KITCHEN

營業中

休息中

官方網站寫有鵝肝，無；麵包蟹，無；威靈頓牛排，無；蒜蓉粉絲清蒸帶子，無；欺騙客人，只有羊扒、生蠔、現切西班牙黑毛豬叉燒, 澳洲斧頭扒, 烤牛柳、波士頓龍蝦丶龍蝦鉗丶猴頭菇響螺湯丶印尼沙嗲: 牛肉串, 雞肉串, 豬肉串- W 法式焦糖燉蛋，雪糕有movenpick及少量蛋糕，連麵包布甸也沒有，每人包一杯飲品，實在太失望，我是平日去食的，雖然5:30食到9:00，職員的態度也很好，吃了沒有肚痛，但用$700食這些食物，實在太不值得，我永遠也不會再光顧。這次是慶祝女兒生日，你可預先告訴職員，職員會問你想在甜品的碟上寫上什麼字句，而這甜品只是用cream唧出來，再放上少量士多啤梨然後加一支蠟燭。

新假期介紹所講有鵝肝有和牛，但係去到就乜都冇新假期既推介真係伏伏伏加錢$188位既紅白酒任飲，唔叫都冇服務員過黎斟不論冷盤熱盤甜品種類都極少， 每款食品廚師都好成功， 係好成功令到客人食一次就唔會再攞第二次七百幾蚊呢個價錢魚生帶子都要碎上， 唔係一開二係真係碎上冷盤海鮮大部分甩皮甩骨完全冇味生蠔自己叫先有人送嚟，叫佢攞半打淨係畀四隻衰過放題， 仲要唔新鮮其實你唔畀我可以唔畀我都唔係好想食熱葷大部分澱粉質， 最過份有個湯係薯仔湯cls甜品有個雪糕火鍋，不過冇火嘅就咁比兜朱古力醬你，極之無誠意我覺得300蚊一個頭都畀多佢

📍KITCHEN,W hotel高質五星級自助晚餐😍 約$750 一位任食龍蝦🦞長腳蟹🦀生蠔🦪😍😍凍海鮮真係無得輸👍🏻refill 得勁快！即開生蠔配魚子醬食好滿足🥰🥰唔夠仲可以搵職員要多幾隻中式猴頭菇螺片頭燉湯好足料🥣 飲左兩碗都唔咸熱食 蒸帶子 燒牛排 串燒 炒粉麵飯都唔錯 👍🏻甜品成張長枱揀到選擇困難😂😂絕對會再黎食👍🏻👍🏻👍🏻如果生日/慶祝可以預早打去餐廳話比佢地知, 佢地會安排一個蛋白餅甜品比你, 好有心思又好味

伏呀陰公，我一星係比佢啲凍盤，正常發揮，不過不失，不過佢嘅螺肉有浸回甘味。刺身方面剩係得三文魚，油甘魚，吞拿魚同甜蝦，啲加州卷入面又係用返呢啲魚生做返個餡。最慘就係啲熟食真係少得可憐，連意粉都冇，其他中式野又唔好食🤦🏻‍♀️同埋冇自助嘢飲，一人得一杯冇酒精飲品🤦🏻‍♀️成個場廚房剩係得五至六個人，其實諗深一層煮成咁樣其實都已經好好㗎啦，人哋出面生蠔師傅都有三個，壽司師傅都有兩個，呢度一個師傅做晒幾樣野咁，其實真係辛苦晒佢哋。唯一要讚就係呢度啲員工服務態度好好。早知去打邊爐或者食放題啦🤦🏻‍♀️🤦🏻‍♀️

從未試過在洒店食buffet 會被staff 每5 至15 分鐘remind 一次8時要交 枱。格調非常 低。7時開始巳經沒有加 食物。 又不斷催你叫 餐飲 。食物種類又非常少。龍蝦細細隻， 甩頭甩髻。生蠔 瘦 到飛起.

Kitchen的自助晚餐有多元化的選擇，當晚，我喜歡吃豬肉🐖和雞肉🐓串燒、足料和牛🐂炒飯、質量不錯的刺身和壽司🍣(最愛任食帆立貝，還有切成丁方或長方的板壓三文魚壽司)、Movenpick雪糕、鮮榨橙汁🍹...等等整體來說，喜歡餐廳環境，多元化食品都不錯，職員們的工作態度好，有禮有笑容，有機會一定再光顧😃每枱會送一碟生蠔🦪和一小甖魚子醬，生蠔可refeed的，雖不是特別肥美，但屬新鮮，加埋很大方的送魚子醬，整晚吃得開懷🥳吃後，最喜歡就是回酒店房間休息，不需舟車勞頓回家🤣自助晚餐是入住酒店送的其中一項禮遇，因週六關係，分兩輪進餐，因此只有約2小時。摯友們已說下次找個平日，讓整個晚上來作戰🤣

