L.D.K. by Ufufu Café (世貿中心) (已結業)

同朋友慶祝生日，主角自選餐廳，本來主要嚟試個pancake，可惜… 等咗大半個鐘先知漏咗單。吉列豚肉佐咖喱蛋包飯 ($148)吉列脆脆炸豬扒，嫩滑滑蛋包著熱辣辣嘅炒飯，加埋個日式咖喱汁係冇得輸嘅～博多明太子烏賊廉汁意粉 ($98)最鍾意呢個，明太子配忌廉汁係好夾嘅，但魷魚圈份量較少，有啲失望和風蜆肉意粉 ($98)意粉軟硬度適中，蜆肉有鹹香，清清地同朋友慶祝生日，主角自選餐廳，本來主要嚟試個pancake，可惜…

今晚同女友人聚餐，專登揀左呢間好適合女仔聚會既餐廳。我地叫左好多野食，主菜叫左海鮮番茄烏冬同吉列豚肉佐咖哩蛋包飯，兩個都加左$28跟餐，跟餐要沙律同迷你芭菲。另外再叫左手製餃子雞翼同草莓法式吐司。吉列豚肉既外skin炸到好脆，食落脆卜卜，雞蛋夠滑，配日式咖哩汁好食。烏冬都好滑，海鮮有蝦，青口，魷魚，蜆，好多料。雞翼有明太子同芝士味各一隻，都唔錯。到甜品環節，有迷你芒果芭菲，香蕉朱古力芭菲，口感豐富又好食。但最好食都係草莓法式吐司，外脆内軟，有蛋香，入面好軟身又暖暖地，配有草莓雪糕，賣相十分吸引。朋友對呢餐都讚不絕口。

年尾總係有好多形形色色嘅聚會今次大食妹就同朋友仔sss黎到銅鑼灣食L.D.K.貪佢環境舒適, 又可以傾多陣計<吉豚佐咖哩蛋包飯>炸豬扒嘅炸粉比較厚, 食落有少少硬但係豬扒都係幾厚嘅, 咖哩普普通通冇話特別好食, 但係滑蛋方面的確做得好唔錯<肉汁燴牛肉蛋包飯>燴牛肉肉質軟熟入味, 同樣好食<日式火山燒肉漢堡>另外亦有朋友仔嗌咗呢個日式火山燒肉漢堡 睇落都幾靚, 但係份量唔係好大<焦糖布丁芭菲>焦糖布丁芭菲係大推, 佢最底一層係香蕉, 然之後係cream, 再上高就係佢嘅布甸同埋焦糖, 食落去啖啖焦糖味, 配搭都好match<抹茶芒果芝士蛋糕> 呢個抹茶芒果芝士蛋糕相比底下就有少少 普通, 裏面有少少芒果果醬同埋果仁, 抹茶味唔係特別重

好少黎呢個商場行街，嗰日早少少收工就黎左呢頭食啲野先剛好下午茶時段！見餐廳都唔算話好多人！呢個係朋友嗌嘅親子丼！（$58）配嘅青瓜同沙律就正正常常，沙律冇煙肉但唔知點解有陣煙肉味，唔通個沙律醬係煙肉味🤣🤣🤣滑蛋唔滑，煮得有啲老，但蛋香味濃！吉列豬扒厚切啖啖肉，味道甜甜地，唔錯！我因為黎之前食左啲野，所以真係食唔到熱食/主食，其實呢個cake set（$48）比起友人嘅丼只係平$10！cake都有唔少選擇，我就揀左朱古力竹炭有啲失望、因為個海綿蛋糕好乾，好鞋口。全靠仲有幾層mousse頂住。但真係好麻麻，希望餐廳可以改善黑咖啡，幾好嘅、濃咖啡味，酸度同苦度都岩我口味

又係周圍搵下午茶試食時間行過俾餐牌甜品相吸引住，但因為早餐食得太飽變左唔敢試咁多熱咖啡-咖啡味好香，奶俾客人自己落有暖到好細心豬軟骨壽喜燒烏冬-湯底好正勁重味，雞蛋食時變左糖心蛋黃冇腥味，金菇勁多好似成包上，豬軟骨入晒味正但就瘦左小小所以肉鞋鞋地但味道一流搭夠，烏冬係手打嘅好煙韌彈牙索湯汁總結:下午茶來講咁嘅質素超抵食，而且店員服務好好，未寫第一篇我已經再去試多次蛋包飯同牛肉飯，可惜仲未試甜品不過一定有機會嘅

