KC Cafe (已結業)

果日同男友係觀塘行街，但APM太多人，我諗起KC CAFE博一下睇下有冇位由於佢主要係賣韓國護膚品之類但佢有一個不小既休憩位置，去到唔駛等都有位仲有嘢食可以叫嘢食都唔算貴喎...當然佢廚房不大，食物都係簡單為主，仲要有D款無左我想試個西瓜呀叫左個芝士蛋多士  $18因為我鐘意芝士又鐘意蛋雖然簡簡單單嘢...但好食...切開流心我ORDER一杯雜莓乳酪奶昔  $30勁好飲喎！男友叫左一杯Cappuccino  $24佢覺得唔夠啡味...佢仲有少量雜誌可以睇，剛好有我最愛既農夫男友係餅桶，一定要有飯食叫左個韓式紫菜飯 $28我覺得料可以配搭再好D..最後叫左個秘製韓式雞翼  $26味道真係都幾辣，我唯有點多少少沙律醬去食大合照....見到熊大真開心！佢地D熊大係可以買返屋企架~唔單只有細，仲有大既熊大！望出去風景好正架，仲睇到日落我同男友係呢道HEA足一個下午呢！

作為九龍東的為食妹，最愛到九龍灣或者觀塘覓食。今次就來到了觀塘人氣KC Cafe與好友品嚐多款人氣小食，而且仲有可愛巨型的熊大陪我渡過，感覺超快樂！KC Cafe的配套一流，因為女生們可以在KC Mall瘋狂shopping，然後男孩可以靜靜坐在一旁享受咖啡，這樣就不怕悶倒親愛的。而且當大家逛累了，就可以坐下飲一杯精緻的咖啡，休息一下。飲品選擇十分多，冷熱飲品的方味眾多，總有一杯適合你。小妹屬於「酷甜寶寶」，所以決定來一杯雜莓乳酪奶昔，味道酸酸甜甜十分醒胃，而且口感香甜幼滑，最重要是配上可愛的Line公仔圖案，完全沒有不愛的理由。食物主要是多士、三文治、雞翼及韓式飯卷等，別以為份量很小就會吃不飽，其實普通女生叫兩款小食已經很足夠。不過小妹是著名的大食妹，所以一次點了多款小食，韓國OPPA都吃驚，擔心我會吃不下...個人認為韓式飯卷味道十分正宗，十分足料，再配合韓式辣伴菜，彷彿走回韓國街頭，可以止一止我的韓國思鄉病。不過個人最愛當然是芝士蛋多士，十分邪惡的芝士，配上香濃嫩滑的蛋黃，流心的蛋黃令人流哂口水。多士烤得香脆可口，蛋味香濃然後慢慢在口中滲出芝士的香味，完全不可不試，為了它完全把「

話說媽媽好想買韓國玫瑰花煲，就一同來到觀塘KC MALL睇實物行到累累地又開始肚餓，就試下同場既KC CAFÉ啦聞說呢到既紫薯拿鐵幾好飲，同媽媽都嗌左凍既黎試下仲有熊大個樣tim～～非常可愛！雖然熱既紫薯會更濃，不過大熱天時緊係要飲凍野～～叫左小甜飲落剛剛好，拿鐵味偏淡反而有好香紫薯味巧羅絲 Currors係西班牙式炸油條其實麵粉再拎去炸，最後係上面灑上糖或肉桂粉之前係澳洲都有食過Currors，不過會有埋一兜仔朱古力醬俾你點今次食就無喇～不過都炸得好香脆第一次食既媽媽都覺得幾得意，幾特別香港可以食到Currors既地方真係好少～～棉花糖多士皇牌出現啦！烘得焦同脆度都剛好既棉花糖，咬落軟棉棉加埋朱古力醬同煉奶既配搭…呢個下午茶真係一流～～雖然自己屋企都可以整到，不過$16咁平真係落黎食個tea都抵呀!芝士蛋多士睇落好普通加幾片芝直拎去焗好平平無奇，原來一切落去就見到蛋汁加埋溶溶地既芝士一齊流出黎，好正呀！秘製韓式雞翼辣得非常惹味！愈食愈過癮～我唔係幾食得辣都好想食多隻～聽staff講，呢個入貨返黎已經係醃好哂，唔知係用咩醃既呢～咁入味如果再焗得脆口d就更加吸引～Affogato就係一小

