Lady M

營業中

休息中

極速行完嘉頓山，同同事行去又一城，講起呢啲♏️🤣🤣即興去左食！我係第一次幫襯，之前因為朋友生日，佢朋友買左個玫瑰花味🌹同佢慶祝，我有幸試到，一試難忘！不嬲都知佢$75件好貴，唔係好捨得買，難得今日咁早放工，🤣一次半次無所謂啦！入到去waitress帶我地去左VIP房😂好正喎！包場咁，入面無其他人，可以傾密計！一坐低就俾兩杯水我地，keep住幫我地refill，好好呀！我地叫左玫瑰花🌹同新出既開心果味，今次食玫瑰花覺得甜左，無上次咁好味，不過玫瑰花味都好清香突出，佢地做每層都好透薄👍🏻👍🏻反而開心果味有驚喜！唔太甜又好濃開心果味，味道天然，cream造得好幼滑，唔會好假，可以再食🤣🤣

很久以前曾寫過一篇Lady M的食評（https://www.openrice.com/zh/hongkong/review/%E3%80%90%E7%9F%AD%E8%A9%95%E3%80%91%E8%BF%B7%E4%BA%BAlady-e2543293），那時候覺得蛋糕很不錯，只是稍嫌貴了點，所以之後就沒常吃。這次會想光顧的原因是竟然推出了開心果千層蛋糕，相當吸引，於是決定堂食，品嚐最即時的味道。$75一件，好像沒加價xD，粉嫩的綠色蛋糕頂上撒上開心果粒作點綴，看起來好好吃。實際上呢，千層真的很薄，忌廉幼滑，有入口即化的感覺，除此之外沒什麼特別之處，最重要的開心果味道不夠濃，是好吃但不貼題。蛋糕以外，另點了一杯Iced french rose tea latte，賣相也挺好，附上環保的紙吸管。別看玫瑰糖漿只有底部薄薄一層，拌勻後味道還是很足，奶味也很重，甜度算正常，反倒是茶味不夠。一飲品一蛋糕盛惠$160，同樣的價錢可以有很多不同的選擇，開心滿足與否，真的見仁見智了。

甜品是我們最愛呀！至一直都有很多人排隊的Lady M ,聽聞會食過翻尋味呀！ 不過，見到排隊我們一直都怕怕啦！剛好在九龍塘吃完飯，跟朋友還想再換個地點聊天，Lady M竟然無人呀！！！！ (哈哈，因為已經晚上9時多了)選擇不多，只有幾款，其他都售罄了！我們就點了著名的抹茶千層蛋糕呀！不得不配服千層蛋糕真的做得很仔細，不過味道有芝士、抹茶等不同入口的味道層次，而且蛋糕皮也做得好仔細，值得一贊！反面，伯爵茶口味和芝士蛋糕就沒有什麼特別，伯爵茶粉味是吃得到的，除了甜，就沒有特別了！另外，價錢的確是很貴，說這個價位，可以其他香港酒店也有這個水準，也不用專程來排隊呢！

-四年了，我終於吃到Lady M！♥《抹茶千層蛋糕》Waaa 抹茶味濃厚🍵口感細膩，又有層次感～重點是不會過甜，味道剛好💛不過價錢了解偏高，偶爾吃便好～下次可以再來再試試抹茶latte吧💓♥小提示 Tips：旁邊是溜冰場，因此多人時可能較嘈吵🥺

能夠在星期六去看齣電影，加埋與友人食下午茶，簡直是人生一小確幸。位於又一城的Lady M ，店舖很細。不過它用咗通透的玻璃，和雪一般的白色，整體感覺開掦又典雅。嚟到Lady M, 一定要試試其最出名的千層蛋糕，據聞迷倒不少OL 及名媛。我們並不肚餓，叫了一杯Cappuccino （$48-）及一件原味千層蛋糕（$68-），朋友只叫了一杯Latte （$48-）。千層蛋糕果然名不虛傳，一層層充滿蛋香的蛋糕皮，每層中間都塗有薄薄的奶油，好正呀！難得的是，用义一切落去，完全唔會散，盡顯師傅手勢。以前食過其他牌子的千層蛋糕，有D一切就散，認真無癮。另外有D不是cream 冇味或太甜，就是蛋皮較靭，Lady M的甜味剛剛好。😋😋😋Cappuccino 也做得出色，一上枱已聞到濃濃的咖啡香。咖啡與奶泡的比例平均，上面還灑上少少朱古力粉，令到整個咖啡更香濃，值得一讚。👍🏻👍🏻👍🏻Lady M 雖然比其他蛋糕店貴，但偶爾幫襯，算是對自己的獎勵。

恨咗咁耐終於拉到男朋友去食！果然冇令我失望🤭🤭🤭今次食咗玫瑰千層蛋糕，不單外表靚，仲好好味。玫瑰味同cream意外地match，好清新嘅感覺，成個食晒都幾飽下🤰🏻

等左20分鐘就有位之前停左唔再出Earl grey口味 今年終於出番味道好清新 earl grey味都好出 千層蛋糕分左好多層 皮薄 比超出面少d cream食落唔會好膩朋友叫左玫瑰千層蛋糕上面有玫瑰啫喱 個樣好吸引

