Kam's Cafe (已結業)

多次到太古城都見這裡坐滿了人吃飯, 所以今次來看個究竟, 叫了東京拉麵和滑蛋吉列豬扒飯, 唉! 那個所謂的東京拉麵, 香港任何一間拉麵店都煮得比它好, 湯底無味, 麵也不是正宗的日本拉麵, 最離譜的連那半隻雞蛋也吃不出蛋味, 吉列豬扒炸得過火. 完餐後很後悔為何不多走兩步到屋台屋.叫了兩杯凍的炭燒愛爾蘭咖啡, 叫做ok啦, D cream 幾滑口.

好難想像今時今日要成六十蚊一個set lunch D質素都可以咁差…原本以為呢度D pasta唔錯，叫o左個白汁魚柳fettuccine；D friend就order左兩客牛仔骨烏冬。先到o既一客烏冬，賣相唔錯，D牛仔骨都算OK；至於我個fettuccine，白汁太少，texture好杰又唔好味，個魚柳成"pat"咁。最好笑o既係碟fettuccine到o左鬼死咁耐，"灘"到凍曬，但係用o黎食?D刀叉經三番四請都唔到；至於第二客烏冬，就o係我地差唔多食完至到。上甜品時o既遭遇也一樣：個雪糕到o左好耐，都見唔到用o黎食個隻叉。呢度唯一可取o既，係D咖啡同茶，一壺壺咁上；咖啡幾香，D茶係用茶葉而唔係茶包。不過，食物麻麻地，service又差，環境又迫，實在去唔過！

雖然裝修唔錯,而且食物唔差...但係都唔係好值得去~店內都幾污糟...服務唔好~而且都唔平~唯一可取ge係,三色飯好好味~

我十分認同cocobo有關Kam's Cafe的食評。本人在太古城居住和工作多年，目睹Kam's Cafe的衰落。食物的質素雖還能保持得到，但店員的服務態度卻一直在下降。聖誕節期間我和一位朋友拖著行李來到Kam's Cafe，但店員堅持只提供兩座位table，最後我和朋友只得抱著行李。最不能理解的是當時店內是有6 tables是沒有客人的。我們其後爭取換較大位置更受到店員冷言相向，我和朋友唯有選擇到別的店子。Customer needs and satisfaction不但不能靈活處理，老實說我有強烈"貼錢買難受"的感覺！

已係太古城開業好多年，以前服務同衛生都好o的，近兩年差o左。不過，食物水準還可以，價錢尚算合理。但坐位唔多，而冷氣亦唔夠。

Kam's Cafe 的熱奶茶是用cream 來代奶的﹐那些cream 好幼滑﹐勁正﹗另外﹐lunch set 的價錢也只不過是$5x ﹐又有雪糕。我recommend 坐bar 位﹐因為可以看到茶及coffee 的沖調過程。不過很特別的是waitress 及kitchen 工人清一色都是女人。