M3 Italian (已結業)

聽朋友推介, 又近近地屋企, 決定黎試下新餐廳~原來openrice有得book位, 非常方便~等左一陣有位了, 入面好full, 眼見都翻到枱, 應該都有好多捧場客~menu 都好多款式選擇, 除了一般沙律, 意粉,扒, 連蠔都有~餐前有餐包附送, 熱熱的, 好好食~之後叫了一個"煙薰北海道帶子沙律" $138, 帶子有3粒, 大大粒好厚肉, 仲有溫泉蛋響面, 加埋至愛黑醋汁, 賣飛佛~再叫多左"意式辣肉腸pizza" $108, 芝本好濃, 批邊好香脆, , 唔錯唔錯~最後order了最愛的Tiramisu為endling $56, 不太甜, 好好味, 大滿足~下次一定會再encore, 叫其他的試下~

我和太太兩口子去咗沙田依間餐廳食晚飯，點咗焗青口，肉眼扒(set)，香芒大蝦沙律，雞翼。每樣食物都很好吃，唯獨美中不足是肉眼扒，熱度稍為不足。至於份量方面亦尚算足夠，性價比略為貴咗少少，埋單用匯豐卡有九折約六百元。

響沙田呢間意大利餐廳食飯, 同事對pizza情有獨鍾，所以要左芝士三文魚PIZZA, 個皮薄薄的, 烘得剛好, 食落非常脆口。三文魚下面有蜜桃墊底，甜甜地, 咁既配搭味道中和一下，唔會太咸。而且份量剛好, 中間芝士好香芝士味,要襯熱食先得，整體不錯。

朋友弄瓦之喜, 響醫院探完佢之後就響附近食飯, 呢頭唔係太熟, 所以都係上openrice睇睇. 唔係太遠有間意大利餐廳, 評價唔錯.要個卡邦尼意粉, 看似普通既意粉, 但唔係度度都整得好食. 呢間既意粉咬落彈牙, 唔會太腍, 有咬口. 個汁唔會太杰, 撈起上黎唔會搞到一PAT野, D汁微微掛響意粉度, 濕濕地唔會太乾, 味道夠晒creamy.另外對呢度既甜品好有興趣, 款款都有特式, 所以要左個Pavlova蛋白餅. 蛋白咬起黎口感酥酥脆脆，甜甜地響口中化開, 配搭埋上面既生果, 酸酸甜甜, 一口清新既感覺湧上心頭.

屋企人住沙田, 所以間中都會入沙田一齊食飯, 去左呢間意大利餐廳, 屋企人話好多時都滿坐, 所以晚市早少少去, walkin仲有.餐前面包要左蒜蓉包, 好香蒜蓉味, 但唔會太濃太搶, 外脆內軟, 即烘即食, 食到索索聲.大蝦沙律做頭盤, 大蝦大隻, 咬落特別爽口彈牙, 旁邊仲有芒果, 清甜清新. 沙律爽口, 食左好開胃.墨魚汁意大利飯做主菜, 賣相精緻. 底層係用墨魚汁煮既意大利飯, 新鮮墨魚汁食完個口都黑晒, 個飯煮到軟硬適中, 煙煙韌韌有咬口, 個汁既份量剛好, 唔會太濕. 中間有魷魚, 咬落好彈牙, 好鮮既魷魚味, 而且面頭煎過一下更香口.

Frankly speaking, this restaurant is grossly over rated. We ordered soup of the day (mushroom soup), garden salad as starters. The starters are actually ok, but mind you, the soup only gives a very mild taste. For main courses, we had squid ink risotto, spanish baby suckling pork, sirloin steak and ground beef pizza. The risotto, tastes no where near what squid ink should be. The rice have two textures, some are chewy and some are hard in core. I believe some parts are overcooked and others are

放假日友人黎左探我, 到晚飯時間決定出街食, 不過沙田區有番咁上下既餐廳唔多, 一唔係新城市又太多人, 諗諗下我醒起呢頭有間人氣高既意大利餐廳, 開左一段時間都未黎過, 一於同朋友一齊黎. 晚市食野既人好多, 坐滿整個餐廳, 等左一陣先有位.先品嘗芒果大蝦沙律, 隻隻蝦都大大隻, 飽滿夠爽口彈牙. 芒果鮮甜, 好多汁, 配埋新鮮沙律, 加左少量沙律醋, 酸酸甜甜特別開胃.燒乳豬配薯蓉, 個皮燒得好脆口, 皮下少少脂肪更加香更加惹味. 肉質軟嫩而入味, 唔會太乾. 伴碟醬汁咸度適中, 撈埋薯蓉食剛剛好.

