Little Mermaid Bakery

營業中

休息中

今晚來利舞台廣場飲宴,趁還有時間便上來看看,行了一圈,第一反應是~~嘩!好貴呀!心思思在想買與唔買之間,但最後還是決定買,因為不知何時會再來銅鑼灣.北海道牛奶方包(5片)$19~~本想塗些花生醬,但想起食之前要試吓原本的味道,咬了一啖,發覺原來甜甜地,就這樣食已很好味麵包好軟滑,質感綿密,第一次食到連麵包皮都覺得好軟熟有別於平時食開的方包,皮比較粗糙些.不過size就比普遍的方包細一半,好味歸好味,還是覺得貴!

終於輪到試這間寶號既stollen 包 (其實包裝袋寫住 x'mas mixed fruit bread)之前怕過了聖誕節會不再賣, 特登打電話預先check 下, 告知會賣到 31/12/2010, 還說是每天新鮮焗製..30/12 中午時段特意來到購買, 發現怎麼沒有擺出來呢?詢問店員才知因為過了聖誕節所以收起來, 但不是明明說賣到 31/12/10 嗎?店員叫我等15分鐘...我在附近逛了一會回來, 再次詢問, 店員從裡頭的架子上拿了一個給我...眼看這個預先包裝的麵包, 真的當天焗製的嗎?回到家, 切開來吃...這種麵包本身是偏硬的 (雖沒panash 出 的那麼硬), 一咬下去已看見麵包組織很乾, 起白邊, 真的有點似隔夜麵包...提子乾最多, 橙皮果皮nuts不算多...表面舖了糖霜, 但只有微微的甜, 沒有panash 出的甜得過份..overall, 比 panash 好, size 大約多1/3, 價錢亦貴 $13 (= $35), 比一個中size 提子包大一點..panash 是160g, 我想這個有240g 罷...唯獨是酒味仍然淡...只有丁點兒記得聖誕節前

下午六點多, 面包的款乽不多. 好難選擇, 無咩想試, 早前經過IFC的面包好吸引但沒買因為覺得很貴,今次去CITYSUPER見到咪嘗試下, 本人係好鐘意食面包. 是次買咗小型合桃包$12元, 見到個樣都幾可以所以買了但試了口後無合桃味, 很普通的面包跟傳統的面包點的面包相比還遜色, 面包口感很實, 本人不太喜歡.中型蒜溶法包$18, 本來想買法包點湯,跟住見到蒜溶法包更吸引便買了. 有少少油, 但可以接受, 味道很好,口感不錯. 一試難忘, 會再次幫襯.

飲食雜誌裡, 講到方包, 好自然就會提到 Little Mermaid Bakery。其中它提到兩款包我都很有興趣的, 又在這裡寫一下:北海道牛奶方包 ($18) - 分 4 片和 6 片的, 我買的是 6 片裝, 由於麵包片沒那麼厚所以宜塗果醬吃, 什麼果醬倒無所謂, 我都是隨手在旁邊的 City Super 執了樽橙皮果醬而已, 直覺覺得它跟麵包比較搭嘛。牛奶味倒是很香, 麵包密度很高, 沒有氣孔, 很是綿軟卻有筋性 (以麵包皮尤為明顯), 果然是果醬的最佳拍檔 我想4 片裝的做三文治會較好, 但由於麵包比較窄長, 弄 finger sandwich 效果會好些。石烘提子方包 ($26/4 片) - 好~鬼~貴! 但真係好鬼死好味! 每片都有超多勁大粒的提子, 經過可窰烤過的麵包有一股輕微炭/柴 (?) 的焦香, 令麵包的麥味更為彰顯。看來雜誌裡說麵包店每款麵包都用上不同的發酵和烘焙的方法, 倒也是真的, 店家這樣落本, 做出好品質也是值回票價的。

雖然今日係一個好好天的星期一, 但我的飯腳admin妹妹唔閒食lunch, 得我一個唔知出去食什麼. 想想, 都係去樓下的Little Mermaid 買包包食買了2款: 吞拿魚法國麵包 (HKD19) 加東瀛玉子咖哩麵包 (HK16)<<評語>>註: 始終唔係夾岩新鮮出爐, 所以麵包一定無熱辣辣咁好味吞拿魚法國麵包: 麵包外皮已硬了點, 不過入面都尚算煙韌, 吞拿魚醬份量OK, 味道偏淡, 有別其他店那些撈了沙律醬的味道, 唔會那麼假東瀛玉子咖哩麵包: 雖然已凍了, 但外皮很脆亦都算薄, 咬了一啖就食到入面既日本咖哩料, 好香好好味, 咬多兩啖, 就見到隻蛋蛋; 咬開佢, 就見到蛋黃開始流出來, 配上咖哩, 味道好MATCH都係果句, 如果能夠新鮮出爐, 一定更加更加好食

