Mango Mania

營業中

休息中

**⚠️此試食不是自費**今次到北角搵到間係泰國好出品嘅芒果甜品店👍🏻而且呢間店總同Orange Elephant一齊開，除咗甜品，總可以順手叫埋地道泰國嘢😍呢度連啲員工都係泰國人，味道當然都好有泰國嘅風味🥰不過就間鋪嘅位置比較隱蔽，要啲時間先會搵到😂Super Mango Mania $68角落評分：🌕🌕🌕🌕🌗呢個可以話係芒果拼盤，咩類型甜品都有，啱晒咩都想試吓嘅朋友仔👍🏻呢個有半個大芒果、芒果布甸、芒果糯米飯同埋芒果雪糕😍芒果好甜好大粒，係麻煩啲要自己切粒☺️布甸同雪糕都好重芒果味，完全唔係用芒果汁果啲整成🤩糯米飯都好好食，配埋Cream同雪糕食都好好味🥰整體係幾值得試☺️Mango Sticky Rice parfait $48角落評分：🌕🌕🌕🌕🌑原來好鍾意食芒果糯米飯嘅朋友，呢個係一定要試吓🤩因為呢杯講到明係芒果糯米飯芭菲，成杯都係滿滿嘅糯米飯😍而且整得好軟熟，同係泰國食果啲真係好似👍🏻芒果粒粒都大粒同好甜，份量總好多🥰芒果糯米飯愛好者必點☺️可惜小編唔係好愛，多到都食唔晒😂

好似身邊總有一兩個朋友特別鐘意食芒果，每年都要去番幾次泰國先得嘅。宜家無得去旅行，只好過間過江龍頂下口癮啦。 如果係北角掃完街都可以順路嚟食埋架，食甜品有第二個胃架嘛！Mango Bingsu 芒果冰嚟嘅，面頭有超級多嘅芒果，大大舊，仲要好甜。仲有一球雪糕，配埋啲冰好夾。最緊要係記得淋埋啲花奶落啲冰一齊食，奶味十級濃郁。Super Mango Mania呢個就好似雜錦咁，咩都有！有糯米飯，芒果布甸，芒果雪糕，仲有半個切好咗嘅芒果添。一次過滿足晒所有願望。糯米飯真係好好食，糯米飯加上脆香嘅綠豆，加埋椰汁一齊，真係食唔停口呀！

同朋友嚟到北角想食甜品 我見到呢間專食芒果嘅甜品店 二話不說就入咗去食餐牌好多芒果甜品 我哋揀咗好耐終於揀咗下面兩款超級芒果狂熱-呢個甜品基本上係一個大集燴 啱晒樣樣都想試少少嘅人 有芒果糯米飯 原隻芒果 芒果布甸同埋芒果雪糕。淨係睇埋相已經想流口水 而且佢份量好多 芒果糯米飯暖暖地配上椰汁超級好食 完全好似身處喺泰國 芒果雪糕甜到啱啱好 直頭有透心涼嘅感覺 芒果布甸好出色唔會太甜亦都唔會太淡好濃芒果味 添加芒果醬真係冇得輸芒果冰磚-呢個芒果冰磚又係賣相係冇得輸 個portion 好大 綿綿冰超級幼滑 唔似出面好似咬緊冰粒咁 而且佢啲芒果大大舊 保守估計起碼有一個嘅芒果 配上少少淡奶已經非常之出色 仲有個雪糕配埋佢完全係好抵食我朋友約定左下次再嚟試其他甜品

話說我哋好鍾意食芒果所以睇吓上網呢排有咩推介，之前喺網上見到有人介紹呢間來自泰國嘅Mango Manila 似好正咁所以專登過嚟試吓😌我哋叫咗個芒果沙冰同埋呢個芒果糯米飯加雪糕嘅特色套餐，個芒果糯米飯係好正嘅，好有椰香味同埋好軟熟，芒果係好香甜嘅，佢要另外在配多個芒果醬同埋椰奶另上，另外夾埋芒果雪糕一齊食係好match 喎反而側邊個芒果布甸仔就麻麻哋，比較之下有啲失色，冇咩味可能係個芒果糯米飯太搶掛杯芒果沙冰都好正，啖啖肉好有芒果味，既然呢排有排都冇得飛，唯有當自己去咗泰國食下午茶啦

之前喺曼谷食過mango Manila, 好受歡迎經常大排長龍。而家佢喺香港和富薈開咗分店, 梗係要去朝聖啦！佢主打芒果甜品, 就點兩款招牌甜品試下！芒果蜜糖吐司適逢下午茶時段, 有啲肚餓, 所以叫咗份吐司, 估唔到又幾唔錯！吐司香脆可口, 內裏軟熟, 加上新鮮芒果、雲呢拿雪糕和糯米飯, 很有飽足感！椰汁芒果西米露芒果新鮮厚切果粒, 啖啖天然果肉, 加上芒果雪糕, 芒果控必然選擇。椰汁味香濃, 配上口感軟熟西米粒, 完美配搭毫無違和感！