想食呢間班㦸已經想了一年， 終於得閒來一個下午茶！來到又一城的lady M， 這間lady m比較時細 ，同埋都比較開放， 可能因為這個原因 ，不是太多人！ 我們等了半小時， 已經可以就座！ 一走進 ，裏面的環境也可以， 不過比較窄， 建議它找一個大的位置會比較好一些！我叫了一個原味班戟 、而朋友則叫了一個綠茶班戟 這個班戟非常之好味！原味的cream 溶在喺蛋與班戟中間， 把刀一切， 一口將多層的班戟吃中， 內裏有很多層次感， 回味無窮！ 綠茶的那個班戟味道比較出色， 因為係綠茶， 它能帶出綠茶的香味及蛋的香味，最後我們各自都叫了一杯列latte

星期日既Lady M竟然唔洗排隊🤯•伯爵茶千層蛋糕🍰 $75•好似話伯爵茶味消失過一排🤔然後又返返嚟但食落我又唔覺得味道十分驚豔 原味好食d佢伯爵茶味都濃既 d cream都好滑 又唔太甜🤤不過唔知係咪落咗少少橙皮呢？食落有陣橙橙地既味道 可能唔加會好食d個人覺得如果你唔係特別鐘意伯爵茶可以唔洗試😂食下竹炭或者其他味好過•原味千層蛋糕🍰 $68•呢個好味呀🤩cream夠幼滑不特止蛋糕又重蛋香 忍唔住一啖接住一啖咁食🥰.雖然佢地既蛋糕確實好味既🤪不過我一向都覺得LadyM唔值咁高價亦未至於咁誇張要排成個鐘去食😅試下無妨咁啦

今日喺附近做完嘢，就同朋友去食返個甜品開心輕鬆一下做返個可愛嘅lady。同朋友share一件cake，價錢啱啱好。如果唔係就太貴負擔唔起啦。今日食咗玫瑰千層蛋糕好好味，d cream好濃郁，但係又唔係甜喎。剛剛好。

大年初一偶然經過＂又一城＂這間 Lady M 分店，發現門口竟然無人排隊等位，可以直接入座，當然是馬上進去打卡啦😆。這間 Lady M 有別於銅鑼灣分店，沒有鹹食供應，也沒有套餐供應，只有單點蛋糕和飲品，且不設最低消費，最適合那些時不時想吃點甜品的一族人士啦😚。年輕的侍應禮貌待客，看過他們遞上的餐牌後，我點了綠色的［抹茶系列］蛋糕和飲品，為新年取個好意頭，寓意朝氣蓬勃！［抹茶千層蛋糕］ $75 元，另收加一。看上去這件蛋糕有無數薄而分明的層次，吃下去啖啖 Creamy 的口感，細膩潤滑，絲毫沒有雜質，唯一美中不足之處是抹茶味不顯，完全被奶油味和甜味覆蓋。［抹茶 Latte］$68 元，另收加一。同樣也是牛奶味和甜味覆蓋了抹茶原有的苦澀味，雖說不難喝，但我卻嫌它茶味太淡，無癮。另外，非常喜歡這間分店的餐枱椅的佈置，純潔的白色為主色調，配上金屬的餐具，感覺簡潔、硬朗、時尚……

生活太苦 有時都要食件蛋糕善待下自己晚上食完晚飯行過 見到唔洗等位又見到伯爵味蛋糕仲有貨 即刻入去堂食一下我就叫了伯爵茶味 朋友一向唔多食甜野 介紹佢食原味先講伯爵茶 最頂那層是充滿茶味的啫喱入口有淡淡的茶味 甜而不溜d cream 好香滑 食落沒有原味那麼單調 感覺特別友人之前食過超市”厚身”千層蛋糕試過Lady M表示終於明白千層蛋糕的吸引力原味蛋糕雖然普通 但能真正食出薄薄的千層肉眼已經見到Cream 均勻抹在每一層上入口每一啖都食到軟軟的cream其實俾貴少少去換快樂時光 忘記減肥和傷心對女人來說是抵的！

人多大聚餐👬👬👭👫👫👫👫👬👬👬👬👭👭👭🎂🎂🎂🎂🍰🍰🍰🍰買蛋糕都要兩個先夠🤪🤪🤪🤪🤪🤪試左原味同綠茶味🍵個cream好奶好薄好多層 物有所值👍🏽

終於有幸同有時間食到lady M～最好既係咩？唔洗排隊，佢個水有啲味。可能因為想覆蓋佢係過濾水。所以佢加左啲檸檬同香草。佢個放糖既樽好可愛。係放方糖。我地叫左兩件蛋糕。一件係類似拿破崙啲朋友。佢都唔錯既。但我都係中意佢啲千層餅多啲。呢件好似冇乜特色咁。 呢件係好經典既原味！真係好吸引！佢係好味既！呢件係cappuccino 不過不失。呢個係green tea latte 同行話好好味！我地兩個人都係300內。都唔算特別貴。加上佢幾好坐。所以都係可以接受！

係又一城放學，朋友提議去ladym食蛋糕放鬆下！梗係舉腳贊成啦！可能係平日下午茶，就無乜人等位！等咗5分鐘就入得去！雖然無乜人等位，但個場基本上都已經滿哂，要傾計就唔算太方便！我地揀咗兩件cake,一個玫瑰千層蛋糕，另一個岩鹽千層蛋糕！個人認為玫瑰千層蛋糕好食啲，個玫瑰蛋糕嘅花香好清新，食落有陣陣嘅花香味，啲cream好滑，同玫瑰味好夾，個cake有花瓣做裝飾，好靚！個岩鹽蛋糕個口味就重啲，但味道都唔錯！