雜誌介紹這兒的麵包是經過24小時發酵，所以想買來試試。北海道牛奶方包：按下去後真的會馬上彈回，富有彈性，很香牛奶味，比一般嘉頓方包好吃得多。如果花得起錢，買來做早餐真的好正！北海道牛奶包：外層少少香口，中間很香忌廉味和牛奶味，十分軟滑，越食越好食！玄米鬆餅：以為鬆餅會很油膩，估不到這個不油不膩，但比較乾身，做下午茶配以Englsih Breakfast Tea都算唔錯！可愛的小龜包：外型可愛，有D唔捨得食，但綠色的脆皮比較甜！價錢：十多元一個，有點兒貴！

佢個介紹係成張A4 紙擺出黎宣傳, 張相影得個包好吸引, 好似重點宣傳咁。點知??麵包係好軟, 可惜d 料唔似佢影個d 相既效果。冇錯, 係有晒佢形容個d: 有雞蛋、有咖哩、有麵包, 不過d 料唔多, 成個組合食落口冇特別, 完全冇以為會有個種震撼感。$19 一個麵包wor, 梗係有d期望架la。而幻想往往同現實......是不相符的~~唔駛試

四月上旬‧陰天行Citysuper的途中，給一陣香味吸引著，是焗香了的Danish味道。見有兩盤Danish，一邊是楓糖，另一邊就是日本黑糖，相信兩邊也好吃，就要了日本黑糖的吧。熱辣辣，好吃，酥皮香，而這個直條的做型，是由一條酥皮光成的，加上日本楓糖的一點點甜，可以說是百吃不厭。十二蚊一條，是貴，但都值得一試。

八月廿二‧晴明天有比賽，晨早起床就要吃了早餐先，所以總要買定一些包點。這裡的麵包貴，但水準高，都有不少的時候來這裡買。吃過很多的款式，最喜歡的就是這一個北海道牛奶包。味道微微甜，滿有牛油香味。吃起來很鬆軟，雖然是有點油膩，但好吃。出爐時令人不能抗拒，但放涼了來吃，一樣好吃。所以通下午買了，周六晚看球賽時已忍不住口吃掉了。如是日般，沒有波睇的日子，一樣會邊打食評，邊幹掉一個。所以一買就要打孖上，哈哈。16蚊一個，絕不便宜，但值得一試。

The drinks cabinet at the bakery were very attractive and a colourful display of fruit juices, the bottle itself was very attractive and looked like a clear cocktail shaker.I chose the Cranberry with pomegranite and blueberry juice.Very clear and ruby red in colour, no residue or fruit pulp in it.It was not too sour or too sweet, but very appetising, the cranberry gives it the sour notes, and the blueberry and pomegranite gives it the sweetness.The best thing about it, is that it dosnt taste art

上星期六上日文前去買面包當晚餐.見到店員剛把一籃新鮮出爐的牛油提子面包端出來, 即刻夾了一個, 真係好熱呀, 放在袋裡都怕佢有水蒸氣, 把面包弄濕, 所以一路都好小心翼翼.個包的密度好高(一貫little mermaid面包的特點), 好綿密. 包中心呈少許中空, 滲出一陣陣牛油味. 唔知點解, 愈食愈覺得似食緊牛脷酥, 無論係質感同味道都好似.雖然知道用料係高quality, 但我又覺得都係so-so而已, 唔知係唔係以前一直看食評, 對佢over expection呢?

每次行時代廣場,最後一定要去citysuper買零食,這次也不例外,一落到UG就見到little mermaid擺在外面的推車promote緊楓糖丹麥條,我見到楓糖兩個字便再也無法克制自己的食欲...一拿到受便迫不及待得一口咬落去,口感鬆鬆軟軟,但又很有咬口,表現已經不俗,更重要的是,外層的楓糖甜得恰到好處,不膩,亦不粘,因為內層的麵包本身味道淡淡,每一啖都能感覺到不同味道清楚的層次,實在好好味

等朋友期間非常買了這間店經常promote（放在open area的）的丹麥條：五啖就吃完，味道還可以，鬆鬆地的，會咬到ｄ吵糖，口感幾特別，可以一試，但比較貴！(其實全部東西也是)

想試呢間野好耐, 不過太貴呢次終於的起心肝, 買左個媽咪鍾意既番薯味既包食落其實好普通, 就只係加左d番薯粒響面不過d番薯就真係非常之甜, 又鬆化算係幾好食的, 不過16蚊唔太抵囉...個人而言就鍾意食有番薯蓉既包多點

吃了小美人魚這許久都未寫過, 又寫下先:在本地的日式麵包店之中, 它算是比較高檔的了, 不過也是比較出色的。朱古力冬甩 - 迷你版心太軟, 最喜歡在口中一咬朱古力漿一湧而出的甜美感覺! 3 穀包 - 有芝麻合桃等等, 幾好咬感, 夠哂營養, 不過小小半個賣 $16 有點貴。全麥包 - 法包質感的麥包, 沒啥特別。玄米鬆餅 - 無論外形質感以至味道都像麥記的煙肉/豬柳漢堡個包, 不過多了點麥的香味 (不是米味嗎?), 以後可以自製健康版豬柳漢堡了。其實我見到大家拍的蕃薯包, 牛油薄餅呀等等都像很好吃的樣子, 但我怕肥呀怎麼辦?