kikusan (已結業)

位於銅鑼灣有創意的fushion 餐廳最適合又想吃中菜日本菜的人🤣.Kikusan卷 $78最出名的一個菜式滿滿的海膽和吞拿魚卷鋪在翻卷上面🤤❤️看到都令人垂涎三尺 非常吸睛😍配上三文魚子進食 充滿幸福感❤️豚肉小籠包 $48外皮透薄 熱烘烘的小籠包內裏肉餡鮮味十足🤣咬下去肉汁四濺🤤 不用點配黑醋也滋味無窮😌千層豬扒擔擔拉麵 🍜 $72因為不可選擇辣度 所以我們選了走辣的湯底🤣拉麵份量不算太多 但千層豬扒名不虛傳😍肉質柔嫩而且一層層 完全吸收湯底精華🤤

今晚約咗班姊妹守望，第一次黎食這間中日fusion 餐廳。環境唔錯，幾浪漫（暗暗燈光）有個大廚房，見到好多一籠籠湯包這裡無得訂枱，所以黎到要自己攞票（幾多位）等號碼入坐（好受歡迎哦，越夜越多客人等位）餐牌唔多野，只有一頁加背面，有點心、小菜小食、燒烤、卷物刺身、粉麵飯。我們一行4人叫咗6樣：青木瓜沙拉原來連泰國野都有，青木瓜好清新好爽脆，酸酸辣辣好野味好開胃雞肉小籠湯包皮好薄好易爛，要慢慢夾好小心，湯汁好多，雞肉內餡無咁油膩，咬口不錯Kikusan 卷這個是好朋友的最愛！我們仲encore, 好新鮮！有大大魚籽的脆口，吞拿魚蓉加上香滑海膽，海膽好鮮甜千層層豬扒擔擔麵香辣又香濃！麵都爽口，豬扒好正，厚但腍燒鰻魚飯我有點失望，鰻魚口感都好，但無乜汁，好乾身服務唔知是否客人多，麻麻地的態度哦

兩條友出街食飯通常要諗多樣野，就係每個菜份量會唔會太大。同事推介呢間餐廳好岩小人數去食，一於約埋好友happy Friday 去試新野。餐廳不設訂檯服務只可以門口拎飛仔，星期五晚7點黃金時間到都只係等半個鐘內有得入坐（同朋友傾住得唔覺太耐）入座時職員提醒用餐時間為90分鐘。兩個人叫三樣野份量剛剛好！先食個kikusan roll 即係吞拿魚海膽軍艦，碟邊仲有青蔥+蟹籽， 好味呀！之後再上沖繩苦瓜炒豚肉，有豆腐，洋蔥，滑蛋加埋一齊炒，都係好味嘅呢！btw 個苦瓜真係幾苦下（如果不吃得苦嘅人可能唔岩口味）最後食埋呢個牛肉南瓜溫泉蛋味噌湯烏冬，柯依斯！首先個南瓜好甜，牛肉亦都好有牛味，味噌湯底唔會過咸（本今平時唔太好味噌都覺得好味）總結，上菜速度快，我地早過90分鐘內完成離開。下次可以再黎！

無意中搵到依間日本餐廳但又有好多中式食物,夜晚9點已經無咩人,所以入去試試,環境同地方都好舒服,服務就還可以不過食物方面真係選擇唔太多見到個個都食kikusan卷,一於嘗試.點知真係好好食,海膽夠新鮮,份量算多,又平值得推薦!!!點佐個小籠包(有豬肉或雞肉揀),外皮雖然夠薄,不過好易穿,點一點都流哂D湯出黎都不過不失另外叫佐個牛舌,比想像中更加'林',易入口,不過味道偏淡,唔夠入味!甜品方面諗緊叫綠茶紅豆定花生芝麻好最後揀佐花生芝麻都好正,好似甜薄餐,個皮仲係熱,入面滿湖花生,糖,芝麻 正!

