KITCHEN

營業中

休息中

// 𝙋𝙤𝙥-𝙪𝙥 𝙒𝙖𝙗𝙞-𝙎𝙖𝙗𝙞 𝘽𝙪𝙛𝙛𝙚𝙩 𝘾𝙤𝙡𝙡𝙖𝙗 𝙬𝙞𝙩𝙝 𝙈𝙞𝙘𝙝𝙚𝙡𝙞𝙣-𝙨𝙩𝙖𝙧𝙧𝙚𝙙 𝙍𝙚𝙨𝙩𝙖𝙪𝙧𝙖𝙣𝙩 𝘾𝙝𝙚𝙛 𝙍𝙮𝙤𝙩𝙖 𝙆𝙖𝙣𝙚𝙨𝙖𝙬𝙖 - 𝙆𝙄𝙏𝘾𝙃𝙀𝙉 𝙖𝙩 𝙒 𝙃𝙤𝙣𝙜 𝙆𝙤𝙣𝙜 🍽 //-Well-situated in West Kowloon’s aesthetic yet innovative hotel, 𝐖 𝐇𝐨𝐧𝐠 𝐊𝐨𝐧𝐠, 𝐊𝐈𝐓𝐂𝐇𝐄𝐍 is a contemporary bistro featuring a modern international buffet; and has now teamed up with Michelin-starred restaurant chef, Ryota Kanesawa to present a 𝐭𝐢𝐦𝐞-𝐥𝐢𝐦𝐢𝐭𝐞𝐝 𝐩𝐨𝐩-𝐮𝐩 “𝐖𝐚𝐛𝐢-𝐒𝐚𝐛𝐢 𝐁𝐮𝐟𝐟𝐞𝐭” showcasing the exquisite beauty of Japanese cuisine. Available from March 16 to 18, 2023.-☞ 𝐖𝐚𝐛𝐢-𝐒𝐚𝐛𝐢 𝐁𝐮

家人生日，訂了18/2 7位自助晚餐慶祝，選8:30-11:00 嗰轉，因為要等埋家人8點放工先去到，預訂時已比晒錢，收埋確認信息。點知到當日5:30收到W打嚟話今晚自助餐改到5:30-9:30。一係你就嚟食到9:30走，一係你就退錢。你冇嘢啊！5:30通知8:30入座嘅客只可以食到9:30?我食Buffet啊大佬。跟住話一般可以安排改期，生日飯啊，改你條命啊。跟住話安排退款比你咯，要等12個工作天。呢間嘢真係垃圾到一個點啊！

丈夫生日，原先揀選一間係尖沙咀酒店慶生，但酒店通知沒有生蠔亦沒有鵝肝/鴨肝供應，失望至極。臨時臨時訂到這間自助餐，5:50不用排隊入場，坐近門口唔係咁開心，但原來入口處亦可通往取食物區，都好方便呀未夠6點已經有食客攞緊食物，跟住我哋都分頭行事取食物/攞飲品飲品方面：自己沖冷/熱檸檬茶/水，亦有咖啡機，亦可以加錢任飲汽水/紅白酒食物方面：我是有點兒失望，因為食物區比較細，相對款式真係比較少海鮮-生蠔(任夾)，龍蝦，蜆，螺，麵包蟹(比較少膏)芝士-五六款，味道唔錯，麵包有3款及2種餅乾湯-中西湯各一，味道一般沙律-三款沙律菜，配菜亦有六款左右，不過栗米/紅菜頭欠奉熱食-即切牛肩胛，燒羊架(呢兩款堅好食)，仲有印度飯，印尼薄脆，仲有兩三款熱食(不過味道麻麻)甜品-藍莓西瓜汁(小朋友勁鍾意)，芝麻糊(不錯，食得出唔係開粉)，仲有約8款的蛋糕，另外仲有約6款糖果(利是糖，瑞士糖，熊仔/蛇仔軟糖等等)生果-切粒西瓜，密瓜，仲有香蕉，蘋果，四季桔(酸到。。。😑)整體原價的話是不值的，但因有折扣，加上食物區職員及亦有位經理協助小朋友取食物，值得加分加分

