Little Fresh Cafe & Bar

營業中

休息中

好耐冇試過一大班人出去食喇，今次突登搵搵旺角啲樓上Cafe，小店好多時都有驚喜，食物比較有特色🫢🫢Little Fresh其實都bookmark咗一段時間，今日嚟到叫咗幾個Lunch Set加咗幾個小食，意粉們中規中矩偏家常做法，味道可以再豐富啲。小食抵讚，賣相有心思之餘，味道同香味都幾突出，建議晚餐都嚟試，可以試多啲唔同款式👍🏻今日食咗火魔醉蜆，炒得好惹味上菜會燒一燒香味再出啲👏👏👏西班牙蛋餅超正！好少見嘅菜式，蛋係最流口水嘅半熟狀態，Perfect池

呢度好多靚畫,有藝術感,可以慢慢觀賞。係度食左個晚餐,叫左杯pineapple lychee smoothies,重lychee味,味道唔錯,沙冰黎既。主食叫左個rib eye,mashed potatoes又d gravy,好食。配菜有小蕃茄又有翠玉瓜,都幾好食,rib eye香味濃郁迷人。有牛肉既香氣；肉質軟嫩。我中意食熟d所以叫左7成熟。呢度好近油麻地站,而且有法國餐既情調,價錢合理,可以試下。

留意咗呢間餐廳好耐，見有好多正評，又近公司，於是決定嚟試試。餐廳唔大，但因為過咗午餐時段到訪，所以食客唔多，坐得鬆動。座位靠窗，用餐時，偶有陽光照入餐廳，感覺舒服。坐低後，侍應遞上餐牌，點咗兩個SET LUNCH。忌廉湯 (跟餐)﹕蒜蓉包又脆又熱，蒜味濃，讚！餐湯好夠熱，味道亦唔錯。韓式酸忌廉牛肉飯﹕係TODAY SPECIAL嚟，被個名吸引，揀咗。好鍾意個飯，粒粒分明又飽滿，牛肉好腍，整道菜即點即煮，夠哂熱。香煎沙灘豬扒煎蛋配蜜椒醬 ($118)﹕問咗侍應何為沙灘豬扒，原來名字取其意境。豬扒好夠熱，軟腍且JUICY，好味！薯條又炸得香脆，係我杯茶。熱朱古力 (跟餐)﹕好多CREAM，CREAM上嘅朱古力醬甜甜的，好味。Americano (跟餐)﹕老公之選。大杯、夠熱，隻杯好靚！值得一讚，侍應服務好好！

旺角有好多樓上咖啡室，我哋今日嚟都近油麻地嘅little fresh cafe and bar🥳 lunch time都幾好坐，適合嚟傾下野添~ Lunch set ard $78-98, 有湯或沙律同野飲！湯係南瓜湯，幾清新😍我哋嗌左慢煮雞配薯菜😗雞扒好嫩，上面有菠菜忌廉汁，食落係夾嘅，薯條好脆卜卜❤️另外一個要today special~ 係韓式酸辣汁炸魚飯，都炸得幾靚仔，好香口！🥰飲品嗌左橙汁同檸檬茶，呢度幾好坐，可以慢慢hea~ #hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

Little Fresh Cafe & Bar👻星期六可以去探索下搵啲平時好少去既好地方估唔到旺角鬧市入面都有間咁隱秘既係啲細街入面都要花啲心機去搵個環境舒服又有大玻璃可以望下境咁嘆午餐😙.🔅Today special 肉眼扒 HKD 298好耐無食牛扒咁啱佢地今日special就係肉眼扒好開心咁即刻揀咗外面夠香入面夠嫩五成熟廚師煎到啱啱好好有水準個伴碟擺盤都幾靚有埋黃芥末啱我心意😆🔅墨魚汁海鮮燴意大利扁麵 HKD 188一路都鍾意食墨魚汁既麵依到個墨魚汁都幾濃海鮮份量都唔少有蜆有蝦仲有青口食到成個嘴都黑哂🤣🔅黑松露忌廉湯/田園沙律幾香既黑松露仲有脆脆法包伴個湯Creamy既忌廉湯唔錯沙律都幾fresh又多款作為前菜幾滿意🔅Cappuccino/Latte星期六最開心就係嘆返杯啡同朋友一人揀咗杯咖啡雖然無拉花不過勝在夠香濃😛.整體黎講：舒服西餐 拍拖一流😋.🎈 Little Fresh Cafe & Bar (旺角)旺角登打士街36號恆威商業中心18樓