銅鑼灣📍 希慎入面嘅fusion日本餐廳，千層吉列豚肉豬扒擔擔面🍜唔係一般嘅豬扒，雖然浸左落個湯度，每一口咬落去都依然咁鬆化💙係由一塊塊好薄嘅豚肉搭埋一齊變成一塊千層吉列豬扒🐽大力推薦佢呢個午市套餐🤗🤗真係超級好食，價錢性價比高💰$92加10%🙆🏻‍♀️仲包埋一杯柚子蜜🍯同埋有一籠點心（小籠包+菠菜皮蝦餃各1️⃣粒)，唔想太heavy仲可以簡沙律🥗❣️食完呢個餐真係會飽到下午茶都唔使食🤗

如果大家行完書店, 想留係商場裡面食野, KIKUSAN係我既頭號推介 ! (事源係當日落大雨, 幾個人變落湯雞後入左商場避雨, 誤打誤撞入左去食野)我唔係第一次食呢間餐廳, 一向都知佢坐得舒服野食又好味!!KIKUSAN卷係必食之選! 上邊吞拿魚溶同三文魚籽好新鮮, 冇腥味, 三文魚籽夠咸, 個卷唔洗沾鼓油食, 加埋下邊既青瓜卷, 味道好清新, 好中意! 除左日本野, 佢都有些中式FUSION菜叫, 清酒雞, (你當係醉雞), 入味又好味! 千層豬扒擔擔拉麵 (豬扒擔擔麵), 豬扒上一層吉列炸粉, 裡面真係一層層肉, 唔係大量生產既假豬扒, 加埋濃味擔擔湯, 有心思, 極力推介! 當日都食左芝麻冷菠菜, 軟殼蟹米紙卷, 牛油果冷豆腐, 都幾好味, 而且賣相幾靚, 適合少女去食.係銅鑼灣行街既朋友, 非常推介大家去食, 因為真係幾好味, 銅鑼灣呢個環境/服務/食物/價錢, 係個好選擇!

行街落大雨被困希慎，晚餐唯有在此解決。經過「Kikusan」，睇睇menu，原來係間日本X上海菜餐廳，兩者擺埋一齊的確有點新奇，不過菜式又唔算好fusion，大部分都係各自為政。至於點解決定食呢間？全因見到一道菜：湯咖喱。因為太掛住北海道，所以都不用多想就乖乖等位。餐廳環境幾闊落，仲有少少情調，感覺似西餐廳多點。因為同時賣上海同日本菜，所以會見到好多枱食住壽司同時又見到小籠包，都幾得意。我嘛，當然二話不說點了豚角野菜湯咖喱配飯（$88），睇賣相係幾靚，蔬菜好多，有苦瓜、秋葵、茄子、青瓜、南瓜、蓮藕、椰菜同西蘭花，配以一大舊豚角煮（五花腩），陣容好鼎盛。先講材料，眾多的蔬菜都有其鮮甜味，最最最得我心就係西蘭花，話說在北海道食左幾餐湯咖喱，每一餐都有舊炸過的西蘭花，係好食到我要另外追加，所以係呢碗湯咖喱都見到，分外有親切感，即時加分。雖然，西蘭花只係輕輕炸過，但都叫做有風味。豚角煮近皮的位置一咬就化，但瘦肉部分始終有少少鞋，不過仍算合格。到最重要的湯底，咖喱湯冇日本咁稀（可能驚香港人唔慣），味道都充滿香料味，但總覺得帶點印度風味，而且偏辣（冇得選辣度），唔食得辣者要注意一下。Kikusan