是次與男友於香港W酒店的KITCHEN享用自助午餐，餐廳裝潢別具一格，走現代時尚風格設計。空間感不錯、座位舒適且能飽覽九龍優美海景。自助餐枱上擺滿了各色各樣的菜式，當中包括中式點心、焗羊膝、牛肩扒、辣酒花螺、焗三文魚、刺身、麵包蟹、青口、蝦及甜品等等。食物補充快、質素佳，職員態度友善有禮，會再次光顧﹗

香港W酒店位於西九龍柯士甸道西1號九龍站 D 出口, 步行約1分鐘。連接ELEMENTS圓方商場，同樣以自然及五行（金、木、水、火、土）作設計概念，其非凡的室內設計呼應著璀璨中別具個性的都市色彩，讓賓客猶如置身在魔法森林裡。香港W酒店設有2間特式餐廳,包括位於大堂旁的中菜廳、6樓的Kitchen,1間酒吧WOOBAR 及76樓的WET® 泳池露台。KITCHEN餐廳主要提供國際風味的自助餐，KITCHEN裝潢設計時尚和別具一格，坐擁優美宜人的海景景觀。賓客可在這裡欣賞閃爍迷離的金蛋裝飾。週末下午茶自助餐供應時間為3pm-5pm成人價錢：HKD 398.00(+10% 服務費)主題定期更改，由9月17日至10月30日的主題為「果蜜沁香」 ， 營造漫味斑斕繽紛的熱帶果園。酒店聯乘知名柑橘氣泡酒Chandon Garden Spritz推出的果漾下午茶自助餐每位賓客包一杯特式飲品，我們各點了一杯Cocktail和Mocktail，完美搭配沁涼醉人的香橙特飲，以清新味力喚醒您的感官。食物款式:壽司三款(加州卷、吞拿魚沙律醬卷、三文魚忌廉芝士卷)、 大阪風味章魚丸、炸魚柳配香橙蜜糖芥末、 粟米火

元旦新一年第一天第一餐要對自己好D！SUNDAY BRUNCH 用open rice 訂座有85折，餐廳會早2天電話確認訂座，然後發電郵要求全數支付，全個過程簡單方便。餐廳安排準時12點入座，樓底高，景色開揚。今日天公不做美，天陰陰，仍無礙我們愉快的心情。🌼人不能控制天地萬物，但可以控制自己的心態。🌹SUNDAY BRUNCH 有幾款果汁、檸檬茶、咖啡和奶茶 任飲，十分自在。海鮮方面，有8款，生蠔、長腳蟹、麵包蟹、藍青口、東風螺、蜆、小龍蝦和波士頓龍蝦，陣容頂盛。生蠔新鮮不過咸，麵包蟹和長腳蟹肉厚而且肉質鮮甜，是必食推介。甜品款式未算十分多，但都有馬卡龍、芝士蛋糕、千層酥、慕士杯、班戟、MOVENPICK 雪糕、朱古力、焦糖燉蛋、朱古力簿餅……我最愛🟢綠色開心果味馬卡龍輕甜不膩，幸福感滿滿。刺身有5款，三文魚、吞拿魚、帶子、魚子等。熟食方面，款式不多，有蒸魚、印度薄餅、中式點心、喇沙湯麵等。這道花膠海蔘鴨掌是回本菜，材料重本，略嫌味道太淡，沒有味道。這道雪山皮叉燒飽是廚師響鐘食品，熱辣辣脹卜卜，超級好吃，不能錯過🫶！壽司區🍣有很多壽司款式，肉質新鮮，由於已很飽未能全部試試。扒類有3款

9月中嘅星期日同朋友去咗kitchen 食自助午餐。當日都差唔多全滿，我哋差唔多1點先到，大部分枱已經有人，海鮮豐富，有長腳蟹，波士頓龍蝦，鮑魚，蝦，蠔，青口，估唔到同大多酒店嘅晚市自助晚餐一樣豐富。日本刺身也有大大隻帶子，其他我沒有拎，記得有三文魚，劍魚等大普種類。熟食雖然款式不多，但係夠精同好味，當然也有切牛肉，燒味，沙律，甜品。今餐亮點係有豐富海鮮，又海景，雖然係望住西隨道口，但可以嘅。價錢都唔平，不過呢個質素都值得嘅。