位置九龍站上蓋W hotel 既buffet一直想試好耐所以之前等到生日飯就book左kitchen既lunch buffet🎂黎到啲位又細又狹窄 想搵個地方放袋都冇跟手諗住搵職員幫手換位 揮左陣手先有人慢慢過黎 仲要個態度係敷衍 完全比唔到我酒店應該有服務態度😕講返食物當日每枱會附有一盒魚子醬同每人一隻生蠔（真心覺得呢個價先每人一隻生蠔有點小家😓）而且當日食物選擇唔算多重點都係食長腳蟹😂😂聽聞之前有鵝肝漢堡但都唔見 變左做pancake由於生日關系 kitchen準備左個西餅 所以搵職員幫手影相 但當日都好多人吓 最後連隔離枱既食客都入哂鏡😑真心勁無奈😕可以既話慶祝真係唔會揀呢間🤦🏻‍♀️

自助午餐供應時間是中午12:00到14:30，食物區和用餐區是完全分隔開的，有兩邊通道可以進入，都備有消毒洗手液。冷盤區在最左手邊，首先會看到兩個大冷櫃，特制乳酪、芝士、原味煙三文魚和綠茶味煙三文魚(不是難吃但味道很怪)、莎樂美腸、自由組合沙律菜、水果等等。其實另外走過一點，會看到一款18個月風乾伊比利亞火腿，比冷櫃裡的更重油脂香，推介大家可以專攻這個。而凍海鮮方面，有非常多膏超級正的麵包蟹，有點過份瘦弱的小龍蝦，凍蝦、青口。除了蟹，其他都不算特別鮮甜肥美。不過酒店會另外送每人一隻生蠔，以及每兩人一份魚子醬(是一整罐的，一點都不吝嗇)，品質都不錯，算是為海鮮類挽回點分數。另外也少不了日式刺身，款式有三文魚、吞拿魚、鯛魚、八爪魚，品質也算不錯。接著就會來到熟食區了。包含各國美食，例如愛爾蘭燉羊肉、紅燒牛肉排骨、香煎雞腿配泰式酸辣醬、煎三文魚檸檬牛油汁等主菜，以及羅勒芝士焗通心粉、煙肉薯蓉等配菜。而最重點的，是有烤羊腿和烤西冷牛排，羊腿很嫩但羊騷味不重，而西冷牛排則很重牛味，外面微焦香口，內裡肉質軟稔，可以搭配香醋肉汁或黑胡椒汁。另外有自選意粉區，有三文魚、煙肉、蘑菇、洋蔥

講番係W酒店既staycation因為book左套房所以有兩千蚊dining credit一早就plan好左夜晚去kitchen食自助餐但可惜7婆就係呢個時候話要禁晚市結果個自助晚餐就要改日頭食而好多酒店其實星期日既自助午餐會同平日有少少唔同好多時都會變左做sunday brunch有free flow酒水而呢間kitchen既sunday brunch時間亦都由原本既兩個半鐘變左三個鐘除左香檳任飲之外仲有雞尾酒同手工啤都係任飲既而食物種類就同dinner buffet差唔多不過個價就離晒地未加一都要928一位比起最出名既港麗sunday brunch仲要貴結果淨係呢餐自助餐都已經打爆左個credit餐廳係酒店六樓大堂係大堂登記完雖然未有房number但佢地話有個名都ok架啦座位上面好多呢種吊燈因為知道武肺大軍會係每晚六點先出動既日子唔多所以我地好遲先由dinner buffet轉左做呢個brunch buffet原本一早request個窗口位都無埋雖然無左個海景不過因為二人限聚可以坐到四人卡位我地坐門口位無海景呢d坐得咁迫都叫做幾舒服既而有碗話碗講話梳化好大塵個問題應該都叫做有改善到

人生第一次寫食評,聽朋友話W hotel kitchen要早一個月book先有位,剛剛晚市可以開到十點加上可4人同行,大仔18歲生日就去book,其實上網睇過大約都知有乜食,環境如何！但去到自己食就真係唔知講乜好,除左魚子醬同鵝肝有水準外其它就......(海鮮)生蠔瘦到無朋友,其他我攞左一次就無攞,(熱食)所有羊肉0k,牛同其它就一般!中湯同西湯都有水準,我攞左1西2中(其實無乜嘢食)！甜品都可,一句講曬食物又曾係無乜嘢好食,加一後約7佰元,應該無吓次

九龍站上蓋的兩所酒店 Ritz Carlton 及 W Hotel 開業多年，還是第一次光顧 W Hotel 內的餐廳。W Hotel 隸屬於Marriott 集團旗下，是集團內豪華級數系列的其中一個品牌，主要客源是願意花錢的旅客。所以，裝修風格及設施有別於同樣是豪華系列、但主力商務客的 JW Marriott，偏向時尚、型格，講求品味；W 的餐廳當然也採取相同路線。「KITCHEN」的招牌沒有什麼特別，甚至有點老土；但一走入餐廳內部，眼前一亮。自助餐擺放食物的區域同用餐區完全分開，一列長長的玻璃櫥窗佔據了食物區整堵牆；內裏用不同尺寸的純白色瓷碟、瓷碗，打造成一件大件立體裝飾品⋯⋯甚至可以用藝術品去形容！瓷碟及瓷碗是餐廳的必要器具，固然與餐廳互相呼應；再加上幾隻塑造得栩栩如生的白色石膏貓雕像，分外引人注目。香港大部份酒店自助餐，用餐區同食物區即使分成兩個不同區域，也會位於同一個空間內，但「KITCHEN」則是徹徹底底的完全分開食物區及用餐區。目的就是要盡量善用酒店的臨海優勢，使整個用餐區的每一個角落都可擁有無敵海景，不會因為食客取餐時走來走去而影響用餐時可享受的景色⋯⋯ 晚上這個影響可

