kikusan

營業中

休息中

一家人去食飯食物係唔錯嘅Keep到水準小籠包、點心、炒菜。。。都唔錯但想講嘅係今晚見到所有係所有場上面嘅女職員態度都勁差好似全世界得罪咗佢哋咁尤其係企門口嗰個塊面黑到隔住個口罩啲黑氣都走岀嚟另一個女職員幫我哋落單眼見佢個樣『好似』無咁黑咪叫佢啦點知都唔好得去邊態度差又唔覆order最後果然落錯單仲要嚟跟進嘅唔係佢係另一個男職員反而幾個男職員尚算正常不過都只係正常談不上係好唔知咩原因見佢哋之間都好少交流氣氛好似好差咁唔係啲嘢幾好食同埋唔洗等位都真係唔會去不過仲去唔去都要諗諗或者有得揀就一定唔會再比機會佢

當天火炭外勤後，吃了黑豚肉拼天婦羅飯。黑豚肉口感鬆化，而天婦羅不錯!本次拼日式涼菜，味道開胃，適合夏天吃。雖然是貴，但是值得一試。如在現場用膳，味道更上一層樓!下次繼續惠顧。

人人入座75分鐘，我入座50分鐘就話夠鐘，說你只有六十分鐘，就要埋單，後來又說75就75，什麼餐廳待客之道。甘急趕加上態度差，加上食物份量少，性價比不合理，不值惠顧。

今日去沙田宜家傢俬行街，到步之後都有啲肚餓，加上今日好想食小籠包🤤上網搵完之後就見到呢度有小籠包食，一於就去試吓。我未入到去啊，喺門口已經聞到香味，即刻食指大動，入到去坐低，唔理三七廿一嗌咗小籠包先😆之後打開Menu，仲見到佢有個雪山叉燒包(竹炭版)🤩又係即刻嗌咗嚟試吓，除咗喺添好運之外，都好耐冇食過雪山叉燒包，又即管試吓佢同添好運係邊個好食啲。結果都幾唔錯，佢比添好運嗰個大啲，而且佢個麵包軟淋淋都幾好味，最重要係佢入邊啲叉燒應該係用極黑豚肉叉燒嘅下欄嚟整，油香味十足😋😋Lunch時間都係要食返啲正餐嘅，咁就見到佢有一個超級推介嘅極黑豚肉叉燒煎蛋飯😍即係又係一個黯然銷魂飯(極黑豚肉版)，咁梗係又係即刻試吓啦，用黑毛豬嚟整叉燒真係冇得輸。😁而且佢仲有個餐前菜，可以揀涼拌小食或者係精選點心，佢用蒸籠相，個賣相都幾盞鬼，打開就見到有一個小籠包同埋一個菜苗餃，不出所料佢個小籠包個皮都真係幾薄，一咬落去啲肉汁流晒出嚟，大滿足；另外個菜苗餃都幾好味，水晶皮又唔會好厚😎對面嗰個就嗌咗個京蔥牛肉飯，佢就話幾好食，啲料又足。總括嚟講，雖然價錢偏高，但係佢嘅滿足度，都對得住呢個價錢，如果下次有機會再去沙田

呢間餐廳之前都食過兩次，對上一次仲覺得服務好好😂事緣係小籠包一夾即穿底，食晒之後同經理反映，等佢地留意下，點知經理話同我地cancel左呢籠小籠包，完全估唔到😳早幾日忽然間諗起呢間餐廳，襯住今日放假又同朋友入來幫襯了😏去到餐廳大概六點半，但只有幾枱坐左人，大部分位都係吉嘅~staff好貼心咁安排我地坐係少人個邊👍本身來之前已經大致諗好想食乜，同埋因為餐廳食物選擇唔多😂所以好快就可以點餐~餐廳都係要自己手機點餐~今次叫左：🐷豚肉小籠包🐟松子魚🐷回鍋肉配荷葉餅食物上枱都算幾快，點完餐冇耐就已經開始上菜👍🐷豚肉小籠包 ($58)皮薄，但夾上來唔會穿底漏湯~湯汁好清，好食😋🐟松子魚 ($148)呢個又係來親呢度都會叫嘅野😂松子粒好多😍汁酸甜適中，唔會好酸😚不過條魚今次炸得唔夠脆😕同埋呢個價錢，魚嘅份量似乎少左D😢🐷回鍋肉配荷葉餅 ($138)呢個應該係新菜來，之前冇見過~見佢跟荷葉餅，好似幾得意，所以試😂🐷回鍋肉同平時食開嘅唔同😳有豆乾、🐷肥肉片同🥬椰菜~仲加左幾多磨豉落去，但食落去就會覺得好鹹😐荷葉餅好軟熟，夾住回鍋肉食幾得意~不過包得四件，唔夠夾回鍋肉😢想散叫荷葉餅，手機又顯示已售罄🤷‍♀️

