Little Seoul

營業中

休息中

食物有水準：食物都能夠做出一般香港韓式餐廳的水準。服務友善：服務員都係韓國人，雖然唔太識講廣東話，但溝通時非常有善，不時都會關心客人有咩需要，亦會問客人食物的意見。例如問有冇紙巾時亦會殷勤的遞上。

馬灣落船後，直行見到一間十分精緻干淨的小店，吸引了朋友和我入內一試。原味炸雞、酸辣炸雞雞肉金黃酥脆，鮮嫩多汁，好鬼正。忍唔住叫多份酸辣炸雞。牛肉鍋天寒地凍飲熱湯，啖啖牛肉，配合鍋內蔬菜，十分舒服。牛肉同湯汁都好美味，值得推薦。辣炒年糕年糕煮到岩岩好，好軟，唔算辣，帶有一絲甜味，食落胃口大增。呢間餐廳環境十分舒服，食物高質。一路慢慢食一路傾，完全唔會有任何催促，十分滿意。難得有間好餐廳，期待下次再來試下。

今日同阿女去食晏走到去碼頭附近的Little Korean,叫咗一客炸雞，可以配兩款口味，我哋叫咗芝士味同埋原味，大概等咗10分鐘左右，香噴噴嘅炸雞呢就在我們眼前芝士味好甜，我個女就好鍾意啦，我比較喜歡食原味，咬開淡淡汁好Juicy，因為我對食雞都有啲要求，呢度嘅炸雞配埋紅色嘅醬蘿蔔味道就啱啱好，你唔會覺得好油膩。另外我哋想食麵，叫左個辣牛肉湯麵,湯底好香又唔係好辣，其實個麵係烏冬嚟嘅，唔係好多地方有韓式烏冬。裏面就有好多菜同埋冬菇。阿女叫左忌廉牛肉湯麵好滑好清新，而我上次去食過海鮮烏冬，大家都可以去試吓。而且因為係家庭式嘅關係，佢哋嘅小菜食完都可以再添我就最鍾意食佢嘅鵪鶉蛋、韓式餃子、同埋醬蘿蔔。呢一度小島嘅人情味加埋家庭式嘅料理感覺真係好親切。

這家店開了多年，地點靠近碼頭，方便。但體驗的水准不穩定，經營團隊感覺也換過多次。以韓國炸雞來說，一份約兩百港元，比較貴了。而且質量不穩定，以原味炸雞來說，前後點過三次，一次很好，一次過得去，最近一次糟糕，失望。顯示食物的品質管控缺乏水准。不佳的出品，也可以過得了自己這一關。打電話叫外賣的體驗也不大好。最近一次講著電話，服務員竟然就掛掉了電話。馬灣的韓國餐廳，還是村屋的Foodbox不錯。水准比較穩定，而且電話叫外賣，體驗很好，熱情禮貌。

多次到訪這家韓國餐廳，服務周到，老闆親切熱情。芝士和BBQ炸雞外酥內嫩，肉汁豐富，味道極佳。石頭鍋飯美味可口，米飯香脆入味，食材新鮮，每道菜都充滿韓式風味，值得推薦！

已經不知道自己來了多少次，每次和家人一起來 老闆總是以微笑和美食款待我們！ 滿滿的正能量和愉快的情緒價值！ 炸雞 烏冬 年糕 每樣都體現出廚師的用心！誠心推薦大家一定來試試！

試完一次又一次！驚喜隱世炸雞！Gdgdgd! 大家黎馬灣時值得一試！ 店主，店員都親切有禮！ 香港難得有心食店價錢合理用心製作！是次買外帶到沙灘吃邊食好西邊欣賞風景！

🎈 建議場合：#即興食飯 #暢談食飯 👤 建議人數：2-4人（最多可容納4人檯）💸 人均消費：$100-200【2個人食咗啲咩？】- 韓式牛肉大醬湯 $105 （+$5 芝士）- 韓式辣牛肉烏冬 $128⭐⭐⭐⭐「和善韓國老闆娘 家一般的小店」尼間位於馬灣嘅韓國菜小店好chill、好warm，老闆娘同店員都好和善，好好人～ 裝修到好似到左屋企食飯咁。前菜任添，有泡菜、牛蒡同埋炸餃子，泡菜同牛蒡都幾正宗，但炸餃子就凍左同淋左，個皮比較韌。大醬湯味道正宗，入面好足料，個餐包埋飯，包你食到飽！辣牛肉烏冬係好食嘅，不過個湯底應該係公仔麵個啲湯底，牛肉就係啲火鍋牛肉片，烏冬好彈牙好好味～  個湯夠辣，除左牛肉之外啲料都好足，有金針菇，椰菜，洋蔥同大蔥。但係如果個價錢可以低翻少少就完美啦！📍 Little Seoul馬灣珀麗灣碼頭地下P1號舖

