Lemon Grass Thai & BBQ (已結業)

觀塘區有唔少泰國餐廳，今日午餐就試下呢間Lemon Grass。去到門口等左一陣就有位，午餐時間侍應分秒必爭，係門口就已經落好單。我點左泰式特級牛頸脊湯河($68)。賣相不錯，湯底味濃，牛頸脊肉嫩牛味重，肉丸口感味道很好。朋友點左辣肉碎香葉煎蛋飯($56)同黃咖喱牛坑腩飯($68)，賣相都相當好。飲品方面跟餐就可以有青檸梳打同泰式奶茶等等，泰式茶底特別香濃。美中不足係用餐時間好趕，門口已經落好單，食完一放底餐具就立即收野，大家一食完就抺枱多謝大家，想留多一刻都好大壓力。餐廳食物質素好，價錢合理，想快快食一個美味泰國呢間餐廳係一個唔錯的選擇。

lunch歎個冬蔭功雞絲扎肉湯河（HKD56），湯底係要讚，啱啱好夠味,唔會太辣或太酸;幼河粉幾彈牙;肉唔算多，份量還可以。滋滋味味又一餐。美咪指數：7.5/10抵食指數：7/10

從來未寫過食評, 點知第一次寫竟然係差評! 話說一早已經book左枱食6點半, 去到門口見有2個女人係到傾計, 諗住佢地係等外賣, 因為佢地見到我地一直都冇招呼, 到我準備行入去餐廳之際, 其中一個女人就好大聲甘喝止我“你有booking未?!”我話有,book 左6點半, 個女人就話“我頭先打過比你係confirm booking” 我話“ 我頭先有個missed call, 見到已經打返比你地, 但你地聽電話個同事又吾知發生咩事, 淨係話呢到係泰國餐廳, 吾知上一個同事打比我做物跟住就收線, 正當我想講我今晚有個booking已經俾人收左線!” 跟住個女人就好粗鲁甘呼喝我地叫等一陣, 心諗咩料, 咩態度? 然後就黑住面甘過格離間鋪到check booking, 係個陣我同媽咪同一個朋友已經覺得有有搞錯?! 我地做錯咩事要比人用甘既態度對待? 明白呢到吾係fine dining既地方已經吾係要求啲咩服務, 但我地都係消費者, 點解要俾錢買難受?! 未食已經一肚氣! 係佢仲check梗booking 個陣已經走左! 呢啲甘既服務態度, 見到客人好似見到仇人甘, 請我都吾會再去!!!

晏就食lunch~同事推介左呢間lemon grass✨完全係超隱世，佢唔帶我地黎係唔會發現到佢😂環境都好chill架～👉🏿✨泰北青咖哩走地雞配絲苗飯 Hkd 56 💸📌佢個青咖哩完全冇得輸！係偏甜，但又會甜中帶微辣，啲汁撈飯超正！雞既份量都適中，不過骨就多左啲，但係個汁已經贏晒啦👉🏿✨冬陰公雞絲扎肉湯河 Hkd 56 💸📌呢個湯底又係勁正！超濃郁既冬陰公，超對冇溝水架！睇落好似好辣，其實岩岩好，勁開胃呀💁🏽‍♀️

因為睇戲所以揀左尼一區食飯，R先生見有生蠔優惠（$98半打生蠔加一杯紅酒或白酒），而我又鍾意食泰國野所以就試下尼間。一嚟到R先生先order 2 set生蠔 及白酒，白酒果味重易入口，好啱女士飲，生蠔屬於簿身少肉，鮮甜但無海水味。蒜蓉包香脆又鬆軟配咖哩軟殼蟹簡直一流泰式鳳爪不過不失蒜蓉炒芥蘭太普通生蝦夠大隻厚肉只得6隻

十一月又有朋友生日，是次照舊選擇泰國菜，幾乎個個都啱食。觀塘嘅泰國菜都差唔多食勻曬，所以今次行遠少少嚟到牛頭角Lemon Grass試試佢，但係食物嘅質素就較為參差喇。叫咗一個四人套餐再額外加幾個主菜。先嚟飲品龍眼冰，椰汁冰，青檸梳打，除咗友人嘅青檸梳打外，其他全部都好甜，係甜得過份，飲落去直程有種灼喉嘅感覺，龍眼應有嘅清甜亦被糖漿完全掩蓋曬。雖然泰國飲品以甜見稱，但建議餐廳可以調整一下糖漿份量，否則呢幾款飲品都唔討人喜歡。蒜蓉包就令我失望，一上菜見到係多士就已經心知不妙，仲要係厚多士，口感自然欠奉，而且好乾，中間幾乎係白面包嘅狀態，咁厚嘅一塊多士，面層嘅蒜蓉根本帶唔到入去，食蒜蓉包緊係想食法包個種鬆化，麵包密度無咁多先可以經熱力將蒜蓉滲入包嘅每一個角落，選擇厚多士係不折不扣嘅敗筆。更重要嘅係，我估計佢地都係用現成蒜蓉醬，所以基本上我完全聞唔到蒜蓉同牛油香。生菜包就唔錯，辣度剛剛好，加入香草去卻了豬肉嘅臭騷味，豬肉粒粒分明。份量都唔算少，七個人食每人都分到一至兩次。榴槤Pizza還可以，面層嘅榴槤醬加入少少香料後更能突顯榴槤嘅甜味；所謂Pizza即是薄脆，咁樣比起傳統Pizza反而唔會