要搵間餐廳傾偈又可以坐得耐，cafe最好不過旺角嘅恒威商業大廈全橦都喺Cafe, 總有一間啱你！我今次就揀左Little Fresh Cafe 揀坐窗邊，18樓望落去景色都唔錯喎！見到門口嘅飲食專欄文章推介火魔醉蜆 $88, 我地都要叫一個試試佢上菜時侍應貼心提醒我哋相機準備，因為佢會為蜆點火！吸睛指數高、打卡位嚟喎！湯汁應該喺白酒洋蔥汁，蜆肉唔算肥美但勝在新鮮無腥食完小食，我哋就一人叫一個set dinner是日餐湯喺忌廉煙肉湯，唔喺好厚實好杰嘅口感，味道正常主菜一：法國紅酒燴牛面肉 $238牛面肉燴得好透徹，肉質好林，筋位都軟化晒，紅酒醬汁味道恰到好處，配搭薯蓉及蔬菜主菜二：墨魚汁海鮮燴意大利麵 $188烏捽捽嘅墨魚汁鮮味十足，麵條軟硬適中，仲有蝦肉、青口、魷魚及大蜆，食到個嘴黑蚊蚊飲品羅勒士多啤梨沙冰 $58，為今天嘅晚餐劃上甜甜嘅句號

今日約左舊同事午餐，為方便大家，又想搵間舒適既餐廳坐耐小小。揀選左旺角既一間樓上餐廳，感覺良好👍🏻一入餐廳，太陽光充足，有白雲做天花板，仲有幅大畫，感覺走入小型藝術館。我地叫兩個午餐，牛肝菌汁珍珠帶子燴意大利飯同白酒蜆肉意大利麵。先黎兩個餐湯，麵包，係番茄忌廉湯，最初聽番茄加忌廉，好似怪怪地，原來又幾夾。朋友叫白酒蜆肉意大利麵，都幾多蜆肉，麵條彈牙，個汁唔溜。朋友最欣賞洋蔥炒得好香甜，見佢清碟。😂我叫左牛肝菌汁珍珠帶子燴意大利飯，都好多帶子，我最鐘意個汁，好惹味。意大利飯硬度剛剛好，軟左帶硬，太軟又唔似食意大利飯，太硬又怕難消化。之後我哋叫兩柸cappuccino, 我果柸加玫瑰，係我之前上網睇到超靚，所以想上一試。真係好靚😍玫瑰花味好香，飲完好溫暖。佢仲有優惠碼，應該可以放上網一齊用既總括，下次黎旺角會再食，抖一抖，嘆一嘆😉😋Yummy Yummy: 9/10😋

今晚又和朋友去旺角行街, 之前有聽說過這間樓上cafe好好食, 所以便決定去吃晚餐.見到餐牌選擇都多.餐湯: 蘑菇湯,  粒粒蘑菇好香口, 幾好飲.田園沙律:  沙律好fresh好新鮮, 好多料, 番茄幾好食, 酸酸甜甜好開胃.法國紅酒燴牛面肉 ($238) : 牛面肉非常淋, 完全不用切, 個質感好好. 然後紅酒好香, 紅酒同牛面肉一向都好夾, 個味好match, 幾好食. 而且只是 $238, 其實真的很公道的價錢, 絕對抵食.香燒豬頸肉紅咖哩燴意大利飯 ($178) :豬頸肉燒得好香口, 好惹味. 然後紅咖哩個辣度適中, 不會太淡又不會太過辣, 是剛剛好, 非常美味的紅咖哩. 另外意大利飯都好juicy, 好香軟, 口感好好.跟餐+$4 美式咖啡, 咖啡好香濃, 幾好飲, 吃西餐最岩就是配咖啡的了.雜果水果茶 :好多鮮果好多料, 但又唔會太過甜, 甜度剛剛好, 幾好飲, 不錯.