下午食咗意粉 喺銅鑼灣行咗陣街 行到嚟希慎 想食千両 不過多人排隊 見到樓下呢間餐廳 見又唔使排隊就入去試試啦 喺門口等咗一陣 其實入邊唔係太多人 但係都冇server嚟接應我哋 印象分已經扣咗啦 入到去餐牌其實 好多選擇 佢係中式同埋日式嘅嘢都有得食 嘢食都唔算太貴 睇下入面嘅環境一般般啦呢個係刺身拼盤都幾好 都算好新鮮 呢個係清酒雞 相比平時的醉雞 淡味啲 呢個炭燒牛扒有質素 肉質好林呢個豬肉小籠包 皮做得唔好一夾就 爛咗 食落去係有少少湯汁的 但係一啲鮮味道沒有 完全唔推介相反呢個韭菜豬肉餃 做得幾好 有好多韭菜肉唔會太肥 整體嚟講 某些嘢食還可以 但係完全沒有服務 想搵個人幫我哋斟水都好似好難咁 我哋成張枱都係嘢食嘅時候小籠包送嚟嘅時候就咁pad上張枱度 完全冇諗過幫我哋執下張檯先 我哋張枱係得二人枱嚟嘅啫 所以感覺真係好差 如非必要都唔會再嚟

溫度有接近30度的下午🌞，吃個午飯都絕對需要找個舒適涼爽的地方好好休憩一下。經朋友的介紹，就到了位於希慎13樓的Kikusan。一去到便可入座了，環境很舒適而且頗大的，很適合與閨蜜邊吃邊聊天我們叫了Kikusan卷和千層豬扒擔擔麵我和朋友也很喜歡吞拿魚蓉，海膽和三文魚子Kikusan卷簡直是一次過滿足三個願望是必叫菜式！將同時有滿滿的吞拿魚蓉和海膽再加上三文魚子及飯內的青瓜一口吃掉，真是大滿足。雖然飯的口感一般，但整個配搭真的好吃千層豬扒擔擔麵，湯濃度適中，不過對於不吃得辣的人來說會有點辣。豬扒可能因為一層層的關係所以不像平時吃的豬扒那樣扎實，但炸得鬆脆。整體而言，這間餐廳是會想再去吃的，還境和食物都不錯下次會再來嘗試一下其他食物。

希慎廣場有很多不同種類餐廳選擇，唯獨這間是集合了中日菜式，可以滿足心多多的顧客。點選了差不多枱枱都叫的kikiusan卷，吞拿魚蓉+海膽+三文魚子，海膽很鮮甜，三文魚子粒粒脆卜卜，足料又新鮮，果然是必點菜式。千層豬扒擔擔面，湯濃度適中帶少少辣，豬扒炸得香口，肉質未算太乾身，麵條很彈性，很好吃。燒雞腎，燒到適中，好香口好爽，好味！韮菜豬肉餃子，第一啖，感覺好厚皮及少少偏咸，但尚算多汁及脆身。未入座前有段少插曲，因為聽不到叫我們的號碼，發現時已過了，叫飛的待應哥哥有禮貌地叫我們等等，不久便安排了一個舒適位置給我們。餐廳整體都不錯，會令人再光顧。

Kikusan卷（$68)黎到 #Kikusan 必食既kikusan卷🙈😍 滿滿既海膽、三文魚籽同呑拿魚蓉，淨係睇已經流晒口水🤤 入口鮮甜，好好味，性價比高！每次都係我既至愛

我呢啲住在大北方的人難得黎港島，乜都唔識，都係靠朋友推介餐廳。朋友話去希慎食野貴就貴啲，但質素就穩陣。呢間叫kikusan，入面裝潢好舒服，條路好闊好暢通。我同朋友二人被安排坐近門口，唔知係咪環境太大，所以有時叫waiter都比較難，好唔應聲，有時佢地又見唔到我舉手😂但係有問題時（隔離枱個客唔小心敲爛咗個玻璃杯，然後成枱成地都係水），就好快處理到。通常第一次去間餐廳我都係叫皇牌餸就算，一黎唔想諗，二黎suppose呢個餸係最好食，唔會係伏。因此，我叫咗呢個kikusan卷：好味又精緻，係呢間餐廳必食。貪吃如我將啲盤上啲魚子夾埋同個卷物一齊食，係需要啲功夫。食完正餐之後就要叫甜品！驢打滾呢個名好得意所以引誘到我去叫。呢款味係綠茶紅豆驢打滾，都幾好味，仲有另一款係花生黑芝麻，有機會下次會想試埋～至於年糕同布甸就比較常見，有得揀梗係試下啲得意名既菜式🤗（註：份量不算多）

