Lady M

營業中

休息中

一直好想試食他的earl grey tea cake ! 好可惜之前度冇無得賣😫😫😫好彩皇天不負有心人， 親愛的earl grey 又回來了！ 今次係買俾朋友生日的蛋糕！ 無錯😍係大家最愛的港女蛋糕因為貪心，隻隻味都想試，所以買左三個味Earl greyx1,rose x1 ,pistachiox1Earl grey 味好岀，一點都不’流’Rose 🌹 香氣濃郁，而且賣相好吸引！ 最令我驚喜，系pistachio 😍開心果味好濃郁，食完真係令人好開心，啲cream真係好滑！勁正！

lady m好出名，一直都想試下，咁岩睇戲前有d時間，就試下。賣相都幾靚，味道就有點普通。朱古力棋盤蛋糕 $68第一次食lady M蛋糕，頗為失望。蛋糕不夠滑，只有頂層既朱古力好食。呢個價錢黎講，真心5抵食

食過好幾次Lady M，但幾次都係外賣，今次係第一次堂食😂等咗15分鐘就有位，好彩早嚟一步，坐低一陣望出去已經見到打晒蛇餅，半個鐘都未必坐得低😅我哋3個人order咗3件千層蛋糕，分別係【伯爵茶千層蛋糕】、【玫瑰千層蛋糕】同埋【綠茶千層蛋糕】。3件蛋糕嘅cream都好幼滑，甜而不膩👍🏼每層嘅餅皮都非常薄👍🏼真係唔係間間餅店做到呢兩個效果，絕對值得排隊🤣我哋一致認為伯爵茶最好食，因為味道最清，每一啖都滲出淡淡茶香又唔會苦澀👍🏼👍🏼👍🏼其次係綠茶味，茶味嚟講最濃但有少少苦澀味👍🏼最後玫瑰味有少少少少香精味同埋相對較甜😅唔知係咪唔憂做，職員態度欠奉，倒瀉水彈咗去我度，一句唔好意思都無😒

素來ladyM嘅千層蛋糕都受到各界好評 今日一試 我反而覺得不外如是抹茶味嘅千層蛋糕食落其實冇乜抹茶味 只有厚厚嘅抹茶粉係面 加重左苦味 冇令口感提升 亦難以融合 反而淨係食入面千層會好食啲玫瑰味嘅千層蛋糕反而會有啲驚喜 奶味加奶油融合得啱啱好 再加少少清新嘅花香味 令到千層蛋糕昇華咗一個層次 整體好配合草莓蛋糕會係我覺得比較出色嘅 首先佢用嘅草莓味道鮮甜 帶少少果肉香味 加上佢嘅奶油做得唔錯 加埋內陷濕潤嘅蛋糕 整體配合得相對唔錯 我會比較鍾意呢一款蛋糕所以即使係ladyM 千層蛋糕都未必係最好食㗎

今日經過又一城， 見到新開既lady m。 是日有大概8-9 款既千層蛋糕。 咁我地2 個人就叫左抹茶同埋伯爵茶千層蛋糕 一齊食 。Lady M 雖然價錢唔平 平均80$ 一件千層蛋糕 但個口感係一流 食得出每一層餅皮分明 同埋d cream好滑 好重奶味 每隻蛋糕都有佢既味道既cream 幾有心思 比較2 隻千層蛋糕 抹茶蛋糕比較岩食開甜少少既人食 因爲除左表面抹茶粉外 入邊都重奶味同抹茶味 都唔會覆蓋左陣抹茶味伯爵茶千層蛋糕比較重茶味同無咁甜 所以岩鐘意茶味既人食 同埋呢隻蛋糕好似係期間限定 唔係任何時間都有既 所以想食既人就快手啦！

適逢今年媽媽50歲生日，做左半世人，所以決定大搞，買左最近好興既Lady M蛋糕比佢，好彩我早左去訂蛋糕，原來要訂成個蛋糕都要D時間不過之前有聽人講過可以每一種味都要一隻然後砌成一個蛋糕，但係覺得媽咪都係會最鍾意原味，所以就訂左成個原味千層蛋糕🎂原味果然冇令我地失望，一層層嘅cream係中間，唔會太甜，又唔會太heavy，而且個蛋糕好有層次感，真係食極唔厭，唔鍾意食太甜嘅人不妨可以試吓原味，好開心媽咪都會鍾意個蛋糕

店舖門外使用紫藍色簷蓬裝飾，營造紐約露天咖啡廳的用餐環境，讓客人感受戶外用餐的氣氛及寫意體驗。店內使用了典雅高貴的大理石紋牆身，營造高貴優雅的氣氛。座位設計寬敞舒適。伯爵茶千層蛋糕 ($75)用超過20層的透薄伯爵茶味千層班戟而成，每層班戟之間均勻塗上有香濃香醇的伯爵茶味忌廉，每一口都散發出淡雅的伯爵茶幽香。面層飾以一圈茶葉碎粒和矢車菊花瓣點綴，賣相古典唯美優雅。口感柔滑，甜而不膩，每一口都餘韻回甘，滋味令人魂縈夢繫。法國玫瑰鮮奶茶 ($68)暖烘烘的法國玫瑰鮮奶茶，面層鋪滿了玫瑰花瓣，賣相相當吸睛。入口香醇順口，香濃的玫瑰香味滿溢口腔，緩緩漸漸地填滿我整個舌尖味蕾，非常美味。

