Kotori_Lbird

營業中

休息中

喺荔枝角覓食已經唔係第一日嘅事所以得閒都會上IG搜尋一下，有啲咩又健康又抵食又好味嘅餐廳😆😆唔使食嚟食去都係果幾間咁啱今次就見到有一間新開係有日本人主理嘅關東煮食店其實一直以來都好鍾意食關東煮，覺得佢個湯好特別！今日就嚟到呢度，外賣自取啦一入到去已經聞到好關東煮嘅味道店員非常有禮貌，而且好熱情介紹餐廳的食物佢有提供廚師發辦！($55)非常適合我😆因為唔想諗，就有廚師幫手配搭啦！會有四個小食加一個15穀飯，仲送兩條炸雞佢個關東煮嘅湯真係超好飲！全部飲晒而且唔係味精嘅感覺，飲晒都唔會好頸渴😍😍蘿蔔非常入味好推介！感覺又健康又飽肚！我一定會再去食❤️❤️

係荔枝角返工既，都會知12點開始，地舖就算買個外賣都會超多人，而且食黎食去都係果d有d悶，同事係附近見完客，就買左份特別既關東煮比我做lunch相信大家都會“思鄉病”，而呢間關東煮就由日本大廚打理，而家做緊promote, 拎左外賣傳單就有5蚊discount同事買左個廚師發辦既set比我，另外加左份炸雞柳首先炸雞拎上手熱辣辣，食落口唔鞋，配埋芥辣醬唔錯之後就係十五殼飯，上面配既配菜好開胃，唔使齋食飯咁悶主角當然係關東煮，試試個湯，唔太咸，有少量蔥同菜，可以當湯飲 羅白好甜，仲配左牛腸，黑魔芋，水煮蛋，墨魚丸，野菜豆腐，個豆腐索左湯好正，成個餐配搭好好，食完好有滿足感，希望快d可以返鄉下啦

日本關東煮多數都係喺日本旅行嘅時候，喺便利店度食，可以自己選擇，然後拎去收銀度俾錢。記得價錢都係大約係$10一件到。都好懷念去日本旅行嘅日子。同朋友講起旅行，朋友介紹有一間關東煮店喺荔枝角D2附近，今日經過附近，就款探路搵吓啦。荔枝角呢邊好興喺工廠大廈入邊有各式各樣嘅餐廳。而呢間關東煮店就喺時豐大廈入面。入到去好企理乾淨，而且仲見到有位日本廚師在廚房準備中，一見有客人嚟到都好熱誠打招呼，感覺好似去咗日本咁。我揀咗一份廚師發辦關東煮外賣，都係$55，仲附送兩件炸雞柳。我想講嘅係，我真係非常讚賞呢一間小店無論小店嘅乾淨程度，廚師嘅細心，同埋煮食嘅用心，我都覺得滿滿感受到誠意。雖然望落平平無奇，但係每一個細節位都非常細心。由米飯講起先啦，係十五穀米飯，飯一邊有好多款唔同嘅米粒，有大有細，有較硬較軟，食落好有口感。而且上面鋪咗嘅係蘿蔔絲同魷魚絲，真係好少見到出邊有咁細緻嘅伴菜。廚師仲俾咗一小份芥茉醬撈飯，店員講係老闆精心炮製嘅。關東煮方面，每件都好分明，唔會話煮得太過火，啱啱好。蘿蔔夠厚入味，墨魚丸有咬口，有墨魚粒。魔芋彈牙，全部都吸收晒佢哋精心炮製嘅黑色鮮濃湯。仲要特別一提嘅係，呢一款北海道

今日番工落巴士時見到有人派傳單，接過手原來係新開張日本人主理既關東煮🍢外賣餐廳，logo係一隻好得意既雀仔，憑傳單仲可以減$5，可以係whatapps提早落單，最低消費$30，之後外賣🥡自取！還有提供搓手液比客人享用，這裡收現金或八達通，十分方便！我就點左日本黑摩芋：紐紋條狀好滑嫩煙韌，既飽腹，熱量又極低！日本水煮蛋：索晒鮮味湯底，好入味，蛋黃都好金黃濃郁，果然日本🇯🇵蛋係好味😋！蘿蔔：同樣係吸晒鮮味湯底味道，好腍身又冇根，大大舊好清甜！豆腐：質地Q彈又能吸附許多湯汁，增加口感！野菜豆腐：口感鮮嫩，清淡回甜，腍腍地易入口！配十五穀飯：可以將湯汁撈埋一齊食更好味，不僅營養價值高更全面，咀嚼口感更豐富，健康食品既選擇！👍😋附送2條炸雞柳條：即叫即整，熱辣辣，脆漿唔會太厚，雞柳肉都好細嫩滑身，好juicy，點埋芥末醬更惹味！真係食完可以stay healthy!又多一個唔錯既新餐廳選擇！😊+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

