Lucy Coffee N Food (已結業)

上網見過好多人介紹呢一間，所以嗰日做完瑜伽就專登去咗長沙灣，就係為咗食呢一度嘅蛋糕！🍰🍰俾咗心理準備自己要排隊，不過估唔到竟然下一張就已經到我地，所以大概等咗10分鐘就入到去啦！（唔想排隊嘅都可以過嚟買外賣。一路食嘅時候都見到有唔少人都專程嚟到買🤤🤤）留意番呢度堂食係有最低消費㗎（$80）！我哋總共帶咗三件蛋糕同一杯水果茶！我哋叫咗焙茶卷，Tiramisu同埋無花果杏仁撻。全部都好好食！無花果杏仁撻係幾驚喜，冇食過呢一種配搭，一開始都擔心唔會太好食，估唔到杏仁撻嘅味道可以襯出無花果出黎！😋😋一定會再嚟過！下次要試埋其他嘅蛋糕先！

在附近找找coffee shop,看到這間細細間好特別，便入去試試，雖然沒有什麼服務但不是差，食物也不錯，已經第二次來，服務感覺比上一次好。今次叫了呢個鹽x牛油蛋糕+latte 蛋糕看似無咩特別，但食落又另一番風味，而且有整熱，很香口Latte 當然比出面好飲值得一試再試，一個人悶悶地想飲咖啡也是一個好選擇！

特登走來 長沙灣-保安道，衹因為 💛 精品咖啡和精美糕點，更重要的是，這家 Lucy Coffee N Food 是一間「黃店」～ 身處店內，不時聞到新鮮出爐的蛋糕香，要在保安道內發生，這真是意想不到 ~Menu ~我點的是 Cold Brew & Rum 酒提子半熟芝士蛋糕 ~Cold Brew 冷萃咖啡 : 入口微帶清酸 , 口感滑順 , 後帶有少少 nutty, 同時亦不失 fruity 的餘韻 , 味道踏實 , 有活力且有深度 , 叫人回味無窮 , 堅料 ~Rum 酒提子半熟芝士蛋糕 : 蛋糕的口感細滑，質感軟綿 , Rum 酒味、芝士味都香濃，而且味道頗 balance 的 , 超好吃 , two thumbs up ~設有最低消費 : 每人最低消費 $80 ~真係要講句，咖啡靚 ! 蛋糕正 !Lucy Coffee & Food長沙灣保安道55號美寧中心C座地下C1號舖本篇完 ~

今日黎倒長沙灣既lucy coffee&food舖頭細細地 得三張枱～去到既時候最想試同最出名既半熟芝士蛋糕同綠茶卷已經無曬啦~排隊既途中連柚子撻同北海道十勝芝士卷都無埋😅所以即刻叫店員幫我地留番件綠茶芝士凍餅同檸檬撻~ 好彩留定 因為我地都要左最後一件綠茶芝士凍餅😂綠茶紫米芝士凍餅 $58綠茶味勁濃勁rich 有d紫米係中間有d咬口 好好味檸檬撻 $52檸檬撻個樣好靚 除左檸檬仲好似有d熱情果味道酸酸甜甜 撻皮牛油味亦夠香24mths Jamon Iberico de Cebo w/ homemade Seaweed butter sourdough $108賣相勁靚 仲有好多火箭菜同有d無花果同芝士iberian ham好香夠油 夾埋所有嘢一齊食 味道好豐富😋Cold brew 咖啡帶微酸而且好濃 大大舊冰 夏天飲夠冰涼 好爽阿~下次一定要食倒半熟芝士蛋糕！

想吃這間良心小店很久了 (以年來計算) 終於有時間可以stop by😛本身的座位已經極少 係限聚令下只能夠容納到三枱 總共六位客人 見到有不少人都會選擇外帶蛋糕當日供應的甜品都已經寫在收銀處的玻璃窗上 整體甜品質素的確相當高質 很喜歡呢😍但要有心理準備排隊🙆🏻‍♀️.🔖 注意 每人有最低消費$80.🔸咖啡半熟芝士蛋糕 $58🔸近期十分流行的burnt cheesecake 終於第一次試了！實在太幸運了 第一次就食到好味的burnt cheesecake🤤喜歡濃濃的咖啡味道 更喜歡中間流心的部分 超creamy 滑到不得了！.🔸特濃雞蛋焦糖布丁 $45🔸雞蛋布丁質感綿滑🍮 口感味道不錯 焦糖味都濃郁但又未至於超級impressive🤣.🔸伯爵茶可可 $58🔸本來有點擔心會太甜 但竟然一點也不甜飲落除左有香濃嘅朱古力之外 仲滲有淡淡伯爵茶香 好有驚喜❗️不甜亦不苦 很不錯👍🏻 但定價真的略高🤭

