影片
以上資料只供參考, 請與餐廳確認詳情
-
網上訂座服務暫停
餐廳：LeeLaksa地點：上環皇后大道中菜式：新加坡馬拉菜式餐牌：茶餐14選一，有多款飯粉麵，仲有多士同沙律小食，配冷熱飲品8選一。另收加一。星期日下午茶時間由三點半開始。新加坡喇沙 $62 另加一新加坡喇沙有去殼蝦兩隻開邊，炸魚蛋3粒，彈牙炸魚蛋絲幾條，吸汁豆卜4件，半隻糖心蛋，好多爽口芽菜，通菜同紫洋蔥，面頭灑上脆脆，材料豐富。個喇沙湯好香滑，辣度剛好，梛汁又夠，好惹味。白色麵條滑溜煙韌都吸湯，唔錯。另上青桔一粒同參峇醬比你自己調味。海南雞飯 $68 另加一海南雞有十幾件，有雞脾，雞胸同雞翼，肉質好嫩滑，雞皮有彈性，點甜豉油最好食，另外仲有辣醬同薑蓉。配4條爽口青瓜。油飯好香，暖暖地上枱，都大大碗。跟有一碗冬瓜湯，飲落鹹鹹哋，好濃雞味，仲有一舊冬瓜食。串燒拼盤 $68 另加一串燒拼盤有雞肉同大蝦各3串，擺盤唔錯。串燒熱辣辣燒起，蝦已去殼，肉質好爽脆，連蝦殼都勁脆。雞肉串好多肉食，咖哩味濃，係香辣黃咖哩味，外皮整得少少脆。辣醬另上，點埋味道更惹味。伴有青瓜粒，紫洋蔥同車厘茄可以減減膩。小食都跟飲品。香茅橙茶 （跟餐）香茅橙茶有大大條香茅同大大片鮮橙，飲落係好香甜橙味，茶味唔濃，有d似果汁，叫左少甜都夠甜。香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥，荔枝味道主要係底部，建議搞起先飲。桔仔話梅水（跟餐）桔仔話梅水有大大粒青桔同話梅，仲有好多桔皮喺底，味道甜甜地，感覺養生。凍馬來拉茶 （跟餐）馬來拉茶冷熱都得，唔洗加錢，叫左走甜。馬來拉茶飲落好滑溜，味道甜度適中，唔甜唔苦。總括而言，食物質素保持一貫水準，主食價錢特別抵食，星期日下午茶都有好多食客。
繼續閱讀
這間餐廳的東南亞特色美食讓人驚喜，環境設計簡單又溫馨，木質桌椅搭配暖色燈光，整體感覺很放鬆，適合朋友聚餐或者一個人靜靜享受一頓好飯。我還特別喜歡桌上的小細節，比如擺盤整齊的調味料，讓人覺得很用心。😇先說海南雞飯: 雞肉很滑嫩，帶著淡淡的雞油香氣，一口咬下去肉汁四溢。搭配的三種醬料也很有層次感，我最喜歡的是辣椒醬，微辣中帶著酸甜，超級開胃。油飯香氣十足，每一粒飯都吸滿了雞油的精華，真的能一口接一口停不下來。至於肉骨茶的湯，喝起來很溫潤，胡椒的香氣很濃郁，但不會太重，還有煮得軟爛的豬肉和豬肚，特別滿足。✨再來是星加坡風味喇沙，這個真的讓我一秒回到東南亞的街頭！湯底濃郁但不油膩，椰奶的香氣撲鼻而來，還帶著一點辣味，非常有層次。裡面的鮮蝦很新鮮，彈牙得很過癮，魚豆腐也吸滿了湯汁，米線的口感剛剛好，滑溜而不會斷，最後擠上一點檸檬汁，整碗喇沙瞬間多了一絲清新的感覺，讓人想一口氣喝光。整體來說，這頓飯吃得很滿足，無論是食物味道還是餐廳的氛圍，都讓人感覺很舒服。如果你也喜歡東南亞美食，這裡絕對值得一試。海南雞飯和喇沙都超推薦，下次我還想試試看其他菜色！🌺
繼續閱讀
