kikusan (已結業)

KIKUSAN座落於人流高的Hysan Place內，假如假日想一嚐的話大排長龍是難以避免的了，是日約了數位友人，大家都可以準時放工，平日放工6點半左右到達，無需等位就能直接入座呢多國的菜式都有提供，雖然選擇不算太多，但絕對適合平日心大心細，想食呢樣又食果樣的朋友！當晚分別點了幾款熱門菜式—辣雞肉碎溫泉蛋飯—份量比想像中大，肉碎帶辣味，但頗為香口，都適合SHARE 食千層豬扒擔擔拉麵—豬扒炸起後肉質鮮嫰，十分好吃！Kikusan Roll—單以價錢一點就以十分超值了，68蚊的卷物並配以海膽，吞拿魚蓉及蟹子，海膽的鮮味不是太出，但以它的價錢來說，都算是合格

去完誠品想搵地方食lunch，咁岩見到呢間日本上海fusion嘅餐廳，感覺幾特別， 環境亦都幾優雅，而且可能因為巳經一點幾嘅關係，唔駛點等位所以決定入去試下。我哋兩個人，分別點左兩份午餐set，每一份set都有一個小食同埋柚子蜜。點心小籠有一隻小籠包同一隻菠菜皮蝦餃，小籠包皮薄湯好味，算係不過不失。而家菠菜皮蝦餃就比較特別，佢係將菠菜加入左個皮到，而唔係餃入面加菠菜，所以一咬個餃巳經好有菠菜味，不過略嫌個皮唔夠薄。壽司拼盤壽司都好新鮮，個人好喜歡個黑松露帶子，黑松露同帶子個味好夾好好味，唯獨係d飯有d散。而個迷你kikusan卷就有少少失望，因為佢無左個海膽，所以只係普通呑拿魚魚子壽司。燒鰻魚飯鰻魚幾好味，不過個鰻魚汁無咩特別，唔算濃郁。Overall呢間餐廳都唔錯，下次都會想再試下其他野食。

辣雞肉碎溫泉蛋飯：一上到枱，已經有陣好香既辣味。而且整體賣相好靚。味道方面，較為普通，無咩驚喜。辣雞肉碎幾香口，味道不算太辣。飯就粒粒分明，較乾身。因為辣雞肉碎同飯都較為亁身，所以配合溫泉蛋就岩岩好。環境：座位都算闊落，而且乾淨。都適合一邊食飯一邊傾計。服務：餐廳服務值得一讚，因為同行朋友唔太食得辣，所以問店員肉碎飯辣味道程度既時候，店員都好有禮貌解釋。整體：銅鑼灣黎講，餐廳價錢算中低價，食物種類都較多，賣相吸引。

銅鑼灣分店環境好寬敞、裝潢典雅，好適合聚餐。今次平日夜晚8點去到就唔洗等～通常嚟到都一定會點呢個Kikusan卷，咁大碟都只係$68:免治拖羅蓉、大大粒三文魚籽同金黃海膽好吸晴，所有野都好鮮甜。中間係青瓜卷，咬落脆卜卜，味道清新。CP值超高，一次過可以食哂拖羅魚籽海膽，又新鮮，可以再叫多碟辣肉碎溫泉蛋飯（$88）：相比起Kikusan卷，呢個飯就比較失色。辣肉碎偏鹹，撈埋溫泉蛋、蔥花同飯，依然覺得鹹，不過肉味幾香。我會推介佢個「千層豬扒擔擔麵」，炸豬扒炸到脆卜卜但唔油膩，擔擔麵有少少辣，加上香濃湯汁同滿滿花生碎，比呢個溫泉蛋飯更好食！