日式同西式風味合壁嘅餐廳未試過，今次除咗想同姊妹食好d之餘想食特別d，就揀左呢間餐飯開飯喇，一入去就好多menu系枱，正餐嘅menu、甜品嘅menu、仲有幾張特式宣傳/up sell加幾錢就多樣甜品等我哋各加$18要多個沙律🥗，味道都唔錯，唔似平時食到嘅凱撒醬/千島醬，唔知用咩醬料，不過味道唔錯嘅，開胃又健康嘅前菜👉🏻九州風炸雞翼唔係第一次食呢種雞翼，最中意系啱啱炸好，夠晒鬆脆嘅皮上帶上甜味醬汁，一擺入口雞翼內少許油脂流出💋，絕對一味熱氣又邪惡嘅小食，如果配酒類的話應該更正👉🏻博多和風明太子意粉賣相真系超級靚，餐具選得好有心思，帶日式料理風格嘅明太子配西式意粉，撈勻咗後個汁其實唔會系乾得尼傑他他，佢系帶少許汁足夠黏起明太子，仲要加左些少辣椒🌶️碎，原來辣味更顯出明太子香味，非常讚🤤👉🏻肉汁燴牛肉蛋包飯其實佢嘅牛肉真系燴得好夠淋🍴，牛肉脂肪同肉質帶有口感，不過同姊妹太多計傾，蛋包飯凍咗先尼食就真系唔系個重意景，所以味道凍食就較一般，但味道依然都好味嘅，只系失左滑嫩蛋包住粒粒熱飯種感動✍🏻整體上餐廳嘅環境、食物設計、食物味道同食物用具都非常滿意，未入門之前都需要讚下佢哋門前嘅蛋糕櫃，的確更易

這幾個月來政治情況令到全港的飲食、零售均成為重災區， 見者心酸。雖然心情差到一個點， 但都要身體力行出去支持消費。            位於皇室堡的UFUFU CAFÉ 是我心水之一，喜歡餐廳的一龍服務， 由主菜至甜品都有不錯的水準。晚餐時間， 只有兩枱客人，包括我們，店員多過客人， 所以我們沒有被冷落， 招呼很貼心。 我們不是太餓，所以只點了前菜、主菜、甜品各一份。櫻花蝦豆腐沙律 $48粉紅色櫻花蝦的確吸睛，數量多到可以將整件豆腐的表面密封著，豆腐的軟滑和櫻花蝦的細緻 ，兩耆很合拍， 醬汁以日式芝麻醬拌之 ， 味道清新討好。  上星期在福岡吃過蛋包飯，但未夠喉所以要再ENCORE。 肉汁燴牛肉蛋包飯 $128 香港出品的份量明顯小一半， 亦不是欖形的蛋包飯。但味道就非常合我心意， 肉汁香濃、濃稠， 牛肉軟淋入味， 非常好吃。 其實炒蛋都唔錯， 蛋味濃， 奶油一樣滑； 炒飯亦是正宗日式磨菇茄汁底炒飯， 無得輸的組合， 整體我是超喜歡的。 重頭戲當然是甜品   $78 層次豐富，最好味是蕨餅和最底層的抹茶啫喱，抹茶軟雪糕細滑， 如果抹茶味再較濃一點就滿分。

#為食滑嘟嘟㐲ed篇🤦🏻‍♀️ #為食滑嘟嘟中伏了今日試新野，不過又中伏，口煙肉卡幫你意粉，難食指數超標🥴嗰D汁同Baby food冇分別，真係好難食， 唯一意粉絕對al dente, 明太子忌廉蛋包飯，味道可接受，酥皮粟米湯，應該係酥皮粟米水先啱，都係好難飲嘅，人均消費要成$150.. 雪堆唔值得， 整體上成個餐牌都係偏貴，咁嘅質素絕對唔值咁嘅價錢。唔會再有下次。#中伏的Van仔 #中伏的雲葉哈思 #伏ed #中伏洋食 #發誓list

放假路過新都會，經過ufufu竟然見到有cake set?! 我估係呢排經濟差左，所以推出afternoon cake set, 立即去幫襯下先。48蚊蛋糕包埋咖啡，勁抵我叫左草莓杏仁撻+iced coffee 俾噹噹車仔嘆，個撻賣相好靚!yummy 😋yummy個杏仁脆片好crispy，士多啤梨仲好甜食完慢慢嘆埋杯咖啡，完全不趕客!希望香港快d回復正常喇，現在假日真完全吾敢出街。香港人最期待放假，現一放假人人為安全留家悶到抑鬱好想食好西呀！

2位朋友都病咗，日式菜比較健康，係叫咗5隻九州風炸雞翼 ($52) - 都炸得皮脆肉滑其他食物都揀咗非煎炸嘅~🍝煙三文魚蕃茄意粉（$128）呢間出名食蛋包飯，之前午餐食過，今次想試下意粉，有3大件厚切煙三文魚，唔油膩，健康之選！ 🍲牛肉壽喜燒烏冬（$98）出乎意料地好味！仲平過飯/意粉，成個鍋上，有好多塊牛肉，烏冬彈牙，最正係個湯底夠鮮甜，和味無窮！呢2個主菜都+$28升級，有沙律/湯，同埋迷你甜品（芒果芭菲、士多啤梨芭菲）芭菲裡面除咗有新鮮水果粒，仲有好有口感嘅脆粒，絕對值得升級甜品係另一個胃，食完迷你芭菲唔夠喉，叫咗個🍑白桃法式吐司🍑（$148）而家係白桃當造嘅季節，桃肉成熟🍑十分鮮甜！而法式吐司烤到一啲都唔乾身，好鬆軟，有啲焦糖嘅味道，仲有球芭菲，大滿足💯環境寬敞，坐得幾舒服👍🏻不過間餐廳有啲凍，好在有熱嘅☕️玫瑰花茶 ($48)，仲可以再沖水🌹