為咗慶祝兩周年紀念日，男朋友特登book咗W酒店嘅自助餐，之前都聽聞過呢間酒店嘅自助餐喺芸芸酒店之中算係數一數二，食完之後果然冇令我哋失望，係好滿足嘅一餐。🥰🥰🥰未講嘢食之前，要先講吓佢嘅景，我哋入去嘅時候係大約6:00，咁啱可以見到黃昏嘅景色，望住前面嘅海食野，係幾浪漫嘅😆第一輪出去當然要拎咗海鮮先，循例都係要拎啲龍蝦、蟹腳同埋海螺、青口，龍蝦啖啖肉，海螺夠晒爽口。真係不得不提哩到嘅魚生，超級新鮮！！！佢呢度嘅帆立貝係我食過最好食、最新鮮既！黎食嘅話一定要拎！十個推介👍🏻👍🏻👍🏻另外，三文魚都好肥美！當食咗一段時間之後，侍應就會每一台都上一盤海鮮同埋一碟生蠔，海鮮嘅質素同出面拎嘅差唔多，不過就多咗帶子，同埋一兜醬（濃芝士味）。而生蠔就略嫌瘦咗一啲，唔算好鮮甜。順帶一提，生蠔食晒可以再問侍應添加，喺出面冇得拎㗎！我哋再追加既第二棵生蠔🦪質素係好過第一盤既，大家不妨都嗌多一盤黎比較下🤔要介紹吓熟食方面，鵝肝真係超級好食，唔會太肥膩，好食到我食咗三舊😝牛扒同埋羊架都好霖好容易咬，質素好高！另外一定要提佢嘅湯！雖然冇影到相，但係佢個花膠湯好入味，味道鮮甜，好好飲！其他熟食味道都唔錯，鮑魚飯味

生日遇上疫情，仲要6點後禁堂食為有食個lunch buffet!今次揀w hotel buffet ,每枱客人有一個頭盤送生蠔配魚子醬，感覺好高級！生蠔唔算肥，但都算鮮，唔錯！Lunch buffet 好少有生蠔，呢度有，可以回本凍海鮮仲有蝦， 螺，青口熟食方面有煲仔既3交魚炒飯， 上湯娃娃菜， 豬頸肉都好出色熟食仲有羊架，火雞，肉眼牛扒，中式點心，即叫即煮面等等。 仲有好多好多熟食不得不讚佢既中式湯，好好飲不過我最鐘意係呢度既沙律🥗盤，有好多款，有烤玉米配牛油果，黑藜麥烤西芹沙律，仲要好好食😋健康又出色生日仲有個甜品送，不過就太甜，用來影相📸️呃like 還可以

今日早上嚟到 w hotel kitchen,位於酒店 6樓，其他都食過好多次，不過今次同大家分享一下，早餐嘢食來講唔算多嘢食，都係有中式點心，以前都有蝦餃燒賣，現在無，得啲下價嘢叉燒飽、粉果等，令我比較失望，壽司🍣無咩特別，因為本人不好壽司。蛋類就比較多選擇，還有茶葉蛋，日式蒸蛋等。熱盤有一兩款比軟特別，有北菇蒸雞、咖哩等。粥方面都比較寒酸，基本配菜例如鹹蛋、皮蛋、脆脆、青葱都無👎👎👎，其他都係生果，麵包蛋糕等基本嘢，以我去咁多酒店食過嘅早餐來講，呢度唔算多嘢食，但招呼好👍🏻

喺網站預購咗買一送一優惠，所以試吓。如果正價食都比較貴。最值得讚嘅就係服務生嘅專業服務態度，會主動同我同朋友影相，收碟都收得好快，對答亦都客氣得嚟又親切。整體而言，食物選擇係比較少，無論熟食，前菜，甜品，沙律，種類都唔多。的確每一樣食物嘅質素都唔錯，但係未至於話好出色。海鮮都算新鮮，而且放喺度任拎，補貨都快。生蠔係要同服務生提出，都算幾鮮甜。特別推介鵝肝多士，非常好食，食咗三舊。魚生嘅選擇都唔多，但甜蝦都算好食。好多酒店自助餐嘅甜品都會比呢間出色。總括而言，如果正價嘅話就會唔抵食。大家食完野仲可以去西九文化區散步，睇吓香港夜景！