Kelly's Cape Bop (已結業)

Was a fan of Kelly's since it's open, but feeling so disapointed today. The Dakgangjeong is defintely leftover from yesterday, you can feel the chicken is a bit sourer, the coating and the meat is hard like rock. sorry, and Bye now~

今日天氣好，行過灣仔買外賣做lunch。這家店之前在網上見到，評價不錯，決定試一試。不到一點，店鋪沒有客人。叫了牛肉飯卷，南瓜沙律。分量不差，八件飯卷50蚊。不過味道，就無乜味道。紫菜味？小小。牛肉味？鹹的是牛肉的味道嗎？蛋絲？竟然無味的……食兩塊就覺得差不多了，又干又無味。再來試一下泡菜。嗯，有酸味。那南瓜沙律應該不會出錯了吧。南瓜蓉加上蘋果粒和青瓜粒，算是健康。但是南瓜下面的生菜是什麼意思？干，無味。好神奇的配搭。再下面就是普普通通沙律汁紅豆和紫生菜，因為有沙律汁，所以當然是有味道的啦，終於。

原本這間店我們都很喜歡 但今天叫第4次外賣 發覺完全係難食 1.唔熱 2. 好稔 3.雞好Un 4. 制作緩慢 5. 柚子苦澀 6.蛋捲出水 我地3個人食到一肚氣 Packing價錢同以前一樣但係水準！下跌大跌！好失望 唔會再比機會 唔會再有下次！

轉下眼，就到下午4點幾5點，臨入去書展前，食少少野頂一頂再血拼先! 今次屈小姐就帶賴生去To eat list入面既其中1間 - Kelly's cape bop 食紫菜飯卷!入到去，韓國靚靚老闆娘超nice，英文好好，笑容好友善，令人感覺好舒服好自在! 佢係舖頭幅牆用英文寫晒有咩食，佢寫kimbap果d啦，入面可以再揀要咩ingredient, 佢仲好貼心有中文menu嫁!!我地叫左牛肉紫菜飯卷! 佢即叫即整嫁! 仲可以睇住佢整添! 睇住佢逐樣逐樣放入去，再卷埋，好熟手! 勁快有得食!一咬落去，覺得所有野既portion 岩岩好飯量比起出面果啲少好多，感覺岩岩好，唔會好似齋食飯咁，夾埋甜甜地既韓式牛肉，加上青瓜絲，紅蘿蔔絲，蛋絲，紅椒等等，好juicy，好fresh! 食落唔會濟，而感覺又剛好，再配一盒自家制既泡菜，辣得夠刺激!值得推薦!#let's eat the whole list tgt!

#辣魷魚紫菜飯卷 #牛肉紫菜飯卷 （$50） 餓底碰巧到灣仔聽seminar，臨走時轉登黎搵呢間#米芝蓮街頭小食 買飯卷回家做晚餐，$50一份確實不便宜，餓底#敗家 地點了兩款飯卷獨食。店家行健康路線，相比一般的韓式飯卷少飯（得薄薄一層飯）和勁多菜（蘿蔔、牛蒡、青瓜），因為少麻油冇味噌的關係，所以味道都相對較淡，牛肉口味冇咩牛肉味，但辣魷魚口味非常辣、我鍾意！一件飯卷size大到可以塞滿成個口、大滿足！店內除左飯卷仲有炸雞、年糕同沙律可供選擇架！

我們公司附近的韓國街頭小食店，據說是一位韓國媽媽親手做的食物。這家小店沒有堂食，我跟同事都是order了然後帶回公司吃。我們點了吞拿魚和牛肉飯卷，蔬菜拌飯，搭配原味的口炸雞~一盒飯卷有8件，中間是碎蛋、新鮮蔬菜和不同的肉，包飯的比例也不會太多~牛肉飯卷吃起來味道好好，蔬菜有種清甜的味道，但是一咬就好容易所有東西都散開，吞拿魚有一點點腥。口炸雞很好吃，一盒裡面有雞塊、炸年糕和炸芋絲~雞塊的量也很足，炸得比較適中，外層鬆脆中間的雞肉也不會太鹹。炸年糕味道就比較淡，我最喜歡炸芋絲，口感很軟糯！蔬菜拌飯的上層是新鮮蔬菜和蛋絲，底層是飯，伴著醬汁吃。蔬菜是真的很新鮮，讓人看了很有食慾喔~不過拌飯的整體感覺比較一般啦，我會比較喜歡飯卷一點。我覺得食物挺好吃的，建議可以幾個人點不同的食物一起share。可能因為現點現做的關係，人多的時候等外賣的時間會久一點。

