Mango Tree

營業中

休息中

泰式下午茶 呢間泰國菜有特色泰式甜品仲幾靚添架同平時酒店食到既完全唔同風味 味道亦唔錯泰式小食加泰式甜品幾款 每日都有供應 賣完就無 仲包2杯凍飲夠解暑充滿夏日風情既下午茶 柚子蟹肉沙律 柚子酸甜蟹肉鮮味味道清新班蘭葉雞卷 醃料香濃雞肉嫩香又滑鮮蝦米紙卷 米紙煙韌彈牙加點甜醋食味道更豐富沙爹串燒 炭燒風味 醬汁濃香帶花生碎好美味蝦多士 脆口大蝦配法包加甜辣醬味道更突出迷你咖哩包 用上蛋花黃咖哩 香濃而不辣 個包法包質感煙韌Q勁甜品芒果糯米飯 米夠煙韌椰汁香甜 芒果肉酸甜美味泰式千層糕 淡淡班蘭香味仲依到椰汁甜香西米丸子 煙韌口感幾香甜椰汁西米糕 重濃香甜椰汁香好食飲品芒果沙冰 青檸特飲 又凍又解暑好好飲平均消費$350評分8/10尖沙咀柯士甸道西1號ELEMENTS圓方金區2樓2032號舖Shop 2032, 2/F, Metal Zone, ELEMENTS, 1 Austin Road West, Tsim Sha Tsui

很久之前慕名而來食tea set，無論款式、買相、味道都很好、好吸引！今次再來，menu 改咗，變得平凡。牛肉串好硬，好彩咬得開，味道加沙爹醬還可以。兩件鮮蝦扎肉米紙卷好快就黏得難捨難離😂，要用刀叉分開，食嗰陣時要點大量醬汁。黃咖喱農夫飽亦好失望，咖喱汁不過不失，麵包唔脆，只係夠熱，熱到黐住個碗，又要出動刀叉。蝦多士唔油、好脆，班蘭葉燉雞卷都係炸，雞肉唔嚡。柚子沙律就偏甜，唔夠清新。甜品唔太甜，最甜都係芒菓，好啱我！由於我哋三個人，又唔想叫兩個tea set，朋友想食炸蝦餅，我又鍾意食炸軟殼蟹，所以叫咗個拼盆。雖然價錢貴過tea set，又重複咗雞卷，但一食就知呢啲係即製，起碼米紙卷唔會黐埋一齊，雞卷就熱過tea set 嗰啲。整體來講，燒豬頸肉最好味，魚餅用好多香料，蝦餅同軟殼蟹就普通啦！見到餐牌有個有趣菜名，價錢又可接受，便叫嚟試吓。份量唔少，約有半隻鴨，應該先炸再用辣辣哋嘅香料炆。侍應冇話畀我哋知呢個菜係辣，好彩我哋都食得辣鴨肉好嫩，好入味，加埋酸酸甜甜的菠蘿粒，有驚喜。侍應提議配飯或法飽，我哋用法飽($50二個豬仔包)點汁食，好開胃

同朋友睇行完示範單位好肚餓見到mango tree嘅野食就即刻被吸引因為時間尚早 所以好好彩咁被安排左係窗邊 睇住日落望住海景食晚餐😍😍😍 （睇番食評先知原來平日都要book位先坐到窗邊）我地叫左軟殼蟹米紙卷米紙煙煙韌韌軟殼蟹仲脆脆地包埋一齊酸酸甜甜😋好開胃另外叫左個冬蔭公上菜時有個爐仔熱住唔好睇佢個碗好似細細地同朋友兩個人每人都分到兩碗有多大蝦有膏都幾新鮮個湯酸酸辣辣🌶辣得好過癮馬拉盞豬頸肉炒捲河粉河粉好特別 條條都炒得好均勻 又香又入味有少少似食緊炒年糕嘅口感成碟好足料 豬頸肉都好爽口最後叫埋個芒果糯米飯一黎到已經聞到好香椰汁味芒果香甜糯米飯軟熟回味無窮

嗰日係Ritz-Cartlon staycation ，晚餐睇下圓方有乜好食，就揀咗泰國餐Mango Tree ，在openrice book定位，如坐到窗口位可對住維多利亞港🥰呢間有驚喜，全部野都好好食、高質、有水準。我自己唔鍾意食明爐蒸嘅魚，所以揀咗甜辣醬炸銀鰽魚，好脆口，甜辣醬味道啱啱好😋😋😋另特別推介炭燒豬頸肉、芒果糯米飯🍚、冬陰功湯。如果冬陰功湯辣多少少就Perfect😋這間是我暫時食過嘅泰國餐廳最好味嘅一間👍🏻👍🏻下次好想試吓佢個下午茶好似幾抵食🤔

