Mad for Garlic (已結業)

高級餐廳 勁多蒜片 環境舒適Mad for Garlic係一間高檔既餐廳，價格都相對地昂貴，但係非常之咁有質素既餐廳，地點方便，環境舒適，係一個好適合聚餐既地方。呢度最出名既地方就係每一道菜品都會放入大量自家秘製炸蒜片，非常香脆，而且好適合每一道菜品既味道。首先我要稱讚既係佢既招牌菜—炸蒜片滿滿既鐵板牛排，呢度菜我係非常之咁推介大家去試下既，炸蒜片佈滿整塊牛排上面，食落去每一口都十分香脆，牛排整得剛剛好，非常之淋又充滿牛味，實乃上乘之作。其次係佢個炸蒜片芝士pizza，令我感到非常驚艷，整個pizza都佈滿不同口味既芝士同炸蒜片，加上脆脆既pizza餅底，簡直係人間既一大享受！

愛嚐新的朋友, 帶我來這裡吃飯前, 首先問我怕不怕蒜頭, 我是當然不怕而且愛吃了. 原來這家是以蒜頭為主題的韓式連鎖餐廳. 座位傾向較似西餐格局, 明亮而舒適. 2人套餐其實很方便, 但裡頭的組合有些不太合適, 看了2款還是決定單點更有樂趣. 用蕃茄蒜頭炒過的八爪魚彈牙有咬口, 用脆的法包片沾汁吃不錯. 薄餅我是比較喜歡薄批的, 鬆脆又不會飽滯. 這個薄餅裡有蝦, 帶子, 青口, 蜆等海鮮, 材料華麗又豐富.經常用上蒜頭做配搭的, 自然要數牛扒. 所以點了這款烤澳洲牛柳, 伴碟則是原個醋漬蒜頭配甜香蒜汁. 牛柳點了Medium, 出來的效果不錯. 配上甜香蒜汁味道十分融和. 只可惜是牛柳份量略細了一點. 伴碟的蒜頭也十分軟淋好吃. 想不到甜品也有蒜頭, 但這款甜品的蒜味不算特重, 但朱古力醬與雲呢嗱雪糕配上薄脆的薄餅, 想不到頗配合. 意式奶凍是登記會員送的甜品, 質素亦頗高. 埋單的價格合理, 頗有特色的餐廳, 值得再來. 

同男朋友想慶祝紀念日，所以揾間裝飾有feel啲既餐廳，結果環境當然無令我失望，坐得舒服，而啲服務態度都好好。前菜叫左個香膽墨魚圈，份量多唔係得幾舊，好味又唔會太咸，面頭好多蒜片，加上有個蛋黃醬，正啊然後叫左個蒜香帶子香草忌廉波菜麵，啲帶子好鮮，而個麵夠多汁唔會干爭爭。除左係愛蒜人仲好愛芝士，所以點左個藍芝士蜜糖薄餅，真心成塊滿滿既藍芝士，仲有成碟蜜糖比你任落，好滿足！水果茶同紅莓白酒勁好飲，夠大杯又夠新鮮，仲好多水果係到，夠多料，又唔會好酸！推介～

在銅鑼灣找吃的是一個難題，因為選擇太多了！今日就同朋友去咗呢間以蒜頭為主的韓式西餐廳，所有菜式都有蒜頭放在裡面，啱晒我丫！Garlic Bread Tower 這個必點的蒜頭麵包塔，即叫即焗的麵包香脆鬆軟，店員上碟時會先將放在旁邊的蒜蓉粒灑上塔尖頂，然後放平切開小4份，為求每一份都有平均分配蒜蓉粒，真細心！Garlic Snowing Pizza 最喜愛這裏的Pizza非常薄而且10分香脆，像crackers。餡料是蝦和菠蘿，甜甜鹹鹹的，很有夏日氣息！Garlic Steak寶物沉歸底，點了五成熟的招牌肉眼扒地香口的蒜蓉片蓋着，一上碟已經聞到陣陣香氣，非常惹味！Garlic Hug Steak 唔好睇佢一坺嘢，這個tenderloin 配上cream cheese garlic sauce，口感極致，tenderloin入口即溶，令人回味。Yuja Cheesecake 點了這個柚子芝士蛋糕，店員上碟時還以為這個是奶凍布丁，叫他拿走😂 把匙羹一放下去才發現原來是硬硬的，非常濃郁的芝士味，甜度恰當，完全沒有甜膩的感覺，點綴了今晚的蒜頭餐。

