影片
港鐵上環站 A2 出口, 步行約5分鐘
繼續閱讀
電話號碼
22658999
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
餐廳：LeeLaksa地點：上環皇后大道中菜式：新加坡馬拉菜式餐牌：茶餐14選一，有多款飯粉麵，仲有多士同沙律小食，配冷熱飲品8選一。另收加一。海南雞飯 $68 另加一海南雞有十幾件，有雞脾，雞胸同雞翼，肉質好嫩滑，雞皮有彈性，點甜豉油最好食，另外仲有辣醬同薑蓉。配4片爽口青瓜。油飯好香，暖暖地上枱，都大大碗。跟有一碗冬瓜湯，飲落鹹鹹哋，好濃雞味，仲有一舊冬瓜食。新加坡喇沙 $62 另加一新加坡喇沙有去殼蝦兩隻開邊，炸魚蛋3粒，彈牙炸魚蛋絲幾條，吸汁豆卜4件，半隻糖心蛋，好多爽口芽菜，通菜同紫洋蔥，面頭灑上脆脆，材料豐富。個喇沙湯好香滑，辣度剛好，梛汁又夠，好惹味。白色麵條滑溜煙韌都吸湯，唔錯。另上青檸一粒同參峇醬比你自己調味。串燒拼盤 $68 另加一今日冇魷魚鬚，所以雞肉同大蝦各3串，擺盤唔錯。串燒熱辣辣燒起，蝦已去殼，肉質好爽脆，連蝦殼都勁脆。雞肉串好多肉食，咖哩味濃，係香辣黃咖哩味。辣醬另上，點埋味道更惹味。伴有青瓜粒，紫洋蔥同車厘茄可以減減膩。小食都跟飲品。香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥，荔枝味道主要係底部，建議搞起先飲。熱桔仔話梅水（跟餐）桔仔話梅水有大大粒青檸同話梅，仲有好多桔皮喺底，味道甜甜地，感覺養生。凍馬來拉茶 （跟餐）馬來拉茶冷熱都得，唔洗加錢，叫左少甜。馬來拉茶飲落好滑溜，味道甜度適中，唔甜唔苦。科羅娜啤（跟餐）科羅娜啤係玻璃支裝，出面買都唔少錢。總括而言，食物質素保持一貫水準，主食價錢特別抵食，星期日下午茶都有好多食客。
繼續閱讀
話說放假去咗上環兌錢 去旅行作好準備發現上文武廟嘅對面馬路 有間新加坡菜成個環境感覺上好舒服 以木系裝修為主就好似去咗度假一樣 同出面係兩個世界-Tea Set-Singapore Laksa ($62)新加坡喇沙 ($62)賣相好邪惡 對中意食嘢嘅我嚟講份量好足喇沙嘅湯底濃郁且鮮味 係我接受到嘅辣度配料都好足 有切片嘅魚蛋蝦肉蛋同洋蔥片仲有豆卜吸收咗湯底嘅精華 食落口感一流-Hainanese Chicken w/ Rice ($68)海南雞飯 ($68)係我嘅最愛啊 單睇賣相就已經流晒口水啦泰式海南雞同埋油飯 簡直係完美嘅配搭啊每塊雞肉都好肥美 無骨食落真係好嫩滑呢🧐🙌🏻配上海南雞嘅三色醬 黑豉油薑蓉同辣-Soft-Boiled Egg w/ Kaya Toast ($48)半熟蛋 配 咖吔多士 ($48)想當日喺新加坡日日必食 多士烘得夠晒香脆對中意食甜嘢嘅我嚟講 咖吔份量多啲就更好配埋嫩滑嘅半熟蛋好鮮味 