kikusan (已結業)

有幾聲咳，打算食完lunch去葵芳睇中醫，為咗方便坐地鐵，選擇咗去希慎，想坐得舒服些，呢間望落去好闊落，又有set lunch，就選擇咗佢set lunch 包一個頭盆、主菜同一杯飲品頭盆選擇咗牛油果冷豆腐，估唔到呢兩款食材咁夾，豆腐好滑，牛肉果剛剛好，不太生、太太熟，上面仲有些紫菜，令口感提升，配上醬汁，好開胃，可惜醬汁徧咸，食到尾時得個咸字薄燒豚肉飯賣相好吸引，豚肉整齊响飯上面，中間仲放有大量蔥花及小許芝麻，先吃一片豚肉，味道可以，可惜燒得太乾身，好似食豬肉乾咁，夾起豚肉，下層就只有白飯，白飯與蔥花拌勻進食，喜愛蔥香的人一定好喜歡，不過食多兩啖就會覺得好乾，因為呢個飯食一點汁也沒有的，真係無諗過係咁，食燒味飯都有鼓油啦，完全失望飲品係柚子檸檬蜜，正正常常，沒有什麼特別，因為個飯無汁嘅關係，所以飲得好快，飲完仲想要多杯水添，不過趕時間，都係走了

係港島想平平地食日本野我會推介#Kikusan係Landmark同Hysan都有分店 兩間都裝潢有氣氛每次黎必食的招牌Kikusan卷($78)有齊三樣我最愛的海膽呑拿魚腩蓉三文魚子都只係$78 (已經悄悄地加左10蚊🤫)用料十分慷慨 唯獨是卷內包住的青瓜有少少喧賓奪主🥒建議唔好沾醬油 如果唔會濃味會蓋過魚生鮮味之後係大條到嚇死人的汁煮牛脷大根開頭以為會係好似平時放題個啲牛脷粒同蘿蔔粒點知上到枱 原條厚度十足的牛脷真係嚇親煮得好稔好入味 牛舌控必點👅👅另外每次必點的仲有千層豬扒擔擔麵($78)疊起多層薄豬扒再炸 口感更爆餡複雜建議一上枱就夾起四大件豬扒 因為攞太耐好快會浸到炸皮變稔再同豬扒分離麵質彈牙 湯底無平時街外的麻醬味咁濃 帶香辣最後係無論食到幾飽都要試的花生黑芝麻驢打滾驢打滾煎得香而不膩 加上大量炒香的黑白芝麻 花生 椰絲簡直無得頂 最後仲要乞衣到用匙羹食埋啲碎😂加埋兩杯#Cocktails 埋單都只係一人$200 性價比高

今晩一行四人睇openrice 介紹，搵電梯都走幾轉才到達餐廳。外面仍有很多食客在等候，終於坐低，趕忙落單，服務員十分有禮，上菜快，還替我們添暖水。😍先來南瓜味噌牛肉溫泉蛋烏冬，大家已讚口不絕，繼而再有刺身拼盤，kikusan 卷有海膽三文魚子，炸雞皮脆肉嫰，蒜蓉炒菜，小籠包，煎素餃子，脆炸軟殼蟹米紙卷(內有子薑😍)，野菜天婦羅餅豆腐冷烏冬配芝麻汁，花生黑芝麻驢打滾，日式年糕配雲呢喇大葉汁。每款菜式都十分美味可口。

希慎廣場美食很多，要突位而出實在不易。這餐廳環境闊落，深木色傢俱，大小檯的擺位也很stylish.最吸引之處是以亞洲美食為主題，有中式精緻點心；上海菜； 新鮮壽司、魚生、串燒選擇多又美味的日本菜；亦有前菜甜品飲品任君選擇這餐廳在銅鑼灣大商場走高檔路線卻有較親民的價錢實在不錯是晚點了：壽司拼盤，新鮮味道無得輸燒賣大大粒又夠味，好正小籠包皮薄餡靚又多汁，一讚南瓜溫泉蛋牛肉烏冬足料入味服務周到快捷又醒目愉快地享受美味的一餐一定會再光顧

👉🏻千層豬扒擔擔拉麵🍜💲72Super jeng🤤豬扒好大塊又厚切又鬆軟又滑仲一啲都唔乾😻食落真心有一層層嘅口感!👏🏻擔擔面個湯都做得好好😌拉麵唔會痴住一pat又唔會好碎👏🏻nice😽〰〰〰〰〰〰〰〰〰〰〰〰👉🏻免治吞拿魚山芋蓉軍艦🍱💲48好好食🤤啲蓉唔會食到根加埋上面啲醬真係perfect😆〰〰〰〰〰〰〰〰〰〰〰〰👉🏻三文魚壽司🍣💲38呢個比較一般 如果厚切少少就好🤤🤤〰〰〰〰〰〰〰〰〰〰〰〰👉🏻綠茶紅豆驢打滾🍵💲38呢個係老闆請食架😻上面啲綠茶粉同花生粒又幾夾 唔會太苦但又有綠茶味 份量十足添😌仲勁多不過如果入面啲紅豆蓉暖返啲就好lu😼