北角開左新food court，去左食完唔好食既food court質素後，行左陣街，番去同一商場食今晚主打，mango mania甜品。0855入座，0900前落左單，叫左個芒果蜜糖多士同芒果糯米杯。#小插曲： 呢間野同orange elephant同一間黎，落左單先見到9點後入座有7折（甜品無），見到串燒想叫，就問有無得落，但覆番係第一張order係9點前落，所以無折，咁就算數（本身想話咁取消再落單，女友阻止話算）等左好耐20分鐘有多，甜品到，多士賣相好，糯米杯都ok。多士有焦香味有蜜糖味，熱辣辣脆口配雪糕同芒果，好食（但芒果好酸），可惜佢兩個醬都唔出位，椰汁唔香，芒果汁唔甜少假，唔點好d；糯米，太多糯米，都唔係一層層，係麻杯都糯米，食唔哂算。$48$58整體，打卡或試食下過江龍ok，為芒果甜品去食就會勁失望，水仙芒又話甜，全酸又唔夠多汁，俾我揀多次我會揀茶木，至少無咁濟（原因係佢太多牛油可能）

真係唔知點解佢會開喺一個好噏耷嘅商場入面🙂你間野除咗可以食甜品仲可以食泰國菜 🍽 除咗一碗嘅甜品都有一杯杯嘅芒果汁🥤今次叫嘅甜品份量都好大份😂兩個人食真係好飽芒果冰磚($70)🍧夏天食一流消暑清甜☺️入面係好幼細既刨冰絲 側邊有芒果醬同花奶 佢哋採用泰國出名嘅水仙芒 🥭芒果切到好大粒 單睇色澤都睇得出好甜好juice💦 仲有跟一兜細細糯米飯 系煙韌唔係硬 絕對唔係求其比兜野你預你唔食嗰啲食完啲咁冰凍嘅嘢 叫返份即整嘅TOAST先🤪 芒果蜜糖吐司🍯($58) 好鬆軟 麵包皮好脆好香 吐司上面仲有椰汁雪糕+糯米飯 仲有半個手掌大嘅芒果🥭抵食推介

前排，因為某某 youtuber 嘅介紹，得知道Mango Mania進駐左香港。聽聞Mango Mania 係泰國常常大排長龍，佢地嘅人氣食品包括芒果冰、芒果蜜糖多士、芒果狂熱、芒果糯米飯芭菲等等，所以我男朋友身為芒果迷，絕對唔可以錯過。Mango Mania採用清甜、無纖維渣滓嘅泰國水仙芒，配搭其他新鮮食材，炮製出一款款果香濃郁的滋味甜點。我同男朋友可能因為當日八點幾先去到餐廳嘅關係，去到嘅時候，好多甜品都賣晒，所以我地只係叫左兩杯芒果特飲同埋芒果椰汁西米露，雖然我地都有啲失望，係因為我地食唔到餐廳嘅招牌甜品，但係杯芒果特飲都好好好好味

芒果狂熱，芒汁爆裂💦🤤——呢間Mango Mania，啱嗮我呢啲鍾意芒果嘅朋友仔！.芒果冰𥖁($70)芒果爆汁💦！好似冇渣咁，一咬落去好似噴泉咁爆嗮啲芒果汁出黎...勁正！仲要甜😍冰係椰奶冰黎，好棉滑🥰椰奶味都幾出！食到中間覺得唔夠味，仲可以加附送嘅芒果汁/椰漿，好貼心～又有舊糯米飯仔比你配黎食！好高質！👍🏻.芒果糯米飯($68)原個芒果上，幫你切開一粒粒。芒果又係又甜又多汁💦糯米飯好煙韌，上面嘅椰漿好好味，所有野好夾，冇得彈！👌.芒果乳酪芭菲($50)因為前面兩個太出色，震撼咗我嘅味蕾，所以當我食呢個嘅時候覺得有啲失色！加上我本身唔係太鍾意yogurt。不過！佢嘅芒果雪糕，同芒果汁/芒果溶，係好食嘅！而且入面有芒果肉～.Overall: 9/10Value for money: 4/5——📍Mango Mania北角和富道21-53號和富地下G18C號舖.

芒果冰磚 ❤️ ($70)評分：7/10.芒果味甜品可以話系冇得輸嘅甜品。香港冇幾多間專做芒果冰，所以知道佢地開咗係屋苑商場，評價又好似幾好，就抱著好奇心態去支持吓啦。整體嚟講其實唔算太特別。收費都合理嘅。嗰冰嘅冰底有淡淡嘅花奶味。食咗一半先肯定到係花拉。個人覺得其實係可以濃少少甚至加番啲煉奶入去打嘅。宜家咁樣略嫌冰感都係太重，芒果唔酸、清甜，但又未甜到可以彌補到冰嘅淡味。所以硬係覺得美中有所不足，好似冇咗主角咁樣。附送嘅芒果糯米飯波波一球幾貼心嘅。唔會太硬，合格～ 我後尾懷疑其實嗰芒果醬應該唔系用嚟點嗰飯食而係應該淋落冰面撈埋。總括黎講，整體質素平均，但無驚喜。當試下就算了。

