KC Cafe (已結業)

終於第二次黎KCcafe😭，今次同男朋友過黎，個日係閒日比較少人，有機會同到卡比同熊大影相😭（上次黎比人逼住晒）。我都係點左上次嘅紫薯latte $32一試返唔到轉頭😋😋。男朋友就點左薄荷朱古力沙冰 $38無沙冰嘅感覺，試左一啖覺得係滿口牙膏嘅味道😂就無再試。今次仲試左包，芝味四重奏墨汁意大利包 $43其實幾好味嘅，好啱啲芝士愛好者，如果唔係超級喜歡嘅真係會覺得有啲膩，因為除左芝士都係得芝士，如果加啲火腿粒我覺得會好啲，因為膩到我食唔晒成件🤔🤔仲有泡菜呑拿魚紫菜飯 $37我覺得正過火腿煙肉，無咁乾身，少飯多餸👍🏻👍🏻最後加多張大合照，無去一個月都無，就多左好多新公仔喇😆😆

看畢戲後, 不算很餓, 又不想同人迫,所以去了附近樓上CAFE,這間CAFE坐落於官塘工業區商廈之中若不是有OPENRICE又或者有人介紹相信LEE間CAFE要生存也不是一件容易的事情同其他飯友感覺一樣一入到黎都吾似CAFE的CAFE一邊是賣韓國化妝品另一邊是CAFE範圍在場所見都是食野居多, 沒有太多人在逛化妝品那區點餐方面是要自己出去點的, 就好似食快餐咁我與友人點了熱朱古力咖啡, 凍朱古力咖啡, 韓式紫菜飯卷及一客冷面老實說咖啡不算十分出眾紫菜飯卷及冷面都很一般硬要給他點評一下就是飯卷辣, 冷面是真的冷~但我較喜歡是窗外的風景其實d位就吾算好好坐...雖然位同位之間吾算好近但未至於可以hea好耐果種cafe..同時亦有好多公仔最吸精的當然是line那隻熊大入口處也有一隻啤啤熊但佢個樣好似十級累咁....另外盛著食物的都是即用即棄的食具實在有點浪費以在場人客數目及waiter數目而言絕對可以用更好的食具~lee間野算係可一不可再黎過一次之後應該吾會再黎了~

見到openrice有唔少好評，趁返工之前就過黎坐下。空間好大，一啲都唔逼，人都唔算多。有好多唔同嘅公仔，想同熊大同卡比獸影相，比隔離枱霸住左😭😭，啲大隻嘅公仔都比隔離枱拎晒😟。第一次試紫薯latte，都幾重紫薯味，我唔係幾好紫薯都覺得幾好味😌。紫菜飯就不過不失啦。坐係度都幾寫意有oppa幫你收錢架，值得再黎，價錢都ok👌🏻👌🏻

係團購見到，就去試一試佢啦，我係買左二十蚊張嘅四十蚊現金券去試下間野嘅。一人限用一張，佢唔俾我分單買兩張嘅一去到，間野係同賣野連住，個設計幾靚，環境幾好，好岩女仔去影相之後我就去櫃枱拎左份Menu睇，佢本Menu好殘舊咁，又痴晒膠紙我地叫左個韓式炸醬麵配煙煄手撕雞肉 Javagmyeon with smoked chicken 好長嘅名麻麻地，可能口味不同之後仲叫左個芝士味韓式炒牛肉墨汁意大利包 cheese bulgogi panini 都係好長嘅名呢個包好辣，可能我少食辣，我覺得真心辣野食就一般，環境反而幾坐得幾舒服

睇得相多，香港終於有得食，唔使得個睇字喇本來想揀洋蔥味的，但原來每日得4款口味，所以揀左有nuts的。個包會烘過先，好脆口，加埋啲cream cheese，好正丫cheese軟，個包就脆加煙韌，再加埋合桃的口感，而且啲cheese食落唔漏。雖然唔似得韓國，個包好大個，好厚身，但呢度呢個已經好好味喇我要遲啲試晒咁多隻味丫杯野飲係mint Choco, 無乜特別，但要38，仲貴過個包。下次我都係齋食包算喇

KC Cafe 係1間集食野同買野既韓國style Cafe shop!入面無咩主食可以選擇 都係得d小食同特色飲品位置好大 空曠 但吾算多位座位集中係窗口位 好多公仔紫薯lattee**雖然賣相好靚,但杯野飲好甜!! 無咩紫薯既香味 失真上面係d朱古力醬晝既花紋 成杯野愈飲愈口渴飲落去無好傑身既紫薯渣 反而好浠鮮奶抺茶**杯野飲上面既花都吾係晝落去 好似係唧d Cream上去成杯飲品亦都無綠茶既苦澀味 係1堆好似假膠既甜味湧入口度紫菜包飯**包到好吾實 一挾就散開無芝麻油香味 平時阿豬媽小食店D包飯仲香口忌廉芝士貝果****選左配榛子醬 隻CREAM吾甜又吾膩><好好味 仲要雪凍左 加埋個包口感正到一個點芝士雞肉墨汁意大利包***個汁我就覺得怪怪地 但幾足料!烘得岩岩好 但我MAMA地哩d野食