荔枝角最近都開左唔少食店, 有同事話新開左間由日本人主理嘅關東煮外賣專門店😯, 於是今日lunch就同同事去買嚟試下☺️!食店位於時豐中心入面, 上12樓一出就會見到指示牌, 唔算難搵😉! 一入到去就已經聞到好香嘅炸物味😌, 仲可以見到廚師係入面煮野嘅過程! 關東煮一共有10款餸比你揀, 唔夠飽仲可以叫個十五穀飯食🍚🤭! 除此之外仲有炸雞小食🐔同蔬菜汁賣! 小妹同同事最後就點左兩個廚師發辦試下😀關東煮嘅湯汁味道鮮甜但唔會好濃味, 無咩味精!十五穀飯🍚十五穀飯食落煙煙韌韌, 幾有口感, 旁邊仲有白蘿蔔絲同魷魚絲, 小妹第一次食漬魷魚絲, 味道好似北海道魷魚絲咁, 帶有微微鮮味同咬口, 連埋飯一齊食令整體感覺唔再單調! 炸雞柳🐔炸雞柳幾香口, 味道正常, 不過不失!北海道黃色薯仔🥔薯仔口感軟腍,中間嘅薯仔心十分甜, 有d似平時食嘅黃心蕃薯🍠!日本水煮蛋🥚水煮蛋煮得幾入味!蘿蔔蘿蔔非常大件, 入口超級軟腍入味, 鮮甜無渣, 推介!豆腐油豆腐香濃入味, 咬落去湯汁慢慢由豆腐入面溢出, 肥而不膩!墨魚丸墨魚丸爽口彈牙, 入面仲有粒粒墨魚, 幾有口感!水煮山菜牛腸牛腸層皮層肉, 口感微爽軟腍, 味道

日本人的關東煮最近荔枝角新開了一間由日本人主理的「關東煮外賣店」，我覺得現時香港人我們冇得去日本都可以品嘗到關東煮啦！我喜歡它可以自由選擇自己喜歡的配搭，滿$30就有炸雞送呢！一個關東煮配有4個小食加一個十五穀飯。我喜歡吃其中日本雞蛋、蘿蔔、日本黑魔芋和 北海道黃色薯仔 ！ 荔枝角上班的朋友要試吓了！可打電話或whatsapp 佢哋下單。kotori_lbird九龍荔枝角長順街20號時豐中心12樓1208室

去左多次日本, 但都無真正食過關東煮, 所以不肯定是不是正宗口味但我跟單張比較, 就覺得是騙人的廚師發辦寫的明明是4個小食, 但我卻食出了8個?不知是否給錯了?昨天搵食時, 見到這間, 又近公司, 便上去看看, 要留意的是沒有堂食, 只有外賣因為我無單張, 所以是推廣價$55(單張有$5coupon)反正都第一次, 又唔識咩係關東煮, 當然叫了廚師發辦大約等了5分鐘就可以了, 而且日本主理還親自拿出來, 有點不好意思打開食物, 有穀飯, 雞柳條這兩樣必有的, 另外的4個小食是: 魔芋, 蘿蔔, 水煮蛋, 牛腸, 蝦餅, 墨魚餅, 八爪魚, 野菜豆腐就是啦, 數來數去都不是4個, 是8個!味道來說, 飯配上魷魚蘿蔔絲, 少辣, 開胃菜, 其他的都跟湯頭很夾八爪魚好諗, 感覺很新鮮, 因為一向我都以為會是要咬好耐的唯一我覺得可以做好的是蘿蔔, 蘿蔔,本身質地很好很諗, 無渣, 表面味道都好, 但不算是入味, 或是中心位帶點淡水味, 跟平時食的車仔麵或韓國的街邊檔來比, 味道沒有滲入, 不肯定關東煮是不是這樣整體來說, 是推介一試, 亦會再食

放完長假無飯帶，上星期收到張傳單話有日本人主理關東煮。所以試下，打電話落定單先，上到去就拿得。老闆會親自出黎道謝，唔知係咪我早去唔係好忙先咁。去下日本人，泰國人，韓國人，台灣人開既餐廳好似去左當地咁今日叫左廚師發板，蘿蔔淋同入味，睇得出有花心思在切蘿蔔上，cut左d角同界左十字。仲有八爪魚、牛腸、蝦餅、有一堆唔知係咩，上網睇返menu原來係叫山菜水煮牛腸，又幾好味。我同我男朋友都覺得好味過上次在另一間賣日本野食既關東煮，入味d, d 料特別d.仲有個十五穀飯，初初聽十五穀有d驚，我食開白飯，但食左又ok，唔會硬, 可能因為個飯上面d小食，我好鍾意依個小食喎好好送飯。仲有炸雞送，有薑味同白芝麻，雖然返到公司唔脆既，唔知原本脆唔脆架呢。依家飲食業咁難做，有時唔帶飯都想支持下d小店， 用心制作既係要珍惜，唔係突然byebye就無得食啦。

最近天氣開始凍，又好耐冇得飛日本，真係好掛住日本既味道。咁岩收到張傳單見到有間日本人主理既樓上關東煮係公司附近，即刻走上去試下先。上到去有親切既店員介紹有咩食，介紹佢地既廚師發辦SET. 原來廚師發辦SET 有4款關東煮，有十五穀飯，有D魷魚絲炒蘿蔔， 新張期內，仲有炸雞送添一聽到咩都唔駛諗，又有咁多野食，就岩曬我Ｄ選擇困難既人。加上新開張，仲有$5 COUPON，咁樣1 SET都係$50蚊炸。見到餐牌有款"水煮山菜牛腸" ，都只係$25 一份, 我就忍唔住叫埋，因為平時去日本食牛腸鍋都一定要$100，而家$25就滿足到我掛住牛腸鍋既味道，真係超值。廚師發辦SET. 唔記佐影低炸雞柳同水煮山菜牛腸. T^T炸雞柳即炸，又嫩，牛腸.小小肥，但真係好好味。係日本既味道啊。關東煮個關東煮好入味啊，個湯有D蝦湯味，飲完又唔好口渴。個蘿蔔係有鑽石既切割，感受到對食物既誠意。仲有最鐘意係佢既薯仔，好特別，甜甜地似番薯同栗子咁，好特別，下次一定再ENCORE十五穀飯，辣魷魚絲炒蘿蔔十五穀飯好健康，辣魷魚絲炒蘿蔔好惹味，餸飯一流，平時小食飯既我都忍唔住食曬成碗飯