M Kitchen (已結業)

行開荃灣經過荃灣千色滙就入去睇吓有咩好食，行行下就見到一間試業中既餐廳，裝修都幾好環境衛生舒服。之後就過去睇下個餐牌啲野食，種類都幾多。係外面俾我見到個侍應拎住半個芝士倒入芝士溶落個焗飯到。簡直拎我立即衝入去試食。當時又算太好肚餓，而我呢個芝士控對芝士真係超級大愛好。所以我就叫咗個芝士焗薯條同芝士西多士嚟試下，2樣嘢都嚟齊我二話不說就切開個西多士，切開後西多士亦有拉絲效果。果然係好多芝士😍😍另外，芝士薯條上亦鋪滿芝士蓋住成碟薯條，簡直完全滿足晒我呢個芝士控。我下次一定要留肚嚟試下其他芝士焗飯。🤤

前幾天行街路經荃灣千色匯，見到一間新開的餐廳 (M Kitchen)便好奇地走進去看看有否新發現。 餐廳的環境裝飾給人一種清新感覺，座位舒適，燈光充足。我們一共叫了三個餐 (1) 厚切豬扒 (2) 重量級石燒西冷牛扒 (3) 日式醬燒特上厚切饅魚飯150g。值得一讚的是三個餐的賣相都給人一種高級餐廳的感覺(當然不是酒店式的價錢) 材質方面都給客人覺得是特別精挑細選的，配合悉心的烹調，兩個字去形容此晚餐『美味』至於份量方面，意粉的份量多了一點，其他的份量都恰當。 如果要我評分的話，我會給五星星及極力推介給我身邊的朋友分享。

This is a fantastic restaurant if you are looking to experience the local menu of hong kong, since they have added some unique element into the traditional cuisine , I am sure even local resident will find this restaurant appealing. I would definitely recommend this restaurant to anyone who are looking something special. 

今日難得放假就同老公係荃灣行街，行到差唔多食晚飯既時間。咁就周圍睇下有啲咩食啦，俾我發現咗一間裝修以文青為主嘅餐廳，就吸引左我拉老公入去一齊試下。入到店舖見到人數都幾多。心裡面同自己講應該冇入錯地方掛😂過咗一陣野食都開始嚟，上菜好快手。老公今晚太肚餓所以就叫咗個石燒西冷牛扒跟埋飯個份量都大份，睇落有小小住家FEEL，味都比想像中好，牛扒淋身牛味重，正！老公亦讚個牛扒香。石燒西冷牛扒 $118過咗幾分鐘我個餐都嚟咗，我叫咗個皇牌鮮茄焗豬扒飯。我本人通常見到焗豬扒飯都要試試，因為焗豬扒飯整得好唔好食好緊要😂。相都睇到，芝士同鮮茄夠多已經冇得輸，抵讚👍🏻👍🏻👍🏻 整體上成間餐廳嘅裝修同食物都不錯👍🏻可以值得一試😋😋😋皇牌鮮茄焗豬扒飯 $62

同朋友收工經開千色匯，諗住搵一間舒舒服服嘅餐廳食下飯傾吓計，見到有間新開嘅餐廳免+1，見環境都幾舒服就入去試吓啦，入到去個感覺幾舒服，綠油油咁。餐廳入面嘅食物款式有好多，諗咗好耐都唔知揀咩食😂😂最後試咗個流心芝士西多士，好味，一切啲芝士流晒出黎。再叫咗個西冷牛扒，好大塊，叫咗五成熟，真係半生熟架，咬落去有血有肉😋😋😋好過出面一啲五成熟但黎係到七成八成。再叫咗個芝士龍蝦飯，芝士好好味，芝士控必食👍🏻👍🏻食下吹下水咁就個幾兩個鐘，又無趕你走，食完啲侍應仲會問你飲唔飲熱水，細心👍🏻仲有好多嘢想食，但係食唔落啦好飽，三樣嘢埋單都係二百幾蚊，抵👍🏻