哩間中日fusion餐廳係hysan place高層，環境唔錯又方便。平時已經成日聽朋友話嚟食，評價都好好，今次終於試到喇！平日夜晚唔算多人，打開餐牌有啲中式點心同埋日本嘅小食同主食，唔知點解覺得喺度食中式點心唔係太抵，所以今次都係嗌日本嘅菜式😂首先當然係最出名嘅kikusan roll ($78)!必食推介！價錢都算適中，total 8細件，上面其實都有好多海膽同吞拿魚。海膽好新鮮，配埋啲蟹籽一啖食落口，正呀南瓜味噌湯牛肉温泉蛋烏冬（$88)本身無乜期望以為都係同出面差唔多嘅烏冬，不過哩個湯底又幾濃喎，牛肉都好嫩身，烏冬彈牙滑身！好食！但係份量有啲少。串燒: 雞肉棒，露荀煙肉，豚燒 ($28/each)串燒燒得啱啱好，唔會過熟，肉汁仲keep到，不過有d油，上碟仲係熱騰騰嘅。不過價錢偏貴。個人比較鍾意雞肉棒！Kikusan 嘅野食精緻得黎好食，有少少偏貴但acceptable，不過款式唔多。下次再試下d 中式菜先！

They never pickup the phone when you call.  Terrible service.   The phone is always busy on purpose.  They intentionally do it because the employees are too busy.

Kikusan 係食中日fusion。 一開始在中環新開店的時候 我就即刻帶朋友去試佢招牌 <千層豬擔擔麵> 一試難忘。 之後再約不同朋友去銅鑼灣店食過4,5次 終於「的」起心肝食評。Hysan kikusan 店比起中環置地店 環境更好 有自然光同海景，坐得比較舒服，冇中環店咁感覺好趕。每次泥都必點 <kikusan 卷>，真心抵食 $68 有呑拿魚蓉、海膽、三文魚籽 有齊我最愛。 所以對我泥講 兩個人叫一客，四個人就一定要叫2客先食得夠喉。第二必叫一定係 <千層豬擔擔麵>， 擔擔麵好有水準，男朋友對擔擔麵要求好都食完大讚。 佢麵湯底花生味重 但不咸，有辣香味。第三必叫係小籠包，一籠四個 即叫即蒸，現場見到員工努力咁不停包。

第2次幫襯kikusan，第1次朋友話想食就去試下，之後發現食物幾得意，係1d中日fusion菜，又幾好味，所以今日放工就帶男朋友泥食多次。我地都等左ard 30分鐘，但樓下就係誠品，睇下書都好快過。我地叫左4樣食物加2壺梅本家梅酒(300ml) $88/each食物方面，我最鐘意就係以店名命名既kikusan卷，佢係有碎吞拿魚配上海膽，仲有三文魚籽，非常足料，所以成為我encore既首選。必食！另外，我地叫左紅油抄手，唔食得辣既我，就覺得佢既麻辣非常厲害，但男朋友食得辣就覺得d麻辣好正，非常唔錯！身為軟殼蟹愛好者，見到有軟殼蟹米紙卷都忍唔住想試下，味道唔錯，隻蟹都幾大隻同夠脆。最後個千層豬扒擔擔拉麵，係我另一個encore既菜式，但因為我唔食得辣既關係，我地個麵叫左走辣，麻醬味道都足夠，豬排亦好夠厚，但建議快d食，因為豬排好快會淋。整體泥講，我覺得呢間餐廳環境唔錯，價錢合理，味道亦好，所以會再encore

呢間食fusion菜 最鐘意食佢地個日本魚生壽司 仲有台灣上海既蒸小龍包&紅油炒手好！好！食！最期待既係個甜品-花生盧打滾！搵唔到第到有得食啊！一年前食過 今次再黎食 完全無失望 以上每樣野都仲好好食！服務又好 雖然人很多 8點入座 都需要得半個中左右 （留意返 人齊先可以入座的）但侍應都很好態度及笑容 價錢也不貴 好想快點再去食呀！！！