呢間餐廳主打食中華日式fusion茶。兩樣都係我喜歡嘅菜式～Lunch Menu包左前菜小食同埋定食。價值$78到$138不等。所以想試吓。最後我揀咗：-⭕️點心小籠- 豚肉小籠包（1件），菠菜皮蝦餃（1件）⭕️主食係炸雞親子飯$98而朋友就揀咗極黑豚肉叉燒天婦羅蛋飯。美心點心一向有保證。Kikusan都係美心集團旗下，小籠包同蝦餃都好好食。上菜時熱辣辣，皮薄多肉汁。炸雞親子飯擺款唔錯。雞件上面放咗好多蔥花。又黃又綠，色彩斑斕。炸雞外脆裏面多肉汁。雞蛋亦都滑溜。水準OK。黑豚肉叉燒天婦羅蛋飯叉燒有玫瑰露味，少少燶邊。上面都有蔥粒，不過係中式蔥粒。食fusion菜就有呢度得意，蒽粒都有好多種。整體環境坐得舒適，食物有一定水準，可以一試再試。

Fusion日系上海菜呢度嘅裝修風格係偏向日系cafe，枱櫈都係以木系為主，仲可以望到個半開放式嘅廚房，坐得都幾舒服燒雞扒冷烏冬配芝麻汁🐔🍜 （$96）芝麻汁惹味香口，微凍，啱晒夏天食， 而烏東非常之爽滑彈牙，帶煙靭嘅感覺，質感好好👍🏻，燒雞扒其實係揸到成個球狀，咬起上嚟啖啖肉，仲好juicy，外層好香脆，有啲青瓜絲同洋蔥絲🥒🧅，成日上嚟清新啲冇咁Heavy😊煎韭菜豚肉餃子🥟呢個係跟餐小食，有成三隻咁多同埋冇諗過份量係咁大，每隻餃子要成半個拳頭咁大，而且煎得香脆，煎到焦香嘅😜，入面有滿滿嘅韭菜，韭菜控必試，而且肉汁juicy，餃子皮會比較厚身，所以食落會好飽肚千層豬扒擔擔拉麵🐷🍜 （$138）呢樣就真係中日fusion菜，個豬排類似日式嘅炸豬扒🐷，佢個gimmick 係千層豬扒，咬開係見到清楚嘅一層層，炸得到鬆脆好食嘅，但係可能肉身比較薄會少咗啲肉汁，個人都係比較傳統豬扒。個擔擔湯底都係香口，但係比較偏向係紅油，食到辣🌶️為主，花生味就淡少少，如果花生底再濃啲就好，面都OK可以掛得住啲湯汁🙂📍 kikusan (沙田)沙田沙田正街18號新城市廣場一期1樓127號舖

今日和老婆往新城市廣場Kikusan食午餐, 我們點了西班牙極黑豚叉燒, 西班牙黑豚咕嚕肉、白飯、凍烏龍茶、洋甘菊茶和花生黑芝麻驢打滾。西班牙極黑豚叉燒賣相吸引, 黑豚叉燒用爐燒著保溫, 鎖住肉汁,黑豚叉燒是半肥瘦, 食落有啖啖酒香, 叉燒肉質鮮嫩, 食落有油花啖啖肉, 送飯一流；西班牙黑豚咕嚕肉醬汁開胃, 黑豚咕嚕肉炸得乾身爽脆, 配菜波蘿甜度適中, 紅椒食落爽口；白飯飯粒軟綿；凍烏龍茶茶味香濃；最後花生黑芝麻驢打滾, 驢打滾是京式甜品,食落熱辣辣, 咬落軟綿. 花生和黑芝麻食落香脆。餐廳座位闊落舒適, 食物美味, 我和老婆食了一頓高質午餐。

KIKUSAN吉谷舍 (沙田)星期二天地堂，跟咗同學去沙田新城市廣場食lunch～後尾先知原來係美心集團嘅🙂環境尚算舒適幽靜，幾有空間感，見好多白領同退休人士光顧～🔺有加一服務費<Lunch Set>韮菜雲吞可以再重味多少少，皮厚😐幾香蔥油味，醬汁香甜，但食完會好口渴麵條偏幼，掛到汁👍🏻有啲醃過嘅豆腐乾同埋冬菇片，同樣係甜甜地～蝦餃同酒樓果啲差不多，個皮幾有彈性👍🏻小籠包皮薄，咬落去好多汁流出嚟👍🏻