非常特别新派餐廳體驗， 每一道菜都以為平平無奇， 但卻喜出望外 點了一碗火腿螺絲粉但黎到竟然上面有魚翅，再配上七彩螺絲粉，生色不少，非常驚喜 茶餐通常都係配上炒蛋，但竟配上西班牙奄列 酸酸甜甜，非常開胃， 另外焗豬扒飯更有專人到來刨上特別芝士片作點綴， 簡直將每一道平凡嘅菜式都帶上光芒 黑松露炒蛋多士， 黑松露絕不吝嗇， 配上脆口嘅多士非常惹味餐廳裝修帶點清新氣色，坐位與坐位之間也不會太擠迫， 店員也非常熱誠， 值得推介

同朋友行過見到餐牌啲野食幾吸引，餐廳裝修幾好就入黎試試，都幾意外驚喜。1）香嫩炸巨髀特濃蕃茄湯飯配熱辣辣脆米：果然巨髀，隻雞髀份量係超級大，真係塊面咁大，雞髀肉質好嫩滑，雞皮好脆，湯飯嘅湯底係另外自己倒落去嘅，個蕃茄湯非常之濃，另外仲有一碗脆米，可以加落去湯飯到一齊煲，或者另外放落啲飯個面到食，加咗脆米之後令到個飯更加有層次而且更加香口。2）香濃芝士焗大啡菇：大啡菇同芝士好夾，大啡菇好juicy，芝士味都好濃，好食推介3）芝士餃子🥟- 餃子咬落好多肉汁，加埋個芝士汁令到餃子味道更加濃。芝士嘅份量都好足夠4）飲品我揀咗藍蝶花雪梨伴愛玉，個味幾清甜，底有愛玉，幾好飲我覺得可以黎試下，晚餐都好多選擇，而且呢間餐廳嘅員工服務態度都唔錯

千色匯最近有間新餐廳，見今晚有時間就同同事去試下，因為早左少少到，所以唔洗點等位😊講下佢環境方面，位置我覺得都幾闊落，空間都好大，坐低都好舒服😌而食物方面，作為芝士迷既我，見到meau上有我最愛既芝士野食，毫不猶豫就嗌左個芝士魚柳飯然後小食就有瑞士汁雞翼同蒜香一口牛🥟野飲方面就叫左經理推介既水果百香茶。先講下主食，因為佢上枱就已經有芝士係面，估唔到佢仲有加熱熔芝士呢part，見到果下已經流哂口水，急不及待想即刻試下，食落口覺得啲芝士好香，個魚柳好脆，連埋飯一齊食成件事好夾。小食：瑞士汁雞翼 - 遜色左少少，因為我中意多啲汁，佢個汁唔係幾夠，不過肉質幾好，煮得夠腍，啲肉一咬就開。蒜香一口牛 - 可能我本身食得濃味，我同事覺得個牛咸左啲，但係我覺得都ok，我仲食埋啲洋蔥絲同蒜香片添飲品：水果百香茶 - 因爲見到佢meau上有好多特色飲品，有選擇困難既我都㨂唔落手，就問下經理推薦邊隻好飲，就叫左呢隻水果茶，果然冇令我失望，飲落好fresh，甜度都岩岩好，如果黎到極力推薦要試下呢個百香水果茶整體黎講，作為一間新餐廳我覺得唔錯，服務都幾好，下次會黎試埋佢個lunch