一直聽人講W hotel ge buffet 好正！今日同3位朋友放左工就黎食。首先餐廳環境不錯，但食物方面真係好失望。因為野食嘅選擇真係唔多，食完1轉已經好似無其他野想揀黎食！海鮮方面有最signature 嘅麵包蟹，麵包蟹係甘多海鮮中最出色嘅一款。生蠔方面佢啲生蠔都比較細粒，完全滿足唔到我😌熟食方面，選擇都唔多，一間5星級酒店嘅buffet黎講真係好差。同埋甜品方面，真係無一樣野好食，最好食應該係moviepick 雪糕。總括黎講，buffet食物選擇唔多，而且唔好味，性價比極低，甘貴但無一樣野食好食，真心覺得有啲差！唔會再黎呢度食buffet!!!!

第一次用Asia miles 積分換餐飲，呢積分11月尾到期，今年飛唔切😎唯有食個平日lunch buffet 開心吓😝呢到喺正九龍站上蓋，對住180度海景食野，佈置好有聖誕氣氛，坐低食住當旅行🤣12點準時開餐，見已經有7成人入座，食物款式多有驚喜wor!!! 冷盤有爆膏麵包蟹、海鮮冷盤新鮮😋日式刺身唔少得、即燒和牛肩、豬鞍🥩咖喱大蝦、羊配烤餅🥙熱辣辣中西式熟食，ham芝士任食，甜品食焦糖布丁🍮 、movenpick🍨追加好出色😆休閑食足兩小時，絕對有下次哈😋

W酒店最近同柑橘氣泡酒品牌Chandon Garden Spritz聯乘推岀tea buffet，多款茶點都以香橙入饌~超過30款鹹甜點都可無限任食！仲包左一杯香橙cocktail/mocktail！當然亦有果汁、茶等任飲~價錢同一般嘅酒店afternoon tea set差唔遠~ 雖然無靚靚嘅三層架，但就有多兩三倍嘅食物選擇。整體質素ok，都有幾款食物會想encore。環境唔算超闊落，但就有大大個海景，呢個價錢可以接受~ 特別岩鍾意鹹點多過甜點嘅朋友仔 (甜點相對普通)「果蜜沁香下午茶自助餐」$398/成人 $208/小童⏳1500-1700 (星期六日及公眾假期)⏳供應至10月30號✨必食✨🦀洛神花橙香蟹肉沙律三文治蟹肉份量十足，幾鮮幾重蟹味！多汁得黎，包體軟熟唔會太濕🐷日式香橙燴五花肉包五花肉超入味！多汁唔柴！甜甜酸酸~ 🧀風乾牛肉芝麻菜波爾斯芝士卷鹹香十足！帶蒜香~🍦Mövenpick雪糕任食！當日就有Espresso Croquant、Maple Walnut、Strawberry、Vanilla四款口味~ 大推espresso同walnut！超濃咖啡同楓糖味— — — —

去W Hotel Kitchen吃 lunch buffet，之前有人提過佢哋嘅服務態度麻麻地，但當日所見職員服務態度幾好，見你拿住多食物，即刻幫你夾取所需要嘅食物。食物種類同其他buffet差唔多，麵包蟹多膏好味，凍蝦新鮮肉質爽嫩，而甜品種類有很多選擇，我最欣賞係粉麵檔的喇沙湯底，是新加坡大廚自己調製出來的，味道很濃椰汁味很重。而芝士款式亦有四五種可選擇，刺身有四款，我最喜歡吃甜蝦，全部可以自己夾取件數不需要分配，抵讚！

抵讚的頂級大廚Jeffrey, Benny & Terry👍👍👍每次來這裏享受Sunday Brunch，大廚Jeffrey，Benny，Terry的超卓廚藝總能帶給我驚喜，所製作的美食令人垂涎三尺，捧腹滿載而歸🤣🤣🤣美食絕不欺場，有真材實料，比我手掌還大的花膠，日本刺身壽司，法式雲吞意粉，美式鴨肝漢堡包，多款芝士，Cold Cuts，以及源源不絕供應的龍蝦🦞，生蠔🦪，麵包蟹，長腳蟹，等等等等⋯⋯而大廚Jeffrey，Benny，Terry，不但廚藝精湛，更是熱情招待顧客，令人感覺親切友善，值得一讚👍👍👍👏👏👏感恩有幸能夠認識到這麼有熱情熱誠熱力的3位大廚，令我能在疲勞的工作過後，可以在這裏享受到5星級盛宴和賓至如歸的招待，真的十分之感謝和感恩你們的努力付出🙏🙏🙏🥰🥰🥰

