Macky's (已結業)

呢間新開嘅餐廳我經過以為普通酒吧 ，原來都好多嘢食我下午三四點鐘呢冇乜人，叫咗個黑松露大蝦意粉， 好香好入味 ，而且有好多隻蝦, 一啲都無偷工減料，份量大另外我朋友叫咗個明太子意粉不過冇影相， 上菜嘅時候會畀埋支七味粉， 我即刻雙眼發光， 因為我都好鍾意落七味粉， 同明太子好夾坐咗一陣都有好多外國人入嚟淨係飲酒吹水， 略嫌空間有啲迫，不過店員好友善，應該遲D多左熟客就會好易滿座，因為佢座落於 ，石板街街口 ，角落頭， 人流都好多

食Burger唔一定要Shake Shack! 今日我係中環，打開黃店apps發現多左一間新餐廳，就一於去試試！舖頭係位於威靈頓街同擺花街個位置，係港島望住街景食野好似特別有feel🥳！呢間係西餐廳，主要賣漢堡、意粉同扒！我試左呢個「難忘的漢堡」，我會話真係好好食！🍔個面積仲大過我拳頭👊，而直徑同我部iphone7+差唔多😧，所以店員會比把刀你切開食！上面麵包非常大同鬆軟，而中間係瑞士芝士同手打牛肉漢堡扒，非常多肉汁，漢堡扒表面好焦脆，油份更出同埋口感唔錯！個漢堡係好邪惡，但因為係漢堡扒上下面放左酸瓜，降低左油膩既感覺。扒下方放左蕃茄同生菜🥬，一嚟比一個清新感覺，二嚟可以隔一隔D肉汁，令最底麵包唔會越食越扁或濕，味道唔錯又細心！而薯條🍟份量一般，味偏咸。因為新鮮製作，食果陣外脆內軟，唔太需要點茄汁都可以！係中環地段嚟講$78係一個合理價錢，同埋食物質素都幾好！呢度睇落係好黃，之前又自製連儂牆，又有D香港人貼紙咁🤫！呢間舖似係近期新開張，又黃食物質素又唔錯，大家要罰呢D高質黃店做到無停手！

【黃店推介 - 中環MACKY’S - 平價西餐廳🍝】🐷🐷 💭小店10月開張，參與左11月罷工，有少量文宣喺店內外。希望日後文宣可以再做多啲啦！💛🐷🐷💬Set Lunch有湯、有主食、有野飲，都係$78-$88，地點方便（位處中環嘅中心地區），返工一族值得一試呀！🤩🐷🐷💬1⃣ 黑松露大蝦意粉餐+龍蝦湯$88一嚟個餐湯就嚇親，龍蝦🦞湯呀！好濃郁，仲有少量龍蝦肉添！餐湯係每月指定既，12月係龍蝦湯喎!🥳 主食要等10-15分鐘，即叫即做！熱辣辣襯出好香嘅黑松露味！食食下發現有粒豆豉咁大既黑松露未撈暈！好揼本喎！@@ 只不過蝦就得5粒咁多，Size比較細粒，似係雪蝦仔，味道一般，但諗真啲$88唔通上隻虎蝦比你咩！咖啡係即磨，冰熔會令咖啡淡口浪費左，建議飲熱咖啡☕！🐷🐷💬2⃣卡邦尼意粉餐+雜菜湯$78隔左個星期再覆啅小店！1月份餐湯轉左意大利菜湯，以為cheap左，原來都好足料架！雜菜多過湯，而且好夠酸！主食都係要等3個字左右！卡邦尼汁夠杰身，係略厭煙肉太硬身影響左口感！今次叫左熱咖啡☕好飲好多！唯一美中不足係小店比左白砂糖我落😑😅🤣🐷🐷💭最近中環和你lunch 活動疏左！