今晚同朋友去左一間係油麻地既樓上西餐廳食飯，餐廳雖然唔大，但環境都唔錯，音樂播緊啲歐美歌，整體環境都幾舒服，可以好舒服咁坐低慢慢食.依家訂台用優惠碼B43889仲有額外優惠添我地就叫左2個Set同招牌菜火魔醉蜆.APPETIZER（前菜）有得揀餐湯或者沙律，我地就揀左餐湯，今日既係法式洋蔥湯，湯有甜甜地嘅洋蔥味，蒜蓉包都十分香脆MAIN香燒猪頸肉紅咖哩燴意大利飯👍🏻 紅咖喱同Risotto意外地夾，兩者好完美咁融合埋一齊👍🏻 豬頸肉煎到啱啱好，唔會好鞋，肥瘦亦剛好，食落好香好腍法國紅酒燴牛面肉👍🏻 牛面肉炆得好腍，牛肉入口即化，完全唔痴牙，好有誠意👍🏻 下面有薯蓉、西蘭花、番茄仔等配菜，同牛肉一齊食口感豐富火魔醉蜆👀 係Openrice就一直見到好多人推薦，於是就試下，果然有驚喜👍🏻 上菜時老闆會親自淋上白酒點火，十分吸睛，打卡一流👍🏻 蜆肉鮮甜肥美，酒味濃郁，加上蒜香十分惹味

叫咗個set dinner,款式都幾多，價錢都唔算貴。是日餐湯係洋蔥湯，第1啖飲個湯，好濃郁嘅洋蔥味，都好多洋蔥喺入面，都幾足料。沙律，d沙律菜好新鮮，配埋個酸酸地嘅沙律汁，好開胃。法國紅酒燴牛面肉,個牛面肉燴得好淋，入口即溶，個紅酒汁好特出，味道同牛面肉好match。墨魚汁海鮮燴意大利扁麵，上面有大量海鮮，有大蜆，蝦同青口，d海鮮都好新鮮，都幾足料，而d扁麵都好煙韌，完全冇overcook,個墨魚汁都好好味。涷美式咖啡，好香濃咖啡香味。涷檸茶，已經落好晒鮮檸檬汁，飲落酸甜味適中，好好飲。

旺角登打士街恆威商業中心18樓有一間好受歡迎嘅Cafe — Little Fresh Cafe and Bar。你要喺條小巷嗰度入去恆威大廈。估唔到星期一夜晚去食飯都坐滿人，非常熱鬧。好多人都係食set menu。晚餐有一個湯或沙律，一個主食，同埋一杯飲品。今晚有南瓜忌廉湯，湯有甜甜嘅南瓜味，很香滑。沙律有各種生菜、蕃茄，加上意大利醋同埋橄欖油，開胃健康。主食有法式香煎紅鯛魚，魚皮煎得好香脆，魚大大件啖啖肉，冇腥味，最緊要係嗰啲白醬汁，有香草味，鹹甜適中，好creamy。碟嘅四周仲有一啲椰菜花、蕃茄等有益嘅菜，仲有薯蓉，非常健康。香煎豬頸肉紅咖喱燴意大利飯係另外一個主菜，豬頸肉係輕輕咁煎，好香而且好腍，紅咖喱燴的意大利飯是用上湯煮成，粒粒分明，煙煙韌韌，飯裏面有洋蔥蕃茄粒一齊燴，很入味。食完飯再飲埋兩杯飲品，同朋友開開心心咁傾吓偈，呢間餐廳係好選擇。