見到網上有朋友話ｅ度杯紫薯latte好好飲，咁就當然要試下啦！上到去，第一個感覺係唔似餐廳，似旅行社多ｄ！咁轉左幾個彎之後 ，見到啦，都坐滿人，難得咁岩有張吉枱，就立即坐落去啦！坐低睇下menu,款式都唔少，咁我就點左個泡菜紫菜卷，女朋友就點左個墨汁芝士雞肉panini,再加兩杯熱latte啦！等左十分鐘度........等果陣又望下環境，環境都幾好，重有海境望下，我女朋友就去望下ｄ化妝品，佢話價錢都幾貴下！好，部機振我啦！紫薯latte,好香紫薯味，奶都打得好滑，奶泡唔係好大，幾好，唔錯泡菜吞拿魚紫菜卷，幾足料，但係食落去材料味道唔夠突出，無咩特別！墨汁芝士雞肉panini,e個幾好，唔錯，芝士同雞肉味道好夾，裡面更放左ｄ洋蔥，味道更出，但係我覺得就食唔到墨汁味！其實佢重有其他野食，第日會再黎試埋其他！

有得食又有得買仲有得玩，集三者於一身嘅kc cafe.平時都係上去買下嘢多，食嘢就通常係星期六，好得閒先至上去坐下，飲下嘢，同line公仔影下相。(上面有成10幾隻line系列嘅公仔可以同拒地影相，仲有d頭飾可以比你戴住嚟影。中意嘅話仲可以搬拒埋身邊同拒一齊食嘢)。但今次忽然想忙裏偷閑下，攞左個午飯時間上去。我上去時大概一點半，人唔算多，自己選位坐。一如既往點我最中意食嘅紫菜包飯。嗰到有三款口味，都係現場即包嘅，我比較中意食惹味小小嘅泡菜吞拿魚，味道不錯，一條有9件，一個人夠唒飽。仲伴有蘿蔔醃菜，幾開胃。另一個點左奶酥土司。整個吐司都好厚，起碼有3吋，外層咬落好脆，入面面包軟熟，上下都加有牛油，吐司嘅外面還加有忌廉同蜂蜜，配出嚟味道剛好，不太甜。仲叫左杯曲奇冰沙，夏天消暑一流。唔會太甜，飲落有d曲奇碎，又有d奶嘅香味。正！雖然甘樣上一上坐下，同公仔影下相，個人放鬆左好多，但係始終中午時間得一個小時食飯，拒煮嘢嘅速度差不多要20分鐘，同埋拒地起菜係中意成張order上嘅，所以都係感覺有d趕，都係選假日去會好d，時間可以留長d。

同朋友傾計食tea,原本想去starbucks飯杯野，但太多人，所以最後揀左呢間幾高評價既cafe。一上到去以為去錯地方，因為見到個賣化妝品既鋪頭，原來間cafe係連住間化妝品店。我同朋友一人叫左一杯野飲，我叫左杯紫薯latte,一開始會驚會好甜，但一飲好驚喜！！賣相好靚不得止。面頭d泡泡超smooth同creamy,拉花都好靚，飲落有啖啖既紫薯甜香，唔會係一味死甜，甜味適中。可能係平日既關係，所以唔係好多人。仲有唯一要改善既地方係上菜速度有小小慢。但總括黎講都好滿意一定會有下次

我是一個熊大迷，朋友告知觀塘有一間以Line Friends做主題的Cafe！實在太開心……位置很方便，離港鐵觀塘站行去只需數分鐘路程。餐廳雖然不算大，不過樓層高，視野環境不錯！有很多熊大，Cony，莎莉的公仔可以拍照！食韓國菜必然叫紫菜飯卷，餡料有雞蛋、黃蘿蔔、蟹柳、紫菜。旁邊帶有辣辣的泡菜提提神！雖然食物簡單不過食得很有滋味……棉花糖朱古力醬多士 - 賣相很美，棉花糖燒得像九格迷你麵包！香脆的多士再加上朱古力醬，沒有一個理由可以抗拒不吃！(左)紫薯Latte - 紫薯味頗濃，而且很香滑。(右)雜莓奶昔 - 味道很清新，果肉頗多，飲完一杯確係爽！

其實係為左熊大黎！入到黎覺得幾得意，因爲有cafe亦有shop。叫左個泡菜芝士多士，無諗過咁正！d泡菜好香，有少少辣，同好多芝士加埋一齊好夾！仲要係多士既配搭成件事真係好好味！而且價錢唔貴先係重點！