星期日夜晚同朋友臨時臨急約食飯諗住喺中環食飯響網上search到有呢間小店見到食評同圖片都好吸引咁就用咗另外一個Apps訂位享有50% Off超值 即book 3位到來星期一食晚飯響中環威靈頓街7仔隔離 小小店子內有三張卡位 同bar枱 同高枱店內環境似飲嘢酒吧 有情調氣氛👍🏻門口有可愛既公仔同鏡 打咭位😄講返食物先 我哋三人Order咗難忘漢堡 好特別嘅名見大部份都嗌一定係招牌菜啦即Order難忘漢堡冇改錯名因為好好食 食一次一定會記得視覺上麵包好大個食落麵包鬆軟 有生菜🥬同蕃茄同芝士在內好豐富 漢堡肉汁豐富 食落就知係用好既肉打成非平日食開快餐連鎖店既肉質所以CP值非常高 一定要點青醬帶子意粉🍝視覺上已經好好青醬同意粉好配合帶子肉質處理得好好黑芝麻雞翼蝦醬雞翼冇晒唯有試吓黑芝麻啦同樣炸得好香脆下次要試埋蝦醬雞翼先明太子意粉🍝個汁醬好Creamy 成碟都係明太子一點都不馬虎什菜沙律大大碟新鮮爽脆 不過冇乜汁醬都好健康DOrder 埋飲品店員細心講解 飲品都有半價小食冇半價 清晰價錢 抵讚👍🏻撞啱星期一冇人等枱同朋友仔傾足一晚成晚細心招呼 不斷幫我地加水服務又抵讚價錢 超值本身已經唔貴

今日係呢度附近影相 半路肚餓就決定係呢間餐廳度食 我哋要左兩個漢堡包呢個牛肉patty真係多汁到不得了 加入左少少香料調味 佢仲有芝士洋蔥番茄 即叫即整熱辣辣 而且個麵包亦都係好鬆軟 食過唔少漢堡包 呢個漢堡包真係可以係排頭幾名嘅選擇之一之後就要咗兩支手工啤酒飲呢隻the brew common都係出面少有可以試得到 味道幾好同店員傾計期間佢話遲啲會入多啲日本嘅手工啤酒 我同老公都好鍾意飲手工啤 所以一定會嚟支持下題外話 呀囡扭計 店員仲送左個小小聖誕玩具比佢 夠晒聖誕氣氛😂

叫咗個青醬帶子麵，個醬好好味，又有啲蒜蓉味。個帶子唔會太熟，而且幾大站。之後叫咗個牛肉漢堡，個牛肉好juicy，加埋番茄同生菜好有口感。最後叫咗西柚味手工啤酒，唔會太苦，仲有啲果味！

今日同幾個朋友去開中環但又唔係好熟路行咗去蘭桂坊附近就求其入咗間價錢合理既餐廳食點知 有 驚 喜 ！！間鋪頭唔係好大但係裝修好似外國d小店好chill有好大個窗可以望到街景所以好好坐枱與枱之間亦都唔近所以我同朋友坐到人地收工先走我哋嗌左個龍蝦湯 $38好濃！但美中不足就唔係太有龍蝦味佢地有優惠啤酒買一送一香港手工啤都有我嗌咗支fake hops花香味重！易入口重點係抵飲呀！！亦嗌咗明太子意粉 $78好好食！明太子一d都唔孤寒！沾滿哂每條意粉亦唔會太淋有咬口！之後有肉醬薯條$48同一個個名好特別既漢堡「難忘的漢堡」老實講我都係因為個名先叫嘅點知又真係幾好食喎你睇吓塊牛肉好juicy! 肉味都濃！菜亦都好新鮮！最鐘意佢有炒過既洋蔥伴菜既薯條又熱又脆！好食不過咁係唔係樣樣都咁好食呢當然唔係啦個肉醬薯條就真係普通我好欣賞佢個肉醬係自己整但係呢唔係好夠味同埋佢比較水 唔夠杰身令到啲薯條淋晒我寧願唔要肉醬汁點茄汁比較好臨近聖誕佢哋公司有抽聖誕咭仔入面係優惠黎張張都唔同好可愛張卡有心思！呢一餐環境好好食物質素好性價比高埋單都係三百幾蚊值得一提係服務！呢度啲侍應個個都好有禮貌好有笑容埋單嗰陣先知原來間

本身係專登過來，想來食舊店既漢堡點知原來已轉手 見佢佈置得幾有心思 咁有聖誕氣氛 又決定試下新野一見餐牌有我最愛既明太子 即刻忘記本來想食既漢堡了餐湯係龍蝦湯 其他地方飲既都好鹹 呢到既剛剛好 好少會成碗都清哂！跟餐送既湯黎講 表現十分不錯👍🏻意粉好有水準 口感同味道都中哂我口味！明太子不會腥 又不會鹹，最怕明太子落太少又無味 太多又會好漏佢地份量剛剛好👌🏻呢個價錢黎講係超水準，性價比好高！下次會再黎食 要試埋佢地其他野😋