現今大部份年青人都較為喜歡韓貨，已經被獨狂洗腦，專賣韓國貨的KC KOREA集有不少韓流明星產品，但其實這次我並不是為了入貨才來的，而是。。。 而是為了這裡的ＫＣ　ＣＡＦＥ，與其他ＣＡＦＥ最大的分別就是可以一邊購物，累了就可以坐坐休息，當然還要有特色的美食才能吸引我啦！ 燒雞翼～我鐘意食～呢款韓式祕制雞翼帶有微微辣味，連雞肉都夠入味，而已剛剛好熟，肉質嫩口，不會有血水，女喉控制得非常好，吃得放心又好味～ 韓式紫菜飯是基本例牌韓菜必備的，包左酸蘿蔔、蟹柳、玉子等等，外層的紫菜剛剛好把飯包得實一實，就算用叉吉起也不會散開，單吃能吃得出微微清甜，但如果配上旁邊的泡菜味脆筍更加野味。 雞肉芝士意大利軟包份量相當大，外層烤得脆卜卜，裡面的餡料亦沒有偷功減料，軟滑的芝士配上爽口的生菜，口味咸度中等，可是我認為可以略為把雞肉調味或煎香。 最後配上一杯四季都岩飲既紫薯拿鐵，上面加左厚厚既忌廉，真係罪過罪過。。可是味道真的很好，不得不喝阿～不建議少甜，要飲原味先夠正宗～

此行本意是想去KC KOREA 買特價的護膚品, 但和朋友仔一齊SHOPPING 時, 見到客人在店內的KC CAFE 吃得很開心, 那些多士又十分香...於是我們也試試這間以韓風打造的CAFE。CAFE 在購物店的一角, 除了來自韓國的OPPA 調製飲品外, 這兒還有大量LINE 公仔裝飾, FANS 不能錯過。這兒的大紅星一定是相中的超大熊大公仔, 每人都忍不住攬着它合照。KC CAFE 以輕食為主, 最適合SHOPPING 完飲啖茶食個包為體力充電。看到MENU 中有紫薯拿鐵, 即點! 這個我想試好耐了。帶有甜甜的紫薯甜, 加入鮮奶香, 打起一層輕輕的奶泡, 味道像甜品多個飲品, 是較甜的一款, 但我很喜愛她的濃濃紫薯香甜。加上淺紫色的十分漂亮, 是好甜女生們不妨一試的飲品。朋友仔點的雜莓奶昔套有LINE 公仔杯套, 很可愛, 即時為酸酸甜甜的MILK SHAKE 加分。我點了一份火腿芝士意大利軟包, 分量原來不少。烤過的意大利包很香很軟, 配有半溶的芝士, 咸香的火腿, 還有新鮮的生菜和蕃茄, 水準絶對可與那些三文治店媲美。秘製韓式雞翼原來所有食材均來自韓國, 味道亦很有韓風滋

上星期五去觀塘上堂, 趁lunch時候去了KC Cafe食飯. 一入到KC Café, 這邊是Café.另一邊是購物的地方, 大家可以食完野順便行過去買下嘢.而Café中最吸引客人的目光, 一定是這隻超大的熊, 好多人也搶着同佢合照.我點了韓式紫菜飯.飲品就點了熱的紫薯Latte.上檯已被佢的顏色 - 紫色所吸引住. 入口多了一份淡淡的紫薯香味，而且幾滑身，甜度適中.接着, 店員送上韓式紫菜飯.飯卷中包着蛋, 蟹柳, 酸蘿白, 火腿, 紅蘿白, 材料相當豐富.當中加入了酸蘿白, 不但夠爽脆, 而且帶點酸, 特別醒胃.而隨韓式紫菜飯更附有幾片的酸蘿白, 這是我愛食的前菜之一.最後, 就是甜品.甜品點了巧羅絲, 即是西班牙油炸鬼.外皮沾滿糖, 入口又夠脆, 而甜度適中, 鍾意的話, 可以點一點朱古力糖漿, 這樣便多了一份朱古力的香味.不論假日或是食飯時間來個輕食, 飲杯咖啡, 也是不錯的選擇.

