Mamaday Studio (已結業)

玩味十足嘅Mamaday越開越多分店，最近仲喺佐敦開咗間「Mamaday Studio」咖啡店，樓高兩層，設有少量戶外座位，裝修頗有特色，好特別呢餐廳主打咖啡、特色飲品、蛋糕甜品及bagel等等食物睇心情整梳打視乎店員心情而炮製的梳打😂呢杯係碟豆花薄荷梳打，呈粉紫色，好靚呀！口感清爽，唔會太甜，仲有陣陣薄荷香，夏天飲就啱哂豆腐豆腐咖啡鮮奶咖啡就飲得多，豆腐咖啡真係第一次試！上層係豆腐雪糕同咖啡，下層係細細粒嘅嫩滑豆腐，整體微微甜，帶豆香，咖啡配豆腐味道又幾match期間限定蛋糕柚子芝士蛋糕口感好軟滑，甜度適中，配上酸甜開胃的柚子汁，味道清新

喺佐敦見到一間裝修幾新潮嘅Cafe，因食物種類都幾多，有即叫即整嘅薄餅、蛋糕、甜品、咖啡、手調飲品，入到去嘅時候係樓梯轉角位就見到兩隻好可愛嘅貓店長🐈🐈，由於本人係一個貓奴，有貓店長就令到成個環境就更加開朗更加Chill 😆。德國蜜桃花茶 🥤 $44茶味都好香，雖然係蜜桃但係味道唔算太甜👍🏻睇心情整梳打 🥤 $44製成品係一個應該係Mixed Berry嘅一個梳打，甜品適中但係果香就唔係太足夠，如果加啲薄荷葉會更加香 😆Homemade Mamaday Pizza 🍕$68細細地既Pizza 皮薄香口，醬汁就多左少少令到成個Pizza啲鹹，整體黎講都唔錯。松露蕃茄貝果 🥯 $56蕃茄貝果🥯就幾香口，配上黑松露醬感覺就幾特別，值得一試😋好食 ： 7.5/10抵食 ： 7/10MAMADAY STUDIO油麻地白加士街105號地舖

今日約咗朋友傾偈，搵咗一間好特別嘅餐廳餐廳有三層，門口已經好吸引，感覺每一個地方都有打卡位要喺地下叫咗嘢食先，再自己拎嘢食上2樓3樓2樓同3樓分別都有露台位置，不過當日落雨所以我哋就冇坐出去，但係有機會都好想試吓，望落去好有feel最重點係兩隻貓真係好得意，好痴人嘢食方面都ok，因為我哋只係傾偈佢嘅份量唔算多，啱啱好總括嚟講，我幾鍾意呢度，因為同朋友傾偈好舒服，又唔會俾人趕，位置又多，而且周圍都好靚，令人好放鬆

面門色彩搭配鮮艷搶眼，喺舊區環境當中別樹一格！cafe內裝修設計走一貫玩味風格，到處都係打卡位！二樓仲有露台，環境開揚，感覺悠閒舒適，仲有兩隻貓貓，可以chill住歎咖啡蛋糕同玩吓貓。佐敦分店有別於其他分店，只賣咖啡、蛋糕同輕食。凍海鹽焦糖咖啡 ($48)焦糖醬同焦糖脆脆都係自家製，入口焦香味濃郁，散發住鹹甜交織嘅獨特風味。豆腐豆腐咖啡 ($48)除咗有一球豆腐味雪糕之後，咖啡入面仲加咗豆腐花，豆味濃郁，有層次感。布朗尼 ($42)口感綿密鬆軟，朱古力味道非常濃郁，甜度適中，唔會覺油膩。

約咗朋友未夠鐘，搵到呢間好有風格嘅Cafe Hea下享受下...連Menu 款式嘅名都好搞鬼「睇心情整梳打．是是鬼鬼但但」帶點驚喜同神秘。啱哂心思思好想知係乜東東嘅食客。我鍾情朱古力，見到73.5%濃度，當然要一試，wow...好濃郁，朱古力一定係熱嘅先最夠味最好飲。「朱古力咖啡蛋糕」好Creamy，唔會太甜，面層朱古力碎，增添朱古力味，餅底夠香脆味道唔錯👍🏻「利賓納藍莓芝士蛋糕」面層利賓納味道，像啫喱般嘅口感，加上原粒新鮮藍莓。配上Cheese cake, 味道好match👍🏻樓上雅座仲有outdoor, 坐坐下...發現仲有兩隻貓貓店長，好乖好可愛😍

