Mai 新派泰式料理 (已結業)

19號去左食呢間野, 係朋友介紹既..最好味係椰青海鮮焗飯呀!!! 好正呀... 好香, 好濃味... 係極品推介不過如果咖哩無咁辣就好啦.... 叫左個炸蝦冬甩, 都好好食喎...不過好奇怪既係, 我地坐係non-smoking area都聞到人地食煙d味..而果個唔知係咪老闆既人, 幫我地影相, 好好人呀, 仲話叫我地睇下影得好唔好, 唔好再幫我地影過呢..呢d先叫服務應該既態度架嘛...

尋晚同左男友去食,佢都係睇食評既,所以大家都有一定既期望...平日既八點零去到,都算full,得番近門口位,無所謂啦~d service都唔錯,個waitress一路企o係附近等我地叫野食,我地都睇左好耐,哈~最終叫左小拼盤,烙餅,甜綠咖哩朱肉&椰香海鮮焗飯...初初仲諗住樣樣都的的式式,點知d野都幾大份喎...雖然個小拼盤係油左少少,但係都唔錯...甜綠咖哩d味都幾特別,不過朱肉'鞋'左少少,可能揀雞會好d...薄餅都撈飯都幾好味~我最鐘意係個椰香海鮮焗飯呢!雖然d海鮮係炸過...不過d飯撈埋d咖哩汁真係好好味!!嘻~~最終都係食唔哂d野...所以個waiter問我地要唔要叫甜品都無叫loo...講好左下次會再去...一定要試下冬蔭公肥牛火鍋&蠔蛋,唔~整體黎講大家都好滿意,又唔算好貴,賣單$286...

晚飯,兩位昨晚食o左三道菜已經捧住個肚走。蝦糕炒飯，好正；碟泰式燒肉就有點un；仲有條蕉燒魚，來到只知道系條烏頭，雖然好大條，但無expect到會系條平價魚。服務員態度非常好，好有禮貌同笑容。但而家看到食評至知道用找數有，服務員都無題過。

自從旅行歸來後，愛上食泰菜。HSBC有折，唔執輸去食番餐。地道冬陰功蝦湯-蝦肉勁霉，而湯底唔算辣，反而甜味過重。Menu上的紅咖哩鴨，我改了紅咖哩羊膝，還要加辣。羊膝煮得好腍，完全沒有羶味，而咖哩除了辣外，亦帶點甜味，質地較浠身，但都不失香濃。配以烤餅一齊食，效果亦不錯，可惜烤餅不夠熱，亦不夠鬆化。鹹魚炒芥蘭-我以為係泰國芥蘭仔，原來係港式芥蘭，都幾爽脆，唔算老。而用來炒芥蘭不是蒜蓉，而是一粒粒的蒜頭，而且仲係連皮的蒜頭，俾人有種唔乾淨及偷工減料感覺。加埋杯石榴冰，折後$250，價錢OK，不過總體味道唔太突出。

唔好以為泰國食店只係得辣野食。這裡的午餐其實也有不少咁香港人口味的，例如湯粉之類，會岩我們那些唔食得辣既人。我要一個豬頸肉飯，朋友就要個海鮮焗飯。我的豬頸肉略瘦，但幾有口感，醬汁酸酸地辣辣地(但唔會太辣)，送飯唔錯。碟飯都好大碟，幾乎食唔完。朋友既海鮮焗飯好香，賣相幾好，雖然我沒有試，朋友卻話好正好正，相信佢都唔會講大話。跟餐有一杯飲品，有些是頗有特色的，但我就偏要了最普通的可樂。隻杯形狀幾特別，卻好細杯，兩啖就飲晒。建議佢換番隻大杯，因為如果食辣野呢杯飲品就一定唔夠。揚手好耐都落唔到單。不過公平點來說，我覺得侍應唔係懶，似乎只是人手不足而已。

