M Zone 親和藝術 (已結業)

相約左朋友係尖沙咀漆咸圍搵食， 貪呢圖方便泊車同餐廳都集中係呢幾條街到 我地果日就試下M Zone 親和藝術因為見門口都不錯，就要對正我地個車位（笑） 入面種類大多係西式，有扒類、意粉、burger 野飲我地試下綠茶拿鐵同埋青瓜soda，味道不過不失，起碼夠哂大杯 美國安格斯精選肉眼扒 ($248) 首先到既係牛扒，肉質尚嫩又唔會好乾身 而且配菜有埋薯條～咁就唔係另外再叫小食 蜜糖雞翼($88) 不得不說好細心地將雞翼分左一半為單骨 令到大家更易去食，非常貼心，而且雞翼仲有小小燶邊我最愛！ 法式焗羊架($208) 而羊架都有三舊，擺盤尚算OK 食落去肉質幾嫩，汁都帶出到羊架鮮味 下面仲有薯蓉係底又夠creamy，食完咁多道菜so far都好飽的臨離開時剛有好多人入黎飲野，原來夜晚就變成一間酒吧！ 下次經過呢到附近都可以黎同朋友傾下計，唔洗去其他街同人迫啦

Mzone親和藝術前排同爸爸去尖沙咀shopping ，為冬天作好準備😛，之後我地行到餓餓地，要搵野食差電啦，見到呢間好似幾靚咁，就俾個機會你入去試試啦。我地叫左🥫蕃茄雞扒意粉$98，🍝蕃茄味尚算濃郁，分量唔算太大碟，雞扒略為有點細，煎得唔夠juice又吾夠香口，麻麻地。Burger🍔 原本想叫牛，點知無牛，後來想叫豬，無豬，結果叫左雞，略嫌洋蔥切得太厚，好辣，影響咗成個味，建議用返紫洋蔥，切返薄小小，薯條味道ok，但等左咁耐結果薯條都吾係熱辣辣即炸，有小小失望。最後甜品 叫左草莓🍓pancake，🥞有三層，得面同低係有大層cream，中間個層無，而且好難食，我地一致認為擺左好耐，好硬，一啲都吾鬆軟，好失望。以前小妹做廚師時，師父教過一句說話，你整啲野俾客人食之前，要諗過如果係你自己食，你會吾會想食，入吾入到你口？飲品都平平無其，吾推薦，小伏餐廳。🤢咁耐以來，我真係好小餐廳會俾到味道一星。-地址: M Zone 親和藝術 (尖沙咀)尖沙咀漆咸圍9-11號若璠閣地下-最高為（5/5）味道⭐價錢⭐⭐環境⭐⭐⭐⭐服務⭐⭐⭐⭐推薦星數⭐⭐

繼續補記早前在尖沙咀一頓「炸彈 (喜帖) 聚會」，餐廳名為 親和藝術。   根據 social media 介紹，這裡是間支持聾人就業、用心推戶傷健共融的家庭式小社企 Cafe，但店內竟然還有啤酒妹，感覺更似一間酒吧？不過就多了一些文青掛飾，又有「愛」的燈飾，倒也符合當晚的派帖主題。來之前吃了下午茶打底，可以放肆點了杯 Nothing $78：菠蘿汁、椰子酒、Vodka 等的組合十分甜美易入口，讓人很易忘記酒精的存在，女生們要小心這款恍若無物的 cocktail！   吃完下午茶肚子並不餓，更傾向清爽健康的沙律；先來的 溫泉蛋牛油果沙律配厚多士 $108 除了醬汁有點太甜、牛油果不明顯，多士只用厚白方包也欠了一點誠意，還有不少改進空間。   另一份 香草雞扒沙律 $98 反而更加穩打穩紮，更令人覺得這裡不是一間 Cafe 而是酒吧餐廳。   男士們早已開始啤酒杯碰杯，接下來的 小食拼盤 $148 內容包括蜜糖雞翼、炸雞粒（當晚改成炸雞槌）、炸魚手指及炸薯條，全是新鮮炸起、香口熱辣，正是一流的送酒美食。主食點了兩款意粉，想不到這裡的 卡邦尼意粉 $98 每條意粉都掛上濃郁醬汁，又

係尖沙咀超級方便一行就係尖東其實有好多細細間嘅餐廳大家都唔知道呢間就係其中一間佢哋嘅西餐好好食我試咗吐士加上英國早餐每一份都係大大件勁抵食佢哋嘅餐廳裝修亦都好靚好有藝術感我好推介大家可以去一去又有電視又有好聽嘅音樂同朋友星期五或者得閒一邊傾吓計一邊食吓野真係好唔錯㗎再加上佢哋嘅價錢亦都係適中係合理嘅希望大家繼續支持本地小店俾多啲讚賞佢哋啦

