L.D.K. by Ufufu Café (世貿中心) (已結業)

係Facebook見到銅鑼灣有間食Pancake既餐廳，比佢既賣相吸引之下就同女朋友一齊黎左。黎到睇menu先知Pancake既選擇係一千零－款，蜜瓜Pancake，但睇賣相同description的確好吸引，仲要限量50份，以香港人對pancake既瘋狂度，有啲驚食唔到。好彩呢件事冇發生到。我地只為pancake而黎，最後係好滿足甘離開。pancake一到已經聞到密瓜果種香味，好清新好甜美，已經即刻令我食欲大增。蜜瓜咬落好甜，食完d蜜瓜味仲依然係口腔縈繞三日甘上下。再食一啖Pancake。嘩！口感鬆軟得過份。Pancake上面仲有一球蜜瓜雪糕，無蜜瓜咁甜，係偏向清新可以中和飽膩感。暫時係個人pancake排行榜no.1，比我去日本食Grxx更出色。不過價錢方面係略貴，仲要貴過grxx最貴果款一半。

同朋友行開世貿呢邊想食飯，搵到呢間新開張餐廳，本身都鍾意食日本咖哩同奄列，所以決定一試。餐廳位置之前都係日本cafe，位置唔算顯眼，不過行開銅鑼灣嘅，應該唔難搵。8點几嚟到唔駛等位，坐位算寬敞，坐得舒服。今日可能人唔多，幾安靜，幾適合傾偈。Order 咗羅勒忌廉汁大蝦意粉同和牛漢堡咖哩蛋包飯。可能人唔多，上菜都好快，只係等咗10分鐘左右。意粉羅勒忌廉汁幾特別幾香，意粉軟硬適中，蝦唔算大，但有6隻，份量算多，整體夾起嚟係好食嘅。我個人比較鍾意和牛漢堡咖哩蛋包飯，因為鍾意咖哩蛋包飯。呢個蛋包飯蛋滑有蛋香，同咖哩好夾，咖哩香且滑，漢堡有肉香唔鞋，而且份量唔算少，性價比高。食完正餐，再加咗個飯後甜品綠茶芭菲配心大軟，芭菲配搭豐富，有綠茶布丁、綠茶雪糟、忌廉、朱古力等，上面加個心太軟，睇到都開心，只係心太軟唔夠軟，唔夠流心，普通咗啲，但芭菲好味。因為整體唔錯，而且menu 入面仲有其他嘢想試，所以會再幫襯。

今日又難得可以早放，就相約同事一齊去食餐豐富嘅午餐。因為我哋三個都好鍾意食甜品，就特意搵間主打甜品嘅餐廳。上網一查，發現L.D.K by Ufufu Café 嘅主菜同甜品餐單都好多種類，仲要係用日本食材，所以就決定試下！我哋今次將三份主菜升級到午市套餐，加多$20就多一個沙津，湯或者飯同餐飲，都幾抵。今日嘅餐湯係粟米忌廉湯，個湯好香甜，仲有粒粒粟米，完全就係日本罐裝栗米湯嘅味！我哋三個分別叫咗三種沙津，有煙三文魚，照燒雞肉同鴨胸肉。我嘅煙三文魚分量比想像中多，啲菜爽脆，加埋沙津醬都幾開胃。第一個主菜係豚肉生羌燒撈烏冬。呢碗撈烏冬好足料，勁多片豚肉。可惜豚肉有少少乾，不過撈埋暖泉蛋同甜甜嘅燒汁，食落去就唔會太乾，呢個組合好夾。個燒汁真係有淡淡嘅羌味，所以個汁好有層次，唔會得個甜味。最令我哋欣賞嘅係烏冬，因為條條烏冬都好彈牙，只有日本烏冬先會又彈牙又有麥香。第二個主菜係帆立貝，松葉蟹海膽忌廉汁意粉。本身都怕食蟹會好麻煩，想叫其他意粉，不過同事都話呢三種海鮮好吸引，咁就試下！個意粉一上枱，大家都嘩咗一聲，因為個蟹腳超大件，仲俾咗隻蟹鉗我哋！除咗帆立貝同松葉蟹，原來仲有三文魚子同海膽！除咗海