想食泰國菜.. 諗爆個腦.. 都諗唔到尖咀有咩好食o既泰國菜.. 於是上o黎睇睇.. 見食評都唔錯就走去試下..7個人order 左:1) 炸蝦餅: 3小塊, 夠香口...同出面o既泰國餐館都差唔多...2) 粉絲蟿煲: 呢個好好食喎.. d 粉絲入唒味, 隻蟿都幾鮮呀..3) 燒豬頸肉: 好食.. 個汁都好得.. 份量ok4) 燒墨魚: 一d 都唔un 呀.. 但係好辣5) 蠔仔煎蛋: 未上之前.. 我諗呢個一定好似潮式蠔餅.. o黎到左.. 發覺唔係蠔餅o黎o架.. 係d 蛋漿包住d 細細o既蠔仔, d 蛋o岩o岩熟.. 好滑好熱.. 加埋份量十足o既蠔, 我覺得好好食呀6) 明爐烏頭: 次次去食泰國o野都會叫.. 呢個都好好食呀.. 一d 都唔"hai 口".. 酸酸地.. 開唒胃..7) 炒通菜: 普通.. 好細碟添8) 蟿肉炒飯: 都幾好食呀... 唔係好油呀.. 之後order 左4個甜品:1) 2個芒果黑糯米飯: 好好食呀.. d 白米黏黏地.. 煙煙un un!! 好咬口.. d 黑糯米就甜甜地.. 2 個一齊食就平衝番.. 哈哈2) 唔記得左個名添.. 係d 大菜糕加

見HSBC 有Promote, 同男朋友2個去試, 星期六晚上七時去到都唔係太多人. 本來諗住試原價HK$660 (HSBC 信用卡HK$330) 的套餐, 但比較一下, 這個餐散叫都無咁貴, 唔抵, 結果叫咗:冬陰公蝦湯- OK辣椒膏大頭蝦- 不算很辣, 幾惹味紅咖喱烤鴨- 咖喱唔錯, 烤鴨又不會太肥烤餅- 拿上手有些油, 用來配紅咖喱食, 覺得配飯應該正啲飛天通菜- OK唯一係地方較細, 兩臺只有1塊布相隔, 如果隔離臺係咁講嘢都幾煩埋單HK$320 (折咗 85 折)

Hk bank 有折, 果日星期六5:30 pm 去, 可能早得制, 得6個人咋!冬陰公唔好味, 又細細碗都$3X !燒牛肉唔似燒囉.不過D 位OK. DESIGN !仲有果蠔仔鐵板~ 都唔好食!

朋友話睇雜誌呢間舖新開張要試一試, 再睇網上既評語唔錯喎, 咁兩條友就book位試啦~ 一去到都幾full淨返門口位, 好彩有book位比左角位我地, 其他位好似網友所講都好窄&得好薄既布隔住。跟住我地點食物如下:冬陰公牛肉火鍋- 牛肉份量都幾多但好薄, 湯底少少甜少少酸又有少少辣(辣得黎又唔那喉)但好油, 正!細拼盤(雞軟骨,魚餅,蝦條) - 雞軟骨炸得香口鬆脆,正! 魚餅有d蔥有d香茅味, 一般啦! 蝦條得3條但好長, 味道ok啦! (跟兩款汁: 酸甜& 少辣)泰式抄豬肉河–豬肉好滑配料好多, 紅蘿蔔有不同形狀好特別, 但河粉一舊舊& 略少囉, 但味道都幾好!埋單HKD204, 因為HSBC credit card有85折

是晚同朋友路經美麗華商場, 見有間較多人氣既餐廳更行去看看, 原來係食泰國野, 見環境不錯便入內試啦, 我地2個人叫左一個紅咖哩雞, 一個燒牛柳, 一個炒菜, 仲有個柚子沙律, 味道ok的, 特別係個紅咖哩居然有荔枝, 好甜好好味, 最差係個牛柳, 炸到乾晒, 仲乾過牛肉乾, 又碎濕濕。環境黑左D, 食到有D想訓覺, 位與位又好似密左D, 想講野大聲D都怕比人聽到。