今日去咗某大飲食集團旗下嘅Kikusan 食午。餐廳座位之間都算寬敞，環境舒~見到有鰻魚飯，而對呢間餐廳有expectation, 所以order 咗嚟試。另外，叫咗個千層豬扒擔擔拉麵同一籠豚肉小籠包。第一樣送上嚟嘅食物係千層豬扒擔擔拉麵。吉列豬扒切好，望落去見一層層嘅豬肉形成豬扒般厚，咬落去好juicy, 肉層之間嗦咗擔擔拉麵嘅湯底（唔辣)。我地坐係open kitchen 附近嘅一張枱，諗住可以見到烤鰻魚，未見有人燒鰻魚。但熱辣辣嘅鰻魚飯不久便出現，只得鰻魚，無其他配菜或蛋絲。以我推測，同某foodcourt 一樣，丁熱的⋯⋯魚肉約5mm厚，肉質有D林，口感一般，試完覺得麻麻地，有D失望。豚肉小籠包4粒，皮薄，望落去見內裏好多汁！試完先發現肉汁無鮮甜味。

初時以為Kikusan係日本料理，入到去先發現原來有其他串燒、米紙卷、擔擔麵、紅油抄手等各式亞洲美食❣️(Sor係小編孤陋寡聞😅)食完絕對會encore試其他美食😍.Kikusan卷🍣最招牌既菜式💕有齊我最愛既魚生：海膽、三文魚籽、拖羅蓉！咦⁉️點解無左海膽既⁉️其實係落單時已經講明海膽無貨....十萬個失望但一場去到就照食啦！賣相好精緻，其實係八件青瓜小卷，上面舖滿拖羅蓉🐠三文魚籽夠鮮夠甜，數量比原圖多左既，可能係補償返損失吧😂再灑上左䓤同芝麻令壽司更香👍🏻夾埋一齊食時，拖羅蓉味道被蓋左少少，所以最後都係分開左啲材料食😅btw小編一定一定一定會再Encore!!!!要食返海膽!!!!😆

想來好久，見佢裝修吸引，食物有中、日，西有feel,上次來取位等10張，半小時只叫3、4張，後發現可在gululu排隊，有次在中環試置地嗰間，在gululu 想取票，無得取，以為無人等，去到排長龍，今次醒，半小時前取票，又係等10張，去到以為等3張，點知有人要補飛，前後要等5張，4人枱好少，以為又要翻版上名館（以經上去排隊，心想不要咁快），但最終都等到。好開心，其實坐位寬敞，但磚地，木枱，人多，十分嘈。openrice食評介绍kikusan 卷，對不起，無海膽，話其他魚生增補多些，當然唔制。豚肉小籠包 $48，食評有4-5星，肉粗粒（其他店多數好溶化），似燒賣用粉皮包住，汁都Ok,吾係講到咁好。脆炸軟壳蟹紙米卷$128，食評有5星，相片有魚子，有羅馬生菜，但現在都無，牛油果蓉底，內有子薑，甚麽都無，軟壳蟹不夠香脆。芒果红菜頭纸米卷$88，紅菜頭絲红白蘿蔔絲（幾樣都無味）夾少塊芒果肉，點碟底芒果粒辣汁，但不夠，所以無汁有些齋。以上紙米卷白色，不半透明，靭，難咬。豚角野菜湯咖哩配飯$88，本想食五層猪扒飯，我以為是，來先知肥豬腩肉，還有生苦瓜，西蘭花，蓮藕南瓜各一片， 廋肉不夠淋，鞋，不溶