哩間泰國芒果甜品店🥭黎咗香港都有一段時間。我地去到果陣已經十點幾差唔多last order，但都仲係爆場，有一兩pair客人係外面等緊，好誇張。芒果椰子西米露慕斯冰沙 $42 飲落texture好飲普通沙冰咁，芒果味好清甜🤓，飲完唔覺口渴，應該係純芒果blend出黎冇額外添加糖漿😛。椰子味唔太濃，比芒果味蓋過左🤭，隱約食到一粒粒嘅西米💭。建議飲返平啲$33嘅芒果冰沙。⠀芒果冰磚 $70 每一舊芒果都同樣清甜🧡。佢嘅冰係一絲一絲嘅，淡奶味比較多☁️，唔算好濃芒果味，但冇上一杯嘅咁甜😗。旁邊附有淡奶同芒果汁，覺得個冰唔夠味可以根據自己喜好加落去✨✨。另外仲有一勺糯米飯🥥🍚，飯都算粒粒分明，臨關門「尾水」算係咁啦🤪，仲有杰杰地嘅椰汁醬掛係面，好正宗。入口軟糯，椰香味夠👄。⠀⠀總結：真材實料嘅芒果味，好fresh好自然🥭。甜品甜度都適中，食完都冇話好想飲水👅👅。⠀⠀

今天剛好跟朋友約來泰國菜吃飯，吃完最合適就是甜點直落，因為是同集團的關係，甚至完全不用轉場，太方便了！芒果糯米飯（$68）芒果非常鮮甜，糯米飯雖然不是暖的，但配上椰奶也是很好吃的呢！芒果冰磚（$70）用的是牛奶所做，非常的濃郁，而且芒果量非常的多，現在夏日炎炎吃著真的很爽呢！比較欣賞的是醬汁都可以自己添加，絕對可以根據個人口味而作出調適呢！份量可以，無論是一個人吃還是分享都很合適，難怪晚上也一直有客人！

飯後甜品時間，黎Mango Mania食番個芒果甜品，呢度除左食嘅甜品，仲有芒果飲品。我就揀左呢個集合多款甜品嘅款色。今次點嘅係超級芒果狂熱（$68），除左切得靚靚，味道鮮甜juicy嘅嘅芒果之外，仲有芒果奶凍，口感有奶味，又唔會好膠嘅感覺，唔算甜。另外仲有芒果糯米飯嘅糯米，加啲椰汁同芒果汁就好正！另外點少得芒果雪糕，唔會起冰粒，好綿密，一樣唔會好甜。呢度又幾好坐，位置同泰菜店相連。食完泰菜過黎食，又幾方便架～

疫情關係，心情比較差，所以走咗去北角和富商中心裏面食甜品，此甜品店裝修十分年青，有啲噴畫在牆上，感覺時尚。打開精緻餐牌，仲見到佢喺泰國好多地方都有分店，感覺非常正宗。一場嚟到梗係食係泰國最鍾意食嘅芒果糯米飯，這裏的芒果用量夠，十分甜，非常美味，米飯加上椰漿及飯上面的炸豆仁，食落去好正宗，味道同泰國差唔多。雖然價錢不一樣，但難得香港食到正宗泰國甜品，都算係咁！另外仲叫咗一個芒果特飲，裏面芒果味真係非常誇張，有一個芒果雪糕，芒果沙冰裏面亦有芒果肉又有芒果汁，飲完一杯好似食咗三個芒果一樣，真係唔講得笑。正正天氣炎熱人，食下啲甜品，個人心情都好啲舒服啲，正能量返哂黎！

😍Mango Mania採用超清甜、無纖維渣滓的人氣泰國水仙芒🥭配搭其他新鮮的食材，炮製出一款款果香濃郁的滋味甜點❤️係隔離泰象食完泰菜之後，係時候食番個泰國甜品，咁先係完美嘅一餐。🥭Super Mango Mania超級芒果狂熱 （$68） 芒果狂熱是店內招牌甜品之一，是由三款芒果甜品組成的，包括芒果布甸、芒果雪糕及芒果糯米飯 🍹Mango Treasure芒果至尊特飲（$48） 以清甜芒果打成沙冰，再加入芒果粒和芒果雪糕，非常邪惡呢！ 雖然整杯都是以芒果作主調，但一點也不覺得單調，反而層次口感非常豐富，既可以喝。到幼細的芒果冰沙，又可以吃到粒粒鮮甜芒果，更可以嚐一口冰凍芒果雪糕。 店內芒果甜品賣相非常吸睛，擺碟明顯花過心思，吸睛度非常高，食下都忍唔住「相機食先」。而且芒果又大又清甜，椰汁香濃，加上店內環境寬敞優美，坐得舒適，一定會再同朋友一起來。