M3 Italian (已結業)

«烤黑毛豬豬扒伴新薯及布冧醬198hkd»+60hkd 配沙律+ 南瓜湯 + 甜品食西餐，點左烤黑毛豬豬扒，圓圓的，特級厚切份量，豬扒煎得香香，點布冧醬食甜甜地，易嚼易吞。沙律: 主要以菜為主，加上一片蒜包，番茄仔，cheese powder南瓜湯: 一朵奶質的拉花係南瓜蓉上， 被豬扒吸引了，忘了率先品嚐，結果放到凍左，問職員幫助加熱， 不用一分鐘職員就將湯遞上檯 上， 職員話換咗一啲新嘅湯畀我哋。甜品:焦糖燉蛋焦糖層做到好薄一層，內溫滑。2人食一個餐，7成飽，198+60+加一=150@/人

朋友住喺沙田圍， 今日我攞啲舊書畀佢，佢就請我去食西餐。真係估唔到沙田圍咁荒蕪，居然有一間可以鋸扒嘅西餐廳，水準同環境都不錯。我地揀了西冷扒set lunch。雖然冇得揀幾多成熟，但係煎得剛剛好，肉質好冧，又有少少肥，肥的那部份入口即溶。西冷扒頗大塊，意粉彈牙，食完之後好飽。前菜可選湯或沙律。我選了忌廉蘑菇湯，好好飲。朋友嘅沙律前菜都好新鮮。最後餐飲揀咗熱咖啡，朋友係熱檸茶。埋單都係196元，性價比高。

難得4月尾加人工，幅度還是挺滿意，當然要食一餐好西去慶祝一下。餐廳環境氣氛不錯，服務態度殷勤。烤西班牙黑毛豬鞍扒伴燒新薯及布冧醬：西班牙黑毛豬鞍扒絕對沒有令人失望，切下去同咬下去都肉汁滿滿，肉質彈牙有口感，適當的肥膏令扒肉一啲都唔鞋口，個人覺得布冧醬偏甜，會奪去豬鞍的鮮味，所以偏好不沾醬食。扒的厚度都沒有欺場，大讚。燒薯仔都有香脆感，也不錯。烤海鮮蕃茄忌廉意大利飯：這個risotto 雖比豬鞍扒失色，但其實也挺好。鮮蝦頗大隻，帶子都是鮮嫩的。蕃茄的微酸味可以中利Risotto 的膩，烘過的芝士塊伴飯很好吃。焦糖燉蛋：焦糖有點太厚太硬，個燉蛋是得好。藍莓奶凍：藍莓醬有點太濃太甜，奶凍很棒，而且QQ彈彈的。田園沙律：沙律菜新鮮爽脆，配上黑醋，是醒目的開胃菜。凱薩沙律：凱薩沙律比田園沙律材料豐富一點，味道比較重。是日餐湯-忌廉青豆湯：一入口就是滿滿的青豆蓉，忌廉味不太重，正對我的口味。夏威夷菠蘿梳打：這個就有點令人吐槽，沒有菠蘿味，反而有其他水果，就是雜果賓治吧。整體食物品質高，但飲品令人失望，都值得回頭。

沙田、大圍有好脆既意大利薄批pizza🍕😍西餐廳嘅裝修比較傳統 燈光比較暗意大利菜正宗嘅話😌呢間嘅價錢都唔貴.#意辣肉腸薄餅 $118呢間pizza🍕同平時係連鎖餐廳食到嘅美式做法唔同pizza餅底較薄 唔會好似美式咁又厚又實餅底好似脆餅又薄又脆😋 加咗辣肉腸同超香濃嘅番茄醬🥫 食落唔會飽滯👍🏻 我覺得係連鎖餐廳食緊麵包咁 呢度就真係Pizza表面舖滿厚厚嘅芝士🧀 可以做出拉絲效果 芝士都特別濃郁 正‼️.#鵝肝松露飯 $158意大利飯嘅口感做得唔錯 煙煙韌韌咁特別香濃嘅野菌味🤭 因為太多鮮野菌 唔係好食得出有松露味🤔只有淡淡嘅松露香味但香濃嘅嘢菌未配鵝肝都好夾鵝肝係寶寶🐷食 佢話煎得啱啱好😌唔係太多脂肪