一直聽人講Lady M 嘅蛋糕好好味，我都好想試，但由於我本性較懶惰，你要我等位我就唔多願意，但今日farewell 我個來自Liverpool 嘅學生，就等下都無防啦又好好彩喎，我哋等咗唔夠五分鐘就入座喇！Yeah! 我揀咗玫瑰蛋糕，同埋Earl Grey Tea, 估唔到味道又出奇哋超夾喎！ 先講個蛋糕，的確係好味而且有誠意，食落口感幾有層次，又滑又清香，我呢個被朋友指控挑剔嘅處女座都覺得冇得彈呀環境又舒服無壓力，下次呢頭放工我都會再嚟犒賞一下自己

小弟都係第一次食lady m，因為都實在有點兒貴貴地，平時最多都係同女朋友番大陸食老翻果間，今次女朋友突然話請我食，咁好死，咁就去試下啦！叫左一件伯爵茶千層蛋糕同一件芝士蛋糕，本來係想叫伯爵茶同抹茶，但抹茶已經賣曬，咁就唯有試下芝士蛋糕。伯爵茶醬果然好香濃，同老翻完全兩個層次！食完個口都仲留有餘香，所以每一啖都要慢慢食，仔細品嚐。而千層餅皮好薄，食落去好滑，唔會影響成件蛋糕既口感。芝士蛋糕就好濃，酸酸地都唔算太膩，但都係千層蛋糕更勝一籌！

同朋友係九龍塘又一城諗住揾個地方坐下，食下下午茶，諗左一倫，決定去lady m食件cake, 飲杯咖啡，好好彩唔洗第好耐就有位！我地叫咗兩件蛋糕同兩杯咖啡！蛋糕每次都會要玫瑰千層蛋糕同新出嘅開心果手層蛋糕！玫瑰千層蛋糕個花香味好重，cream同蛋糕嘅比例很啱，非常creamy!反而個開心果千層蛋糕個開心果味唔係好出，有少少失望！但但咖啡都幾有驚喜，個mocha個朱古力味幾好，又唔會搶咗咖啡嘅香味，都唔錯！

作為一個開心果味甜品的粉絲，見到Lady M出開心果味千層蛋糕必定要一試。果然名不虛傳，一層層 cream爽著濃郁的開心果香，吃下一口已有驚喜。$75有這種高水準的蛋糕，會再光顧。

港女千層糕一直都深受yumyum歡迎🤩今次見到有開心果味千層蛋糕狗衝去試下先，皆因開心果亦系yumyum至愛😊開心果味道都算系突出！而且蛋糕面頭亦有一粒粒嘅開心果碎做裝飾😉增加口感同視覺上嘅效果，更適合打卡！🤭🤭開心果味反而就唔太鍾意過濃，呢個味道適可而止👍好香，不過食落千層皮就會比較厚左小小同鞋左小小啦，相比伯爵茶千層皮就較為遜色啦🤔但系中意千層糕嘅朋友都系值得一試嘅😛😛😛😛

初嘗開心果口味的甜品🍰—之前一直聽到Lady M 出開心果口味嘅蛋糕，的確有少少擔心有D伏，但試左之後覺得唔錯。開心果千層蛋糕（💲75)超過20層的透薄開心果味千層班戟，千層蛋糕之間的都是用開心果製成幼滑忌廉，佢冇想像中嘅咸味，反而充滿果仁味，又唔會咁甜，千層蛋糕頂上有粒粒開心果，非常香脆。—

極速行完嘉頓山，同同事行去又一城，講起呢啲♏️🤣🤣即興去左食！我係第一次幫襯，之前因為朋友生日，佢朋友買左個玫瑰花味🌹同佢慶祝，我有幸試到，一試難忘！不嬲都知佢$75件好貴，唔係好捨得買，難得今日咁早放工，🤣一次半次無所謂啦！入到去waitress帶我地去左VIP房😂好正喎！包場咁，入面無其他人，可以傾密計！一坐低就俾兩杯水我地，keep住幫我地refill，好好呀！我地叫左玫瑰花🌹同新出既開心果味，今次食玫瑰花覺得甜左，無上次咁好味，不過玫瑰花味都好清香突出，佢地做每層都好透薄👍🏻👍🏻反而開心果味有驚喜！唔太甜又好濃開心果味，味道天然，cream造得好幼滑，唔會好假，可以再食🤣🤣

很久以前曾寫過一篇Lady M的食評（https://www.openrice.com/zh/hongkong/review/%E3%80%90%E7%9F%AD%E8%A9%95%E3%80%91%E8%BF%B7%E4%BA%BAlady-e2543293），那時候覺得蛋糕很不錯，只是稍嫌貴了點，所以之後就沒常吃。這次會想光顧的原因是竟然推出了開心果千層蛋糕，相當吸引，於是決定堂食，品嚐最即時的味道。$75一件，好像沒加價xD，粉嫩的綠色蛋糕頂上撒上開心果粒作點綴，看起來好好吃。實際上呢，千層真的很薄，忌廉幼滑，有入口即化的感覺，除此之外沒什麼特別之處，最重要的開心果味道不夠濃，是好吃但不貼題。蛋糕以外，另點了一杯Iced french rose tea latte，賣相也挺好，附上環保的紙吸管。別看玫瑰糖漿只有底部薄薄一層，拌勻後味道還是很足，奶味也很重，甜度算正常，反倒是茶味不夠。一飲品一蛋糕盛惠$160，同樣的價錢可以有很多不同的選擇，開心滿足與否，真的見仁見智了。