想試好耐啦 Kikusan 卷($78)由八件小卷組成既招牌Kikusan卷😍海膽、吞拿魚腩、三文魚籽，最邪惡之選🤤海膽有驚喜，依個價錢份量唔少，啖啖都有，而且仲係幾鮮甜架，無腥味，真心正喎！吞拿魚腩同三文魚籽都中規中矩，尚算新鮮，勝在性價比高😆見到有枱係嗌每人一份Kikusan卷🤣🤣另外壽司拼盤($128)食材用料都好新鮮黑松露帶子同海蝦都goodgood🐽刀功不錯，壽司飯唔會太大黃舊，可以嗒真啲剌身鮮味，而且伴碟擺得好靚啊！順帶一提三文魚刺身好肥美好新鮮 讚👍🏻不過無影到🤣🤣

見到呢間餐廳幾得意, 中日式菜都有所以黎試下, 星期5放工時間, 等左20分鐘左右啦。2個人安排坐一張大鋪既角落, 其實有D奇怪, 而且座位冇椅背, 放個袋係前面有阻住, 放係後面又驚趺左個袋落地下,環境有D嘈, 不過尚可接受。2個人叫左4款野食一杯野飲茶檸檬梳打(無酒精)本身鐘意飲茶, 所以叫呢杯野都有期待, 不過可惜茶味唔夠濃, 口味偏淡南瓜牛肉烏冬 HK$88南瓜味清甜濃郁, 烏冬煙韌有咬口, 而且仲有南瓜蓉!令人胃口大開鰻魚飯 HK$138呢個鰻魚飯好食醬汁味道調得唔錯 唔會死甜, 鰻魚肥美嫩滑 食落入口即溶 配埋珍珠米係perfect match,食到停唔到口烤雞翼 HK$68外味烤得香脆, 芝麻都係好香同脆卜卜既, 不過口味幾重, 個人覺得咸左DKIKUSAN卷 HK$68當初見到呢款壽司比佢好吸引而黎！見到只係HK$68覺得好抵食! 黎到同睇相一樣, 賣相好靚! 三文魚子同吞拿魚都好新鮮, 但上面既海膽令我有少少失望, 因為佢冇味, 完全食唔到海膽味, 反而三文魚子同吞拿魚個味仲出, 唔怪得賣HK$68整體黎講食物方面唔差, 但難令我有回頭既念頭

今日同朋友閒逛希慎，搵有tea menu既餐廳。見到kikusan有喎！呢個時段係自助形式，都唔錯丫！我嗌左豚肉炒公仔麵，配柚子檸蜜。賣相唔錯，公仔麵份量超多，好煙韌，配菜係辣辣地既蘿蔔絲，有d韓式既感覺，但又好match喎成件事。

餐廳裝潢設計靚！燈光昏暗有情調！比佢環境同餐牌食品多元化吸引左入去食，晚上7:00未滿座，兩位Walk In隨時有柗，沒有限時。不過坐落左就發覺個環境好應聲好嘈！完全傾唔到計，耳仔好辛苦！我地兩個叫左一個燒鰻魚飯同一個南瓜牛肉溫泉蛋烏冬一心諗住價錢中高，加上環境咁好，應該食物質素有返咁下上，點知上到枱完全O晒咀！燒鰻魚飯，白米不是日本米，是普通米，鰻魚燒到好乾身，而且鰻魚汁都唔多滴，成個飯份量少之餘！連擺碟都唔擺下！普通之極！價錢真係只係食環境，食物價錢完全唔值！

今日約了朋友在銅鑼灣午餐,  十二時已到, 於是在此商場找尋可以傾談的餐館, 結果選了此店. 我和她都未曾來過, 此店行中日fusion, 大約有11 款午巿套餐可選, 價錢$78 - $168, 豐儉由人,  而套餐已包括前菜可選點心小籠或薯絲椰菜絲沙律和柚子檸檬蜜. 此集團的幾個品牌都行午巿從簡策略, 效果很好, 食客不需想太多.  但集團某些品牌的店員服務也變得一式一樣, 口吻專業, 但你又感覺不到很有熱誠,   我對中日fusion 不太了解,  既然理念是這樣設計, 理應目的是突出兩地煮法的特點?  或是我想多了, 其實只是有中式和日式的菜式. 若是後者就不需太計較.  我們選了千層豬扒擔擔拉麵和壽司拼盤.   兩款味道不過不失, 不過份量和價錢不對比, 朋友的千層豬扒不太感受那千層震撼, 有點誇大.  而我選了壽司拼盤, 份量實在太小, 吃完肚子有點咕嚕咕嚕. Fusion 有點兩頭不對岸, 乾脆選一間日本菜館可能對我來說感覺更實際. 不過以兩人午餐聚餐都算很稱心滿意, 地方寛敞, 隔鄰食客高談闊論也不太影響我們太雅興.