見到啲度有好多劣評，其實又唔係真係咁差啫😅今次我哋weekday試左佢嘅夜晚buffet，6點入座，食到9:30。全場大概6-7成滿，又唔算好多人，食物refill都快。我係衝著佢嘅生蠔同麵包蟹而來的，而啲兩樣都令我非常滿意。其次係佢嘅鴨肝都好好食。至於其他野都係一般般，整體而言未至於要劣評。法國生蠔👍🏻👍🏻👍🏻👍🏻👍🏻啲豪雖然唔係好大隻，但係佢夠鮮甜，而且啲肉都爽脆。最重要一點，係佢無限量供應，亦都冇限制每人每次拎幾多隻。我每次都一次過拎10隻，如果冇晒佢就會立即響廚房refill出嚟。前後我拎左三次，即係食咗30隻，其實都回左一大本啦。麵包蟹👍🏻👍🏻👍🏻👍🏻👍🏻啲麵包蟹都算大隻，最正嘅地方係佢隻隻都爆膏，啲膏勁鮮甜，而且最難得嘅地方係麵包蟹嘅蟹肉竟然係會有蟹味。可能你會話蟹當然有蟹味啦，但事實並非如此，因為絕大部份酒店buffet供應嘅麵包蟹，啲蟹肉都只係得雪藏味，係完全冇味你根本唔會想食，而今次嘅麵包蟹完全冇雪味的，而且仲鮮甜添。我前後食咗一隻半。亦都有版友話啲麵包蟹出咗半個鐘就唔再Refill，好在今晚冇呢個情況，我去到9:00都仲見到有麵包蟹供應，基本上佢一冇晒就會refil

今日就嚟到W Hotel 食個自助餐慶祝吓，其實我上年5月已經嚟幫襯過，當時疫情初愈，五百幾蚊相當抵食。餐廳位於6樓，對面嘅就係ICC。隔離執咗啲餐廳，今日我哋食嘅係Kitchen。我喺佢哋W Shop訂位嘅，呢個9月佢哋做緊法日主題，經網上訂位連free flow 閒日都只係694.5 加一，做緊75折。但網上訂位要full pay嘅，網上訂位時喺兌換日期入返訂坐日子，佢就有email confirm 返你架啦。今次分咗上層大堂位，都闊落。空間感唔錯，仲對住海景。出去望吓嘢食先，冷盤沙律選擇多過10款，一個大堂攞晒所有嘢食。先睇海鮮，貝螺蝦蟹小龍蝦。重點當然喺呢個法國Ostre’ Argent生蠔，fill得幾快架。今晚啲生蠔，Size適中，肉身嫩滑，味道淡口，配上氣酒能夠吊出佢嘅鮮。扒類方面先係有豬呀，呢邊呢就係和牛臀，。三款醬汁可以選擇。嚟睇睇個扒，和牛扒牛味香濃，佢哋跟個薯蓉滑身之餘味道都香口，至於豬方面乾身但豬味清新，夾埋個紅酒豬味發揮更好。牛有啲部位比較難切，可以問佢攞把靚刀唔洗切得咁辛苦。魚生壽司方面不過不失，八爪魚得啲鬚鬚無咁開心，種類唔多但都正常發揮，起碼係新鮮嘅。風

今日同先生去左尖沙咀柯士甸道西1號香港W酒店，一入去一大片落地玻璃，景色怡人望住海景，感覺好舒服有香檳配搭精緻糕點，有分甜點及鹹點 🍰,鹹點味道比較適合我，蛋糕好鬆軟美味，每種口味也好喜歡甜點對我來說，實在太甜，不太適合我，食完會幾口渴同埋也幾痴牙。總结而言，環境舒服自在，但可能同我個人口味關係，只喜歡鹹點，不太喜歡甜點，所以有點可惜，同等待食物時間較長，這要有待改善和價錢上也較為偏貴，性價比不算不高 。