恭喜賀喜好友草草小姐要結婚喇！我們一象眾好友在上星期相約會面，接過她甜蜜愛的炸彈看見那份心思，是我收過最感動又最用心的囍帖！ 準新娘選了位於尖沙咀的M Zone 親和藝術是間家庭式小社企，推崇傷健共融並支持聾人就業的餐廳挺有意思，而餐廳則供應有自家烘焙手沖即磨咖啡、All Day Breakfast、沙律、意粉、三文治、蛋糕等美食。 先來一杯Fresh Lime Green Tea＄78飲住等齊好友才開餐！可以選少甜這點很貼心，幽幽的 茶味配鮮青檸檬喝下挺舒心。 人齊後各自點下心水食物不消一會便有得吃了！先來份量不少香草雞扒沙律＄98，香草雞扒烹得很香口感亦不柴，沙律菜夠鮮爽配甜美的黑醋汁很醒胃。 男仕們喜歡啤一啤點來一客小食拼盤＄148給他們佐酒！內有蜜糖雞翼、炸雞粒(沒貨下改為炸雞槌)、炸魚手指各4件和一籃子炸薯條，炸物弄得不油膩亦沒太乾身還不錯但沒多驚喜吧！  接下來的溫泉蛋牛油果沙律配厚多士＄108賣相挺吸引，大量沙律放於厚多士上再加一隻溫泉蛋，這組合基本沒投訴但價位如可親民點便更佳！  主食點來兩款意粉有經典的卡邦尼意粉＄98，吃了一口意粉記憶中口感不錯

親和藝術♡共融Cafe & Bar店主透過自己同屋企人既經歷，建立左哩間familation餐廳，希望每一個到餐廳既人都感受到愛同溫暖感❤ 店主亦好有心，聘請左一啲弱聽及聾啞人士作為員工，幫助佢地融入社會😇 咁有意義既餐廳，絕對值得嚟支持下👍👍-☆ 芝士手打牛肉煙肉漢堡 HKD$88漢堡超級大個🙀 要切開幾份先可以拎到嚟食，牛肉食得出係優質手打，好有牛肉味🐮 一定贏大型連鎖店幾條街，個人很喜歡💕-☆ 溫泉蛋肉醬意粉 HKD$98肉醬意粉係偏向蕃茄口味，酸中帶甜，配上流心既溫泉蛋撈埋一齊食，更多添一份蛋香味，不錯的👍-人愈大愈少時間陪屋企人，特別同父母既相處時間係逐漸倒數緊，所以我地平時多啲同佢地傾下計，有時間同佢地去個旅行，keep住哩份一輩子都唔會變既愛💕

一家人經歷過的故事帶給別人來到這間餐廳會份外感動 它的名字叫M Zone先點了個小食拼盤 ($148)有蜜糖雞翼 炸雞粒 炸魚手指 同薯條熱氣得黎 好豐富呀😋另外叫咗個龍蝦汁帶子蟹肉意粉 ($128)帶子大隻且彈牙 略嫌龍蝦汁較淡味美國安格斯精選牛肉眼扒 ($248)肉質鮮嫩 入口多汁 肉味豐厚👍🏻👍🏻另外叫咗兩杯飲品 ($38/1)分別係蜜瓜梳打同蜜桃梳打😛________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

講真嘅呢一間我一直以為係酒吧嘅餐廳，原來已經變成左一間下午買咖啡夜晚做酒吧嘅餐廳。仲記得好耐之前曾經嚟過夜晚呢真係正式酒吧場地冇乜特別嘢食都係食啲花生個D 現在帶點轉型之後呢嚟咗一種獨特嘅感覺有現在流行嘅霓虹燈牆。中間寫住個愛字。份外特別相信日頭嘅時間影相會更加靚。本身冇乜特別期望嘅我發現呢一度嘅漢堡真係有驚喜。值得推薦自家手打牛肉漢堡，肉結實牛肉味重而且唔會太咸。份量十足，好豐富。佢嘅高度呢仲高過我隻手掌，即要即炸的薯角推薦食辣嗰一種。漢堡內嘅蔬菜好新鮮青瓜蕃茄生菜等等美中不足呢就係嗰包無烘熱。如果烘熱效果更加驚喜。分量來講一個人絕對夠飽有餘。再配上一杯冰凍啤酒供應時間到9:00，同朋友飲杯酒之前都唔使打定底啊！直接喺呢度邊食邊Happy Hour 都very good .

