Little Mario's Pizzeria (駱駝漆大廈) (已結業)

位於觀塘駱駝漆三期的pizza專門店 Little Mario’s Pizzeria ，在非繁忙的時間吃一個pizza午餐，感覺也不錯，仿佛在歐陸小店Hea 一樣。於其他食評所說，Pizza即叫即做，大概在10分鐘之內已送上。瑪格麗特Pizza永遠在剛剛做好之後吃，才是最美味。餐牌內提到，瑪格麗特(Magarita)是由莫扎里拉芝士和奧勒岡香草融合而成的。聽上來真是很勵害，芝士香味和薄餅很夾，吃來也很清爽。不過，這幾塊奧勒岡香草，已感覺不到其獨特之味，可能香味已滲入芝士內，才有這樣清爽。美中不足的，就是份量比較細，$70元只有8吋，和餐廳名字一樣， little。是我貪心還是觀塘很貴租?

宜家kwun tong 真係開左好多餐廳，多左好多choice.Apm 真係太太太多人啦，間間都要排，今次轉鎮去駱駝漆大廈，求其random ,見到有間食意大利pizza, 甘就即管試下。係三座樓下等𨋢勁長龍！哩楝野好多野食揀！入去都有3枱客，哩度係睇完餐牌去cashier 俾錢既。Pizza 有8" 同14", 8" 係切4件，14" 係切7~8 件，pizza 有好多choice, 如果素食者都得。佢哩度有印度curry,pasta, 幾款小食。我地3個女仔，就可以叫2個8" pizza, 甘就可以試兩款。頭盤～雞肉凱撒沙律 份量比我地想像大，3個人share食剛剛好，雞肉都偏多，佢汁係另外上，你自己要幾多落幾多。good個汁有d 薄荷味幾清新小食～炸芝士條好好味，可以拉絲嫁，外脆入面熱同軟，好正，一人食左3條都唔濟意式肉腸pizzaD 肉腸切做一粒粒，開頭以為係一片片既，d 腸味好出，哩個係薄批，食一件唔會濟住左。磨姑意大利風乾火腿pizza本人好鍾意食ham, 咸咸地同磨姑好親，仲要係雙重cheese.佢哩度有酒牌，有賣啤酒同紅酒， 好啱放工後黎，配埋d 小食。

今日同朋友去觀塘行APM，但基本上入面既餐廳都食渾哂，開飯搜尋搵到呢個PIZZA疑似唔錯播，咁去試下啦。小妹身為一個小饕餮，最鐘意週圍食，務求要食盡每個街頭小巷！餐廳係工廈入面，裝修精緻乾淨，同出面舊區風格大相逕庭。色調同風格有Ｄ意大利mix印度咁，俾人一種遠離香港鬧市既感覺，第一印象幾好。望入去有一半都係外國人，睇黎食物口味應該同香港大牌子既PIZZA有所唔同，比較貼近外國風味。店主都放左好多心機去佈置舖面，估唔到紅酒啊、調味料啊、意粉啊等等平平無奇既野放得有心思都可以排得咁有格調，小妹又學到野了～我地好快決定左揀二人餐，但揀PIZZA揀左十幾分鐘，因為口味真係太多啦，對於選擇困難症既我簡直係煎熬！最尾揀左夏威夷口味，配個煙肉蛋沙律同兩支芒果汁，200蚊有PIZZA有沙律有野飲算幾抵啦～芒果汁係Jarritos牌，算係墨西哥既名牌有氣果汁，入口芒果味夠，唔似芬達個種假果味，甜度稍甜但都算OK，好飲！等左幾分鐘，前菜煙肉蛋沙律出場啦～望落去幾整齊，沙律醬都幾均勻，配料同菜既比幾平衡。沙律菜入口爽脆，幾新鮮，有清新口感。煙肉有煎過先，香脆夠味。麪包粒有炸過，味道係唔錯既，但係有Ｄ硬。整體