明太子忌廉蛋包飯 $98😃 蛋生熟程度剛剛好 加埋忌廉 帶出蛋包飯的滑🤪 明太子的咸香 令到呢個蛋包飯 有別一般三四十蚊既蛋包飯 食完一啖就想食下一啖😇值得一題係服務好好 坐兩小時 不停自動波加水 但又唔會催你走咁☹️份量太細 幾啖就食完凍抹茶紅豆白玉拿鐵$48🧐抹茶拿鐵方面，味道較淡，不算很苦澀 普通抹茶飲品 紅豆蓉沒什麼好評價，味道不算太甜也沒有太過蓉爛....🧐$48 有D唔值 整體而言而$50的價位來講性價比有點低

如說人生五味是甜、酸、苦、辣、鹹，這個漢堡就有甜、辣和鹹。對於我們現在生活已夠酸夠苦，未嘗不是一項治癒的食物 (苦笑)。來日本過江龍「L. D. K. By Ufufu Café」吃西式料理，之前到葵芳店吃「抹茶系列」和「明太子系列」均相當出色，尤其它的明太子意粉、和牛漢堡咖喱蛋包飯、抹茶法式多士，可以說是城中數一數二，沒有之一。今次在銅鑼灣分店，吃了期間限定的漢堡系列：先來杯凍「福岡八女抹茶」$38「八女市」是位於福岡縣的地方，一向以出產茶聞名。喝一口，仍舊沒苦澀味，有茶香及滑的質感，甚有餘韻，激解渴。「牛油果大蝦凱撒沙律」$122所有食材均很新鮮，是我喜歡常吃它的原因，也沒有下太多沙律醬。爽彈蝦肉只用檸檬汁及鹽吊味，已夠好吃：在數款漢堡𥚃左思右想，最後挑了「日式火山燒肉漢堡」$78薄豚肉用洋蔥、生姜汁煮至入味，下放鮮椰菜絲，令漢堡吃起上來感覺無咁膩，平衡了濃味的肉感：另外附上一隻溫泉玉子，放在包內一齊食，那有不好吃的理由？食到滿手蛋汁，的確很治癒！挑了兩個未吃過的炸物小吃，「九州風炸雞翼」$52「脆炸烏賊」$52彈性的墨魚圈被薄脆漿輕裹，不會如「椒鹽鮮魷」般厚粉皮，更能吃到墨魚的鮮

星期日行完銅鑼灣搵野食想食日式但係周圍人多多咁岩行到去世貿發現係舊UCC個位開左新舖忍唔住入去試新野一入得俾咖哩蛋包飯同牛肉壽喜燒烏冬吸引左叫完仲叫多左個綠茶蕨餅芭芙食咖哩蛋包飯不過不食係咖哩上面仲圍左兩圈既椰奶食落有少少椰香咖哩味唔太濃 少少辣口賣相吸引 食落都okay牛肉壽喜燒烏冬就係一般既壽喜燒味 不過一鍋咁上 個鍋熱辣辣有種真係岩岩新鮮整既感覺幾好食最後食完叫多個芭芙食紅豆量算多上面有少少 下面都有一圈食落非常滿足重點新舖 裝潢得好舒服又乾淨 食物都唔錯閒時行過食返個甜品都係個好選擇一定會再去

今日去世貿食完晚餐之後就想搵個飯後甜品食，咁啱離遠見到呢間餐廳有疏乎厘pancake，於是我哋就衝入去。原來疏乎厘pancake係下午2:30至5:30提供，有啲失望，於是我哋就睇吓其他甜品，我哋叫咗三個唔同嘅芭菲，全部都好吸淨，味道亦都唔錯，價錢合理。只可惜呢度嘅服務很差，尤其係穿着白色恤衫那位疑似Supervisor 嘅男人，冇禮貌兼且冇笑容，問佢野答都唔答就轉身就走左去😡

今日放工去銅鑼灣食晚飯, 我哋揀咗去世貿中心求其搵左間餐廳食飯,lee間餐廳好似有好多分店,主打日式西餐,可能係平日,我哋去到都唔係好多人,唔需要等位就入到去佢夜晚都有dinner special,加$28就有湯同dessert今日唔太肚餓嘅關係所以帶咗蕃茄🍅三文魚🐟意粉🍝,其實我覺得普普通通,啲三文魚好似唔多同個意粉夾男朋友嗌左白汁魷魚🦑意粉,都係普普通通冇乜驚喜最得意個湯最尾先黎,係酥皮忌廉粟米湯,好似個湯係最好飲🙈