以前去過油麻地個間！估唔到宜家銅鑼灣開左新鋪☺️啲野食都仲係咁高性價比😉我地叫左set~餐湯同沙律 我地㨂左湯今日個湯係煙肉忌廉湯 配蒜蓉包上枱時個湯同個包都好夠熱呢個有啲驚喜通常啲面包都係微溫 甚至係凍呢個夠熱 抵讚👍🏻面包點湯好好味😋我地main course 分別叫左法式香煎紅鯛魚 同煙三文魚明太子意粉紅鯛魚幾好味 夠大份 夠嫩滑 冇骨但唔覺得係法式🤣因為好重孜然味魚下面有薯蓉有蔬菜正常發揮～煙三文魚明太子意粉都一樣好大份🤣👍🏻👍🏻👍🏻口感都幾得意一開始以為明太子會係同啲醬撈埋但其實個醬汁係忌廉汁黎明太子係切到一粒粒同啲煙三文魚好似樣😆最後上埋飲品朱古力同青檸梳打💕埋單每人都係二百幾👍🏻 dinner黎講都算平🫢

今日同朋友食咗間比較難搵既小店西餐，大堂入口隱藏係小巷入面，而餐廳空間都係比較細小既。同朋友主要係傾下計chill下，揀左窗口位置，店家好好無限我哋入座時間，可以俾我哋休閑咁傾計、放鬆一整個下午。我哋點左法國紅酒薈牛面肉同墨汁海鮮燴意大利扁麵。前菜有蕃茄湯配蒜茸包，幾濃味法國紅酒薈牛面肉賣相很不錯，而且都有香味散發，牛面肉經過長時間的燉煮，肉質極為嫩滑，配上蔬菜同薯蓉，口感豐富。雖然個價錢有啲貴，但都幾推薦既一道餸菜。墨黑汁海鮮燴意大利扁麵，麵條充滿墨汁有彈牙口感，尚算鮮味。不過相較牛面肉，對我來說味道較為遜色，比想像淡口了點。若然先試墨汁麵才吃牛面肉，或許會好點。飲品點左草莓水果茶同玫瑰拿鐵，朋友說玫瑰拿鐵味道不錯奶香味濃，我個杯草莓水果茶味道還可以，有草莓粒，用lipton茶包。整體嚟講都可以，店員服務態度都唔錯，如果價錢再相宜些會更吸引。

今年生日試吓好多人介紹littlefresh, 位置好方便，響旺角樓上鋪。今次試咗佢個雞翼同埋蜆，甜品仲可以響碟度加"生日快樂".牛扒同埋意大利飯都好好食，佢個火燒蜆噱頭十足，大家一定要叫。價錢都好合理態度10分友善，整體滿意，係100分This year for my birthday, I tried Little Fresh, which was highly recommended by many people. The location is very convenient, as it is located in a shop upstairs in Mong Kok.This time I tried their chicken wings and mussels. The dessert can even be customized with "Happy Birthday" on the plate. The steak and Italian rice are also very delicious. Their roasted mussels are very e

朋友約在登打士街這個商業大廈上的一間小店Cafe午餐😊呢度要轉入小巷再找大廈入口上去，感覺隱世😊但上到去環境很舒適，好多窗口採光，職員友善，感覺舒服午餐嘅選擇都幾吸引，我哋兩個人嗌咗兩份午餐一齊share田園沙律沙律菜都好清新，調味恰到好處忌廉蘑菇湯配蒜蓉包兩小片忌廉湯好順滑，飲完好溫暖冬陰功汁豬豚肉燴意大利扁意粉扁意粉口感不錯，冬陰功汁好惹味，少少辣，豬肉都好香口，加埋咁陰公汁好好味慢煮雞扒配菠菜忌廉汁 配薯菜 慢煮雞扒肉質好幼嫩，加埋濃郁的菠菜忌廉汁更好味。薯條好香口，點茄汁食好好味配上西蘭花，蘑菇，車厘茄等蔬菜，感覺更健康。草莓水果茶紅茶茶底加上清甜嘅水果粒，感覺溫暖滋潤玫瑰奶茶拿鐵玫瑰花味道好香，加入在奶茶裏面配合得好好總括而言，呢度都係幾值得推介嘅地方，喺旺中帶靜嘅一間Cafe😊