今日同朋友行開沙田，就帶咗佢嚟M3 Italian食晚餐。今晚order咗一份自家煙燻三文魚配水煮蛋，薯蓉及泰國露荀，一個焗蕃茄阿拉斯加長腳蟹意大利飯，一個甜品同一杯mocktail。Virgin Mojito飲落幾fresh，有淡淡嘅薄荷香加上青檸嘅味道，幾解渴😆依個煙燻三文魚賣相幾靚，薯蓉舖底，上面放咗幾條露荀，再放上三文魚同水煮蛋，旁邊仲有沙律菜，所以好豐富。好欣賞個三文魚同薯蓉，三文魚啖啖肉，而且肉質幾滑，而個薯蓉整得好香好好味，忍唔住食多幾啖😂個Risotto做得好出色，飯嘅軟硬度剛剛好，吸哂蕃茄嘅酸甜味，好開胃。飯面有三條長腳蟹同一塊芝士，味道唔錯👍👍再嚟係甜品檸檬凍霜，外層嘅mousse食落好滑，入面係檸檬流心，酸酸地幾好味，可惜餅底淋咗d，但整體算唔錯。今晚依餐同朋友都食得好滿意😊下次可以再嚟！

上次同男朋友一齊出黎慶祝上網見到呢間價錢合理都多人讚既餐廳就決定試一試首先叫左個單骨雞翼正常水平 炸到好香口但啲肉都有啲肉汁 都唔錯既牛排就麻麻地啦 可能因為得地叫左7成先咁un不過配菜就好好味最後呢個海膽意粉真係冇得彈 非常好味啲海膽好鮮甜 又好多啲汁又夾得唔錯 非常推薦！

年青既一代喜歡追星！我就喜歡追求今食物！曾經有報道話：香港有一間餐廳可以做到 Pavlovian 蛋白餅，於是我特别尋找美味的，至愛的餐廳內佈置得很有情調，最適合正在蜜運中既男女！坐低後，我哋就叫咗一個紅菜頭意大利飯～賣相太吸引了！，主要係紫紅色，頂部舖有火箭菜同芝士！好似一座山鋪滿了紫紅色嘅花，加上落葉灑在頂部，加添一些雪咁！令我不想把它放在口裡！因爲會破壞了美麗的它！紅菜頭同火箭菜卡路里最低！又健康！對身體多方面有益處！紅茶頭汁包著每一粒意大利飯裡，又有部分切成粒狀，有蒜蓉味，洋葱味同嘅芝士！令口感更豐富！加上了火箭菜味道更清新可口！第二款式就係千層麵～一層叠一層既麵皮，內層夾上芝士同肉醬呢焗！再加上沙律菜同小蕃茄！在碟上劃有綠色的圖案！好似一幅美麗嘅圖畫！賣相好靚呀一口咬落去整個口腔充滿芝士、蕃茄、肉醬，很充實呀！再嚟一款當然係我至想食到既巴伐洛娃蛋白餅啦～蛋白餅面頭有士多啤梨、藍莓、桃、一片片蘋果等…作裝飾用忌廉鋪在蛋白餅上！賣相完全打破了～我曾經所食的甜品！簡直令無法敵擋

朋友約沙田食飯，以為食雞粥，點知食意大利菜，呢間餐廳唔係太就腳，需要摸索，咦，餐廳出面排哂隊，好彩朋友已經攞咗枱啫！柔和燈光，浪漫既情調，希望食物都唔差喇!如其他餐廳一樣，自家制麵包，不過不失，鬆軟新鮮，我個人特別喜愛意大利黑醋，所以叫咗green salad , 蔬菜好鮮翠，配以橄欖油，黑醋，絕配，正👍, 再叫咗vegetable pizza , 即時烘焙，估唔到咁鬼好味，pizza 㡳薄薄的，好香好脆口，配上新鮮蔬菜，食哂一個都冇肥膩感覺，水準之作👍 甜品叫咗開心果疏乎厘，就比較遜色，無論甜度，鬆軟度都沒有驚喜，但總括環境，食物質素，服務水準，我會再次光顧👍

