M2 Cafe (已結業)

禽晚放工經過sogo後面，見到樓上有閃燈露台，就同朋友上去睇下，一入門口店員就問我食唔食煙，如果食就坐露台，我同個fd好開心，因為我兩個都係煙民，自從禁煙後每次食飯都要諗去邊度食，估唔到係鬧市都有間環境唔錯cafe可以食煙，之前去過幾間樓上cafe都話俾食煙，但係應該唔合法，因為係室內，呢間就唔同，有個露台，可以合法食煙，又唔會影響其他唔食煙人，SO GOOD....講番D食，我同個FD叫兩個SET，味度都唔錯，當然唔可以同大酒店比，但以樓上CAFE講算唔錯，特別一提係飲品，好多選擇，我叫杯沙冰，好有果味，我個FD就飲茫果汁，味度唔錯，聽店員講係用鮮果炸汁，所以味度唔錯。去過呢次後我同我朋友都話一定會再去，因為呢度個露台環境唔錯，價錢又唔係太貴，而且你坐幾耐都冇所謂，唔會有店員白眼你，哈哈(因為本人試過係其他樓上CAFE因為坐得耐而發生唔開心)所以對呢間CAFE更有好感。

I was trying to book the whole venue on the coming Saturday. When i made the phone call, the one who answered said she would call me back to confirm the booking on either that evening or the next day, which she didn't.So I went there trying to pay the deposit the next day. And then I was informed that there are not willing to do the 包場 on Sat. evening.I was and still am totally shocked about the unbelievably poor attitude!Don't they realize that they should actually call me as they had promised

入門口要噤鐘, 有人會出黎開門比你我地去到倒位被安排左o係入門口左手邊好似離物房o既一個閣落不過因為台同chair都矮d, 同埋窄d, 同d fd又坐得close d坐坐o下都幾中意o個個位我飲左桃乳酸, 幾好味入面有魔豆, 好似蟹子錦一咬會爆開, 有d水流出黎o既有個fd飲沙冰, 都話ok不過另外2個fd飲 coffee, 佢地話非常難飲飲左2啖炸

今晚同個朋友去 cafe坐下食下cake....但又唔知銅鑼灣有邊間好...見到呢間咪是但入去囉..點知d野食十分難食...非常非常咸...真係驚會搞到有腎病添...叫個樣就無個樣...問佢地要隻碟...第一個明明應左但都係無俾..咁算啦叫多次...等左好耐先有..埋單又係要等...仲要係唔出去都唔理你..一定唔會再去..同埋會叫d 朋友唔好去....

同個FD想搵個地方坐下~去到~如果有軟既~SOFA就好啦~~叫左2杯野飲同個newyork cheesecake我杯星座朱古力唔錯我個ＦＤ都好似ＯＫ不過～　個cheesecake唔好食....個問題係,, 服務唔好啦~佢地成日嘻嘻哈哈, 叫左好多次都唔黎埋單~呢到都ok多人上黎. 而我地都坐左ok耐~

朋友介紹黎呢間上樓cafe，因為有個大露台(都有成5, 6 張台)可以食煙，實在太好喇，而家真係難搵=.=星期三夜晚八點，都仲有好多位，又實在太好喇，銅鑼灣度度都要等位實在煩。不過九點幾十點又開始多人，都爆場。環境幾好，裝修得幾靚，又乾淨。普通飲品如凍檸茶果d - $28, 鮮炸果汁$33, 花茶好似$38咁上下, 意粉餐大約$58, 包一杯$28 的飲品。價錢合理，我覺得算幾平添，去過好多d 餐都要六七十。朋友叫左焗吞拿魚螺絲粉，我要左燒汁香茅豬扒螺絲粉。都等左大約半個鐘，但樓上cafe 多數都係咁架喇，同埋我地都係旨在有個環境舒服既地方傾下計，等耐少少，可以接受既。個香茅豬扒唔錯，好香口又唔會乾，但係ｄ螺絲粉就好硬同冇味，朋友個焗螺絲粉都係冇乜味，硬左ｄ，但都唔算太難食。招呼都唔錯，雖然全場得一個哥仔，不過佢都幾快手，有禮貌。我飲哂杯果汁，佢仲主動比杯水我，真係好，讚。我地不停咁傾計，坐坐下又叫多個blueburry cheese cake同叫多杯mocha，個cake就麻麻，稍嫌硬，同埋唔夠香。總括黎講都幾好，環境舒服，飲品ok，下次或者試下意粉啦，呢度算係銅鑼灣區想傾計坐得耐既

籌備結婚既時候,攪左個兄弟姊妹會議..都唔知係邊到好,屋企又容納唔到成廿人, 去唱K又怕傾唔到野, 掛住玩, 去餐廳又怕坐唔得耐, 最終都係諗住樓上cafe係最好選擇, 以一間地方都ok寬敞, 而且最好係有露台可以供人食煙的, 岩晒d兄弟啦. 野食價錢都算合理呀.飲品味道我就無乜留意因為都係果d野(唔係果汁就係茶).之後我d 姊妹結婚開會都係以到..ok既

上菜慢,等成大半個鐘先有野食,味道更是不敢恭維, 焗意粉咁基本既野食都煮到咁難食...... 係cafe 黎講佢地都算係無heart gar la... i swear i will never go to this cafe again ....

唔知係我自己黑仔定係時下香港d 餐廳根本冇誠意呢？繼上次遇到harmony cafe 的失控老闆娘後，今次又有奇遇－－係咩？咪就係特登book 左saturday 15:00，上到去竟然落左鐵閘，15:06 都冇人開鋪又冇人打黎通知我囉！好彩樓上有另一間狗狗cafe，否則我約左成八、九個朋友，臨時臨急都唔知去邊度好！講真，有客reserve 左檯，起碼都10 分鐘之前上定去開冷氣、煲水啦！今時今日咁既態度，間野賣幾多廣告都冇用！

6.20 (wed) 飯後長談食完飯，想搵個地方坐低傾偈，其中一個朋友介紹呢間cafe，因為露台可以食煙。其實o個晚已經再冇胃口飲任何野，但有min. charge(唔記得係咪$25)，所以都求其叫杯野。原本想要個人馬座(奇異果+士多啤梨)，但好似好普通，所以叫左杯金牛座（藍梅+益力多沙冰)$33。其實冇咩藍梅味，益力多唔會太甜，overall感覺幾清。一位天秤座o既朋友叫左天秤座(奇異果)，佢話有奇異果肉，都ok。呢間野九點倒係好爆，尤其露台，留心會聽到隔離台講咩，不過我都唔理人地聽唔聽到我講咩。我地１０點倒走就吉左半。多謝兩位好友當晚o既陪伴。