第一次上嚟KC CAFE，嚟到先知原來呢個廣場係成座都係商廈，咦？OFFICE都有CAFE？有趣有趣！直上27樓，已經見到一系列KC 水牌，穿梭咗服務處後，就嚟到CAFE呢個地方CAFE 部份唔算大，不過勝在幾有韓式氣氛，同埋好多LINE公仔同O古O臣添而呢度嘅侍應，有啲應該係韓國人嚟架，見到佢哋嘅都敏俊頭同單眼皮眼睛，啲「噢爸」都幾可愛呢～仲有一堆韓式雜誌同埋播放韓國MV，充滿韓味～而CAFE 嘅另一邊，就係專門售賣韓國護膚品、化妝品、服裝等等嘅KC Korea，等嘢食期間可以去望望，話唔定掃到心頭好架 ：）CAFE供應小食唔算多，適合輕食，今次我哋叫咗餐牌推介嘅小食同飲品先嚟嘢飲，分別係雜莓乳酪奶昔同紫薯拿鐵。嘩～原來凍飲係用LINE紙條包住，即刻可愛值加分！隔離仲有大大個熊大比我玩，好正呀！講返味道，雜莓乳酪就好似飲緊沙冰咁，口感豐富都唔錯。反而友人個杯紫薯拿鐵更吸引！紫蘿味道濃郁，而且無諗過可以做成嘢飲，夠特別，甜甜哋，值得一試！小食到喇！講明呢度係輕食為主，所以唔會有飯同意粉等等，不過都有韓國食到嘅紫菜包飯，料都足，紫菜包住酸瓜、紅蘿白、蛋、蟹柳、火腿，青瓜，上面仲輕灑少少芝

早前放假就約了朋友去觀塘行街,朋友是要見面，就算幾宅都好 ,我都會約下朋友出來飯局，朋友問我想吃什麼，想起觀塘最近人氣好高kc cafe，之前見到朋友post大西瓜十分吸引，我並不是line fans,kc cafe是輕食為主cafe,它的另一邊賣護膚品 ,我不是為了買野才來 ,屋企個堆未用完仲買，我開始逐漸戒買,純粹只是想來試下kc cafe食品，我同朋友叫了三個食品，分別是芝土蛋多士/西瓜沙冰/抹茶沙冰,徐了芝土蛋多士比較好吃 ,其他只是一般 ,抺茶沙冰味道較淡，以原形西瓜制做，西瓜味道凊甜,kc某些食品的確OK,未算好吃再回頭 ,對我這個新界人來講 ，觀塘太遠了,這裡環境十分舒適，這裡食品味道尚可以，在這裡可以悠閒度過愉快下午時間

每個星期至少於觀塘出現三次，可是卻從來不知道有一間「Line Cafe」隱身於工業區之中，在朋友的通風報信後當然要去看看。說它是「Line Cafe」，其實也不太對，因為店裡不全以Line系列角色為主，同場不但有售賣韓國商品的地方，亦有其他卡通人物的玩偶。不過……既然在其他地方找不到Line Cafe，來這裡過過癮還是很好啦！這裡有提供醬油蟹預訂服務，只要提前打電話來就可以。食品以輕食為主，當作下午茶蠻合適。點完東西會有兩張收據，一張交給Cafe部店員，一張自己留著。Kakao talk的角色。香港人應該不太認識它們。這次來KC Cafe主要是為了這隻超巨型熊大，好想帶它回家。芝士蛋多士，這個在家應該可以自己做。原以為是熟蛋，沒想到有流心效果。紫菜包飯，飯粒軟硬適中，可以配合酸酸的醃蘿蔔同吃。帶辣味的韓式雞翼，醃得非常入味，而且烤得肉質嫩滑，必點！火腿芝士意大利軟包，內餡味道正常，但包的部份有點乾。雞肉芝士意大利軟包，雞胸肉不會太硬，比剛才的那個好吃。