今天去聯安街探泰國朋友，閒聊時提到附近有一間食泰菜的餐廳，名叫Lemon Grass，朋友提議去食晚餐，在九龍城我食過多間泰菜，今晚就試下觀塘尼邊的！馬拉盞炒通菜：泰菜必食的，馬拉盞惹味菜爽口，味道帶咸。巴馬火腿火箭菜薄餅：餅底非常薄，脆卜卜，薄切巴馬火腿味道咸鮮。泰式明爐烏頭：用明火馨住烏頭上枱，並放有配料菇類、芫荽蔥、香茅等，另上一碗湯，可以加入碟內煮烏頭，湯汁連烏頭一起食好好味，烏頭魚肉鮮甜，湯汁帶酸，好醒胃，美味！胡椒蝦：黑胡椒很惹味，蝦已開邊方便進食，蝦肉彈牙，濃郁的黑胡椒汁令人回味！

今晚我哋大學4小蟲飯局，由慳妹帶路，帶咗我哋去觀塘同牛頭角 mtr 中間嘅 檸檬草食泰菜。慳妹帶得我哋去嘅地方都應該係抵食嘅，今晚由佢發板，四個人先叫得四樣嘢食我都不禁大叫一聲～洗唔洗咁慳呀！其他果兩樣嘢食我都冇乜點掂過唔講啦！但小食拼盤 $118 係我最愛，慳妹竟然叫 small size? 原來我怪錯左佢睇返Menu得壹個size 但點解雞翼得兩隻嘅？四個人點分呀? 比慳妹叫菜真係冇啖好食春卷皮脆涵靚，中間嘅蜜糖汁好 sweet天氣涼涼地想吃一點暖胃的東西，就一於點了一個咖喱海鮮包 $188。有兩隻大蝦同埋兩個青口，朋友說吃到了一點魚柳或是魷魚，而我就只吃了香甜的咖喱汁伴農夫包，味道不錯。今晚份量控制得非常好，差啲連墊底碟啲菜都食埋大家keep住六成飽，身材先可以窈窕最後點了多一個椰青，一邊飲野一邊傾吓計。全靠慳妹，我哋今餐每人都係＄150

近排食開都係西餐同火鍋多好少機會食到其他口味，不過就係咁係有意冇意之間朋友話出來食飯想食到泰國嘢，就造今次時機去咗觀塘呢間泰國餐廳品嘗一下泰式風味美食餐牌款式都幾多口味選擇，不過冇食一排泰國食物，坐低就會好自然點番個泰式小食拼盤 食住先，再看看有乜特別推介食物，等咗一輪已見到小食拼盤送到枱上，分別有香茅雞翼，春卷同墨魚餅，趁佢仲熱辣辣就先食件墨魚餅，表面香脆可口內裏爽滑彈牙，點埋醬汁食更滋味，雞翼外面煎至金黃色，未入口已聞到香茅味道，至於肉質非常滑嫩多汁，輪到春卷炸得脆卜卜之餘，又食到蔬菜絲清甜，呢個小食真係有水準拼盤食完又到另一款就係鹽燒烏頭魚，海鹽鋪滿整條烏頭魚，輕輕用筷子撥開海鹽後，再沿著魚身邊揭開就可以見到魚肉而肉汁開始微微滲透出來，梗係急不及待搶先食頭一啖魚肉，入口唔止食到魚肉嘅嫩滑鮮甜，仲食到陣陣清香撲鼻嘅香茅同埋其泰式香料一齊燒，唔怪得食到嘴仔舔舔脷再來係正宗泰式生菜包，肉粒用咗泰式香料烹調，未食已聞到陣陣冬陰功嘅香味就知幾惹味，將肉粒放係生菜包住食就得，又估唔到食落幾刺激之餘仲食到香濃肉汁越食越開胃夠晒地道風味，食咗咁多美食當然要飲番杯芒果沙冰降一降溫，話咁快又食完一餐

食店嘅位置唔算就腳，但如果大家喺觀塘行開街，想搵野食，又唔想食貴夾唔飽嘅cafe，或者連鎖店，可以選擇行遠少少，去到近牛頭角附近呢間泰國餐廳。 食店嘅裝修麻麻， 天花有一塊好厚但透明嘅膠封住，食食下有隻貓跳咗上天花，嚇咗一跳，但係你卑嘅價錢絕對遠超食物嘅質素。今次一行四人，試晚市嘅四人套餐，份量同食物嘅水準，特別係賣相，都遠超價錢。 重點要提一下個冬陰功湯，意想不到的係，每人可以分到一隻手板咁大既大頭蝦 ， 而湯底 味道濃郁，唔太酸太辣嘅， 適合香港人嘅口味。 另一個推介嘅係套餐嘅走地雞，開頭以為炸雞會好似平時去茶樓去飲嘅炸雞咁，“鞋濕濕“，但係食落好夠味而且肉嫩。 不過小食拼盤嘅份量略嫌不足，特別係個炸雞翼，未能夠每人分到一塊。但係要如果你能夠試到雞翼嘅話，強烈建議大家點下中間嘅汁，甜甜地好，似溝咗蜜糖咁樣。

