Mango Tree

營業中

休息中

環境闊落，服務員也算盡心盡力，雖未致於酒店級數，但有靚景，最重要係唔限時，無一般餐廳既壓迫感。一般食物都唔錯，係比較細碟，要叫多幾碟🤣甜品略為失色，成個甜品拼盤係芒果糯米飯比較優勝。個人幾欣賞餐廳好細心咁去左洗手間個自動沖廁感應器，但大家都知有啲商場個感應器太敏感，未蓋上廁板已沖左，感覺好差，但呢度做得好好，廁所門口放垃圾桶比個開完門扔垃圾亦盡顯員工既細心，要獎賞👍🏻價錢雖唔算平，但個人認為算係咁喇

Thai-inspired Afternoon Tea Set鹹點✨柚子蟹肉沙律 柚子苦澀 蟹肉略少✨斑蘭葉嫩雞卷雞肉嫩滑 味道唔太濃✨鮮蝦扎肉米紙卷蝦失蹤了 扎肉正常 米紙帶韌性✨炭燒牛肉沙爹牛肉偏乾 有咬口但未至於韌 味道正常✨泰式蝦多士香脆略嫌炸得太乾 味道偏淡✨迷你黃咖喱農夫包咖喱香濃唔辣 農夫包偏乾唔脆甜點✨香芒糯米飯芒果甜 糯米飯軟糯 初時以為會好乾硬但食落冇呢個問題椰漿唔係帶少少鹹嗰種 但都唔會太甜✨泰式斑蘭千層糕千層糕比較軟身 但都煙韌味道似帶有少少香精味 ✨翡翠西米丸子西米丸子有兩款 一款係圓形 另一款係有少少不規則條狀圓形嗰款 外層較硬身 有椰糖餡 口感較乾另一款 較軟身 冇餡但食到好多西米 奶味濃✨椰汁西米糕椰汁味唔重 西米糕內有粟米粒 較稀身✨Thai Sangria白酒底加幾款生果做成 味道唔錯酒味唔濃 好易入口 主要味道係橙汁✨Mango Smoothie芒果味濃 甜度適中 唔會有碎冰粒總結：食物唔錯 服務普通環境唔錯 枱與枱之間有距離仲睇到少少海景(但真係少少咋同埋塊玻璃好污糟)😂都幾適合同朋友吹水Hea下價錢以該商場位置計 幾抵食

Food was good, but they did not have a meatless menu (which was the primary reason I booked a table at this restaurant ) as listed on Open Rice. False advertising and quite disappointing, as I could have gone to a more vegetarian friendly restaurant.

以往多數都係食西式下午茶，打卡都靚啲～ 但係個fd係想特別啲，所以小編就試下呢間，幾有驚喜！高質得嚟賣相唔錯，坐到玻璃窗位，睇到海景😍 整體鹹點比甜點出色，野飲方面竟然有得揀shaved ice、cocktail / mocktail而唔洗加錢，真係好抵～ 呢個tea set值得一試👍🏻 Tea set既組合彈性，可以單叫鹹食或者甜食，又可以兩種都試晒，fit到唔同人既需要～柚子蟹肉沙律 🍊🦀🥗 (好味指數：😍😍😍😍)柚子好多，拆得既細同平均，蟹肉偏大舊，鹹鹹地幾有鮮味，另外有啲洋蔥同埋花生粒🥜 都幾惹味，不過如果柚子、蟹肉同其他配料個比例可以再調一調，宜家既柚子有啲太多斑蘭葉嫩雞卷 🌱🐥🍘 (好味指數：😍😍😍😍)打開斑蘭葉🌱既時候，聽到炸得好脆既聲音，好有拍ASMR既feel～ 不過雞肉有小小實，未至於韌，只係再嫩滑啲就更好，雖然呢個卷既火候🔥要恰到好處係有啲難捉摸！有幾香既斑蘭味，唔會蓋過個雞既味之餘反而突出左雞既鮮味，點埋個芝麻甜豉油，酸酸甜甜仲正～ 確保唔會漏鮮蝦扎肉米紙卷 🦐🍖🌯 (好味指數：😍😍🤩)呢個食落太淡，即使點左啲甜甜地既泰國甜醋，但本身個餡就無咩味，所以只係勉強吊