放假同朋友黎到呢間主打親和藝術既餐廳食飯，環境舒服，而且價錢都幾親民食物款式都幾多温泉蛋肉醬意粉($98)肉醬既肉粒幾有咬口👄重茄汁味，仲食到番茄碎，意粉軟硬度ok👌🏻撈埋温泉蛋，食落濕濕地唔怕乾，唔錯👐🏻芝士手打牛肉煙肉漢堡($88)漢堡大大個🍔而且好厚，又足料😸麵包有烘過，所以面頭有少少脆，漢堡肉食得出係手打，口感紮實😋有彈性，而且肉味重👍🏻食落新鮮，配埋煙肉、生菜同蕃茄🍅口感豐富~蜜糖雞翼($88)雞翼外皮都幾脆👅肉質唔會好乾，而且蜜糖都幾多🍯可以沾滿成隻雞翼，香口得黎甜甜地，蜜糖同雞翼係絕配😋士多啤梨熱香餅($68)熱香餅並唔係走空氣感路線💨而係蛋糕質感🍰食落有蛋香味，不過偏乾左少少💁🏻好彩有大量既cream搭救，士多啤梨雖然唔係當造，但可以中和膩感

係香港生活咁繁忙節奏咁快既城市，想搵到一間cafe放鬆下差差電，真係好難得。好多食肆都依靠裝潢去吸引客人入黎，但一入到喱間cafe你會覺得同其他食肆唔同，會有温馨嘅感覺佢以家庭作主題所有配撘都好協調唔會喧賓奪主。所以一入到去會有放鬆嘅感覺，令到平時嘅煩惱一掃而空。今次叫咗白汁挪威三文魚意粉，意粉口感彈牙佈滿白汁及三文魚碎，三文魚食落唔會太乾。有啲舖頭會整到三文魚冇哂水粉會太過乾，但喱到就冇喱個問題。再加上白汁及芝士令到成個意粉好creamy，令意粉口感上有所提升。温泉蛋牛油果沙律口感亦不錯。牛油果沙律味道調配得啱啱好，唔會太酸或太膩食落會有種清新嘅感覺。整體來講店內都好relax最適合俾自己放空下，性價比高，可以感受到慢活嘅感覺!

我覺得依到係一間有故事嘅餐廳,一間共融Cafe&Bar,店主同家人經歷轉化同成長,造就親密連結嘅家庭,佢哋更好係一家人努力之下創立左依間「Familation親和藝術」餐廳。想大家重視愛同人與人之間嘅關係,而且佢哋仲聘請弱聽同聾啞人士,比佢哋一個就業機會,非常有意思。呢度嘅裝修簡單得來有少少田園風,令人有一種relax嘅感覺。叫咗杯榛子咖啡,味道亦正正常常,令我更加吸睛嘅係旁邊嘅一張小字條,寫住I give myself permission to slow down,令我想起我係咪應該放慢腳步,享受慢活人生。呢度除咗係一間cafe之外仲係一間酒吧,我覺得佢哋嘅小食做得相當吾錯,單骨雞翼食嗰陣時就更加方便,炸得香脆得黎又唔會乾。黑松露亦未免太過豪邁,黑松露份量多到好似一個小山丘咁。芝士手打牛肉煙肉漢堡造型都幾驚人,塊手打牛肉漢堡好厚身,一啖無辦法完全咬到成個漢堡。

和幾個朋友約食brunch, 朋友揀左呢個地方。地舖泥講，地方好闊落，一啲都唔嘈，係市區一個休閒小角落！野食有水准，如果點咖啡，會附上隨機抽取嘅英文短句，好有意思。Chicken salad - 雞: 唔咸同好濃香草味。沙津: 同sauce 既matching 剛剛好！

面對山珍海味，每個人都愛不釋手。但往往最想住的其實是最簡單的。一碗午餐肉煎蛋麵，配上茶，感覺既舒服又滿足。視覺上的滿足係必要的，素色的圓碗，淺棕色的湯配上一隻完美的的煎蛋，外邊微脆，蛋白嫩，中間再有一個圓圓的金黃色的蛋黃，像看著太陽。麵的韌度剛好，不太淋，不太軟。還可以偷時間多拍照才吃，也不影響味道。最出色的是午餐肉，沒有跟湯放在一起，煎得脆脆的。一口湯，一口麵，再一口午餐肉。再配上薄荷茶，完全把今天早上的忙碌忘記了，呵。

呢一間餐廳雖然在巷仔入面，但係裝橫非常有特色👍，比人感覺到非常之有愛😊家庭式的經營，親切的店員及老闆😊食物質素亦相當唔錯，最近同人哋只係坐低嗌幾杯嘢嚟飲嘢，每一杯嘢飲外觀靚靚之餘，仲有一啲祝福的說話。你係嗰度無論食飯定飲嘢都可以畀你一種好舒適能夠放低出面煩囂世事嘅一種感覺😊

晚上相約友人，專程挑選了幾間鄰近對方公司的餐廳，朋友二話不說，就被M Zone走精緻路線的風格吸引下單後，等了好一段時間才上菜，可見是手工即製，絕非速食之流，令人期待蕃茄香草雞扒意粉🍅雞扒外皮煎得非常可口，肉質鮮嫩，配上蕃茄洋蔥調味很適合，個人最喜歡😘招牌菜Have a nice day🥗經典All Day Breakfast，英式滋味一應俱全，啱晒同桌人的不同口味燒烤雞翼🍗單骨雞翼，沾上酸甜味道的醬料，口感很清新，開胃小食可惜當晚只顧聊天，完全忘記了為三杯mocktail留影！只怪環境太舒適非常適合收工後，約人放鬆小聚，推薦