一直都以為呢間只係可以食牛扒所以冇乜食過，但原來dinner set 都有幾多choice ! 花園城呢間分店有少少遠，沙田圍站行5分鐘左右。氣氛很好，都算是很舒服的座位啊。人流不是太多，感覺傾計幾輕鬆！晚餐有好少有嘅鴨脾！好好食呀，烤鴨好香好入味，配有好多沙津菜唔會過咸！整得好有水準！另一個餐係黑毛豬，叫左十成熟都好淋好好咬！肥瘦適中。另外叫左2個甜點同2個特飲。整體係覺得餐廳好有心機serve!兩個人也覺得很夠飽，下次可再食其他分店

傍陀大雨，朋友約咗去沙田m3 italian食嘢， 點知去錯地方去咗大圍 ，嗰間分店先發現原來有兩間， 大圍分店職員話搭車過去十分鐘就到 。意大利辣肉腸薄餅 118hkd意大利薄餅個皮好薄好似薯片咁，上枱時一開六， 咬落芝士度軟軟的，有口感， 咬落邊皮位好 crunchy， 芝士一拉可以拉到好長， 配埋辣肉腸薄薄地， 以及大大件嘅菠蘿酸酸味味， 好好食。 流心蛋煙肉忌廉意粉 108hkd流心蛋水汪汪的 ，一上枱馬上篤穿佢，啲蛋黃流到每條意粉間， 煙肉配搭白汁味道， 再加上 流心蛋黃 ，食落唔膩口。 最鍾意係啲白汁夠多夠黏稠。店員服務都唔錯 ，不停幫我哋加添水 ，一次都唔使主動叫佢地， 咁就可以輕輕鬆鬆"專心"傾計。250hkd 埋單沙田，食完坐車，返屋企，四通八達，舒舒服服。

心血來潮想食西餐，平日常常經過都未有機會試，今日諗起，二話不說便揸車來，帶埋阿女，一於一家三口浪漫下。冇book位，早點來到，好彩仲有幾張細枱，其他已經有食客預留座位。呢度嘅氣氛唔錯，入門口位置擺放咗許多不同類型的酒，餐廳內環境尚算闊落，感覺舒服。老公想飲湯，叫咗個是日餐湯~忌廉甘筍湯，好香滑，唔會太甜。阿女肚餓，揸主意叫咗個意大利飯同意大利粉。香煎鵝肝黑松露意大利飯，黑松露真係好香，鵝肝好大塊，入口即溶，豐富嘅脂肪感覺好正，再加上飯煮得軟硬度適中，味道非常可口，愈食愈好味。龍蝦汁蝦肉意大利粉，上菜時聞到好香煎蝦嘅味，這個汁做得不錯，意粉爽口彈牙。烤美國安格斯肉眼扒(10oz) 伴燒新薯及紅酒燒汁，要求五成熟，切開見到嫩嫩粉紅色，真的十分可愛，豐富肉汁，牛肉味香濃。香橙冰紅茶，新鮮橙味，清甜好飲。凍蝶豆花檸檬茶，顏色好特別好靚，最初係藍色，篤下啲檸檬變咗紫色，落咗少少糖水，味道唔算突出。

喺沙田附近做完嘢，見呢度啲嘢食都唔算太貴，而且如果食就$600仲有八八折，就嚟咗呢度食意大利菜。我哋兩個人唔太肚餓，所以叫咗兩個course share流心蛋煙肉忌廉意大利粉（$108)，即係carbonara意粉煮得唔錯，首先意粉唔會煮得過淋，然後芝士份量十足，除咗有芝士粉之外，另外仲有一塊芝士係面，而煙肉方面，廚師除咗有一啲炒香左嘅煙肉放埋落意粉度一齊煮之外，面頭仲放咗一啲煙肉乾嘅碎，食落係兩種唔同嘅口感，增加左意粉嘅豐富程度。黑松露parma ham pizza ($138)火腿味道唔算太鹹，都算適中，加埋蜜桃一齊食都幾夾，而黑松露嘅味又唔會搶咗火腿嘅味道， Pizza係薄底嘅食落都幾趣。