門面完全唔似一間cafe嘅？究竟你係賣化妝品定係cafe㗎？唔緊要啦，觀塘嘅cafe都食得7788，況且都嚟到咯... 雖然空間感好大，但座位唔算多，好在貓貓早一步嚟咗，否則就好快冇位喇，睇完menu出去落order，之後就會有一個曉震嘅alarm...Original Kimbap （＄32）實在好想食Kimbap... 餡料充足，頭尾嗰兩舊有突咗啲料出嚟，都幾似模似樣；有麻油味道不過可以再重手啲；飯粒有啲硬，以香港standard嚟講都算合格；旁邊嘅泡菜辣到我食唔到，但貓貓食得好開心，雖然佢都唔係好食得，但佢都食晒，似乎真係好好味咁喎....Mango & Cranberry cream cheese bagel （＄33）bagel微暖，Mango & Cranberry cream cheese香濃軟滑，兩者非常匹配芝士雞肉墨汁意大利包 （＄43）一直都唔鍾意食意大利包，不過呢個實在太吸引，又芝士又雞，真係要試試。意大利包烘得夠香夠脆，香滑芝士多到必晒出嚟，每一啖都夾住雞肉，每一口都充滿激情！！好味到想喊！！服務OK😋，價錢亦都OK，非常抵食，不過係等食物等得耐咗啲

棉花糖半溶狀態 一切開就章住多士食落啖啖棉花糖好正多士唔算厚 整得幾脆 所以整體口感都唔錯👍🏻👍🏻建議兩個人齊食 唔係可能會太膩😂依間cafe真係幾抵食❤️環境都幾好 係韓系風格播住韓國歌🎧🎧附近亦有得買韓國美妝產品等野食泥先仲可以去行下

每次一search觀塘有咩野食，都見到呢間無負評既cafe就好想試，加上我都係熊大既粉絲，所以就決定同朋友黎呢到試，果然無令人失望下午四點左右黎到，都無咩位淨，有別於一般cafe，呢到比人既空間感好大，唔會為左比多啲客黎而放到啲檯好密咁，而且周圍都放滿公仔，感覺似係屋企玩多過去食野，淨係環境都已經無得輸叫左呢個紫菜飯捲，配料有蛋，蟹柳，胡蘿蔔絲，青瓜絲同酸蘿蔔，成條切開十三件，每件都大件兼且比人好足料既感覺，飯都係有少少醋味又唔會太淋，而且捲咁多料都算包得好實細食既女仔可以兩人分，再叫個小食旁邊既八爪魚仔味道好好，唔會太濃味加上少少芝蔴，食食下飯捲都可以有啲其他味食下，好窩心既感覺叫埋呢個呢到既招牌菜棉花糖焗多士，棉花糖烤完再加埋朱古力呢個配搭真係無！得！輸！佢烤得熱辣辣即刻拎黎，相機食先都等唔切，同友人就急不及待瓜分左佢，味道各樣都好好，唯一覺得可以改進係塊面包如果係厚多士就成件事完美喇不過廿幾蚊都唔可以有咩要求既叫埋飲品都唔洗一百蚊，無人趕，仲有公仔玩，我諗唔到有原因唔再黎囉

觀塘有一間好好hea既cafe，位於商廈既27樓，有個大玻璃窗可以望住海嘆野飲野食真系好爽好好view呢😍呢度既裝飾好似多數以Line為主題，有好多Line既擺設,仲有大大隻熊大公仔可以影相添😍😍 另外仲有其他公仔，不過吾系好知叫咩名😂小妹已經黎過呢度幾次，食物既選擇比起以前多左，飲品就一向都比較多選擇。蜜桃冰茶 （$18）：呢個朋友叫既，我就冇試到，不過佢就話好重水蜜桃味🍑芒果乳酪沙冰 （$38）: 好香芒果味，加上乳酪酸酸甜甜，好清新冰涼😌😌（Btw好中意個Line既杯套呢😍😍）泡菜吞拿魚紫菜飯卷 （$38）：飯卷捲得紮實吾鬆散👍🏻 入面既食材仲有火腿、蛋、蟹柳、蘿蔔同青瓜。另外附有蘿蔔泡菜，呢個泡菜會愈食愈辣，不過辣得好過癮😍 整體味道吾算太特別，但勝在足料，性價比高👍🏻👍🏻芝味地獄辣雞肉墨汁意大利包（$43）：吾好睇佢好似奇貌不揚咁，佢真系好好味嫁😁 上台時熱辣辣，面包烘到好脆👍🏻 呢個都好足料，d芝士多到湧出黎，而且啖啖都食到雞肉😍 配上炒香既洋蔥絲、芥末醬同辣醬，真系好邪惡！不過呢個真系吾講得笑地辣🔥🔥🔥🔥🔥 每食一啖都要喪飲幾啖沙冰先可以繼續😭😭P.S. 持全日制學生證有