Mai Nouveau Thai Cuisine,o係Uniqlo o個層,唔洗等位,我地四個人,staff見到我地拎住d 花,好識做地拍多張檯埋黎比我地擺野呢度話係食新派泰式料理喎,價錢中上我地叫左:炸蝦餅條冬蔭公牛肉火鍋泰式炸燒雞飛天通菜椰香海鮮焗飯香葉千層糕/椰汁糕 樣樣都唔錯喎,幾好味,最鍾意個冬蔭公牛肉火鍋,都幾多肥牛,仲要係靚牛!冬蔭公湯好好味,見佢menu有三隻辣椒,所以我地叫小辣,我覺得o岩o岩好~香葉千層糕同椰汁糕一樣價錢,都係六件,我地就問可唔可以拼埋,每樣三件呢?又得喎,good! 千層糕同我平時食開o既唔同,呢度係熱食,仲要係出晒煙o個隻!我平時食開o個d係室溫的....其實係咪應該室溫會好d呢?因為熱食好難叉開,好黏...攪到成pat野咁....不過就無影響到個味道^_^

蝦串燒-幾好食呀, 蝦都算鮮, 個醬酸酸辣辣, 好惹味, 但總共得6隻甜咖喱雞-好香, 唔係好辣, 雞好滑印度薄餅-因為個甜咖喱雞好食, 所以叫左,熱辣辣, 好正乾炒豬河粉-我叫小辣, 但係好辣, 河粉炒得好滑, 河粉分量略為小; 如果唔係好辣, 我會俾十個好!蝦醬通菜-ok啦, 唔會太鹹, 炒得唔會好老總結:味度唔會過濃, 我無叫野飲, 但waitress不斷refill清水; 價錢,服務同味度都好過我想像中.

尋晚又同靚女吃飯，我同靚女都中意吃辣，所以簡泰菜。呢度的2人位爭係隔塊佈，如果隔離擡嘈就咩都聼到曬，好嘈。講番食物，叫左個冬陰公，蝦刺生，豬頸肉，軟闔蟹，介蘭。冬陰公好飲，靚女講得啱，我唔應該同泰國的冬陰公比，點比都無得比。蝦刺生好開胃，不過唔夠鮮，豬頸肉正常好吃，軟闔蟹好吃，但嫌太大只，細只的會更好吃。埋單HK$380,吃得幾開心，不過靚女係為左sale野先同我吃飯，吃完有的失落。

兩個人星期六, 七點幾去到, 唔駛等位即刻可以坐低. 叫左以下食品:1) 冬蔭公湯-- 好飲, d 料好夠, 辣度適中2) 海鮮粉絲沙律-- 普通, 不過唔記得同waiter 講要少辣, 辣到飛起3) 豬頸肉-- 份量大, 而且肥瘦適中, 食完都唔覺膩4) 鐵板蝦膏通菜-- 蝦膏味重, 但味道一般埋單差不多$350, 消費比其他泰國餐廳略貴. 有一樣要彈就係d 2人位同隔離枱距離太近, 成日聽到隔離枱講野,好嘈>_<

我地3個人叫o左呢幾味:-炸雞軟骨- 幾好味，個汁酸酸甜甜，作為小吃不錯-羊扒- 略為多肥膏，細件左d，水準麻麻-乾curry 大蝦- 個汁好味，蝦都幾爽口的-黃金酪餅- 不過不失，沾curry sauce 好味甜品叫o左:-南瓜布甸(?) - 幾好味，好重雞蛋味-香葉千層糕- 原來係蒸熱左的，小心燙親T_T，但幾好味另外叫左3杯cocktail呢到幾多客人係外籍人士，個老板(?)好似臺臺都埋去同佢地傾計，可能係問下佢地意見同埋推介下d菜式比佢地啦。我地個四人座位略為擠迫，其他大臺反而好似好鬆動，希望佢地可以改善下。氣氛都幾relax，服務亦不俗。價錢都算係預算之中。但覺得而家d泰式食館好似價錢提高了。