比連鎖pizza店好味得多超新鮮 送到時超熱廚師好親切有禮貌芝士份量多下午茶一人份8吋pizza亦飽肚$75 pizza+ 汽水 價錢唔貴下次有朋友一齊想試埋小食會再黎！

路過觀塘下著滂沱大雨，打算先快食個午餐順便避避雨。裝潢比我想像中的好，餐廳不算迷你，放了好幾張大枱，不怕冇位食。點了vegetable 8” pizza $70賣相色彩繽紛，熱辣辣的上枱，咬下去包底頗厚身結實，不是薄脆的口感，材料豐富，每一啖都有不同的材料配著吃，不會太咸，算是不錯。這價錢這質素抵食之選點了truffle pasta $80 上枱時黑松露的香氣撲鼻，不過這碟意粉偏油膩。越吃越膩，不消幾口已有點怕。大概是我怕吃重忌廉油膩的意粉，如果是愛重芝士不怕膩的朋友會喜歡這口味。這意粉膩得我大半天都消化不了，一直挌在胃中，少少失望，不推介。你看盒底都是倒得出來的油，應該是橄欖油，我覺得太膩麻麻地。Pizza點得過。見Openrice上已有很多這間的餐牌，不過這個all day set menu好像未有，update這個好了。餐廳用膠盒盛著pasta，又只提供紙兜膠叉給客人吃，太不環保！

我向來都愛支持小鋪，因為小鋪較有人情味，食物也有個人特色，最近到過一間觀塘廠廈的小鋪，嚐過它的自家製薄餅，真的美味。這裡有很多不同小食同薄餅等套餐，多到眼花撩亂，有選擇困難症的我都要思索許久才決定到吃什麼。今次我點的是黑松露薄餅，餅底較厚身，食落是熱騰騰帶㸃煙韌口感，薄餅的芝士是馬蘇里拉芝士，很有奶酪的味道，表面塗上黑松露醬和加上很多羽衣甘藍，口感變得複雜，加上黑松露醬的香氣，咸香的芝士和羽衣甘藍的獨特香味，口感更昇華，玄妙之處是用上優質芝士，因此吃時呈拉絲狀，真真美味。我很少喝汽水，但看見這店有石榴味道汽水，又是外國貨，只要加10元，原來味道很清爽，果味濃郁，我又點了Ceaser Salad ，洒上芝士，加了些香脆麵包粒和煙肉，沙律真用心製作，我吃得很滿足。整間餐廳裝修休閒，來這裡吃東西感到很舒服，一級棒~

FOOD - We the Meat Lover’s Pizza and Lasagne. Quite simply both were disappointing but the lasagne wins the award for worst lasagne I have ever tried. The pasta was tasteless, I could see the very thin layer of pasta and meat sauce but could not taste it. All I could taste was the 50% cheese. Every mouthful I could just taste cheese. The lasagne was just about 2 and a half inches high so it was just a very sub-standard dish with no authenticity and generous layers of pasta. The dish was HKD80 wh

咁岩今日係觀塘返工，今日決定出街搵下有咩食，目標係試下呢間D Pizza。我好愛吃pizza，食到美味pizza，成個批都可以一個人啃晒! 我知道有呢間店好耐，今日特登緊食架。間店細細，都幾屋企feel，我叫咗個黑松露Pizza ， 食落餅底唔錯，唔硬，有麵粉的香味，滿滿的芝士，絕不手軟，重加咗D黑松露醬，重有係D德國芥蘭，小妹鄉下出來，都係第一次食，店員話其實即係羽衣甘藍，可防癌咁話，食落都OK，無臭青味，好清爽，同埋D芝士和菇味道好夾，成個pizza 好好食，都幾健康，我成個批食晒，好飽，好大食架我。另外又叫咗個凱撒煙肉蛋沙律，個沙律汁.好食好開胃，煙肉夠咸香，D菜都新鮮，唔差。原來+10 蚊可以支外國進口汽水，有少少氣，我揀Mango 味，幾好飲呀!