作為打工仔，沒什麼比悠閒地嘆頓午餐 (或 late lunch) 更好。觀塘工廈多，樓上 cafe 也多，超多人等位、名過其實、悄悄執笠的......要慢慢地享受午餐，或許 KC Cafe 是好選擇。KC Cafe地址：觀塘成業街 6 號泓富廣場 2706-10 室電話：36925113營業時間：11am - 8pm (7:30pm 截單)交通：觀塘港鐵站 B1 出口

由於在觀塘區上班，附近不是甚麼茶餐廳就是工廠飯堂，吃多了就真的有點膩。偶然之下發現原來觀塘有一間輕食Cafe在東廣場的對面，便來試一試。KC Cafe是在商廈之中，其實是一間專賣韓國商品的KC Mall裡面。裝潢很吸引，是簡約的格調，又帶點可愛，因為店內有大量的LINE及KAKAO的公仔供食客拍照！一進去之後先找個空位置坐下，店員會拿菜單給你。款式不算太多，可是看起來每款也不錯，而且價錢亦合理。不過點餐需要走到裡面的收銀處才能點餐，點餐後就需張單據拿到Cafe那邊拿電子牌。Cafe有大電視在播K-POP，很多歌都很新！MUZI的樣子真的很欠揍！點餐之後大約十分鐘左右，食品就到啦！藍莓乳酪奶昔 味道很好，不太甜，淡淡的奶昔味，很滑。紫薯拿鐵原本想說味道很淡，才發現自己沒有攪拌好。喝下去很清新，紫薯的味道不太重，跟拿鐵配著喝原來也不俗。芝士蛋多士樣子是不太討好，不過吃下去原來是裡面軟軟的，而且會有蛋汁流出來，外面的面包烤得脆脆的，很好吃。韓式紫菜飯這個用料真的很普通，沒甚麼特別，湊著吃。沒吃錯的話裡面是腌蘿蔔、蟹柳、熟蛋、紅蘿蔔絲。雞肉芝士意大利軟包新鮮的蕃茄加上沙律汁, 面包外面有微烘,

觀塘既樓上餐廳愈開愈多，真係食都食唔切，如果無乜gimmick，真係好難吸引人去幫襯。KC Cafe亦深明此道，所以除左美食之外，仲有賣韓國零食、廚具同化粧品咁，務求將業務多元化，客人上到黎，可以多幾樣野做。呢度有出售韓國零食，但款式不多。化粧品區域就大得多，而且有化粧小姐駐場。想不到連韓國致瑰鍋也可以在此訂購。呢度既另一賣點，就係靚景，因為餐廳位處27樓，所以景觀開揚，而且仲係海景黎添，坐響度食野都開心d啦！窗邊位置擁有最佳景觀，但手快有手慢無呀！另一邊座位其實都唔差，好多年輕人鍾意黎打躉。而呢度既好風景，點止係室外？其實餐廳裡都有好風光，因為侍應和廚師都係大隻「哦巴」呀，唔望窗外，對眼都一樣好唔得閒！由「哦巴」弄出來的食物，會特別好味嗎？ 其實也不差的。棉花糖多士(前)，其實就好似bbq棉花糖咁，外面脆入面就焗到溶晒，配埋朱古力醬，我buy！韓國飯卷(後)都做得唔錯，必食。另外仲叫左個蛋沙律多士，單睇相都知做得出色。