🙋🏻‍♂️餓底探員今日去咗尖沙咀調查呢間泰國嘢🇹🇭🍽Thai-inspired Afternoon Tea Set $328📸表示見到呢個tea set同平時食開嘅有啲唔同，無scone無cake無tart，但有充滿泰式元素嘅鹹點同甜點，串燒，柚子沙律，香葉雞，芒果糯米飯，椰汁糕，斑蘭糕，連平時tea set嘅層架都變成用竹籃裝住，望落成件事令人幾咁思鄉🤭🙋🏻‍♂️表示最欣賞嘅鹹點係香葉雞，雞肉好嫩滑，加上斑蘭葉嘅香味，嚿雞肉好食到一個點，另外蝦多士炸到金黃色，食落好脆口，其他鹹點就中規中矩，至於甜點方面，椰汁西米糕同斑蘭千層糕都唔錯，拍得住喺泰國食咁，反而個芒果糯米飯就一般，芒果有啲酸，個糯米飯硬咗少少，面頭又無炸綠豆仁，好似喺泰國食好味啲，有啲失落，overall食完呢個set係會好掛住泰國，但而家去唔到，唯有食咗當去咗啦😂📈吃貨指數😋好味度 8/10🔙返啅度 8/10

令人失望的服務及食物⋯首先講服務，我哋一行三人接近一點半入座，入座講明三點交檯冇問題，坐左一陣啱啱叫左野食，有個經理已經走嚟問有冇野加lunch time last order，我地真係吓左出嚟，我野食一樣都未上就問有冇野加，三點交檯未夠兩點就last order真係合理咩。而且實在係冇咩服務，連野飲都可以甩單，上哂野食都嚟唔到杯椰青。講返食物，啲串燒硬到後生仔都咬唔開，老人家更加食唔到。而且炒飯又油又冇味，懷疑廚師冇炒開啲調味料，啲飯一下冇味一下就勁咸。個酸辣雞湯得個酸字，辣味完全消失左。明明mango tree都出名，去到圓方可以差到咁。

1330入座，入座前佢話3點鐘前交枱就可以，但未到2點，54分左右餸都未嚟齊已經同我講last order...what???唔係通常交枱前半個鐘先last order嫁咩，座左半個鐘就冇得再加單？可能我見識少啦，未試過入座起計24分就last order。即使你2點要準備做下午茶，你係咪應該都同個客講聲你地2點last order而唔係輕輕講一句3點前交翻張枱就算。最無奈既一樣野係隔離幾枱都2點後入座都可以叫午餐非下午茶，咁根本就唔係我以為你要準備下午茶而last order午餐啦，咁點解24分鐘就last我order?入到去安排左窗邊位，本以為幾好呀可以有街景。點知熱到癲。嗰個area冇冷氣冇風扇仲要窗簾只可落一半，成餐飯就要忍受住岀面傳入黎既熱力，一路食一路流汗(無誇張)。叫左4個餸。酸辣椰子雞湯得酸味，係好酸好酸好酸，一啲辣都冇。極度懷疑師傅落左兩份酸誤以為自己酸辣都落齊。個蝦醬炒飯係得個咸字，懷疑師傅落左鹽但又未炒開，一嗒飯可以無味另外一嗒係好似食緊鹽。而最神奇係三隻蝦拎係冇味嫁。串燒啲豬牛雞又係老到可以當香口膠咁咬。唯一最好既係個沙律囉。呀！椰青都要催佢先至有嫁。最尾食左6

唔知係咪因為太偏僻嘅關係星期日都竟然唔使等位我地4人叫左2個下午茶set鹹點加甜點鹹點最好食嘅係咖喱包同沙嗲串燒甜點有我最鍾意食既芒果糯米飯野飲叫左玫瑰泰式奶茶 所有野都好高質

慶祝男朋友生日一早喺op book定位，雖然員工話無得預留窗邊位，但最後都幸運地可以坐到，夜景加上引人注目嘅大樹設計裝潢，整個用餐視覺都好滿意😙 我哋叫左三道菜，分別係大蝦炒金邊粉、咖喱軟殼蟹、泰式蝦多士。大蝦炒金邊粉🍤賣相一流嘅金邊粉用網型蛋漿包住，整得好有心機，一啲都唔馬虎！蝦肉爽彈，金邊粉好入味但又唔會過分酸甜！咖喱軟殼蟹🦀冇記錯應該有兩隻軟殼蟹，酥炸口感配以質地濃厚滑順嘅咖喱汁，完美組合！泰式蝦多士🦐多士炸得香酥，輕輕沾上醬料已經好夾，但我地當然唔會浪費咖喱軟殻蟹嘅咖喱汁，一次過品嘗兩種風味。菠蘿沙冰🍹沙冰味道清甜，夏天季節總係想飲呢種清涼解暑系列嘅飲品😋呢度生日係無蛋糕送，要自己叫甜品。我叫左椰子雪糕做甜品，插着蠟燭同生日牌出場☺️ 椰子雪糕係自家製，椰子味濃郁，裡面夾雜住椰子肉，好食又難忘！