坊間有好多pizza 店，有D既pizza款式多，但味道就 一般，有D 小食款唔係好多選擇。上星期同同事去試依間，一試就覺得有驚喜，尤其佢地既pizza真係唔錯。我地總共叫了5樣野，有兩個薄餅，包括14吋夏烕爾薄餅薄餅，14吋巴拿馬火腿薄餅，一個千層面，8只雞翼，一份咖喱角。薄餅好食，夏烕爾薄餅既餅皮煙韌，幾香芝士味，材料都足料。巴拿馬火腿薄餅咖喱角香脆千層面就還可以，普普通通。六個人食左接近500蚊，整體黎講係幾抵食，比想像中出色。

嚟得呢度，當然要食pizza la, 其實我同朋友叫咗個2人set, 有pizza, pasta同埋2杯野飲，不過我想重點推介個pizza, 因為真係好好食ar!!!!有時候材料愈簡單既pizza反而啱我，而我自己最中意就係夏威夷pizza, 菠蘿，火腿同埋芝士永遠係無得頂！！！佢呢間既pizza 個皮唔會好厚，但又唔似薄批咗脆，佢個底幾有咬口，但個邊邊幾脆，食落去有少少既蕃茄醬，但唔會好濃，有時最驚d醬個味太濃，呢個就啱啱好。而且佢落既配料份量啱啱好，最重要係，佢面頭有超多芝士！！！！啖啖芝士，滿足哂我呢個芝士怪。

今個LUNCH又黎觀塘工廈搵食 ! 今日就試一餐食PIZZA等等，意大利菜為主既平民餐廳 ~呢個係餐廳MENU既其中一頁，就係呢一頁，上面就有一共16款既PIZZA款式味道比你揀，真係有辣有唔辣，有肉有冇肉，真係一定有一款岩你 ! 重可以揀PIZZA既大小及厚薄，分分鐘重多OFFER過PIZZA HUT添 !都係果句，觀塘既工廈餐廳，佢既室內環境都真係幾高質，大部份既餐廳用餐環境都唔會令你覺得好似係比較殘舊既工廈之中 ; 當然呢間都唔例外，你又同意嘛 ?餐廳提供既飲品除左有比較普遍既汽水之外，重有一D外國既汽水 / 本地手工啤提供，今日我既兩位同行朋友就試左西柚及番石榴味道既外國汽水果汁意式煙燻火腿沙律 $70，呢個沙律既份量都幾多，賣相都幾吸引 ; 呢間餐廳其中一個特別之處就係佢全部食物都係用透明外賣盒上碟比客人，其實都OK架，因為客人可以隨時拎走，重可以成個盒放入微波爐翻熱添 !大大塊唔太咸既巴馬火腿放係沙律上面，D菜都好新鮮架 ; 唯一比較特別D既就係佢既麵包糠粒都幾硬，可能係特色黎啦，哈哈....呢間餐廳有兩個SIZE既PIZZA可以揀，一個係8吋，呢個就14吋 ; 如果好似我

觀塘工廈一直都有唔少隱世美食餐廳。今次呢間係朋友介紹先識黎，係一間食自家製pizza嘅餐廳，黎開觀塘所以決定試一試。餐廳嘅環境寧靜，雖然位於工廈入面，但係坐落都幾有空間感。餐廳採用自助式嘅設計，見到餐牌上有咩想食嘅出去收銀處俾錢落單，另外嘢飲就自便喺個架到拎。今次點意大利式腸pizza，材料有意大利腸、蘑菇、燈籠椒、芝士同埋香草，材料豐富，食落有層次，賣相色彩繽紛都幾吸引。pizza嘅分量大，有14吋，分成八小件兩個人share食到超級飽。pizza係熱辣辣嘅，小心注意，但係要趁熱食先好食。另外點左黑松露蘑菇意粉，黑松露同蘑菇嘅配搭之前都食過，都係我嘅最愛。最鍾意黑松露嘅味道十分香口，意粉採用幼身意粉，質感ok，唔會黏埋一舊，食落都幾爽口。飲品款式都幾多，由於夏日炎炎揀咗款冰鎮檸檬茶罐裝飲品。埋單二百幾蚊除開一個人都係百幾蚊但係食到超級飽，豐富得黎算係幾抵食。