係中環食lunch係人都知多人到爆仲要排好耐，咁岩經過威靈頓街抬頭一望有間西餐廳再睇下個lunch set又幾吸引仲要唔太貴包湯同野飲👍🏼👍🏼羅宋湯入邊好多蔬菜好足料我見到好多人叫漢堡包係好吸引但係驚唔夠飽，下次一定要試😆叫左個黑松露蝦意粉，好香既黑松露味好好味，但啲蝦就一般，不過而個價錢算係咁啦😋叫左杯凍檸茶，最最最欣賞既係佢走塑👍🏼👍🏼為環保出一分力不過地方有啲細，可能要坐高枱

又係支持黃店嘅時候！呢一間係喺某一個某app度見到佢黄店所以去食嘅。主要係食漢堡包~ 大部分餐就係78至88，另外需要加一，係中環嚟講價錢都唔算貴，佢set仲有附送餐湯或者係沙律，仲有餐飲嘅。我嗌咗個叫unforgettable burger，只係$78.即係牛肉burger，味道唔錯，個包係有牛油嘅，肉夠厚但比較鹹，不過加埋都ok. 炸薯條就比較一般。 佢open kitchen嚟嘅，你見到佢係喺你面前整畀你嘅，不過小插曲係佢搞錯咗一直只出pasta冇整burger，所以我等咗好耐，但其實佢間舖係比較細，所以唔係好多枱客，而且嗰日都唔叫坐滿，但都搞錯呢就有少少不足，不過佢最後有主動打咗九折畀我哋補償番，都算係咁。另外就係一個蒜蓉炒蜆意粉，都好香口~overall覺得會再encore!

是甘的，見係第二個apps 訂左50%off 甘就試一試佢啦！🤪喂呀，set 都有半價😍甘就叫左以下兩個餐，意粉係細碟既；Burger 又大大碟！ 帶子意粉個帶子煮得岩岩好😋😋😋😋Burger 好Juicy🥳

去到呢間餐廳門口時，真係覺得唔起眼好普通，但入到去D員工起碼感覺係好nice，唔會覺得想你快啲食完就走要做下轉，你知中環區個lunch係好多人，呢點要值得讚👍！而食物方面，我見大部份人都叫burger ，但可惜我怕食唔落咁大個burger，雖然都只係$78係吸引，不過最後都係選擇叫個鮮蝦黑松露意粉！中環區lunch set 有湯或沙律、意粉包一杯嘢飲$88性價比高，中環區嚟講算平。湯或沙律我選擇咗湯，什菜湯夠味，唔會覺得好似加水咁，松露意粉好香呀😋肉眼睇落去好多黑松露，食落去都真係好重黑松露味！如果中意食黒松露嘅人真係要試吓！最重要係我係支持小店！

#20112019今晚行黎行去都諗唔到食咩。突然係牆上面見到貼左啲食物相，比佢吸引左入去試試。set menu主要係burger 或者pasta，價錢～$78-88 再加一，包埋湯/沙律同飲品。另外仲有小食、啤酒等等，款式都算ok既。最後，嗌左一個難忘的漢堡&帶子青醬燴意粉&蝦醬味雞翼。味道正正常常，有羅宋湯既酸味。而且啲材料都幾充足，餐湯黎講唔差。其實佢仲有幾款漢堡，不過因為個名，所以就試下佢啦。見唔見到塊漢堡幾厚😋好彩又唔會好乾喎，所以好味。不過如果多啲蕃茄/酸瓜就更好，更加開胃幾鍾意呢碟意粉！意粉質感唔會太軟太硬，青醬既味道好濃，而帶子煎香左佢，成個配搭岩岩好。雞翼有三款味道揀i)芝麻 ii)蒜香 iii)蝦醬。諗緊邊款既時候，店員介紹可以一試蝦醬就試下啦。呢個味道我比較少配落雞翼到，但出奇地夾啵。脆卜卜加上非常出既蝦醬味，會食蝦醬既人真係可以試試👍🏿