「‼️貓岀沒注意🆘」⚠️🐱🐈 🐱🐈 🐱🐈 🐱🐈 🐱🐈⚠️由於自己唔好動物，所以好aware ；但喺唔騷擾下，係可以共存嘅🤨。有主食嘅銅鑼灣、尖沙咀店，要訂位，哩間喺油麻地/佐敦可以walk-in同free seating 。🍨「豆腐豆腐咖啡 $48」：有豆腐放喺底，中間咖啡，上面仲有豆腐雪糕🥰⋯⋯☕️「Flat White$38」：店員會主動問你要nutty完fruity，欣賞，有得揀🥰⋯⋯🥯「松露番茄貝果$56」：番茄味嘅bagel配黑松露醬⋯⋯🍕「即叫即焗披薩$68」：比想像中多mayonnaise，令到個pizza太漏。【後記】➡️ 星期日約人傾偈，一點坐到四點幾，人流差唔多4店先好多，連走廊都坐埋➡️最唔方便係要行上行落買食物同拎食物。客人唔多時，店員會俾咗飲品你先，再叫你15分鐘後，再去拎嘢食➡️真係好多打卡位➡️飲品味道好，但食物比較普通；但好處係旺區有個可以同朋友坐低飲杯嘢，傾下偈

豆腐豆腐咖啡🥤豆腐雪糕球係面濃濃豆腐味，豆腐味嘅咖啡真係第一次飲，加埋一齊原來好夾飲完一杯真係好飽肚，不過好好好味😋值得一試唔係間間cafe都有👍🏻👍🏻👍🏻你好污糟So Dirty☕️近排大熱嘅咖啡，呢間特別之處就係咖啡有花香，飲落好清新非常之正。海鹽焦糖芝士蛋糕🍰蛋糕整得好滑身，食到好重嘅海鹽味啖啖芝士唔太甜，所以我個人覺得好好味😋朱古力咖啡芝士蛋糕🍰好濃嘅朱古力味加埋咖啡，鐘意食朱古力嘅朋友一定要試，整得好滑，好快比我消化左成件😂😂😂

和組女high個tea聊聊天談談心，然後發現黑眼圈大了…兩層連地下，外面一睇就好吸晴，鶴立雞群，一睇認得！成個氣氛充滿創意，十分玩味，完全唔趕人，閒時見到兩隻貓輪流行cat walk😂即刻相機捕.Mocha甜度啱啱好，咖啡味出而唔會太苦，咖啡同朱古力嘅味道挺平衡！ .73.5%朱古力 有趣，很精準的濃度呢！第一口好香濃朱古力味，唔係好甜嗰種，所以飲落好舒服，下次試熱可能更香。.Brownie 因為有海鹽所以鹹味濃郁但不會蓋過朱古力味，口感偏軟，濃厚朱古力味充斥口腔。.@mamaday.studio

樓高三層 將具有歷史價值唐樓活化成這間咖啡店 @mamadaystudio 每處角落都係打卡位📸 除咗有好多有趣擺件外Funny 字句上至在牆上 下至樓梯 餐點都唔放過🤣🤣 🤣主打輕食路線🍰🥐🍕下單後 客人以自助形式上樓嘆啡 閑聊放鬆一下😚#豆腐豆腐咖啡有滑滑豆腐花 豆腐雪糕 幾好飲喎 可以當埋甜品食👍#是是鬼鬼旦旦果味咖啡 消暑最好😚#綠茶芝士蛋糕芝士味香濃 掩蓋唔到淡淡綠茶味🌿🌿有兩隻貓貓 陪伴渡過炎炎夏日😍

平日我都周圍去試不同cafe香港呢2年越開越多coffee shop實在開正我愛好今次去呢間Mamaday朝聖呢間野擺設玩味十足，第一去個陣以為自己去咗電影世界，什麼Alice’s Wonderland😂😂😂😂😂今次叫左個海鹽cheese cake Cold brew 味道都唔錯～～呢度仲有幾隻可愛貓貓 好痴人你食緊野經常走埋黎撩你抱佢玩佢咁應該都好多回頭客吸到番黎真係名乎其實叫 招財貓👍👍👍👍👍

呢日同朋友嚟咗呢間bookmark咗好耐嘅cafe, 一入到門口就知佢同其他分店一樣，都係裝修玩味十足。而呢間同其他分店唔同係主要賣啲輕食同飲品，三點幾嚟到食個tea同朋友傾吓計都唔錯。我同朋友分別嗌咗杯dirty同佢杯事事鬼鬼旦旦，仲叫咗個柚子芝士蛋糕同松露bagel。呢度主要係自助形式，係樓下等咗陣reheat個bagel, 就可以拎上去食啦。呢度二樓三樓都係座位，樓梯其實都有啲位俾人坐，仲要係個好好嘅打卡位添，而且仲有兩隻好乖嘅貓貓。我地就拎咗上三樓食，上到去發現仲有露台位可以坐添。講返啲嘢食，個bagel咬落好有口感，唔係普通麵包質地，個truffle cream cheese都好香，拼落蕃茄bagel好飲似食緊pizza咁。我杯事事鬼鬼旦旦其實就係house blend加soda, 似落完全有佢講嘅菠蘿同柚子味， 好refreshing又唔會過甜。 另外個芝士蛋糕都好重柚子味，而且唔係實的的個種好heavy嘅cheese cake, 咬落仲有啲柚子皮，感覺幾輕盈。呢間餐廳好啱同朋友嚟消磨吓時間，如果座位再舒服啲就更好了。