點埋醬酒就更滋味-Skewer Platter ($68)串燒拼盤 ($68)每樣三串 比想像中正雞肉大大件 肉質夠晒紮實大蝦去埋殼 好貼心啊配埋個醬汁 真係好惹味哇-💟Drink💟-Corona Beer科羅拿啤-Teh Tarik馬來拉茶比一般奶茶較甜 口感順滑-Lemongrass Orange Tea香茅橙茶橙茶中嘅香茅味重 飲落冰涼可口
繼續閱讀
外國人都食的上環地道新加坡風味喇沙，晚市坐無虛席‼️‼️- 新加坡喇沙 🍜🐟🦐 一碗喇沙上枱，香味已經撲鼻而來～🥰椰奶同喇沙醬嘅香氣濃郁，湯底好creamy，辣度啱啱好，唔會太嗆，但每一啖都係滿滿嘅香料味～🌶️湯底仲帶有啲鮮蝦同魚片嘅鮮甜味，簡直係一口暖胃一口滋味！🦐米線煮到啱啱好，滑溜又掛湯，配料豐富，仲有魚蛋、豆卜同半隻流心蛋- 炒通菜（馬拉盞）🥬🌶️ 炒通菜係一個簡單但唔容易炒得好嘅菜式，呢度炒得火候啱啱好，通菜鮮嫩翠綠，冇一啲焗水味～💚馬拉盞嘅香味濃郁，帶少少微辣，勁惹味！✨鹹香味啱啱好，唔會搶走通菜本身嘅清甜～🥢呢個真係好送飯😋- 斑蘭咖央多士 🍞🥥🍃 呢個係甜品迷一定要試嘅！💚多士烘到金黃酥脆，外脆內軟，夾住滿滿嘅咖央醬，香甜又唔膩～🥰咖央嘅椰香味勁突出，仲有少少斑蘭嘅清香，甜得啱啱好，食完有種幸福嘅感覺～💛- 燒牛柳柚子沙律 🥗🍊🥩 牛柳燒到外層香口，內裡軟嫩，肉質鮮嫩到不得了～✨配埋柚子嘅微酸果香，好清新，完全唔會覺得膩！🍊仲有啲花生碎同酸甜醬，口感層次豐富得嚟又健康，一個字，清爽！📍地點：LeeLaksa (上環)上環皇后大道中302號地舖
繼續閱讀
餐廳主打新加坡菜式。門面都幾sharp，幾吸引。下午茶時段幾抵食！新加坡喇沙$62喇沙就係純米線底，配好大隻蝦，仲有好多豆卜、魚蛋、魚片、溏心蛋。湯底亦惹味十足椰汁味香 creamy👍半熟蛋配咖央多士$48多士烘得好香，厚厚咖央醬同牛油，呢個配搭比例好好味！星洲香辣炒飯$76係香辣咖哩炒飯，炒飯有雞肉、蝦肉、豬肉鬆，香料惹味，仲有兩條雞肉串燒。蕃茄青瓜解辣解膩。下午茶包野飲，飲品都好正！有南洋咖啡/馬來拉茶/桔仔話梅冰/香茅青檸梳打/椰青等等。馬來拉茶好飲！推介！
繼續閱讀
真係好喜歡這間餐廳的下午茶套餐，假日要三點後才有，所以待到三點才來吃。每款套餐都有飲品，加$20有椰青。另外，他們的怡保芽菜非常大碟爽脆，也是我的最愛。我們分別點了三個下午茶套餐：巴東牛肉配米飯柔嫩的牛肉在香料濃郁的椰奶醬汁中慢燉，香氣四溢，每一口都充滿東南亞特有的辛香與溫潤。伴碟的花生、小魚乾和青瓜爽脆。新加坡喇沙 濃郁的椰奶咖哩湯底完美平衡辛辣與鮮甜，搭配滑嫩米粉與彈牙蝦仁，還有新加坡魚丸魚條、豆卜和雞蛋，非常滋味。大蝦青木瓜沙律 爽脆的青木瓜絲與鮮甜大蝦碰撞，佐以酸辣甜的醬汁，口感層次豐富，清新又開胃。
繼續閱讀