M3 Italian (已結業)

今晚食完嚟間餐廳，食物質素係好難食，我未試過食一間西式餐飲可以咁難食，首先佢個西冷牛扒煎出黎個外表係唔差，只係塊牛扒肉質係好差，食落口個口感好唔掂，街市賣牛扒肉質仲好味過嚟間西式餐飲。 不過個沙拉都幾好味，我都幾中意佢個醬汁。 服務素質，有幾個服務員的服務態度是好好，但係有一個服務員個服務態度好一般，是因為今晚有一枱客都有12個人，講野又大聲，笑又大聲。全場人都係忍住唔出聲食完就走，有一枱情侶就細細聲咁講：好嘈；而我就叫個服務員過黎，同她講可唔可以佢叫地細聲少少；但係個服務員回應返我話：每逢星期四，星期五都係咁嘈；我真係笑左下，個女經理竟然可以咁樣回答我，之後我就算，可惜佢走去廚房的時後，同左個女員工講左啲嘢，之後個女員工就向住我地笑，而我就一直望住佢地兩個人，個女員工知道我望住，就即刻望第二道同即刻唔笑，我就知道個女經理講人事非，所以經過今次之後，我已後都唔會再黎嚟間所謂嘅西式餐廳。 我可以肯定嚟間野好快會執笠，原因係食物質素同服務素質。

又係出動食好嘢時候喇。今次同朋友行完沙田宜家傢私，車埋佢返花園城屋企，跟住佢介紹到附近的M3食西餐。環境普普通通，好似上一袋嘅西餐廳咁，但座位都算寬敞。我叫左一份牛扒，味道唔錯，我叫左七成熟，煮得岩岩好，剛剛熟又唔生，肉都算幾滑。整體嚟講都算OK，我和朋友都食得好滿足。

今日放假去沙田圍探個朋友 ，走嘅時候見到有M3 Italian，之前都喺大圍度食過，幾好食，所以就同老公入咗去食。我哋叫咗肉眼扒，同埋一個pizza，仲加60蚊有餐湯同飲品同甜品㖭!之前喺大圍嗰度食過幾好，嚟到呢度啲肉眼扒都依然係咁juicy，好好味！個pizza係第一次試！好薄好脆！啲巴馬火腿仲好香添! pizza個面仲有好多火箭菜，係我至愛嘅， 同個pizza混埋一齊簡直係一絕，值得推介!下次一定會再嚟，不過都係會去大圍嗰邊，因為比較方便我多啲。 因為除咗今日去探朋友才會去沙田圍，平時其實真係好少會呢一度。

估唔到喺沙田圍啲咁偏僻嘅地方，都會食到咁正宗嘅意大利西餐。原本同阿媽淨係諗住求其食一餐就返屋企，估唔到有驚喜！我哋叫咗香煎三文魚，個侍應話係慢煮嘅，我哋叫咗七成熟，啲肉真係好滑，唔知係咪慢煮嘅關係，啱啱好煮得，剛剛熟又唔生，但係滑得好緊要，我都係第一次食到咁香、咁好味嘅三文魚，啲薯蓉仲好特別，wasabi味，幾特別，味道都唔錯！不過可能個廚師係落得太多嘅關係，我同阿媽都覺得好辣，只係食咗兩啖就冇食啦！不過整體嚟講都好好味。仲有值得推介嘅係杯水果茶，啲生果好新鮮，味道啱啱好，仲唔會太甜。我同阿媽兩個人食到好飽，好滿足！

同朋友揸車經過河畔花園，見到佢有間意大利餐廳，朋友話呢度可以泊車，今日又係星期日，朋友話驚去到新城市好多人，又已經好夜啦！所以就決定，貪方便落車喺呢一度食啦！估唔到喺呢一啲咁偏僻嘅地方，星期日晚都咁多人，好彩唔使等位。食意大利餐當然唔少得牛扒啦！我哋仲叫咗pizza添 ！見雞翼都好吸引，我哋仲叫咗雞翼同埋藍青口。個pizza係薄皮嘅，好脆好薄，我估應該係即叫即做嘅，所以同平時嘅係有唔同嘅，覺得呢好似餅乾咁樣，好香口。至於雞翼就好特別，係切開咗一半嘅，放落口一口一件，食得好方便，而且啲肉汁仲保存得好好。當然唔少得係肉眼扒啦！啲肉眼扒都好淋，好juicy！估唔到係咁偏僻嘅地方都食到好嘅意大利餐，好彩冇去新城市，應該好食過新城市啲西餐好多，價錢仲平啲添！

由於當時臨近聖誕節🎄 餐廳滿佈裝飾 十分有氣氛❤️❤️😍 可是來到太夜 剩下我們這台🙈有前菜🤙🏻餐包 很鬆軟☺️😋中間好像還有香草🌿令人開胃😋😋❤️與友人叫了一個面一個pizza😍意粉份量十足，十分入味🤤👍🏻面條煙’un’😋 帶子鮮甜彈牙，咬落十分有口感😆Pizza滿佈海鮮👍🏻有蝦、尤魚等等。。🤩咬落全部啖啖肉，亦十分入味新鮮👍🏻批底薄脆🤩與外面的pizza好不一樣，令人感覺吃薯片一樣呢😂