同朋友行行吓街攰啦💃🏻，就可以黎呢一間希慎廣場13樓食嘢💁🏻‍♀️，啱晒鍾意食日本野同埋上海野嘅朋友。呢度又坐得舒服🧘🏻‍♀️，環境又舒適😽，仲要坐得耐左都唔會趕你走😌•千層豬扒擔擔拉面($92)🐷🍜第一次食日式嘅吉列豬扒🐷配上海嘅擔擔麵🍜，千層豬扒只用幾層薄切豬肉搭埋一齊炸，其實外表好鬆脆🍘，但少少遺憾的地方，就係已將豬扒浸落去湯底度，所以外皮變得冧左😔。但湯底係要讚的，因為佢撈上擔擔麵醬再加好香嘅花生醬🥜，麵質不錯，軟硬適中🍜👌🏻。整體而言我都鍾意食呢一個嘅上海嘅擔擔麵☺️☺️•Kikusan 卷 （$78）🍣這是一個出名嘅菜式，飯卷上面頭鋪滿海膽😲，吞拿魚蓉，睇到都令人垂涎三尺🤤，配以多到滿瀉既三文魚子一齊食，簡直有幸福嘅感覺🤧🤧•豚肉小籠包（$48）🐷🥟一盒四個整整齊齊排列，小籠包幾多汁🥟，不過都不及我喺上海食嗰啲小籠包咁好味爆汁，所以味道都係一般🤨

.薄燒豚肉飯.豚肉飯賣相好吸引，豚肉片整齊咁鋪滿喺飯上面，十足十食物模型。睇個樣真係會以為係好好食！其實都唔差嘅，首先飯係珍珠米黎，煮到恰到好處，唔會太稔或太硬，又粒粒分明；而豚肉都相當入味，不過就有啲硬。點解會話「以為」好好食呢？因為啲豚肉同個飯嘅感覺好分離，無論係肉定飯都係冇咩汁，食落去感覺唔太和諧，乾爭爭咁，好彩中間有蔥花救左個飯。.牛油果冷豆腐.冷豆腐就係正常嘅味道，無乜特別。都市傳說話牛油果加豉油會有三文魚味，又好似真係食到啵.餐名: 薄燒豚肉飯，牛油果冷豆腐價錢: $88評分: 5.5/10餐廳: Kikusan (銅鑼灣)地址: 銅鑼灣軒尼詩道500號希慎廣場13樓1301號舖

原本諗住食yogurt 但朋友運動完太餓 所以轉場利食Kikisan 之前成日會係中環果間食lunch 但中環果間冇咁多選擇 多數都係食佢既上海面 感覺一般 所以冇特登去試佢晚餐晚餐餐牌上原來都有幾多野食必叫最多人食既 Kikusan卷 但佢今晚冇海膽 有點失望😞冇海膽之外佢亦冇比多其他配料我地 但係幾好食既 每樣野食既味都食得出叫了個正常既南瓜烏冬 個湯比較似中式既南瓜湯 不過之前去富士山都有食過一個野菜面 個湯底都好似呢個煮法既南瓜湯牛油果豆腐 凍豆腐比出面食既硬身 唔會一夾就散😂再利食點串燒 三串都好野味以後我諗我會多點利食呢間😃

成日經過hysan kikusan見到入面黑蚊蚊，以為係食西餐，點知經朋友介紹先知原來呢間係日本fusion菜！所以就搵日突登黎試下~平日晚市黎講都算幾多人，夜晚八點幾排隊拎飛都要等十五分鐘先入到去😢餐廳裝修比較西式，差唔多每張枱都叫kikusan卷，我地當然都叫左黎試試🙊個卷有海膽，呑拿魚蓉同魚子🤤份量好慷慨，啖啖都食到海膽同呑拿魚蓉，而且味道鮮甜唔會太腥，性價比非常高，係kikusan必食之選😚

最近都留意好多人有介紹呢間餐廳咁我同朋友收工之後就諗住試一試佢我以為門口會有好多人係到等候但7點左右去到 唔洗等位 還好門口好寬敞而且室內既設計好有特色所有用木做既design都想比人一種有和風感同埋會好舒適既感覺我同朋友每人叫左一樣主食加一款壽司類我叫左千層豬扒擔擔麵豬扒係幾厚同鬆化但可能浸落湯太耐 變到唔脆個湯係幾濃花生味麵質似日本食開既拉麵不過我覺得無咩驚喜朋友叫左個南瓜牛肉烏冬佢話同平時食開既都差不多味道一樣無特別唯一特別既可能就係呢個kikusan卷上面有海膽下面有吞拿魚魚蓉 加上我愛既魚籽$68算平食幸好海膽可以入口但魚蓉無魚味道 紫菜已經淋身所以當佢普通卷物黎食整體價錢偏貴，加一後仲覺得唔值而且係食環境食地段食物質素普通不過都可以去試下 但試過便足夠了推介: /5 (滿分)