必食招牌芝士pizza，蘋果金寶好難得食到整得咁好食既餐廳，讚一下係必需的！佢呢度既招牌芝士pizza真係好好味，個pizza本身就脆到爆炸，係薄脆既皮邊，然後個pizza底係放滿焗溶左既芝士，同埋整個pizza都放滿Mad for Garlic既特製炸蒜，一咬落去就超級滿足！佢最好食既係中間有d菠蘿係裡面，成個package夾埋係意外地好食，大推呢個招牌pizza。之後要介紹既就係佢個甜品Apple Crumble，勁脆既餅乾，咬落去每一塊都係充滿蘋果同玉桂既香味，熱辣辣既蘋果同焗到香脆既餅乾配上凍既雲呢拿雪糕，一整個就係味覺既大享受！完全係令一頓晚餐完美既點啜。

甫入內，已被歐式酒窖風格吸引，還有卡位可選擇呢。大多數菜式都配上蒜頭，這個百搭的材料，無論煮任何菜式也好吃。最先來的蒜蓉包已經與別不同，配上一粒粒的小蒜粒，味道濃郁。筆者最愛的是肉眼扒配蒜頭散山。充滿肉香的牛扒舖滿了焦香的一片片蒜頭，還有洋蔥和菇。牛扒與蒜頭的味道相輔相成，筆者忍不住吃光了蒜頭！體貼就在細節裹，刀具是真正為切扒類而設的，可以優雅而又毫不費力地切牛扒。另外還點了海鮮Pizza, 皮薄而脆，薄餅醬連結了海鮮和餅皮。海鮮用料一點也不馬虎，蝦大隻又彈牙。這是用心烹調的餐廳，筆者一定會再來吃！

呢間店既特色就係會落勁多炸蒜片係每一道菜裡面，鍾意蒜片既人一定鍾意到癲！呢度既環境特別舒服，好適合食一頓美味既佳餚。呢度既野食真心極級好味，唔係講笑，但價錢就偏貴，屬於中上偏貴既餐廳。首先介紹一下佢個牛扒，一塊差唔多400蚊，但絕對令人拍案叫絕，好味到癲，首先係佢個牛，整得非常之咁淋，而且個牛味出哂黎，之後仲要放滿勁香口既炸蒜，成個組合基本上係冇得輸既。其次，佢個龍蝦麵都整得非常好食！龍蝦肉配上適量既白汁，加起上黎非常之夾，麵同龍蝦肉都好彈牙，十分好味！

嗌得做mad for garlic當然有鎮店蒜頭菜式.距個pizza 真係一試難忘，已經次睇三次食尼間嘢.pizza 係正宗薄底.面頭好多炸蒜，超級香.上台果時，staff 會幫你磨cheese.好似落雪咁.而且可以隨你心意加添.蟹肉意粉都抵讚，白汁好濃.海鮮味好足，面身熟度岩岩好.好味道清曬

望穿秋水終於來到 happy Friday，未放工個心已經飛咗出去戲水，plan 埋嚟緊兩日同老公去邊度飲飲食食。lunch 去咗時代廣場11樓食Mad for Garlic， 呢間餐廳好啱情侶拍住拖黎撐枱腳，富有浪漫情調嘅裝修，投射住昏黃舒服嘅燈光，真係黄面婆都變女神bb。熱板煙肉飛魚子醃漬蒜炒韓國牛油飯，呢個飯真係好吸引 望落平平無奇 食落去啲飯好乾身好索味，配埋炸蒜片，香口得黎又保健養生，蒜頭具有抗菌消炎功效，大條道理同自己講多吃無妨啦。最後，一頓健康豐富嘅午餐以香濃咖啡 同 軟滑芝士蛋糕作總結！

上次去過九龍塘嘅Mad for Garlic已經覺得唔錯，今次同肥先生放工黎食個蒜味十足嘅晚餐😋簡單點好菜後，侍應已端上免費嘅蒜蓉包，熱辣辣充滿蒜味，已經胃口大開☺️香脆魷魚圈 配蒜香蛋黃醬$68。餐牌上話係新推出食物，肥先生鍾意食魷魚所以要滿足下佢😘成碟好多魷魚圈、好多炸蒜片，超級香脆😍點埋蒜香蛋黃醬真係好惹味👍蝦、菠蘿、炸蒜片MFG招牌意大利薄餅$148。薄薄而香脆嘅餅底，配上新鮮菠蘿同蝦，當然配上餐廳主打嘅炸蒜片，仲有粒粒蒜頭同充滿芝士！嘩！味蕾感受非常豐富🤣蒜味豐富之餘，配上菠蘿可中和、清新一下👍蛋白焗香辣牛肉薏米意大利飯 配蛋黃$158。呢款飯好有fusion感覺，蛋白面打得好有空氣感，撈匀蛋黃後成個飯濕濕的完全不會膩口😄意大利飯煮得剛好，飯入面嘅辣牛肉絲能夠帶起我倆有醒神嘅感覺，配合一個酸酸甜甜嘅汁感覺很好😎食完呢餐充滿蒜味嘅晚餐，非常滿足到我呢個蒜痴嘅慾望🤣🤣多謝肥先生嘅陪伴😘