冷氣勁不足，重話已經開到最大😟。小朋友熱到喊，大人熱到暈！食物好難食又hea整！Reception位小姐同一位senior男侍應態度差劣！唔建議去呢間野，特別有小朋友

The name would sound familiar for visitors to Thailand, as this Thai restaurant has established itself in Bangkok since 1994. Managed by 1957 & Co. in HK, there are three outlets and having visited the one in Cityplaza three months ago, we came to the one in Elements today. Located in the wing underneath ICC, the restaurant is certainly big, maybe one of the largest Thai restaurants I have visited in town. The décor is contemporary, but comparatively having less character if I compare with the C

午餐試咗金邊粉＋海南雞飯。金邊粉太淡，味唔夠。海南雞飯更不能接受，油飯唔香，而且過濕，雞亦太柴無味，明顯無用心處理，實在難以對得起呢個價錢。員工服務也是問題，對答態度差，只有門口接待係值得讚好。唔好食，唔抵食！

經過呢間泰國菜, 見到佢有新出既下午茶餐-泰籃子下午茶, 好似好多野食咁, 咁就試下呢間啦。。。🤣🤣🤣成個餐都好好食, 尤其係佢個蝦多士同炭燒河蝦, 河蝦大只到我朋友以為係龍蝦仔 (無誇張, 佢話有龍蝦喎, 我話menu無喎), 甜品仲有個好特別既泰國奶茶同泰國咖啡奶凍都好好味, 奶茶味好特別, 出面好少有呢只味。加$15又可以有個泰式牛肉船河, 以為$15係細細碗仔, 點知都唔係細。。😂😂😂整體性價比高, 值得一試

📍 Mango Tree #MangoTree🇭🇰香港尖沙咀柯士甸道西1號圓方金區2樓2032號舖🇭🇰 Shop 2032, 2/F, Metal Zone, ELEMENTS, 1 Austin Road West, Tsim Sha Tsui🌐尖沙咀味道: 👅👅賣相: 👀👀👀👀價格: 💰💰服務: 👨🏻👨🏻👨🏻👨🏻環境: 🌹🌹🌹🌹性價比: ⭐️回頭率: 🔆人均消費：HKD152一直知道有間Mango Tree在圓方，但一直不知道實際在哪裏😂圓方商場設計真的差到極點！跟着指示行都找不到，結果要打去餐廳問🤷🏻‍♀️餐廳樓底十分高，裝橫很靚，環境很好，有高級餐廳的感覺，而且坐得十分舒適！午餐選擇不多，個人餐就只有六個選擇！價錢$138至$178不等，午餐來說不算便宜，希望好食！🙏🏻👎🏻泰式大蝦炒金邊粉🍝$138先說賣相，金邊粉被蛋絲網包着，加上少少裝飾，的確十分吸引！味道方面相反地十分失望！金邊粉勁散無口感，而且毫無味度可言！大蝦味道亦十分差，完全無調味，口感微微帶霉！另外朋友點了「鯰魚青芒果沙律涼拌米線」和「黃咖喱雞肉炒麵」，大家評價都普通，而且份量小另外雖然餐廳環境可以，但衛生就麻麻，吧枱

老公生日係樓上Ritz Carlton Staycation 但因為老公唔鐘意食港女下午茶所以就book泰式下午茶Booking嘅時候留佐窗邊位可惜個窗勁污糟😥二人枱果邊望出去係地盤講返野食先可以叫淨甜點/鹹點亦可以兩樣一齊因為想食芒果糯米飯所以叫佐full set ❤️沙嗲醬牛肉串好食❤️蝦多士好食❤️黃咖喱麵包好食❤️❤️個雞肉超好食，一食即刻有置身泰國嘅feel💛扎肉蝦米紙卷👌🏼💔柚子蟹肉沙律好苦其實食完個鹹點已經好飽勉強食埋個芒果糯米飯都係👌🏼嘅其他就打包佐上酒店房夜晚再食順帶一提我remark佐老公生日職員當日中午再打比我問要唔要插生日牌同蠟燭但就無寫字服務不過去到嘅時候佢哋應該唔記得佐不過唔緊要啦老公已經吹佐幾次蠟燭😆我叫佐喱杯荔枝mocktail好飲嘅但粒荔枝勁假甜最後夜晚上酒店房食埋啲甜點斑蘭蛋糕糕最好食唔太甜其他都一般覺得佢哋嘅鹹點好食過甜點！