我一定會返黎再食，有好食既食物，又有好服務既員工😋

其實之前已經同朋友一齊食過，食物味道不俗。所以今晚和老公一起再食，我自己就叫左鵝肝，西冷七成熟，老公就叫左羊扒，頭盤嘅南瓜湯非常濃郁，配有面包條正👍牛扒就好重牛肉味，鵝肝上枱仲熱辣辣😋😋老公就話羊扒值回票價，大家可以一試，若然冇記錯就係可以另加幾十蚊配套餐有湯有甜品。真心覺得好味，價錢又親民，坐嘅位置都幾舒適，平民西餐可以推介✌️

機緣巧合下黎食第二次，味道仍然好味！份量亦夠，係高質西餐！我食呢個係芝士海膽醬焗龍蝦（半隻）伴龍蝦汁天使麵，龍蝦肉質爽口，芝士海膽醬冇咩海膽味，芝士味夠濃厚，不過百幾蚊有呢個質素都好合理👍龍蝦汁我覺得做得幾出色，濃淡得宜，混麵食，食落味濃但不黏口，滑滑的唔會哽喉，麵上仲有幾塊芝士，芝士就冇咩特別，混麵食冇好食左，係影相賣相靚左。服務方面，待應都好貼心我叫左呢個就自動俾埋鉗，濕紙巾都唔使問都俾埋。佢係有set dinner的，不過我果晚唔太肚餓就冇叫到，因為上次黎食叫左食最後食唔曬。我覺得性價比算高既餐廳，餐廳星期五六晚都唔太full，座位算闊落，傾計都舒服，我7點多去到都係得3枱客左右，希望之後仲做得住啦！

觀塘出名多工廈美食，但都係d平時行街唔會見到既餐廳，所以我就碌左下openrice ，搵到呢間K2 Kitchen ，近我價錢又唔貴既西餐廳嘆下，我book左十二點，但因為真係太近我既關係搵埋路都係五分鐘去到，早左去到未開門，所以大家去既話都記得十二點先去到就唔洗好似我咁撞板喇 呢間餐廳既格局都幾有feel，佢放左幾個標本頭上牆再加埋射燈照住好artistic 丫 佢d餐有配好多野食，所以點完唔洗好耐就會有餐湯沙律食住先，個日既餐湯係羅宋湯，有好多料係入面，好中意佢既紅蘿蔔，好好食😊 之後應該係送左個小食，菇菇tart(我亂作😂)呢個真係好好食，佢個tart皮好脆，入面既菇唔係苦既菇，係外脆內軟丫，雖然係送但都做得好好食，加分 之後沙律都黎左，佢係用醋配d菜，再加左d芝士on top，出面好似多數都係沙律醬，但用醋甜甜酸酸仲好食仲健康😊 主菜叫左牛小排配菜，個牛小排我叫左七成熟，我覺得啱啱好，佢話係牛小排但其實都幾大塊，d牛汁又比得多完全唔會乾，正!上菜見到個擺盤係有d創意，用三隻色既薯泥做伴碟，唔係就咁上塊排比你，呢d細節比我感覺係佢地好有熱誠! 另外一個叫左三文魚意大利飯，好cre

今晚去了觀塘工廈吃西餐，叫了個set Dinner, 先來甜品，是有機紅菜頭伴羊奶芝士，紅菜頭面還有檸檬泡沫，少少酸味感覺，北海道帆立貝夠大隻，襯埋濃味的火箭菜，一個健康的頭盤，蟹肉粟米蓉湯好香的粟米香味，濃濃的，食得出是攪伴過的粟米，跟麵包脆條點上一齊食。烤紐西蘭有骨肉眼扒$318 /套餐賣相好高檔次，好香的肉眼扒，叫了五成，肉質好滑嫩，再配個燒烤醬，帶出牛肉鮮味，好味。藍苺芝士蛋糕作甜品，用了好長的碟，好似一枝玫瑰花，盛在長盒上，原來係檸檬jam 畫成，好有心思，令cheese cake冇咁膩口，甜絲絲的。最後一杯即磨咖啡，夠香濃。臨走時見到餐廳免收開瓶費，真係好難得，良心企業。

今日去觀塘K2食晚餐，雖然set dinner都好抵，多選擇，但喜愛食龍蝦既我，set dinner得半隻，又好似唔夠喉，所以都係散叫原隻芝士焗龍蝦再加$58 轉餐，即包頭盤，湯，甜品，咖啡。先來頭盤係有機紅菜頭伴羊奶芝士。賣相好吸引，有大隻已熟的北海道帆立貝，再鋪了檸檬泡沫，紅菜頭味道酸酸的很開胃，還伴了火箭菜、羊奶芝士和芝士片，好彩唔算好羶味。這個是冷食的，可作冷盤食。湯是蟹肉粟米蓉湯，濃濃粟米香，超香甜，面層有忌廉泡沫像心形，望到都好sweet。蟹肉都比想像中多，增添了鮮味。主菜點了原隻波士頓龍蝦$218，面層有芝士同忌廉汁，龍蝦肉質彈牙，龍蝦頭多膏又香。甜品還有藍苺芝士蛋糕，最喜愛係朵用果Jam 做的玫瑰花，望住又sweet, 食落都sweet, 感覺非常良好。還包餐茶，叫了咖啡，夠香醇。