想食到韓國媽媽(阿豬媽)親手做嘅韓國壽司(kimbap)? 可以去這間叫 Kelly's Cape Bop 的韓國小店。真的是小店,200尺都沒有，他們轉做外賣生意,但是都有一兩張chair 俾你坐。餐廳一個韓國媽媽一腳踢，她超級好人! 今日仲比我見到她的女兒Kelly (留意:是餐廳的名字!) Kelly韓妹真人ok 啊😏！我超級鍾意有個韓國小食-它的名字是"一口飯團"，但是其實入面一粒米也沒有的！，入面是noodles...正確名字中文我也不知道，但是英文是Deep Fried Maki ,韓文是김말이 튀김。真的勁推介,超級好食。

今日中午慕名到這間米芝蓮街頭小食店。這裡沒有堂食位置，只做外賣。價錢尚算相宜，亦有九折coupon可以即時購買，分別以450元及900元，買500元及1,000元現金卷。但要留意這店只收現金。我沒帶夠現金，買不到coupon，要以貴價100大元買Kelly set。口炸雞我選了辣味，奉上手熱騰騰的，入口算是微辣而已，怕辣的朋友大可放心。除了炸雞，盒裡還有年糕和粉絲紫菜卷各兩件，很滿足。海帶水餃也有辣味和原味選擇，我選了原味。原來所謂水餃又是剛才吃的粉絲紫菜卷。旁邊的醬料雖然惹味，但把炸紫菜卷說成水餃真是有點誤導啊。沙拉上半層是蘋果沙律，下半層是椰菜絲。最底有數粒紅豆給我驚喜。蘋果和沙律菜都很新鮮，令人滿意。

睇完平民米芝蓮既 report, 一心試哂港島區既每間，今次黎到灣仔又甘岩見到有 coupon用， 當然即刻入去!我地叫左兩款炸雞 一份原味， 一份蒜香 每款正價$50。 等既幾分鐘，發覺佢仲有 kimbap(飯卷)，不過都唔平 bor.等左幾分鐘就有得食， 佢用紙盒黎放，雖然我只叫炸雞 但好特別，佢仲有炸年糕， 壽司紫菜包韓或粉絲。好啦，等我講下味道係點! 原味既撈左醬，感覺有 d 似酸甜骨，出面有濃濃酸甜味，入面有軟滑脆雞。 而蒜味既就係乾身， 好香好鬆脆! 炸左既年糕外脆內軟，真係好特別而且好飽肚。而紫菜包粉絲都係外面好脆，入面少少乾身， 真係幾有口感。怕小食唔飽既朋友唔需要擔心，有肉有 carbohydrate 好快就飽。真心推介蒜蓉味抵佢有米芝蓮!

行到攰攰地，想食下小食。今日涼涼地，食D韓國嘢就一流。今次點的是原味炸雞。炸雞盛於小方盒，十分簡潔。炸雞即叫即拌醬，由於拌左汁的關係，所以唔係好似kfc 嘅炸雞咁脆，有少少似咕嚕肉的感覺。個汁有D似韓國拌飯醬，幾惹味但又唔辣，加埋D年糕蕃薯又幾頂肚喎。年糕好QQ,，蕃薯普普通。作為一個小食，有肉有蔬菜有澱粉，好似好balance.

在灣仔工作，偶爾想來個輕食吃個沙律的話，好像沒什麼選擇。但上星期試了在波士頓餐廳附近主打韓式輕食的Kelly's Cape Bop，它的辣魷魚飯卷真的令我上了癮，短短十天已吃了三次。飯卷是新鮮制作，而且薄薄的一層米飯包著許多蔬菜，一盒八塊剛好飽肚。除了飯卷外，還有韓式炸雞、韓式年糕等小食，都很不錯的呀！最近才吃過炸雞，原來不止有雞塊，還有點年糕,紫菜卷和蓮藕，最飽肚！

金鐘灣仔區好少哩類韓國食店，單張上說這家是家庭式舖頭，又以不加味精為賣點，便吸引我去試試。由於舖頭只有兩張小桌，所以決定外賣買走。餐牌如下：點了set B: HKD100 哩個set 足夠兩個女仔輕食share 之選～其實除左韓燒，仲有好多韓國菜式係香港可以發揮～！！