要係沙田搵一間唔係連鎖集團經營既西餐唔易，要走列黎河畔搵食，我地本身訂左檯，星期六晚唔算好full..我地叫左薯條餐同意大利飯，意粉，味道不錯。諗著西餐廳慶生朝小小浪漫，但餐廳人多就好嘈。

今日同女朋友約會,緊係要去間好少少架啦咁天氣咁凍都唔想女友食生冷野,所以同佢去食西餐M3室內燈光偏暗,好岩傾計談心,而且位置寬落,坐得好舒服紅白格仔既餐桌布好有田園FEEL女朋友同我都比較大食,所以叫得都多點知好surprise原來消費滿600蚊有鵝肝食!!!!好震驚!一上碟個下o左嘴好大件!!!依個size出邊食至少150up 入口即化之感覺，濃腴無比，細膩滑潤，帶一點淡淡的鵝肝香。口感與上等瑞士巧克力相仿佛，但更加醇厚芳香。香煎鵝肝外脆裏嫩,配上蜜糖燴洋蔥的醬汁好好食!!!沙律係Parma Ham Caser Salad依個相對M3 salad會口感light dd不過依然好食,菜都好fresh次次黎m3我都會叫沙律,好開胃抵食性價比高

今日係爸爸既生日,當然要同佢食餐好既慶祝咁放工後就帶佢黎依間朋友食完讚不絕口既m3其實地理位置算易搵,一出沙田圍站行條tunnel就見提示:有車既沙田圍泊車好方便,樓上就係咁咁岩個日係星期一,有個好抵食既二人餐有哂前菜都甜品都唔超過500!!!餐湯係好creamy既pumpkin soup,入口滑順，散發地瓜清淡甜味,同埋洋蔥既新鮮南瓜富含維生素，兩者結合還可以有效地調高免疫力，預防感冒好有心思一上碟好吸引!件件都好大份羊架肉質柔軟，味道羶香medium熟真係咬落去啖啖汁豐腴的羊架會塗上香草和麵包糠，焗到外脆內Juicy好好味煙肉流心蛋意粉意粉偏幼身,近年好多西餐都傾向用幼身意粉/天使麵口感會相對強d濃濃的芝士味令人又愛又恨,再加隻水波蛋，沒有最邪惡只有更邪惡所有菜式，只要加一隻水波蛋即吸引力大增！

星期日去左沙田影燈飾，影完就去試下好多朋友介紹人氣西餐廳，果然冇黎錯M3 Italian, 晚市1830營業，我們早到星期一至四既dinner set, 價錢同食物高性價比叫左個扒餐，加60有湯同甜品食先黎餐包，後面係油+醋，第1次咁食，唔會好利同濟😋南瓜湯，好香濃，賣相好優雅，而且有少少蓉，好味😋10安士安格斯肉眼配紅酒汁：一放枱，好香丫，而且好大塊同厚身，唔會鞋同銀，某啲位有即溶感覺😘好厚🤤蘋果玉桂蜜，蘋果，玉桂，蜜糖味分明，而且蘋果同玉桂好出，好香😍甜品：巴伐洛娃蛋白餅，食一次食蛋白餅，好新奇，感覺好cream，但唔會好甜同好漏，加上個芒果汁帶出成個生果既味道，好食😋

話說之前遇到d困難 好唔開心 好失望😞😞有位好朋友成日起身邊支持我 鼓勵我 聽我訴苦💪🏻💪🏻事情最終解決左😀而家雨過天晴啦☀️☀️🌈🌈為左報答佢既支持 特意搵左間好食既餐廳 多謝佢🙏🏻餐廳裝修得好靚 燈線好柔和 環境俾人一種放鬆 好舒服既感覺😚座位好闊落 唔會坐到好迫可以倆個人談談心❤️❤️食物選擇方面都多 如果係星期一至四黎仲可以有set揀👍🏻餐包好軟熟 有香草味配上橄欖油及黑醋食 好完美既組合😚😚絕對值得推薦👍🏻👍🏻蘋果味好香 玉桂味不會太濃 但又加上蜜糖的甜 😝😝主菜黎啦👏🏻👏🏻帶子煎得香 帶點牛油味但一點也不韌 值得一讚👍🏻飯煮得好入味 又軟熟🍚一餐飯又點會少得甜品呢呢個甜品即叫即製 雖然等左一陣 但都值得擺設精緻 蛋白餅好鬆化 配合買酸酸甜甜的芒果汁 好好味😋😋

今日放工同男朋友去左沙田圍搵食，行行下又黎返呢間m3🤣呢次仍然冇令我地失望呀🤤呢次試左煙三文魚凱撒沙律，份量好夠！隻溫泉蛋令到成個沙律juicy好多！而且佢d sause份量岩岩好，食每一啖既沙律菜都包住晒d caeser sauce.我哋仲嗌咗個西冷牛扒，佢配埋餐飽同湯。餐包熱辣辣，而且食落幾軟熟，佢中間應該有啲香草喺度，食落同平時出面嗰啲普通餐包唔同。我地叫左個肉眼扒食，5成熟。個扒好冧！d肉好juicy, 而且好夠味！男朋友另外仲叫左杯薄荷朱古力，好香薄荷味，而且朱古力都好濃，但就細杯左少少😖