今日到觀塘見客，天氣暴熱，出街見客汗流浹背，做sales 辛酸有苦自己知。見完客，知道這單生意成功了，佣金在望，於是中午醫肚，我拒絕再吃快餐，今日要食好D! 我那日剛巧經過駱駝漆大廈，見樓下有牌有pizza 食，好似幾正，上去一試無妨。店子細細，個體戶啊！獨個兒，我選了高坐下，㸃了菇pizza 和焗芝士火腿通粉。菇pizza 是厚底，我平時食快餐，日日扒扒扒，真厭死! 今日款pizza 好清新，熱辣辣出爐，我好感動，食落好香，有很多香草芝士，餅底好食，唔會大乾硬，真唔錯，我打算打包兩件比同事Peter 仔品嚐。平時食得湯通粉多，今次食芝士同火腿焗，都很久沒吃過，芝士好豐富，焗成溶至拉絲，通粉有著滿滿芝士忌廉汁，重有味道咸咸地的火腿，味道好豐富，非常飽肚。 論價錢很合理，相信小店辛苦經營，支持下吧。

觀塘工廈有一家外賣的PIZZA店，不過都有堂食。想飲咩都可以自己拎*意式煙燻火腿沙律 ($70)沙律菜新鮮爽脆，中間夾雜少量的火箭菜；有幾片巴馬火腿，再灑上了芝士碎；油醋另上，自行添加。*雞翼 ($65)雞翼帶點微微辣；外表不算脆，但煮得頗入味的。*黑松露意粉($80)黑松露很香，意粉熟度適中，不過不失。*Margarita fungi prosciutto pizza 8" ($80)薄批底，所以不會太飽濟；配料有磨菇、巴馬火腿和芝士，份量很充足，味道不會太咸；夠熱，有拉絲效果。

我同朋友放假就去左觀塘行下街+睇戲，睇完戲都已經係黃昏時段，觀塘係有好多野食，但就係愈多選擇就愈唔知食咩好，就上網睇下咩好食~誤打誤撞就去左呢間PIZZA店食，講起PIZZA，我都係食過一間薄餅連鎖店，今次可以話係初嘗試~入面麻雀雖小，五臟俱全，裝修簡約，仲有沙發位，舒舒服服。係出面櫃台點餐，我地叫左個2人套餐，可以自由選擇薄餅嘅味道、兩種汽水及意粉/沙律/小食有個飲品櫃，飲品選擇都有幾多，可以比任由自己揀飲品到櫃台埋單我地就揀左夏威夷薄餅、煙肉蛋沙律薄餅係即叫即製，所以大約等15分鐘左右。先上嘅係煙肉蛋沙律，入面有煙肉、雞蛋、麵包粒粒、芝士碎同沙律菜，個醬另上，比你鍾意落幾多就幾多。 沙律幾爽口清新，個醬酸酸甜甜，幾開胃，沙律上加左煙肉，更加香口，煙肉粒粒好好味~ 雞蛋一分四，幾貼心汽水我就揀左西柚味，幾醒胃，味道幾清新，唔會係啲好假嘅西柚藥水味。登登登登~ 夏威夷薄餅到~14寸夏威夷薄餅都幾嚇人，好大份，餅底薄薄地餐廳提供左幾款調味料比你加上去，我呢個芝士迷，一定會加芝士粉啦~薄餅上面有火腿、菠蘿、蒜蓉、莫扎里拉芝士，材料好豐富入口食到好濃郁嘅芝士味，之後有菠蘿嘅酸甜同火腿嘅鹹香味