話說朋友生左BB, 佢住沙田圍附近探完BB 之後同其他朋友一起去左哩間M3 INTALIAN 度撐台腳一入去間餐廳係好傳統濃厚西式裝修同埋環境好清靜，馬鐵站行５分鐘就到左～非常方便點完菜之後，送上麵包，我想大讚哩個麵包非常鬆軟，完全唔係求其叮熱返既麵包～再點埋個OLIVE OIL同個醋，真係好正～～我地點左個三文魚凱撒沙律，一個鵝肝牛肝菌RISSORTO同埋一塊西冷扒配煎新薯個鵝肝牛肝菌RISSORTO真係世界級推介～份量好足，同埋Ｄ飯係好入味，但唔會太咸～個鵝肝更加煎得岩岩好，真係誠意推介西冷扒都不錯，我叫左MIDIUM RARE肉質好彈牙又唔會冇哂肉汁～D STAFF服務都好好～好有禮貌～會再幫襯

係香港想食西餐廳選擇真係唔多，價格比較相宜嘅只有一啲連鎖西餐廳。想再食好啲就要去到SOHO區或者酒店入面嘅高級西餐廳。今日住係沙田嘅朋友帶左我黎呢間屋苑西餐廳，餐廳面積中等，燈光較暗有氣氛落單之後就上麵包，香味四溢，嗌落鬆軟有麵筋，配上橄欖油同醋好開胃，不知不覺食多兩舊前菜我地嗌左煙三文魚Cesar salad ，份量都夠啲菜好新鮮爽口，個汁配上溫泉蛋味道好夾，亦都唔會話太酸。主菜叫左塊肉眼扒，我地嗌左Medium煎得岩岩好，肉咬落爽口唔會鞋口，油脂好夠平民價錢食到有質素嘅西餐好抵！

今日駕車去沙田游車河🚗經過呢間餐廳🍴比個名吸引左注意⚠️〔原本以為係BMW M3既餐廳😂〕原來係食意大利菜🇮🇹一入到去就好覺得好有格調，我地平日七點鐘左右食，人流唔算多，好安靜既環境，好舒服！侍應既服務態度也好好，穿著統一既制服，比人一種好專業既感覺。總共叫左兩個餐，再+$60轉左2個套餐套餐組合〔是日餐湯、凱薩沙律/田園沙律、焦糖燉蛋/藍苺奶凍〕-*留意返：淨係星期一到星期五既晚市先可以升級至套餐架！是日餐湯係忌廉蘑菇湯〔配餐包〕蘑菇味十足，湯既濃稠度剛剛好，而餐包非常軟熟，裡面還有一點黑芝麻，沾湯食十分好味！-〔另外侍應仲有特別吩咐我們可以試下沾少少枱面上既油，可以增添風味！〕套餐外我地仲叫多左兩杯飲料🥤-藍橘子青檸梳打（左邊👈）$38青檸梳打中檸檬🍋既酸味，撞上藍橘子🍊少少清甜既味道，橘子既香味令到成杯飲品更加清新！係一杯唔會好單調既青檸梳打！-夏威夷菠蘿梳打（右邊👉）$38我無諗過呢杯既顏色竟然係藍色漸變，好特別！最特別既係呢杯飲品既漸變色，當你攪勻之後會慢慢由藍色轉變為綠色，玩得好過癮！菠蘿🍍既味道好甜，裡面仲有雜果同椰果，可以食又可以飲，不錯👍🏻！套餐既沙律🥗〔凱撒沙律&田園

M3 Italian Seafood & Steak呢度環境舒服，比人一種好放鬆嘅感覺😀地方寬敞只要加60蚊就可以升級套餐， 套餐包括餐湯，沙律同埋甜品🌉是日餐湯加餐包🌉特濃忌廉蘑菇湯， 蘑菇味道重， 無草青味，不錯餐包非常軟熟， 好似食緊綿花糖咁🤣🌌田園沙律🌌田園沙律味道屬於酸，作為開胃菜一流， 鍾意食醋嘅朋友， 檯面有一樽可以自行加， 蔬菜新鮮爽口🎇凱撒沙律🎇凱撒沙律味道屬於鹹， 新鮮蔬菜上面係炸過嘅煙肉粒， 加上少少芝士粉，味道很夾， 蒜蓉包好脆，旁邊係芝士片，脆卜卜好好食🤤🌠夏威夷菠蘿梳打 $38 + 藍橘子青檸梳打 $38🌠夏威夷菠蘿梳打經攪拌之後會變成青綠色，味道較青檸梳打甜， 菠蘿味突出藍橘子青檸梳打味道清新， 青檸嘅酸味配合 橘子嘅甜味， 唔單止靚味道仲幾好👍🏞M3秘製烤乳豬 $228🏞烤乳豬非常嫩口， 嫩到一切就開， 好似食緊BB嘅豬肉咁嫩滑， 外皮烤到同薯片一樣咁脆， 汁同肉味道好配合，而伴碟有薯蓉同沙律菜， 薯蓉中夾雜住細粒嘅薯仔， 令到食起來更加有層次感， 薯蓉味道出色， 令人留下深刻嘅印象🌌烤紐西蘭羊扒 $208🌌羊扒七成熟， 油脂分泌啱啱好， 嫩口嘅羊肉已經