銅鑼灣世貿開咗間新的餐廳，之前已經聽過家姐講過話呢間幾好食(其他分店)㗎!本來係想去打邊爐的，但係想食嗰間嘢的 通風系統麻麻地，最後就揀咗呢一間新開的餐廳啦!我揀咗牛肉壽喜燒上枱時，店員好有提醒我如果怕牛肉太生，可以反轉涮一陣。我覺得湯底夠熱， 有甜又有鹹味， 牛肉都幾薄，有幾片，唔會韌，金菇好爽甜，不過隻蛋唔夠香。吉列豚肉佐咖哩蛋包飯豚肉炸得唔錯，肉質靚， 咖哩蛋包飯味道好香，份量亦都好足夠。午餐加$20就可以有一款沙律、湯和一杯飲品， 如果想杯飲品係綠茶系列，就要另外再加多$20。沙律味道一般啦! 但係我最鍾意就係嗰個粟米忌廉湯，夠熱，味道濃烈，粟米粒又甜。至於對個杯檸檬紅茶就有啲失望喇!因為有少少苦澀。凍抹茶紅豆拿鐵紅豆係分開上的，而抹茶都唔係太大杯，不過茶和紅豆的味道就好濃鬱。

Ufufu又一間新分店開幕，作為Ufufu的頭號粉絲，當然要即時來光顧吧。當日是2018年12月31日，讓我邊吃美食邊好好迎接2019年吧。汁燒牛肉丼$78大大碗汁燒牛肉汁，掋食大件又美味阿。大量的牛肉片，把白飯緊緊蓋住阿。牛肉質軟而鬆，咀嚼間醬汁流出，甜甜的醬汁超好吃阿。米飯甘甜圓潤，汁燒醬調味得宜，搭飯一流，飯控超滿意阿。日式肉汁蛋包飯$78每次光顧，必點這個Ufufu招牌蛋包飯唷。滑溜溜的蛋包，賣相吸引吸晴，蛋的部份滑嫩滑軟，入囗軟綿綿，搭配酸酸的燒汁和白忌廉，令人一囗接一囗，完完全全停不了阿。飯底非普通白飯，而是蕃茄抄飯，完美呈現蛋包飯的精粹。日本草莓蛋糕$48適逢冬天，Ufufu再次推出 期間限定- 草莓甜品系列，包括: 草莓芭菲，草莓法式吐司，草莓梳孚厘班戟，草莓蛋糕。賣相可觀，小巧可愛，紅粉小蛋糕，採用日本產的草莓，色澤紅潤，鮮甜大顆，內層是草莓忌廉，草莓果凍，原味蛋糕，質感鬆軟，微酸微甜，非常不錯呢。

-今年平安夜食更新開嘅日式店， 真係要激讚！！環境一流！！坐得舒服、環境寬敞、服務唔錯、嘢食好味。1. 九州風炸雞翼（$48）： 雞翼嘅味道好特別，外面嘅皮脆嘅，味道有黑糖同甜豉油max埋 ，甜甜地，肉質好juicy，鎖住咗入面。一個字正！！2. 肉汁燴牛肉蛋包飯（$128）： 肉質夠多，蛋包飯嘅蛋生熟程度控制得啱啱。有別於坊間用全熟嘅炒蛋嘅方法去製成。 但係牛肉方面就偏肥，如果怕食肥嘢嘅朋友就要注意囉。3. 和牛漢堡扒咖哩飯（$128）： 呢個飯係激讚之作。 個漢堡好好味！！外面脆啲，肉汁鎖住喺裏面。咖哩甜度啱啱，好撈埋飯食一流。4. 焗酥皮粟米湯（加$38）： 酥皮焗得啱啱好！入面個粟米湯都唔失禮， 入面啲料好夠，好多粟米粒。5. 沙律： 粟米細細碗但係好豐富，沙律菜好新鮮。--------------------新店地址：銅鑼灣世貿中心3樓P300-300 A 號舖