上次去叉燒大皇食飯，揸車經過見到M3門口茶色玻璃、燈光昏暗充滿情調，網上見到有二人套餐，訂座仲可以儲飛行里數，假期完結又開始忙碌工作，訂好枱同老公放工嘆返餐。二人餐（$498）無論頭盤、主菜都選擇多，我想揀燒雞又想食牛扒，老公一句唔想拆骨，省卻煩惱是日餐湯係甘筍湯，唔算好creamy不過甘筍味濃，餐包烘過後微暖，沾上意大利菜唔少得既黑醋及橄欖油，開始滿足既晚餐凱撒沙律可以揀煙三文魚或巴馬火腿，以為跟餐沙律會每人一碗仔咁上，原來係單叫既份量，沙律菜新鮮爽口唔會有黃邊，火腿油脂豐富越咬越有甘味西冷七成熟燒得剛剛好，焦脆外表粉嫩肉汁，薯菜悉心配搭色彩繽紛黑松露野菌薄餅， 係我偏愛嘅pizza餡料，炒過既野菌去除草青味，適當地配上火箭菜，如果有埋松子仁既鬆脆油香就仲正，最愛薄脆餅底食完半個都唔會滯入座時侍應已主動遞上清水，而且不時添加，不過秋冬乾燥，二人餐唔包飲品，另外叫咗一壼蘋果玉桂蜜（$36）滋潤喉嚨，玉桂有助消化加速新陳代謝，最啱女士們飲用甜品時間有tiramisu同法式焦糖燉蛋，老公話cream cheese夠滑唔會太甜，如果咖啡酒味再濃啲就更好，因為有比較所以覺得焦糖可以再薄啲，但勝

沙田區要搵一間似樣嘅意大利菜真係唔係咁容易，今晚喺河畔一帶搵嘢食，見到呢間M3似曾相識，喺大圍都見過，雖然在轉彎位，但係大大個logo都好搶眼，於是吸引我們兩公婆過去看看！望一望餐牌，再望一望裡面環境，感覺良好於是入去試試，首先侍應安排我哋坐於中間位置，正好環顧整間餐廳，可能係行日，晚飯時間都唔算太多人， 但係不泛年青男女一大夥人開著紅洒，真係與沙田大圍一帶普通食肆感覺很不一樣 面報佈置好有聖誕氣氛，感覺上都係一間可靠嘅steakhouse！於是我們點了一個二人餐。先來了兩個甘筍湯 ，上枱很特別，銀色的碗，銀色的碟，賣相高級甘筍湯夠熱，味道適中，跟上餐包配欖油及醋 ，唔錯呀之後來了凱撒沙律配 Parma Ham，份量十足上面仲鋪上長長嘅芝士條，有水準主菜是炭燒西冷五成熟， 西冷肉質鬆軟，切開還滲透少許血水，表面仲有少少炭燒嘅味道！另一款主菜係黑松露野菌pizza，pizza是薄身脆邊的，特別係有好多火箭菜，黑松露野菌 都好突出！甜品 tiramisu 及焦糖燉蛋tiramisu，表層朱古力粉很平均，味道不算太 甜！焦糖燉蛋，表層焦糖夠脆夠薄，燉蛋火候剛好！呢個價錢二人餐，2人都食得很

今晚去左沙田探朋友，佢帶左我食飯，呢間吾錯，價錢又合理。點了二人餐，加飲品選好少少，滿600有得送生蠔半打。先上了餐湯餐包，餐包可以有醋點我幾喜歡，湯係羅宋湯，吾會咸岩岩好，實在太好了。生蠔先嚟，好新鮮丫，洗好乾淨，都已經有一排冇食生蠔，佢好肥美，不會太咸海水味，是清甜嘅一種好食。前菜有藍青口，或兩款沙律， 提子藍芝士沙律， 凱撒沙律配三文魚or parma ham，我地選了藍青口，好正，份量都好多，成大碟丫，佢嘅 白酒忌廉汁都好正，青口好肥， 係新鮮即煮嘅，同其他餐廳雪藏青口差好遠，佢好味好多。主菜西冷同羊架我選了西冷，而另一主菜就比較多選擇，有燒春雞， 魚柳 ，意粉， risotto 等。我要了pizza。西冷味道吾錯，紅酒燒汁也做得好好，配菜適且，扒都好大份，差點食不完。pizza係黑松露野菌pizza，除了 黑松露野菌外， 仲有菠蘿，腸，芝士等配料， 口感豐富 ，味道可口， 餅底香脆美味，吾錯。甜品有蛋糕，雪糕，燉蛋選擇 ，我要咗雪糕，係芒果雪糕嚟，兩球，仲有 士多啤梨同士多啤梨醬，幾靚，幾好食。