男友生日正日，早早在OP上訂了枱，當日也有員工電話確定了訂位時間及會問有沒有特別慶祝的需要，好貼心！6點開始晚餐時間！好多客人訂了位入場。可見這間意大利餐有好的口碑！環境幾好，設計西式又有型格，整齊乾淨，位子枱子都好多！服務都唔差，主動加水及送上餐牌！大部分意大利的菜餚都得選擇，有沙律、意大利飯、意大利粉、小食、扒類、甜品等等，選擇都唔少，飲品也很齊全的：紅白啤酒類、梳打、果汁、特飲等，本來男友想點沙冰，可惜原來停了供應！服務員都有過來回覆及話會貼返無供應的貼紙。最後點了藍橘子青檸梳打（好靚的藍色、好清新涼快、解渴）😍首先食送來的麵包，暖暖的但比較硬，點上枱上黑醋及橄欖油，好酸甜又健康；我們點了：1. 炸雜錦三式：包括炸雞翼、炸大蝦、炸薯條熱辣辣香噴噴，即點即製，好香脆外脆卜卜內薯蓉軟熟的薯條、炸蝦好大條又爽脆、雞翼椒鹽味香野味又肉滑多汁，配上沙拉菜及車厘茄2. 龍蝦汁蝦肉意大利粉：龍蝦汁好香濃又美味，男友好鍾意喔、意大利粉軟度好適中、蝦有6隻又爽口甜美，配上3色椒及車厘茄，更有芝士粉好咸香推薦這個意大利粉！海鮮薄餅：薄餅好薄又脆口、海鮮有魷魚、蝦、帶子；汁是番茄醬配上黑松露，好正！😝

終於捱到放復活節假，假期前夕和老公去撐枱腳，去試試看這間沙田圍的西餐。一入去便覺得很有情調，雖然裝修算不上時尚，但非常乾淨企理，帶點昏暗的環境，再加上播著舊歌，環境清淨，最適合情侶、朋友聊聊天。兩個人沒能試太多食物，叫了一份香辣炸雞翼、辣肉腸薄餅和龍蝦汁大蝦意粉，想不到連我要求甚高的老公也非常滿意。點菜後先上餐飽，麵包質地十分軟綿，暖暖的再配醋和橄欖油很開胃。香辣炸雞翼共四隻及已經切成單骨，適合我這個懶人。除了新鮮熱騰騰炸起，而且炸得乾身香口，調味帶少少惹味，不會太辣，即使小朋友吃也不怕。辣肉腸薄餅餅底超薄！邊邊非常香脆，從未吃過這樣的pizza，很特別也令人一塊接一塊停不了！龍蝦汁味道creamy，大蝦肉質爽口，意粉亦做到al dente的效果，整個意粉味道配合得很好。雖然這間餐廳價錢比附近其他食肆定位較高，但的確質素也成比例，環境也有情調，倆小口子偶爾享受一下也不錯！菜單還見到有其他扒類，也有生蠔海鮮，老公已說下次想來再試！

M3Italian大圍店係第一間😆第二間開左係沙田圍 餐廳裝修充滿歐洲風😏😏環境舒適燈光幽暗裝修優雅各款菜式價錢相宜👻 傳統義大利菜例如pizza pasta risotto都有 食肉獸朋友可以order牛扒 豬胺 😋😋單點菜色另加$60可以轉套餐 就有一個沙拉 餐湯或餐茶及甜品🤤 餐湯係忌廉蘑菇湯蘑菇湯入口順滑好重蘑菇味田園沙拉或者凱撒沙拉田園沙拉好refreshing 菜爽脆新鮮🤗香草海鮮薄餅$138一份有6塊 用上自家製餅底 好有誠意啊 口感不錯 十分香脆可口🤤烤美國安格斯肉眼扒$248牛扒五成熟煎得剛剛好鎖住肉汁有牛味又有咬口👍🏻甜品係焦糖燉蛋 賣相好靚 夠蛋味🤤