平時食high tea多數食西式，今次第一次黎到食泰國版high tea~🇹🇭 呢度嘅tea set可以揀淨係咸/甜/ 咸+甜食晒，我哋咁大食當然係揀咸+甜餐啦😆椰子沙冰同芒果沙冰好冰涼解渴，而且味道清新唔甜，應該冇落糖👍🏼咸點有蝦多士🍤、串燒牛、葉包雞、蟹肉西柚沙律🥗、大蝦扎肉米紙卷、同埋咖哩農夫包🥘～ 都幾豐富，而且每款都幾好味😋 但係甜點嗰盤就麻麻哋😖 芒果糯米飯都唔錯，但係嗰幾粒椰絲糯米糍都幾難食...🥺 如果下次再嚟，應該唔會再叫呢個tea set喇🙈

今日夜晚來到w hotel 同朋友一齊傾下計，因為食酒店嘅餐廳食到厭，所以要試吓其他地方，我哋就選擇左elements 嘅 泰國餐廳，mango tree，呢間餐廳一向大排長龍，今次醒目，一定訂位先，餐廳安排左窗口位比我地👍🏻👍🏻👍🏻，我地兩個人都食咗五樣嘢，有蝦餅，可以選擇三或五件，好脆口👍🏻👍🏻🥂，半隻燒雞💯😍👍🏻，軟殼蟹紙米卷👍🏻👍🏻，黃咖喱軟殼蟹（必食推介）😋😋😋，甜品就食翡翠小丸子💯🥂🎊，嘢食就買一送一，抵飲👍🏻👍🏻，好滿足

呢個泰式Afternoon tea幾抵食，特別係平時食厭西式三層架，可以簡要甜定鹹點第一次試，簡咗甜+鹹 $328，包兩杯嘢飲鹹點大部分我覺得都幾好食，跟四款唔同嘅醬，餐牌有建議邊樣食物跟邊款醬。最鍾意牛肉沙爹，沙爹醬好好味，其他鹹點都忍唔住繼續點沙爹醬嫩雞卷好滑，配甜豉油好夾，幾大舊雞其他鹹點就不過不失，蝦多士油炸，比較油膩呢個set嘅甜點我就覺得一般，斑蘭千層糕嘅斑蘭味好香精 好假，椰汁西米糕超甜飲品簡咗 Rose Apple Delight, Lychee Smash 兩杯都好飲

曾經光顧過太古城的Mango Tree，但食物質素真的一般，一直想試圓方這一間，其實也不知道它是否太古城的同一集團。上星期五終於試到，六個人叫了三set下午茶(一甜一鹹款式), 順道慶祝媽媽生日！食物或飲品的質素都很好，很新鮮，服務也很稱心，位置安排也很清靜，價錢相當合理。餐廳的樓底很高很寬敞，侍應送來插著爉燭的點心，媽媽也很驚喜！鹹的點心特別岀色，分別有咖喱蟹醬配脆脆麵包，蝦多士，香葉包雞，牛肉沙爹串，柚子沙律，扎肉米卷，除沙爹有一點硬，其餘的都很美味。總的來說，誠意推介，可以再來。

今次去到位於圓方嘅Mango Tree食泰式下午茶，一入座見到個落地大玻璃已經好興奮，景觀夠哂開揚，望到西九同對面海😍如果想對於個靚景食tea就記得book位個陣remark返啦😉雖然Mango Tree嘅其他分店都有呢個下午茶提供，但係得尖沙咀分店嘅觀景係咁靚呢到嘅下午茶可以自選要鹹點／甜點／鹹點+甜點，價錢都幾抵食！鹹點 $238甜點 $138鹹點+甜點 $328包兩杯指定特飲食物用兩個竹藍裝🎋好有泰國風情🍃鹹點：🍤泰式蝦多士 - 蝦同麵包都炸得好夠脆，而且蝦好大隻🍃斑爛葉嫩雞卷 - 啖啖肉，雞肉冇改錯名，真係夠哂嫩滑，🍢炭燒牛肉沙嗲 - 肉唔韌，但係就有好多筋，偏硬同乾🦀柚子蟹肉沙律 - 個汁可以再酸啲，而且蟹肉唔夠多，食落似淨係食緊柚子沙律🥺🍞迷你黃咖喱農夫包 - 烘脆左嘅麵包配上帶有啲椰香甜咖哩，而且有好多配料。麵包外脆內軟，不過如果比多舊麵包點咖哩就好啦🥺得一舊唔夠分😛🥗鮮蝦扎肉米紙卷 - 食完咁多濃味嘅野再食米紙卷感覺好fresh米紙包住大量嘅沙律菜，紅蘿蔔青瓜，仲有一隻蝦同紮肉，紮肉都幾厚鹹點跟左碟4隻味嘅泰式醬汁：沙嗲汁、芝麻甜豉油、泰國甜醬、甜辣醬，點雞同牛食都一流