復古愛好者一定不能錯過的Mamaday Studio咖啡店座落於戰前唐樓古舊建築經過翻新 成為年輕一族打卡潮點咖啡店共三層 每層都有驚喜的位置除了保留唐樓獨有兩條支柱、陽台等等更加入了大量彩色塗鴉、壁畫和港式幽默文化元素 整個環境 玩味十足 不捨得離開..餐廳主要售賣咖啡、特飲同輕食購買食物後 需自行提取離開時歸還餐盤 便可------------------------------Special 🔸豆腐豆腐咖啡凍咖啡上面加入一球豆腐雪糕雪糕的豆味很濃為咖啡帶上一絲絲甜味而底部亦加入豆腐花增添口感🔸是是鬼鬼但但是鬼但應該是菠蘿咖啡第一口 很有衝擊 酸味帶點苦酸來自於菠蘿酸苦 是咖啡喝下去 也不太差有點像品嘗「人生」酸苦共享Dessert 🔸期間限定朱古力咖啡mousse cake mousse很滑 很香咖啡味 再配上香濃的黑朱古力 真是很搭配而且不會很甜mousse下面是Oreo 餅乾醉吃下去 口感豐富------------------------------

Mamaday Studio見到門面就被吸引。真心中意呢種local stylish design 😎豆腐咖啡 $46一直聽聞豆腐咖啡出名，今日飲過都覺得唔錯，以凍咖啡嚟講😋 浮面嘅雪糕🍦好食之餘，原來啡底除左有espresso之餘、堅係加左豆腐花做底。成件事好豆腐。雪糕都無咁快溶、而且內涵幾滑。宇治抹茶Latte $48飲落雖然有少少黏，但係勝在夠綠茶味，整體口感不錯～～松露蕃茄 Begel $56Begel係好食啊！配埋佢畀嘅cheese dipping 就好夾。不過可能🤔 $56 有啲貴Cafe仲養左兩隻貓貓，叫「大地」和「在下」好得意😍

今日係油麻地個頭想食個下午茶，就黎左呢間打卡勝地既Mamaday Studio。Mamaday Studio裝修同其他Mamaday一樣有玩味，係以鬼屋為主題，門口以紅白藍色爲主，非常突出，離遠都望到，夠特別。地下個層既内在環境裝修都唔錯。係地下收銀買完同攞完野食就自己行去隔離個座再上樓找位坐。記得自己攞埋餐具同紙巾。呢度只有輕食如蛋糕，簡單Bagels，但係咖啡有好多唔同款，另外都有茶同特飲。今次我地每人叫左一件蛋糕分享。呢度好似有三層，二樓有一個露台，景觀唔錯，唔係夏天黎既話坐露台應該都幾好feel。但係今日超熱，我就坐室内算數。伯爵茶戚風蛋糕 $52伯爵茶戚風蛋糕唔止係戚風蛋糕，原來仲有好多伯爵茶輕忌廉同少少花瓣係上面，賣相好唔錯！戚風蛋糕非常鬆軟，食落好似馬拉糕，伯爵茶味道就唔算濃，反而輕忌廉既伯爵茶味道較爲濃，滑溜既忌廉配鬆軟既戚風蛋糕一齊食好夾。芝麻豆腐慕絲蛋糕 $48呢個芝麻豆腐慕絲蛋糕分三層，分別係芝麻慕絲，豆腐慕絲同最下底既餅底。慕絲好滑，而芝麻同豆腐味道都好香濃同夾，加上餅底適當既厚實程度，好味道又有層次感！今次試既兩款蛋糕都好食！食完心情都好起黎！

相約咗兩位閏蜜係星期日去食tea傾吓偈，於是揀咗一個交通都算方便嘅Mamaday Studio。佐敦A出口行兩分鐘就到, 地點都好方便。首先係門口有一幅對聯，驟眼睇真係會眼花，但玩味十足又抵死嘅句子先係Mamaday嘅style😆然後要係地下嘅收銀處落order俾錢，再自己拎嘢食上樓上cafe，搵位、清垃圾全自助我哋叫咗兩個食物「好好食牛角包」$68 同埋 「精選蛋糕」$48 share食。因為牛角包係即場烘熱，所以要等10分鐘, 搵到位坐低冇耐又要落樓去拎食物。雖然牛角包係脆脆地, 蕃茄都好juicy，但$68一個牛角包對我嚟講真係有d貴😰至於當日嘅精選蛋糕係朱古力蛋卷，食落有少少士多啤梨味，蛋糕都濕潤好食嘅飲品方面，因為當日超級熱，我哋3個都叫咗3杯凍飲消暑。分別係「宇治抹茶牛奶」$48，「豆腐豆腐咖啡」$48 同埋一杯凍嘅Americano $36宇治抹茶牛奶用咗知名嘅京都小山園嘅抹茶粉，我嘅抹茶控閏蜜話抹茶味好香，味道甘甘地好好飲，又唔係好甜豆腐豆腐咖啡就係咖啡上面有一球豆腐雪糕，淡淡嘅豆腐味慢慢咁滲出嚟，又有得飲又有得食雪糕，真係唔錯！夏日炎炎飲呢個真係一流😆👍星期日比較多人