網上介紹位於沙田圍的一間意大利餐廳。今日沒有訂位六點幾就直接去了。門面及裝修都好有外國餐廳feel，店內佈置燈光好有情調，適合戀人聚餐。 餐牌上都有各式各種菜式，非常豐富，好多選擇。人流不算多，可能我習慣早去，所以每次等候時間都不會太久 西班牙燒乳豬燒得好正，食落去都卜卜脆，肉好嫩好入味，還配有薯蓉及紅椰菜做配菜 卡邦尼意大利麵，意粉非常都彈牙及醬汁也很香濃，食落還好creamy 甜品食焦糖燉蛋，雖然很肥很高脂，但佢有著脆脆的焦糖糖衣，配上軟滑燉蛋，真係好難讓人抗拒 整體地點環境及食物都算吾錯，至於高級意大利餐廳的水準，也還需要再努力

今天晚上和老婆仔收工後到了沙田區決定在老婆仔居住地方附近晚餐網上發現這間餐廳獲不少好評我們也決定一試很有意大利情調的裝潢色彩由於我接老婆仔收工前吃了點東西不太肚餓又想吃得健康點所以點了148元的M3 Salad老婆仔就選了168元的Crab Risotto另外再加了66元的Choco Lava Cake先來的是沙律雖然起初覺得色彩不夠鮮艷但慢慢發現也有很多不同種類的菜帶有不同的口感還有不同的醬汁所以能帶來很多元化的味道就是感覺有點貴這個Crab Risotto就非常值得推介雖然份量同樣不多但製作得非常美味意大利飯身水分適中不會被太多醬汁沾上而變得太濕最特別的是那蟹肉和芝士兩者竟然很配合帶出很柔軟的味道而且蟹肉份量算多是很有誠意的製作非常值得推介最後的是Choco Lava Cake這個是預期的味道朱古力味很濃切開心太軟也很大量朱古力流出溫度控制得很好再加上最配合心太軟的雲尼拿雪糕真是最適合不過的甜品而且價錢也算合理同樣也值得推介

之前黎過花園城呢間意大利菜覺得唔錯，今次專登介紹住o係沙田既朋友黎~ 平日夜晚都full house, 好彩一早bk左位, 我地今次點左一份西班牙辣肉腸炒藍青口($148), 煙燻三文魚($178), 蕃茄長腳蟹意大利飯($168)西班牙辣肉腸炒藍青口既份量都幾多, 藍青口飽滿大隻, 食落亦鮮甜, 個汁咸咸地幾好食, 面辣肉腸就偏咸同辣, 夾埋青口食會無咁咸~煙燻三文魚有好多配菜, 有水煮蛋, 薯蓉, 露荀同沙律菜, 三文魚有好香既煙燻味, 熟度大約7成, 口感唔鞋有少少咬口, 上面既水煮蛋好流心，呢個配答都幾特別~蕃茄長腳蟹意大利飯亦係比較少見既, 有3大條長腳蟹, 有一塊燒過既芝士蓋住, 意大利飯煮得煙un, 蕃茄汁夠唒多, 味道唔錯但無咩特別~最後點左一份心太軟($66)，配左雲尼拿雪糕, 心太軟流心程度高, 而且係dark choco, 食落唔會太甜, 蛋糕亦軟熟, 做得唔錯.飲品既virgin colada亦幾好飲, 椰汁味濃.第二次黎呢度食飯都仲keep到水準, 整體都滿意。

附近學完野體力消耗過量, 都係食番好野補充下, 沙田圍最人氣應該都係呢間意大利餐廳. 無訂位而全場爆滿, 所以都等左一陣間. 內部不算太大, 但坐位都幾多. 紅色格仔枱布幾懷舊feel.意大利餐主要以黑醋配麵包, 麵包軟熟有彈性, 熱辣辣.Fried Platter ~ 有三款炸物, 包括炸蝦, 炸薯角, 炸雞翼等. 炸蝦外表炸至金黃色, 脆漿夠薄且脆口. 蝦爽口彈牙. 薯角炸得唔會太油膩, 薯味豐富. 雞翼係切開半邊咁炸, 容易食用, 外脆內嫩, 入口無渣.