平日放工Kikusan 都係好多人喺出面排隊，反而星期六8:00左右二人枱淨係等5張枱，好快就有得去食。餐廳嘅裝修靚，環境舒適。主打上海菜+日本菜fusion。我哋叫咗擔擔麵、抄手、卷物、刺身。千層豬扒擔擔麵：厚身豬扒係由幾塊薄豬扒合併而成。豬扒係放喺麵上面一齊上，所以豬扒底個脆皮已經浸淋咗啲。豬扒有啲乾，肉汁少，有啲失望。厚切牛脷煮大根：牛脷入口鬆軟，蘿蔔清甜！刺身拼盤：有五種不同刺身，帶子厚切，甜蝦大隻又好味。所有刺身都好新鮮。Kikusan 卷：有海膽、碎吞拿魚、三文魚籽。用料新鮮，一個卷滿足幾個願望，卷中間仲包住青瓜，有啲清新嘅感覺。紅油抄手：其實食到呢度已經有啲飽。抄手飽滿，餡料紮實，皮好滑加埋啲紅油，惹味十足。

是日又同Uncle過嚟搵好嘢食，今日uncle帶左我黎希慎食好西望落餐廳環境都不錯，都幾大間，感覺會坐得幾舒服首先我哋揀咗飲咩先啦！梅子梳打飲落好香梅子味，感覺好開胃解渴。士多啤梨威士忌梳打聞落好香士多啤梨味，飲到有少少酒香，整體感覺幾新鮮，不錯的選擇豚肉小籠包新鮮出爐小籠包，一咬落去，入面啲湯汁會流出黎，好juicy 脆炸軟殼蟹不少得叫返少少香口的炸物啦，呢個軟殼蟹揸得幾香脆，份量亦都足夠我哋兩個食。Kikusan 卷呢個卷物上面有海膽，吞拿魚，同埋魚子，配合得好好，鮮味十足壽司拼盤正正常常的壽司拼盤，伴碟很精美，食材亦新鮮其實雖然好似唔係叫咗好多嘢食，但係其實都已經夠飽肚。不過既然出得黎食飯，當然要食返小小飯後甜品啦！花生黑芝麻驢打滾好香芝麻味，個皮仲係熱嘅，入面滿佈花生，糖同芝麻，口感豐富， 十分美味整體來講呢間餐廳環境氣氛確係不錯，坐得夠舒服，食物質素就冇得講啦值得推介！

這天在銅鑼灣覓食，搜尋到這間kikusan，日式料理+中式點心頗有新意所以決定來試試。1）豚肉小籠包$48皮薄肉汁多，用筷子夾頂部裏面的湯汁令小籠包成水滴狀又不會穿破，出乎意料之外好吃！為了吃這個絕對會再來！2）千層豬扒擔擔拉麵 $72有點辣，幾乎沒花生味，麵條重鹼水味，不好吃！反而千層豬扒味道不錯，但是被麵所累拉低不少分數。3）豚角野菜湯咖哩配飯$88自去年在札幌吃過一次湯咖哩就念念不忘它的味道，看到菜牌上有就二話不說叫了⋯可惜一看賣相就失望了，正宗的湯咖哩是清湯而有咖哩香，而這個只是咖哩汁加湯的溝稀版！豚角近皮位置有濃濃的豬騷味，不合格！看之前的食評說服務不佳，但是可能下午六點沒太多客人，經理招呼到位，看到同事放低湯咖哩馬上自動遞上兩隻碗給我們分來吃，我反而覺得服務不錯。在銅鑼灣區來説價格算相宜，選擇也多，可以再來！