📌 Lucy Coffee & Food~長沙灣留意左呢間長沙灣小店好耐🤩位置唔係特別就腳 所以遲遲都未去店舖嘅設計同陳設好有vintage嘅感覺🎞店內懷舊點播機同唱碟加上木椅令整體風格較似美國復古風📽木系傢俬亦帶來溫馨嘅感覺( ´▽｀)而且有塊好大嘅玻璃 環境光猛舒服☀️小店係得一張大枱兩張細枱疫情關係下每枱只係可以坐兩個人～所以等候時間會比較長 我嗰日都等咗大概一個鐘🌚雖然係小店 但係人流超級多🤭不過環境真係幾chill 可以好放鬆咁食下甜品🤤食物方面有鹹式同甜品 仲有純素嘅選擇仲可以預訂蛋糕 甜品嘅選擇都幾多👍🏻每日嘅甜品都唔同 可以留意番佢哋IG @lucycoffeenfood 留意番每人最低消費係$80 ‼️而且限時75分鐘 唔太適合同朋友喺度傾好耐計聽聞呢間店員都甚有個性 只不過嗰日我覺得佢哋反而幾nice😂1️⃣ 棉花糖提子撻 $𝟲𝟬 (𝟳/𝟭𝟬)呢度嘅甜品全部都唔係特別平 但係幾精緻😆本身睇IG覺得呢款甜品好靚就叫咗但係上枱嘅時候又覺得同相有啲出入😅提子冇想像中咁新鮮同大粒😕不過自家製嘅杏仁撻皮好出色 好有杏仁香😋而且好脆身

第一次去，亦唔會再去。可能我去得唔係時候，13:00去到，舖入面冇人，兩位店員忙緊整蛋榚。一入到去，店員零反應，我企係cashier想落單，周圍望睇下餐牌係邊，但望咗一陣都唔見有餐牌。店員見我周圍望就問我係咪第一次黎？我話係呀，佢哦咗一聲就算⋯ 然後繼續做佢自己嘅野，我有d懷疑我落單係咪阻住佢？食物質素幾好，叫咗個貝殼粉沙津。但店員態度好差。其實唔需要咁串嘅。見網上有推介呢間cafe先黎試，試過就算了。

好耐無出去坐係餐廳慢慢嘆了早兩日終於同朋友出去cafe聚下真係好舒服💜咁悠閒咁chill既感覺真係好懷念💜一人一件餅咁就傾咗成個下晝☺☺如果日日都可以咁就好喇💜因為係中午去+堂食低消限制(每人HKD80)所以我地點咗兩件cakes同一個包🍰🍰🍞！－☕咖啡半熟芝士蛋糕＄58:店內主打💙！芝士蛋糕很香很軟很滑，咖啡味十分濃郁，外層焗起金黃焦香，整件甜度完美恰好，融一口在嘴裡享受那味道與質感，就是幸福💙。－🍋檸檬戚風蛋糕＄58:又一件高人氣甜食💛！檸檬味道天然，蛋糕體綿密鬆軟，最上層有檸檬糖霜碎，酸酸甜甜很是開胃，吃一口軟軟的很舒服，再細意感受檸檬的清新，再次幸福💛。－🍳車打芝士炒蛋酸種包＄88:這比較普通～可能我拍照放太耐抖涼了😂炒蛋很嫩很滑，黑松露味突出，不錯很好吃。熱辣辣吃很滋味，但麵包口感我個人覺得還是偏硬(可能係我自己個人口味問題?🤣)，而且很乾😶，一般吧～

rum酒提子半熟芝士蛋糕 ($58)入口酒味超濃郁，仲食到幾粒提子，好足料！口感柔軟濕潤，好似食雪糕咁幼滑輕盈，好鍾意佢呢個質感，但個人就覺得酒味太重，蓋過咗芝士嘅味道！特濃雞蛋焦糖布丁 ($45)質感都幾滑同有彈性，入口食到好多雲呢拿籽，但唔係入口即溶，感覺上差咁啲濃郁嘅奶香。伯爵茶可可 ($58)香濃朱古力味中散發出淡淡伯爵茶嘅幽香，兩者好match！口感順滑，味道有層次，鍾意佢無甜味但又唔會苦，味道唔錯！