😋 免加一高質點心。沙田早餐推薦 💁🏻‍♀️🍴Kikusan📍沙田沙田正街18號新城市廣場一期1樓127號舖自從試過Kikusan的早餐點心後，成日都心思思想再去🍵😋Kikusan是日滬fushion菜，而早餐時段更有中式、港式、日式同西式早餐供應，非常多元化🇯🇵🇨🇳🇬🇧 餐廳的早餐時段以半自助形式運作，可以先到cashier 先買餐、又或掃一掃檯上的QR code 下單，之後店員就會安排送餐💁🏻‍♀️💁🏻🔅自選點心兩款 ($68)1️⃣菠菜皮蝦餃🦐菠菜皮雖沒有菠菜味，只係取其顏色，但非常薄同入口煙韌，而蝦就好新鮮、好彈牙👍🏻2️⃣櫻花蝦蒸蘿蔔糕有蘿蔔香，但食落並沒有蘿蔔絲。我想餐廳應該是把蘿蔔都煮溶成漿，以胡椒粉調味後再蒸🤔 呢個蒸蘿蔔糕唔似出面嗰啲咁淡口，幾香胡椒味幾好食👍🏻🔅 綠茶流沙包 (+$28)🍵🥠雖然皮是綠色，但其實並沒有綠茶味的🤣🤣奶黃餡好多，味道甜甜、有蛋黃香👍🏻可惜餡料有點太濕，令內餡有少許流了出來 (包子都濕了)，影響了賣相及口感🥲🔅 淮山梅子蒸排骨飯 ($52) 🐷🍚飯粒飽滿，有光澤， 配上梅子🫒酸酸地，撈埋飯食口，感同味道都一絕🤤排骨🐷份量都好多，鋪得滿滿的，一定夠飽🤣

好耐之前幫襯過銅鑼灣kikusan，當時食set lunch 覺得質素同價錢都不錯。見沙田新城市開咗，咁近屋企，試多次都冇壞丫。星期六12點去到，大把位。- 選擇：都係大路上海菜，冇咩特別，小籠包/紅油抄手/奶皇包/糖醋骨等等，唔明點解啲人叫佢做fusion 。- 價錢：中等，幾十至一百都算可接受- 服務：呢個真係麻麻地，去到門口，reception 個人都冇理我，直入餐廳自己搵位。上菜都算快，但斟水就要叫先斟。- 環境：乾淨，闊落，坐得舒服嘅口水雞：咁多個餸最好食，麻辣味後勁好正，份量都算多。蒜蓉炒西蘭花：炒到太淋，冇乜蒜蓉味豚肉小籠包：熱辣辣好正，皮薄餡靚，一咬爆汁🤤糖醋骨：出面叫親呢個餸都係骨多過肉，反而呢碟就每舊都好多肉，唔錯👍🏻小肴嚟講，份量算多。豬扒擔擔麵：唔好食👎🏻叫咗小辣，但完全冇辣味，同普通拉麵冇分別。豬扒本身炸得好香脆，但浸湯浸到淋哂，變到軟哂，建議佢分開上。抹茶流心奶皇飽：蒸得幾靚，滑嘟嘟咁，可惜味道少少奇怪，唔咸唔甜咁。抹茶味唔突出，奶皇都算可接受。可能本身期望好大，所以今次有啲失望。同埋服務真係一般般，所以應該唔會再嚟喇。拜拜👋🏻

《沙田𝐟𝐮𝐬𝐢𝐨𝐧菜🍣》口水雞 $118係史上最辣既口水雞 入口有幾層辣味 完全食唔到落口🌶 好彩店員肯換份冇咁辣既 加咗花生醬先食到🥲Shredded Chicken was quite tender, but the chilli sauce was super duper numb & spicy that was not easily acceptable🥵 Luckily the friendly staff helped us to change a less spicy one, with more peanut butter to reduce the spiciness🥜評分: 6.5/10🌟汁燒牛肉飯 $138成碗份量好大 牛肉片同洋蔥煮得夠淋夠入味 加埋珍珠米就更加出色🤣The portion was quite generous🤩 The beef was soft, meaty & flavourful🥩 The sweet garlic🧄 & chewy Japanese rice🍚 just elevated the whole dish💫評分: 7.5/

今日假期來了沙田逛，特登吃早一點的晚餐，一來少人，二來價錢可以平一點。這一間Kikusan非常好，食物款式比較多選擇，拉麵、飯、三文治、點心的下午茶餐選擇非常多，我當然點選了我的最愛千層豬三文治，我家姐則選擇了豚肉炒出前一丁麵，奶茶也不錯。下午茶餐不用加一，一定再幫襯。

平民價Fusion菜  -  KikusanKikusan係日式及中式Fusion菜式餐廳餐廳裝修平實簡潔店內圓枱算是濶落好坐不過側邊卡位比較迫是日假期冇set lunch 所以散叫左幾款野食用餐時間限時一小時薯絲椰菜絲沙律見到菜單上呢個沙律十分吸引上菜時都冇令人失望椰菜絲切得非常透薄好爽口配合芝麻醬唔會太濃推介！小籠包新鮮熱辣但普普通通千層豬扒滑蛋飯豬扒有少少騷味但滑蛋好正！擔擔烏冬麵質十分不錯味道偏辣應該適合喜歡食辣的朋友

落咗order後，請女侍應給兩杯水，等了幾分鐘後，水仍未送上，再叫另一位男侍應，又等了一會仍未送上。最後，要叫一位疑似店長/經理，向他說叫了多次仍沒有水送上，他並有講話只是轉身去攞水，真的不知是什麼服務。食物亦是不行，紅油炒手不夠熱， 只是微暖。 千層豬扒擔擔麵，千層豬扒十分嚡。 只有豚肉小籠包質素較為好少少。之前幫襯過希慎廣場分店兩次質素及服務畀比沙田分店好好多，日後就算再幫襯亦不會再到沙田分店。