昨天元旦很過千色匯，發現有新餐廳開張。門面幾靚仔。有種小清新的異國風情。見價位唔錯，入去試試。不要被門口呃咗，轉角入去，其實有好大空間，入面差唔多坐滿咗人。很喜歡這裡的裝潢。而且坐位都好闊落，幾舒服。我去既時間有點尷尬，是五點多，在想食下午茶還是晚餐好？但因為好肚餓，不如等晚餐時段好了。但眼見場內大家食著下午茶餐，好吸引哦~ 有啲款式出面比較少見一啲。同埋下午茶餐的價位都好抵食。下次要黎試個下午茶先。呢度既餐牌設計都好靚。用上TIFFANY BLUE的設計，簡約舒適。菜式款式都好多，但可能還是新開，所以未有好優惠的套餐，期望之後會推出啦。俾大家睇下幾頁餐牌的內容。飲品方面，叫咗個「百香水果茶」HK$22。呢個飲品老公話都值得一讚，不會淡味，好夠濃味，同時真係有生果係入面。唔錯！因為大肚我唔飲得凍嘢，另一杯叫咗蜂蜜柚子茶。HK16~ 比出面個啲會濃味啲足料好多。有啲誠意~ 日式醬燒原條特大厚切鰻魚飯HK$198呢個絕對係同價位入面，我食過咁多餐廳最大條既鰻魚飯！如果細食的朋友，絕對可以兩個人食一條。老公自己一個都食到2/3就覺得好飽了！叫得厚切，等我俾大家望下個橫切面。隨手一切都有咁厚！

環境非常優雅,位置寬躺舒適，有卡位，飲品美味，價錢合理！而且地點非常方便，適合所有情侶用餐、家人、朋友飯聚😊，而且食物份量非常足夠，員工態度非常好！下次會再光顧！

今日特然心血來潮到荃灣搵嘢食。見到依一間新試業，入去捧場一下， 餐廳環境比較休閒和舒服， 有少少陽光透射入來 (感覺歐陸式結合現代設計) 唔好講咁多梗係睇下餐牌先 ，一睇價錢認真唔貴，同餐廳價錢差唔多。 當以為咁大隻雞乸 ，隨街跳的時候，我突然醒咗，有沒咁平呀！！！！心裏面不定忐忑，唔知有冇中伏。由一位小姐姐先遞上， 冰紅豆奶茶，我老媽話佢年代紅豆奶茶普通嘅事四圍有得飲，但係我真係未飲過， 奶茶非常軟滑，再加紅豆甜味，成件事合拍得非常好，大人小朋友都啱 (不過小朋友就唔好飲奶茶咖啡比較好) 都算有驚喜。主菜點咗一份超級牛柳五成熟， 類似普通鐵板燒一樣， 但係佢塊板好似好唔同，哈哈我識鬼咩，開動先，，原來出來件肉未熟得透， 餐廳小姐姐敎你先切好，再用原先鐵板 燒烹佢，真係幾搞鬼，又有得玩有得食， 最重要要幾熟或幾香口都係我話事，一個正。

It was such a great experiences to have dinner with my family on a Friday night!The services was excellent and food were fine!We want to try new things as we always dine in Tsuen Wan area but although there are many choices there aren't something quite the same as wecan select in the district.The interior design is great as its give us a warm and relax vibeThe servers are all very pleasant and take us to the round table with comfortable seat area once we are at the entranceAs my whole family are

同朋友行荃灣千色，見到有新野開就膽粗粗入去試下，入到去個格局舒服，空間感足，之後order左湯飯，芝士雞批飯，黑松露多士，同芝士薯條，真心正！特別要講下個個熱溶芝士飯，真心估佢唔到，做到好似喺給酒店食飯咁😂😂😂😂會有個人走埋你在你面萠前切啲熱溶芝士落兜芝士飯到，一百蚊唔洗都有啲咁既service,你都咪話唔過癮😂😂😂，另外叫左幾杯野飲，都不錯，但絕對唔夠個熱溶芝士飯咁吸引😂😂價錢貴過一般茶記少少，但有啲咁既service都好surprise下😆😆 老老實實會回頭再吃！

新開業就試試，環境都幾寬敞舒適，食物質素不錯，價錢一點也不貴，幾十蚊有交易，性價比超高👍👍👍👍芝士食品還有特色專人拉芝士，芝士控必試😍😍😍😍 驚喜之作😬

午餐。點了蕃茄濃湯豬扒飯。朋友點了豬扒炒蛋芝士公仔麵。豬扒太乾太柴，比較淡口。蕃茄濃湯還可以，湯放煲內，感覺高級一點。也鍋上點火，能保持溫度朋友的芝士公仔麵很乾而且是芝士粉味道的芝士。朋友餐飲點了熱豬古力，但催了两次，吃完飯麵也未到。。。