想係銅鑼灣食日本野好容易，但係要搵間舒適寬敞就唔易啦。行開係希慎見到kikusan就入左去，原來係Fusion野。芝麻冷菠菜$48賣相同份量非常好，上菜時夠冰凍，芝麻同菠菜的味道意外地好夾，菠菜完全無苦味，食左好開胃。我哋叫咗豚解野菜咖喱湯配飯$88咖喱非常惹味又唔辣，野菜係天婦羅咁鋪喺面千層豬扒擔擔麵$72豬扒真係有幾層，不過唔食得辣就會覺得有啲辣Kikusan卷$68個人非常推介呢個卷，有三文魚子、拖羅、青瓜，仲有海膽，絕對係超值

我諗我都係有幾嚴重既選擇困難症, 成日都揀唔到食咩國菜好, 好彩而家愈黎愈多無國界餐廳, 幾個菜集一身俾你慢慢揀。我地被安排係角落, 餐廳唔算好大, 裝修同枱椅以木為主, 感覺簡樸舒服。雖然有D枱之間距離其實幾近, 但樓底唔矮, 空間感都大, 坐得算係幾舒服。一打開menu果然滿足到我既願望, 有中式點心麵飯, 又有日式刺身串燒, 仲有各種酒精cocktails。一輪掙扎之後, 叫左Kikusan卷, 串燒, 千層豬排擔擔麵, 煎韭菜豚肉餃子同一杯梅子梳打。梅子梳打好快就到(唔記得影相), 我地揀左有酒精既, 但飲落唔會好重酒精味, 梅子既味道好香好甜, 同梳打幾夾, 呢杯真係幾好飲。通常用自己餐廳命名既都係signature dish, 呢個Kikusan卷亦真係唔錯。原本應該有海膽, 三文魚籽, 免治拖羅, 可惜個日海膽冇晒, 佢就唯有俾多D三文魚籽。拿拿拿呢個又係選擇困難症患者恩物, 叫一樣野有齊三款, 唔洗煩。雖然冇左海膽, 但另外兩樣都好新鮮好好食, 叫得過!點解叫千層豬排?因為入面睇落係卷住一層又一層炸過既脆皮咁。不過放炸物係湯麵始終有個問題, 冇浸到既地方係好脆, 但浸過

由於呢頭實在太多選擇，每次經過希慎都要爭扎一番先揀好野食今次同朋友小聚，就試左kikusan。Kikusan卷 HKD$68我就係比佢吸引左入去🤤🤤🤤集吞拿魚蓉，海膽同筋子於一身既小卷材料非常新鮮，好鮮甜呀！完全俘虜左我既心一碟有8小粒，逐粒都可以享受到呢3樣食材，認真足料嫁！雞肉小籠包 HKD46平時食豬肉小籠包就食得多，雞肉又真係未試過😂 小籠包皮好薄，拍得住好多上海菜專門店呀！可惜個餡唔係豬肉，始終都係食唔慣 好似唔啱味咁😅😅😅下次叫返豬肉先！南瓜牛肉湯烏冬 HKD88作為烏冬狂，無理由唔試呢個烏冬不過南瓜湯底未算好出眾 牛肉亦有d過熟感有少少失望沖繩苦瓜豚肉炒蛋 HKD68呢個怕苦瓜苦的人士慎入！！！百分百苦既沖繩苦瓜，愛食苦瓜既我表示大愛入面仲有煎滑豆腐，中和返苦味，好食！價錢公道，食物有質素，下次都會再來！