朋友推介下，放假專成入馬灣試食👍🏼葵芳坐巴士、碼頭總站落，行1分鐘就到很方便。店內環境十分舒適簡潔，望到海邊，即時有去旅行搵到好嘢食嘅感覺，職員親切友善，有一份住家人情味。點了鮑魚牛骨湯飯，湯望落好清，入口好夠味，牛骨肉厚身又腍，我哋連個湯都飲晒，值得一試再試🥰。半半炸雞(咖喱蜜糖、芝士)要等15至20分鐘，但皮脆肉滑。炒牛肉年糕，正常水準。愉快的假期午餐。必會再去幫襯，試吓其他食物。😇😇

韓國野本身前菜係可以任添，但出面好多餐廳都唔會再添比你，今次嚟到馬灣呢間韓國菜，staff問咗我地好多次要唔要添，我哋都添咗3-4次，而且仲要係好食嘅前菜！有kimchi、辣蘿蔔同炸紫菜卷。蘿蔔雖然好辣，但都好好食好爽口，炸紫菜卷入面係蛋同埋一啲爽口嘅配料，可能係蘿蔔嚟我叫咗個大醬豆腐湯，入面好多配料，豆腐、菜、肉，肉醃到入晒味，每啖都好豐富，然後成個湯辣辣地又夠香，配埋白飯好好食！價錢方面，唔算話好平，但一個飯百幾蚊嚟講，佢都算好好食，而且裝修上有心思，木枱木椅都幾靚，然後店內夠空間，食得好舒服～

馬灣嘅Little Seoul蜂蜜炸雞同埋咖喱味炸雞真係好好食！兩款炸雞都係即炸，肉質鮮嫩多汁，味道又好，好夠味。而且份量好多，夠兩個人share，真係好抵食🐔🍗除咗食物好味，老闆娘仲好好人，會得閒過嚟吹兩句水，好有人情味。整個用餐體驗都好舒服，好似係喺朋友嘅屋企食嘢咁。如果你係炸雞控，真係要黎試下Little Seoul嘅蜂蜜炸雞同埋咖喱味炸雞，絕對唔會失望！👍

平日時間下午去到，諗住叫餐，最後店員話因為叫唔切貨，無午餐叫，變左要散叫，但散叫有時有d 都話無😵‍💫😵‍💫雖然果下有d 想走。。。不過最後覺得算啦，唯有再改叫其他～雖然唔平，不過佢ge 食物質素及味道都好味，都值返～有時覺得最緊要好味，比都比得有價值d 😀.忌廉牛肉烏冬 $128好味度：⭐️⭐️⭐️⭐️忌廉的醬汁配烏冬，好夾好香滑😋😋好有食緊卡邦尼ge feel😁😋.配菜～.牛骨湯配飯 $148好味度：⭐️⭐️⭐️⭐️牛的份量都多，而且好好飲，牛骨湯味濃郁，加上配落石鍋到，熱辣辣好正😋😋👍🏻.雙拼炸雞。。蒜香+甜辣 $215好味度：⭐️⭐️⭐️.醃蘿蔔，都幾開胃😋😀

平時好小寫食評，今次入來玩一晚，路過見到入去試試，因為2個人只叫了炸雞和牛肉粉絲，原味炸雞入味，雞肉唔乾，辣雞我覺得太辣，下次要試食芝空雞，整體來說直得一贊，服務員好親切！

🍱 Ordered this $88 lunch set. It has Korean Tteokbokki, a small korean roll, a small starter (either seaweed spring roll or a piece of fried chicken) as well as a drink. The food is made to order so it was quite fresh. The portion size is ok for a female. perhaps not enough for a grown man but otherwise it is a good deal. 🙌🏻Support the small shop and help them survive the pandemic

在馬灣這個小島上，沒有很多食肆，選擇很少。我們見這間小店近碼頭，諗住不妨一試，怎料有點貼錢買難受的感覺！這間小店雖然食物種類很多，但是食物質素只是一般罷了！最令人印象難忘的就是，它的服務態度好差！職員落單好馬虎，沒有寫在紙上或自己記錄下來，同時，落完單之後又不會覆核食客的order……….所以，就攪到落錯單！最諷刺是他們的職員自己落錯單後，死口唔認，不斷話自己冇錯，他們只是說張單寫了咁多樣嘢，食客自己要負責番！問題係張單不是食客自己打落去的啊！是你們自己職員打落去的！真係攪到成肚氣！已BLACKLIST 了這店，永遠不會再光顧。