上星期銅鑼灣收工約咗舊朋友食飯，朋友大力推介呢間佢試過嘅西餐廳，有冒險精神嘅我梗係去試吓啦當日我哋七點已經去到，當時人流唔多，但係我哋八點幾買單嘅時候基本上餐廳已經坐滿人，而且不得不讚餐廳環境都10分舒適同朋友叫咗兩個前菜，叫咗呢個蒜蓉包塔，一上枱店員就會為你切開呢個包入邊充滿着好多好多嘅蒜蓉，識落非常香口，而且我真係好鍾意麵包上枱嘅時候仲係熱辣辣另外叫咗呢個魷魚圈都有別於喺出邊嘅西餐廳，佢上面都加咗蒜片，配上魷魚圈嚟食都非常香口由於呢間餐廳係以garlic為主題,我都特登叫咗呢個garlic carbonara非常非常好食！意粉al dente!而且醬汁非常creamy! 比起其他高級西餐廳有過之而無不及朋友叫咗呢個辣牛肉條意大利飯，我試食咗一啖，都非常值得推介！佢哋將蛋白打到起泡，然後配上辣辣地又重奶油香嘅飯，層次感非常豐富總括嚟講呢間餐廳無論係朋友聚會定係情侶拍拖都非常值得推薦，環境舒服而且食物質素高！而且佢嘅食物質素都絕對對得住價錢

Mad for Garlic在韓國大受歡迎，之前試過，好野梗係要同朋友一齊分享。餐廳位於時代廣場，由頭盤到甜品大部份菜式都有蒜頭。裝修走歐陸酒窖的風格。一坐低先來一個香脆嘅蒜蓉包。牛油果車厘茄珍珠芝士藜麥沙律，牛油果口感特別，沙律菜新鮮翠綠，配上其他新鮮配料非常健康。MFG招牌意大利薄餅，餅底入口香脆，鋪上蝦肉及菠蘿，再加上炸蒜片及即刨芝士，造型一流，多種滋味於一身。 脆香焗蒜蓉澳洲羊架，羊肉肉質嫩，再配上香草蒜蓉汁，配搭一流。蒜香忌廉汁蟹肉及龍蝦意粉，龍蝦肉質彈牙，意粉煙韌。焗脆糖漬蒜蘋果金寶 伴自家製雲呢拿雪糕，一冷一熱，甜度適中。

入座後會開始計時，需要在90分鐘內食完。點菜後會按人頭自動送上garlic bread，外脆內軟，非常惹味。我們一行5人，點了三道菜及一客甜品，包括garlic snowing pizza、忌廉蟹肉及龍蝦肉意粉、蒜容包塔，而甜品為蒜頭香蕉朱古力薄餅配雪糕。其中意粉較少肉，不夠滿足。pizza蒜味及芝士味同樣突出，值得推介。蒜容包塔賣相震撼。而甜品加入蒜味非常新奇，但味道一般。整體來說，食物及服務不錯，座位亦舒適，可以再試。

這天和朋友來了銅鑼灣的mad for garlic 我和朋友也很喜歡吃這家餐廳侍應先送上香蒜包非常的香脆可口、好吃！我們點了蒜香牛肉意大利麵這個之前吃過覺得很美味哦意大利麵很彈牙清爽拌著蒜香忌廉、加上紅汁和牛肉味道非常的濃郁惹味呢！Garlic for you steak 賣相和味道也很棒牛肉肉質鮮嫩肉味濃郁拌著香甜的蒜粒、洋蔥再加上香甜的醬汁和牛肉的味道很配合、十分滋味無窮！甜點是我們喜歡的香蕉榛子醬蒜片pizza香蕉榛子醬配上甜甜的蒜片、再加上香滑的冰淇淋十分的香甜滋味！pizza也烤得十分香脆可口餐廳還送上了一樽香脆的炸蒜片每次來這餐廳都是水準依舊、非常出色所以我和朋友也很滿意

叫左一個pizza-太油太甜，味道奇怪一個意份-勁辣，唔香一個扒-沙拉汁又辣又酸，超難食，沙拉汁好難食勁難食，d味一d都唔夾，調味又唔得樣樣冇蒜味咁耐以黎食過最難食西餐點解所謂既西餐廳係銅鑼灣以個位 會難食過街邊檔 茶餐廳乾蒜片 五脆五香 全部所謂推介蒜味係一大堆乾蒜片放上去 完全冇蒜味🤦🏻‍♀️🤦🏻‍♀️以後都韓國既西餐廳都無信心唉... 做promote 打算過黎食 食個普通魚steak 又腥 調味又甘差重點叫左全部經典冇樣好食送既蒜蓉包都五好食 完全冇蒜味 街邊麵包店都好食的2019食過最難食既餐廳 包括中西餐 絕對無下次 救命🆘 叫人如何mar for garlic