週日同朋友一齊嚟咗呢間喺上環嘅星加坡🇸🇬餐廳食下午茶🤣有「下午茶餐」咁就嗱嗱聲叫🤣$78「馬來炒貴刁 Malaysia Fried Kway Teow」：材料有 貴刁、蝦仁、臘腸、芽菜、碎花生、青瓜粒、辣椒粉、香蔥、小蕃茄、洋蔥等，材料真係幾豐富又炒得香口好食🤣，鍾意食辣嘅可以撈埋旁邊嘅辣椒粉嗰啲辣椒粉都真係幾辣🤣$68「海南雞飯 Hainanese Chicken Rice」：海南雞皮黃肉白幾好雞味😋，仲有新加坡黑醬油、辣椒醬、薑蓉可以沾雞食🤣$48「半熟蛋配咖央多士」：廚師喺多士中間片開然後搽斑蘭醬同埋放1-2塊牛油入去真係刀法幾好🤣，仲有半熟雞蛋可以自己加入多士裏邊🤣，多士脆脆哋味道甜甜哋不過又唔係好甜幾啱胃口🤣「下午茶餐」之外再加咗一個 $72「叁峇醬炒通菜」：Sambal 叁峇醬 一般會認為係印尼🇮🇩加咗蝦醬嘅辣椒醬，不過其實淨係喺印尼🇮🇩種類已經有超過200種，咁新加坡🇸🇬馬來西亞🇲🇾亦都有自己嘅品種🤣，所以我都唔係好清楚邊種 Sambal 打邊種因為種類實在好多🤣；呢間餐廳嘅 Sambal 有啲啲鹹香，要嚟炒通菜幾好味，通菜份量勁多好大碟而且新鮮幾爽脆🤣跟「下午茶餐」叫咗「青檸紅茶（熱）」、「馬來拉茶（熱）」、「南洋咖啡（熱）」：「青檸紅茶」叫咗走甜、夠濃郁🤣，「馬來拉茶」同埋「南洋咖啡」都叫咗少甜，兩杯都有幾典型嘅星馬奶茶/咖啡 香味同口感🤣係幾高質素同埋好飽肚嘅「下午茶餐」🤣
繼續閱讀
今日去中山文物徑遊玩，回程時，好友推介位於上環皇后大道中302號地舖的<LeeLaksa>食地道星加坡下午茶餐，裝修新穎，具南洋風情。我哋點咗：📍大蝦青瓜沙律：沙律菜新鮮好味，開邊大蝦鮮嫩彈牙，酸酸甜甜帶辣味，好開胃呀！📍牛油果五色米紙卷：色彩繽紛的素菜，米紙卷包著紫甘藍、青瓜、胡蘿蔔、牛油果，配著美味芒果醬，十分好味。📍海南雞飯：海南雞肉嫩滑，油飯美味，湯底清甜的雞湯好飲。📍半熟蛋配咖央多士：新鮮熱辣的咖央多士好香脆美味，半熟蛋好嫩滑。📍椰青：新鮮椰青水清甜，椰肉嫩滑好食。📍香茅青檸荔枝梳打（凍）：清涼好飲又解渴。
繼續閱讀
招牌喇沙面中規中矩，米線質地偏幼，下次會試吓摻摻；椰漿比重好多，即使加咗辣醬都分別不大。肉骨茶都幾多肉骨，藥膳味濃的湯。海南雞都幾多同埋夠香滑，可以encore可惜今次到訪時，佢嘅椰子雪糕沽清🥲 可能係午市時間，所以職員都幾匆忙，枱枱之間都比較逼夾。The signature Lasha noodles are moderate, and the texture of the rice noodles is thin. the coconut milk is much more specific in taste, and even if you add hot spice, it is not much different.Meat and bone tea has a lot of meat and bones, and the soup has a strong medicinal flavour. Hainan chickens taste good together with the rice, texture of the chicken are smooth enough, will encore!Unfortunately, during this visit, their coconut ice cream was sold out🥲
繼續閱讀