呢個afternoon tea set本人食過兩三次，雖然係兩三個月前嘅事，而家tea set食物種類有少少分別，但overall都ok，一樣有鹹點及甜點，而且仲係食得飽嗰隻，以呢個價錢，又對住開陽景觀，三五知己識住嘢吹吓水，真係唔錯。講返食物水準，送到嚟時候食物仲係微熱，除非你狂風掃落葉咁食，否則總有啲點心係凍咗，呢樣真係冇計⋯最好先食蝦多士(凍咗會覺得好油膩)，其他鹹點不過不失，可最後先至食個咖喱汁🥯。甜品反而係我比較喜歡，有別一般酒店嘅甜cake，椰汁西米糕及椰絲糯米糍唔太甜，佢嘅芒果糯米飯的確幾好味，之後我哋覺得唔夠喉再encore一個😋。

喜歡食咸點下午茶嘅人類，泰式下午茶絕對是不錯的選擇。 餐廳位於圓方環境舒適 ， 食物值得推介 ，我哋叫左一set 2人下午茶另叫了半隻烤雞，一個咖哩南瓜豬頸肉。烤雞肉肉質唔會「唉」👍👍 下午茶set內嘅柚子沙律是屬咸的，而甜品及糕點也是很不錯 下午茶時段是15:00開始的喔～

短時間內，第二次光臨elements 嘅Mango Tree，鍾意此泰國餐廳嘅氣氛和環境，樓底高，座位寬敞，近窗口位有維港海景，室內設計新穎，係約人傾偈飲野嘅好地方。* Tatler Dining Best Restaurants 2021 - 靚靚蛋絲泰式大蝦金邊粉， 賣相有體面，味道甜甜的，帶少少辣味，幾滿意。- 串燒雞 ，雞肉中規中矩，亮點係醬汁，兩種醬汁分別係酸甜醬和花生醬，襯托得非常出色。- Mango smooth 加片薄荷葉，好飲中段有一個小插曲，由於職員落漏咗單。但主管好有禮貌，送多一個芒果糯米甜品，服務態度，值得稱讚。離開餐廳時，見到多位準食客等緊3:00pm 嘅下午茶餐，2人前HKD 398 ，有鹹點甜點加特飲，係西式下午茶外嘅好選擇。

記憶中Elements Mall 開幕時已經有Mango Tree. 不過因為佢嘅location 比較隔涉，所以好多時都唔記得咗佢嘅存在。今晚叫的都是一啲平常嘅泰國菜式。海鮮冬陰功湯味濃。煲下面個火一直暖住啲湯，非常貼心。沙嗲串有豬牛雞。分量充足。不過牛肉質麻麻帶筋，影響口感。馬拉盞炒通菜相對比其他餐廳較淡。飲咗湯後反而覺得個菜可以中和返口內冬陰功嘅味道。濕炒海鮮河味道不錯，令我諗起以前去泰國小店食嘅味道。

睇Youtuber介紹後，這間餐廳又出現在朋友的社交平台，所以決定來試。Openrice有得訂位，方便。嚟到只須排隊等帶位入。 相信是預先訂位，所以安排了一個窗口位置。餐廳樓底高，座位寬敞，唔嘈，好適合傾計。 Tea set 內包兩杯指定飲品，同伴覺得cocktail賣相靚但唔飲得酒，侍應表示可以走酒，感激。我們選了鹹＋甜的Tea Set。鹹點有： 串燒牛肉， 蝦多士，紙米卷， 紙包雞各兩份，及咖哩農夫包一份。備有不同的醬汁。甜點有： 兩件班蘭千層糕，兩件椰汁西米糕， 四粒椰絲糯米糍及芒果糯米飯一個整體而言，鹹點較出色。會再約朋友來

環境闊落，服務員也算盡心盡力，雖未致於酒店級數，但有靚景，最重要係唔限時，無一般餐廳既壓迫感。一般食物都唔錯，係比較細碟，要叫多幾碟🤣甜品略為失色，成個甜品拼盤係芒果糯米飯比較優勝。個人幾欣賞餐廳好細心咁去左洗手間個自動沖廁感應器，但大家都知有啲商場個感應器太敏感，未蓋上廁板已沖左，感覺好差，但呢度做得好好，廁所門口放垃圾桶比個開完門扔垃圾亦盡顯員工既細心，要獎賞👍🏻價錢雖唔算平，但個人認為算係咁喇