#💛 #灰到長沙灣 #灰到食甜品 #灰到食蛋糕五年前(?)去過一次荃灣店，仲記得啲甜品好好食😋環境寬敞舒服😚今次第一次去長沙灣店，見到店舖空間較細，有啲掛住舊店🤧(不過舊舖的確係有啲隔涉😂)-🔻咖啡半熟芝士蛋糕 $58一直好想整呢種但整唔到🙊蛋糕外圍唔會好似一般燒芝士蛋糕咁實，芝士味相對突出。蛋糕接近一半都係軟心，口感軟滑順口😍咖啡香會比外層突出許多~▪🔻柚子撻 $58撻底都好易切開，同一般普通曲奇餅底唔同，好似係用堅果類整(?)，口感比較脆，而且有果仁香😚柚子餡酸而清新，係想像到嘅味道~-👅食後感：幾鍾意個芝士蛋糕，不過再平啲就好了🤧-👀個人喜愛度：7.5/10-🚩Lucy Coffee & Food長沙灣保安道55號美寧中心C座地下C1號舖-#美食 #香港美食 #hk #hkfood #foodie #hkfoodie #甜品 #dessert #yuzu #柚子 #柚子撻 #燒芝士蛋糕 #芝士蛋糕 #香港 #咖啡 #basqueburntcheesecake #coffee #coffeeflavour

呢家Cafe已經黎過3次，好鍾意食佢地既蛋糕，所以間唔中都會再黎～一間cafe 如果有塊落地大玻璃，有溫暖既陽光滲入黎，環境分數絕對大大地加分佢地d蛋糕件件都好精緻好靚，我個人會比較喜歡去這類型cafe飲咖啡食cake, 多於去酒店high tea~而我最愛就是他們家既咖啡芝士半熟蛋糕，簡直是一試愛上，食過番尋味，要再返黎食而我先生就比較喜歡佢地既綠茶磅蛋糕，甜度剛剛好，帶點淡淡既綠茶香味，不會覺得漏雖然食物同環境都很好，但價錢有點貴，店主同員工既服務態度都很一般，沒有笑容，也不太有禮貌，但雖然是這樣，我仍然會再來的，因為被他們用心打造既蛋糕吸引著，哈哈

長沙灣Lucy coffee n food 假日最好揾個地方坐低同朋友傾下計，今次呢間cafe用餐時間75分鐘，岩曬都市人係繁忙的空隙中chill chill同放空，食物質素尚可！💛抹茶芝士蛋糕（$ 62）評分：7.0 / 10蛋糕質感頗實正，蛋糕甜度適中，抹茶味濃郁，夾埋中間既紫米，入口之後更有口感，但整體予人印象不深刻，寫呢篇食評的時候，我都要努力回想味道，好彩抹茶味濃郁，都叫做幾好食的抹茶芝士蛋糕！💛Rum酒提子半熟芝士蛋糕（$ 62）評分：8.0 / 10口感綿滑， Rum酒香味洋溢，唔會太甜，印象真係好深刻，好味！ 但好似次次d餐單都唔同，無得試呢度d焙茶卷，可惜阿！💛杏仁焦糖薰紅茶 （$58）評分： 5.0 / 10無杏仁味，超淡焦糖紅茶味，像水一樣，be water yeah🤣整體來講，抹茶味道冇咩大驚喜，但rum酒比較出色，但定價貴、份量細🥺🤣地理在區內隔涉，但cafe位於市區，所以由長沙灣出都可接受，行10分鐘到😬地址📍：長沙灣保安道55號美寧中心C座地下C1號舖#長沙灣美食 #hkfoodie @whitemousesharing

去開長沙灣嗰邊 特登揾吓有咩coffee shop☕呢度店仔細細 坐位唔多 裝修帶點懷舊 木枱皮椅唱片同點播機 有啲feel嘅4點幾去到 有啲cake已經賣完🍰最後都揀左兩款◾咖啡半熟芝士蛋糕面頭脆脆地 半熟芝士做得好軟滑 有咖啡香味 不過甜左啲 再重啲咖啡味就更好◽Banana bread超濃嘅香蕉味 另外仲配咗合桃碎 好夾好perfect😍◾Hot flat white◽Hot latte配cake唔鐘意飲咁甜 呢兩款咖啡味道都很不錯

話說我下午3:00想飲杯靚咖啡，喺OpenRice搵到呢間小店，一入到去得嗰100尺，一張大枱一張細枱，入到去1分鐘都冇人，原來有個女仔匿埋咗喺廚房裏面，跟住我哋三個人坐低，想每人叫一杯嘢飲，佢話最低消費要$80！請問你一間小小普通裝修的咖啡店，下午三點烏蠅都冇隻，點解連一杯咖啡嘅生意都唔做，極之有問題，你話晚餐時間我都仲可以接受$80最低消費，我仲要係有一個小朋友，淨係想來飲杯咖啡🤨個態度仲要係想趕客咁！不知所謂！

塊面黑到d客人唔通要睇你面色做人？好奇怪wor又唔係平抵你d客唔返轉頭我見所有客人都好有禮貌店主同waitress就一d基本禮貌同修養都冇都唔知ig上面d好評點出黎