上次去過呢間旁邊嘅餅店買西餅，已經比個型格門面吸引！今日想同肥髀食個light tea, 又在這附近！就去試下！肥髀好鍾意門口兩隻硬膠公仔！橙白色為主色好搶眼，店面好細！最入係一個開放式廚房，出面係好簡單放兩張高枱牆上手寫有餐牌，套餐有幾個唔同配搭，可以選擇都幾多！唸好去櫃檯落單，店內只有一個女店員看店，應該係老闆娘，因為牆上介紹呢間店，起初係一個韓國媽咪為小朋友做飯盒，呢個店員係韓國人，只係識講英文，落好單就等下！靚女店員會逐樣做好比我（店細到可以伸出手就到）套餐B：（$100）「主食+炸雞（小）+飲品/沙律」牛肉壽司卷：預製好，好多蔬菜，菜多飯少，頭尾都會比埋，直插好像花，爽口好味，牛肉反而唔多！仲有一小盒泡菜青瓜，微辣爽口好味（大盒啲仲好）炸雞(小）：用個外賣紙盒裝住，好特別，不過盒口比較窄，就唔係好方便夾，所以我倒落個壽司盒，炸雞唔係平時脆口嘅，係似汁燒濕濕地，啲汁唔辣，甜甜地，雞肉嫩，好味，仲有兩條煙韌年榚，同埋兩條紫菜卷！沾滿甜醬汁，好味！柚子汽水：粉紅色好靚，柚子味唔重，夠汽，唔係好甜！好味！韓國美女好悠閒，逐樣做慢慢上！唔落味精！好清爽！好有心嘅媽咪便當！

炸雞熱令我除KFC外，能隨時到各大韓式炸雞店吃到香噴噴的炸雞塊。這小店多做外賣，但也設有兩張高桌供客人作堂食用，那就可以立刻坐著慢慢品嚐了。店員是清一式的韓國女性，只懂英語和韓語，那食物應當夠地道吧﹗我選了沙律炸雞餐，店員問我要的是辣味或原味，就試試辣味吧﹗打開盛載炸雞的盒子，原來不純是炸雞，還有不少配料，包括炸蕃薯片、韓式年糕和炸紫菜卷。炸雞和配菜都加入了不少甜辣醬，還灑上了花生碎和瓜子片。內心登時打了突，因為看到滿佈醬汁的一塊塊炸雞，心想豈不是會影響了炸雞的酥脆口感嗎？果然入口真的濕濕軟軟的，是醬汁壞了事，或許下次應先說明不用預先加入醬汁拌勻，吃時才另外沾醬汁，炸雞應會比較鬆脆可口。店方標榜不會用MSG作調味，故此雞肉的味道不濃烈，主要靠這款甜辣醬加重口味，可惜這款甜辣醬確實不是我杯茶。炸雞的肉質咬下去是頗嫩滑的，但整體就是未能令人吃得津津有味了。都怪鬆脆度和香口度不足夠。其他配料如蕃薯片和年糕水準一般，比較令人驚喜的是炸紫菜卷，起初以為內裏是米飯，怎料紫菜捲著的原來是彈牙的韓式粉絲，QQ的有趣也可口。至於沙律跟炸雞一樣，未能做出水準，外觀不但不吸引，以大量蛋黃醬做的沙律感覺十分飽

韓風似乎未有減退，正當韓式coffee shop 市場爭得你死我活之際，小妹還是較愛傳統的紫菜包飯(Kimbap)。位於莊士敦道街角的Kelly's Cape Bop開業近半年。老闆娘是韓國人，由於令女兒Kelly身在overseas都可嘗到每個韓國家庭常吃的食物，老闆娘經常為女兒親手做KimBap。因此店家售賣的KimBap及其他小吃全都要一個個lunch box裝著，而且標榜健康。老闆娘不太懂說廣東話，與她溝通可說英語。店舖精緻簡約，以橙色為主要顏色，充滿朝氣。門外放著一大一小的小狗裝飾，沒猜錯應該是寓意著其店舖的品牌故事吧。 牆身掛畫是製作KimBap的ingredients， 感覺時尚。店舖是開放式廚房，可目擊整過製作過程，廚房燈光通明，感覺衞生。店舖主要供應的都是韓式經典小吃，飯卷，炸雞，辣年糕，蛋卷等。飯卷款式除基本肉類，連全素KimBap也有供應，照顧到素食者需要。食品價錢雖比一般韓式小吃店略高，但店舖位於中西區，所以還算合理。牛肉飯卷$50： 飯卷與一般傳統飯卷略有不同，每舊kimbap的體質均是巨人size，共有6整舊加頭尾。女生吃份量絕對足夠有餘。內容豐富，飯與材料