今日放工去左行apm 之後去左牛頭角搵舊同事 佢話想試下泰國野 就入左去間 Lemon Grass Thai & BBQ。環境方面比較舊式 似足泰國風格。馬拉盞通菜：通菜好香口 餐廳加左少許辣椒 食起上黎更加野味 個人覺得香港人接受到的辣。胡椒蝦：共有六隻 餐廳採用胡椒煮 同樣香口 蝦身開左邊 方便今客食用。蝦隻爽口彈牙 胡椒煮好香好野味。巴馬火腿火箭菜薄餅：薄餅好薄身 一咬有脆卜卜既聲音 巴馬火腿帶有咸咸既味道 中間夾住芝士 食落吾覺漏口。

平日夜晚，嚟到觀塘區，諗住發掘下有冇一啲特別嘅嘢食，於是，收咗入近玉蓮台附近嘅斜路，一個比較少人行嘅位置，見到有間裝修幾特別，啲嘢食嘅外觀又幾唔錯，就走咗入嚟呢間泰國餐廳食。如果各位想來嘅話，建議搭到去牛頭角站，因為會比較近。店面同埋裏面嘅裝修都好古樸風，幾有情調，可以同大家嘅另一半黎試一試呢度嘢食嘅種類都幾多，係餐牌上面仲見到有生蠔，仲有一個火鍋，感覺唔似傳統嘅泰國菜，有啲fushion。今日我哋四個人來，叫咗一個四人餐，每人都食咗好多野，以個價錢來計，都唔算特別貴。凍奶茶加熱柚子蜜奶茶有好香濃嘅奶味，熱柚子蜜清清地，少少酸幾開胃。串燒六串豬牛雞各兩串，雞肉肥美，牛肉同豬肉味道亦都幾香，加以旁邊嘅沙嗲醬，食落更香濃。榴槤Pizza薄薄一層，香脆嘅Pizza底，上面鋪左非常之香口嘅D24榴槤肉，好想一試再試。小食拼盤有炸雞翼、春卷以及魚餅雞翼同春卷都炸得幾香。冬陰公湯非常之惹味亦都好開胃，呢個對比起出邊係比較辣嘅，同時都唔會蓋過咗香濃既椰汁味，刺激味蕾之選！泰式菠蘿炒飯飯炒得夠乾身，食落去唔會一pat，而且菠蘿好香甜，成件事飽肚得來亦都唔會好油膩，唔錯嘅！走地雞似係用咗秘製嘅醬汁，雞肉

同事話公司附近有間泰國野好食，今日見幾好天，就一齊行去試下。幾經辛苦行完條斜路，終於到，門面冇咩特別。如果唔係朋友介紹未必會行上黎。入到去坐低發現別有洞天，佢有個好似露天位咁嘅地方，滲住自然光加上幅大型佛像畫，好relaxing!午市都幾多選擇，價錢都係五十幾至六十幾，包野飲，唔錯。兩個人不約而同點左冬陰功扎肉雞絲湯河。上菜後聞到陣味好香，飲左啖湯更加係喜出望外，冬陰功味夠濃又香，唔會好辣同一味加椰漿。雞絲唔係斬成一舊舊嘅雪藏雞柳，係真絲，好食！忍唔住飲左好多湯，河粉唔係一般闊身河粉，佢比較似金邊粉，但好煙靭。野飲點左杯青檸梳打唔駛加錢。埋單唔駛加一，讚！

The Lemon Grass us a extremly nice restaurant. The service is very quick and helofull. The team speaks good english and there's an english menue available. It looks very nice and fresh and the food is delicious.

之前黎過一之已經對佢評價點知依日掛住同同事傾計，就又再走左入黎。無法啦，都入左黎就俾多次機會佢。我叫左個煎蛋肉碎飯，飲洛神花茶。煎蛋好正常無事，肉碎調味都ok,辣辣地，幾惹味，但d飯真係唔得囉，又硬又乾。其實飯就唔係個個都鐘意食，但我叫個個係肉碎，飯係一個好重要既搭檔，d飯咁硬真係大打折扣！坐對面既同事食咖哩牛坑腩絲苗飯，佢都話d飯硬，需知道，食咖哩時飯都好重要！點解連基本煲一煲飯都煲唔合格如果主菜做得唔差，而因為個飯而扣分，希望佢知道後改善。我相信效果會大大不同！另外，我點左杯熱既洛神花茶，唔甜唔緊要，不過味道太淡......因為去個時都仲係9月，三十幾度，裡面唔夠冷氣，好熱