LIFETASTIC (希慎廣場)

營業中

休息中

香港個個都識呢個西瓜蛋糕😜但係今日朋友帶我去食先知原來佢哋都有正餐餐廳㗎～而且品質好好，一啲都唔俾蛋糕差！🔸牛肝菌醬雜菌義大利餛飩餛飩皮薄煙韌，中間包咗芝士配上牛肝菌超香！有驚艷到😆🔸草莓西瓜蛋糕果然是招牌蛋糕🥰堅果、奶油、西瓜、蛋糕層次分明，每一層味道都好清晰清爽，甜度都適中🔸黑芝麻蛋糕芝麻味非常香濃！😛creamy綿滑，味道香甜

平時食開呢間嘅草莓西瓜蛋糕，唔知原來呢度都有其他嘢食。今日一早嚟銅鑼灣睇醫生，去希慎行吓嘅時候見到原來有lunch set，今日星期三有八八折，又唔使排隊就入去試吓。叫咗個蒜香蟹肉意粉，lunch set就包埋個前菜沙律同埋杯latte。意粉幾高質，熟度啱啱好唔會過淋，蒜片夠多所以蒜香味好突出，蟹肉份量亦都唔少，睇落應該似係罐頭蟹肉，但食落又唔會太差，都有蟹味。配埋杯latte都係大約$100左右，下次可以嚟試吓其他嘢。

呢個黑桑子藍莓蛋糕真係好掂！濃濃哋桑子香,仲有啲酸酸甜甜嘅味（我鍾意食少少酸嘅野(｡･ω･｡)）佢中間有層類似啫喱定jam嘅嘢 都係少少酸酸中和返海綿蛋糕陣味 質地又軟又綿密 配埋生果is good af）

今次星期三嚟咗希慎，順便升一個late嘅afternoon tea. (因為被世貿中心的喫茶ちょうぼ 的衛生嚇親，無乜食野，無奈）原來餐廳嘅範圍大幅咁收窄咗，外面嘅空間完全為咗把封鎖，所以餐廳嘅範圍好細。你哋點咗意粉同埋Pizza作為下午茶。份量真係細好多，比午餐嘅份量少左大概三分之二，不過唔緊要，都係一個輕食。年輕嘅女侍應生，同埋一位比較年資長嘅男侍應生，佢哋嘅服務都好好，又幫我哋合照，非常窩心。最後我哋加咗錢去試佢哋嘅蛋糕。草莓西瓜蛋糕的確好啱夏天食。依芒果柚子蛋糕，就唔太覺有柚子味。不過都唔錯。可以再來。

我是一位長期光顧貴店的顧客,一直對你們的產品質素很有信心。然而,最近兩次在重要節日訂購蛋糕的經歷,卻令我感到萬分失望。在剛過去的父親節,我特意提前預訂了一個蛋糕,希望能與家人一同分享這個美好時刻。無奈,當我取回蛋糕時,它已失去應有的新鮮香甜,反而散發出一股難聞的陳舊氣味。這絕對與貴店一貫的高水準產品相去甚遠。更令人痛心的是,這種情況並非個別事件,因為在之前的另一個節日,我也遇到過同樣的問題。作為一家備受推崇的蛋糕店,在重要節慶時推出如此低劣的產品,實在令人難以接受。我無法想像,你們是如何在質檢環節上疏忽至此。這不僅辜負了顧客的期望,更有損店譽，估計我不會再光顧貴店

父親節order左個芒果西瓜蛋糕食嘅期間件cake發現有一大條毛髮🤮🤮🤮後來切開多幾件cake 發現成個cake嘅cream同蛋糕層都混合左大量不明毛髮，絕非水果纖維🤮🤮🤮非常嘔心，不可接受！！今年母親節其實我都買過佢嘅荔枝西瓜cake，同樣都係質素極差😡荔枝舊舊都係膉臭，我最後成個cake放棄無食佢d蛋糕都成$400，但次次買親lifetastic cake都中伏衛生程度堪輿絕對唔會再幫親😡😡

～～～～～～～～～～～～～～～～～～～～～～～～～同朋友整完甜品，之後想食下野，再趕下場活動，於是係附近睇下有咩岩食就比我見到有間餐廳外觀幾靚，感覺環境幾舒適✨餐湯飲落有淡淡的香味和很creamy順滑地由喉嚨滑到食道裏，打開味既開始✨黑松露雜菌意大利粉味道芳香的菌類配上軟硬適中意大利粉是最正常既配搭和creamy的醬汁卦在麵條上，當進食時可以麵條配上菌類一起進食，能夠從口腔感受淡淡的香氣✨蜆肉卡邦尼意大利意粉有數粒鮮甜肥美的蜆肉配軟硬適中的卡邦尼意粉🍝～～～～～～～～～～～～～～～～～～～～～～～～～

蛋糕🎂就間間一樣，依度有埋晚餐午餐專程同朋友慶祝生日。服務態度極差，唔理你，黑面，叫加單會唔記得，仲要話你係問題。安排座位目無表情，帶錯位仲要黑面🫠🫠🫠點解可以咁差

第一次試呢間餐廳既咸點, 叫brunch set, 包野飲同埋任何件裝蛋糕半價$118意式芝士肉醬千層麵質素一般$128 AvoTastic Benedict個人認為Benedict重點是濃郁的荷蘭醬, 店舖直接用美乃滋…….鬆脆既牛角窩夫為整體加了不少分$138 LIFETASTIC 全日早餐好豐富, 炒蛋出曬蛋汁, 乳酪係Greek yogurt黑松露炒蛋、牛油果、煙三文魚、紐倫堡香腸、菠蘿、大啡菇、煙肉、薯餅、沙律、乳酪、麵包$38 牛油果大蝦芝士焗大啡菇（2件）焗既大啡菇好乾, 比較之下 all day Breakfast 個大啡菇出色好多叫brunch set +任何件裝蛋糕半價由於同朋友慶祝生日,所以叫左四件拼返靚仔share食!職員會免費寫生日牌, 點蠟燭呈上蛋糕紫色台灣大甲香芋布甸蛋糕同黃色芒果西瓜蛋糕係想像中的味紅色楊梅伯爵茶蛋糕, 茶味幾濃藍色桑葚蝶豆花蛋糕, 最有驚喜!