暑假與囝囝參加 KC Korea Facebook Fans Page 的韓式親子紫菜飯班的時候已經好想在它們的 KC Cafe 嘆個悠閒的下午茶但是當日要趕返去接家姐，無時間囉 !!!難得今日是兩隻小魔怪的學校假期無野做又唔需趕時間，可以去嘆個悠閒的 brunch KC Cafe 是以輕食為主 ... 價錢也經濟實惠有個靚海景，播住韓國至 HIT 的 KPOP，仲有很多 Line Friends 公仔陪你食野 ... 好寫意的我點了杯 焦糖瑪奇朵 Caramel Macchiato HK26靚靚的焦糖醬拉花已經加哂分我鍾意不攪拌就咁飲濃香的咖啡加埋綿密的奶泡和香甜的焦糖比例調配適宜，飲出多層次的味道兩隻小魔怪當然揀凍飲凍鮮奶綠茶 Green Tea Latte HK$27 ... 不會太重奶味蓋哂綠茶味雜莓乳酪奶昔 Mixed Berries Yogurt Smoothie HK$30鍾意它不太酸又有濃濃的莓味，仲有個好 cutie 的 Line Friends 紙套套住韓式紫菜飯 Gimbap HK$28飯充滿芝麻香，好鍾意飯卷面加入了醃蘿蔔咬落去除了有脆脆爽爽的口感，還多了酸酸的

一早早餐都無食就比女友拉左黎睇啲韓國品牌，原來呢到啲產品都係韓國直送，再加上大部份都係韓國人，會以為去左韓國 一上到黎見到有間cafe，梗係食左嘢先啦一坐低就對住呢個景黎食個早餐，何不慢慢享受呢一刻呢 我點左杯iced cookies latte，一啜!!好重既oreo既味，話似latte，感覺似沙冰多啲，大量打碎既oreo令成杯感覺都好實在，又唔會太甜 點左份秘製韓式雞翼，味道少少甜之中帶少少辣，焗得面有少少脆但係雞肉仍然好嫩滑，惹味得一隻接一隻，最後係要同女友搶我地再點左2份包點，呢份雞肉芝士意大利軟包，個名叫軟包，表面一啲都唔軟，焗到表面脆脆但入面仍好軟綿綿，材料落足，溶溶地既芝士，新鮮既蔬菜，一咬幾重口感，唯獨美中不足雞肉較乾身唔夠肉汁，如果有埋肉汁就完美既一份早餐再嗌左份水牛芝士蜜糖意大利軟包，厚重而軟塾既芝士，香濃而唔太甜既蜜糖，脆面而唔乾既軟包，簡簡單單既配搭，各自突然食物既美味，但又唔係互相掩蓋味道，滿足既早餐

小喵很喜歡行官塘，特別是駱駝漆大廈，每次去到駱駝漆就好像尋寶一樣，總有新發現。今回跟男友行完街，就到隔離的泓富廣場 KC Cafe找熊大下午茶。KC Mall 就聽得多，是賣正版韓國的美容產品，今趟還是第一次到旗下的KC Cafe ，先是一條白色的走廊，放了護膚品的display，然後一趟屏風橺開了團購的位置。穿過屏風，就是KC Cafe，有數位oppa 在為客人調咖啡，弄輕食。星期日的下午好時光，盡是一班年輕的朋友在afternoon tea，我感覺後生了。岩岩是萬聖節，整間店鋪也是充滿濃厚的萬聖節氣氛。從窗戶看出去，不遠處是官塘海濱公園。KC Cafe 只有 2 張餐牌，以輕食及咖啡為多，設有20位堂食，於收銀處購買食物後，再到KC Cafe 把收據交給oppa。oppa 會給一個電子器，電子器一嚮，就可以到水吧枱拎食物。小喵不吃肉的，我點了芝士蛋多士、巧羅絲及Affogato。男友點了雞肉芝士意大利軟包及紫薯Latte。芝士蛋多士 $18呢個我絕對有讚無彈，喜愛芝士及流心蛋的朋友就一定不要錯過，我也是為此慕名而來。先說多士吧，烘至麵包皮脆身，但又不會太乾而引致熱氣。而多士面上覆上