68蚊一件既榴槤芝士蛋糕，價錢都幾貴，但真係好重榴槤味，食落去啖啖都係榴槤味，簡直榴槤忘返不過上面果層椰絲！?真係mama地，冇食到，粒乾果都冇食到，就係件蛋糕好重榴槤味，正～

今次Lifetastic推出左新口味蛋糕🤩完全係我的菜🤤加上行街行到勁攰⋯好需要食蛋糕補充體力🍰桑莓蝶豆花蛋糕就係比藍色嘅外表吸引眼球👀而味道很清新，有淡淡的蝶豆花味，不太甜幾好。桑莓蛋糕呢款中間有桑莓醬就比較甜甜酸酸，我就中意呢款多啲👅

Visited 3 times, every time staff have extremely poor attitude. Two times they refuse to answer questions, one time they gave us the wrong cake.Today a male staff gave us an attitude to take our order. He asked us to get our QR code ready first (and refused to take our order) but we are already ready. And yet his iPad was not turned on and needed to be charged. Then he takes more than 5 min to get his iPad ready.

我點咗午時套餐，沙律都係正常味，菜爽醬足夠。不過附送既玫瑰綠茶有驚喜飲既時候聞到陣陣玫瑰味，同綠茶混合很好，飲落去解油膩一流。之後主菜就係黑松露雜菌意大利粉，意粉正常，白汁濃度剛剛好，不過黑松露味就算比較輕，食個醬汁嘅時候只係食到淡淡嘅黑松露味。整體而言，唔知蛋糕係咪真係唔好食😂但煮食同飲品係可以👍🏻係一個想食休閒午餐嘅時候嘅一個好選擇附上價錢黑松露雜菌意大利粉 $88以上價錢係午餐價錢，包沙律 +早餐茶/玫瑰綠茶/黑咖啡有服務費加一

呢間出名西瓜蛋糕🍰而銅鑼灣希慎同將軍澳分店都有主食揀今次去到銅鑼灣希慎分店食lunch set😋$88-128左右就有齊前菜、主菜同餐飲，仲可以半價加錢叫蛋糕🍰沙律前菜👍🏻牛肉漢堡配薯條🍟呢個好味😋漢堡包脆脆地，牛肉多汁好味🤤薯條即炸香脆，仲可以點黑松露沙律醬，好好食👍🏻野菌黑松露意粉🍝好香 好小出錯既意粉😆醬汁夠多，整個好夾，唔錯👍🏻青咖喱雞肉意粉🍝辣的青咖喱幾香😋仲有雞肉同茄子好味唔食得辣既朋友會覺得有d辣餐茶揀左玫瑰綠茶同英式早餐茶☕️玫瑰綠茶清清地幾香👍🏻英式早餐菜幾解膩最後可半價加件蛋糕🍰荔枝烏龍蛋糕🍰呢個清清地好香荔枝味，唔算甜，烏龍味唔重好多層好精緻😋果然呢間蛋糕係好味既總括而言，$88-128左右（要另加一）可以食個豐富既lunch真不錯，唔怪得lunch time 都坐滿客人，要排隊等位，環境同食物質素都幾好👍🏻除左lunch，呢間仲有tea menu 同dinner menu，有機會都可以試下👍🏻

響坊間熱鬧街道中，朝著張門面都係咁吸引人嘅店行去。今次食評目標，係嗰間擺滿漂亮蛋糕令人垂涎三尺嘅餐廳。🍰首先，個草莓西瓜蛋糕真係夠晒驚喜。餅底用嘅杏仁，食落口感上嚟啱啱好，唔會過硬或者勁乾。夾心部分嘅西瓜同草莓，清新解熱，加埋淡淡嘅玫瑰香味，好食到停唔到口。玫瑰花辦點綴，賣相粉嫩，靚到不得了，一眼望去已經覺得賞心悅目。嗰個斑斕芒果紫米蛋糕，就食到一個fusion嘅新感覺。口感層次分明，一層層嘅芒果、紫米，同班蘭忌廉相間，每一啖都至好唔同。食落去既清香又充滿熱帶水果嘅鮮甜。至於個菠蘿芝士蛋糕，酸酸甜甜，當中嘅芝士味平衡得好好，同菠蘿完美融合。飲品方面，檸檬冰搖咖啡絕對係夏日必飲嘅涼快選擇。柳橙鮮脆，咖啡香醇，兩者交融得就如你一腳踏入涼快嘅海灘一樣爽滑。啲草莓西瓜梳打仲可以解渴又唔會太甜，飲一口已經覺得呢個夏天嚟啦！🌞總括嚟講，呢間店嘅甜點係夠水準之餘，仲有種細膩嘅回味，真係值得一試再試。下次想食個啫喱般清新嘅甜味，或者食返個觸感豐富嘅珍珠奶茶，都知道要嚟邊度搵啦！🍓🍉🥥