Mango Tree Kitchen (形點) (已結業)

雖然沒有有下午茶餐牌，但中午餐牌都價錢合理，我們二人食了$29x元，叫左兩碗麵餐加$20元有兩串串燒和一碟燒豬頸肉，再另叫一碟炸蝦餅。我叫的是扎肉雞絲湯河，但碗河粉嚟到湯碗好熱，奇怪的裡面嘅湯唔熱，後來叫再加熱，所以一般差，朋友的喇沙湯麵，佢就話唔錯，反而串光和豬頸肉好食，蝦🦐餅一般，其實之前都食過，普遍都一般般，服務態度不錯，如果又想食泰國嘢，都可以的，但你話好好又唔係攞，環境都舒服嘅，總括嚟講都係一般。

路經這間餐廳, 入去試過幾次他們的午餐, 午市套餐的選擇不多, 價錢在$70以上, 加一服務費，不包飲品。不過午餐都唔會換款，除非自選餐牌內的食物！脆皮雞飯好好味，皮脆，可選油飯或者白飯，有一碟炸子雞，一碗冬瓜湯，兩款調味料！

已來過幾次 不推介佢既飲品 好睇不好飲但每次都會食咖哩軟殼蟹 蒜茸包要另點豬頸肉炒河 好有鑊氣馬拉盞炒椰菜苗 鐘意佢啲菜唔會煮到林啤啤星期日冇任何套餐 平時會食午餐下午茶餐

平日7pm泥到都已經6成full，因為有book位俾左張四人枱我地坐坐低媽咪就話想食啲開胃野，點左青木瓜蝦沙律，海鮮冬陰公同咖哩海鮮麥包盒。青木瓜沙律: 木瓜有啲硬，但個汁好好味，酸酸甜甜。唔算太辣幾開胃！海鮮冬陰公: 唔會成口香料渣，又唔會太辣。一人有一隻蝦食，椰奶味唔夠重，如果有多啲配料例如菇會更佳。咖哩海鮮盒: 椰汁同蛋味都幾重，海鮮有蝦青口魚魷魚都幾多款色，但就唔係新鮮嘅。今次有啲飽冇哎到甜品，下次想埋佢個椰子雪糕同芒果糯米飯

今日午餐無太多時間，呢間夠就腳。首先，午餐唔似午餐，要另加錢先有飲品，至少好似加$6定$8先有普通檸茶檸水之類;叫兩個麵都很差：鹵水豬手豬紅湯檬⭐⭐：湯底都是鹵水味，不過不太鹹，亦不太鹵水，比較似普通醬油味，八角味極微，檬粉正常，豬紅味極微，爽口，都幾乎可以話豬紅無豬紅味，豬手有豬味，但沒甚鹵水味，質地亦比較靭，似乎炆時間不夠，所以既不入味又不嫰口魚蛋魚片冬陰公湯檬⭐⭐：湯底似酸辣湯，不像冬陰公，欠缺香茅味及冬陰公獨有的酸宿味，亦不太辣，檬粉正常，魚蛋用上魚味較強的白魚蛋，魚蛋爽口，口感正常 魚蛋有6粒但沒有魚片服務不夠，沒有水但竟收加一

好難得先入去元朗一次真係大鄕里呀今日仲係節日應該到到都好多人而Yoho mall我又真係未去過所以就過去行下喇見到呢間泰國野好多人排隊望下menu都覺得好吸引呀於是我地都拎左飛等8張台都唔算耐呀比左張大枱我地我地2個人都食唔到好多淨係叫左個大蝦金邊粉同黃咖哩炒蜆甜品就叫左出名既芒果糯米飯野飲就叫左朱古力奶茶金邊粉我覺得炒左唔夠乾身太濕 不過味道就ok黃咖哩係唔辣既佢個汁口感好滑有椰奶香味食完一啖會好想食第二啖真係唔錯我地加配左蒜蓉包但真係吾夠香朱古力奶茶係泰式奶茶我最愛加上我好鐘意朱古力所以我覺得好飲不過中間全部都係冰爭咁d甜品無得輸啦好味值得再去張單下次食1000可以減300呀記住keep單呀次

元朗區YOHO MALL 多了不少食肆選擇，這日與家人聚餐午餐選了比較開胃的泰國菜，看MENU前已對Mango Tree 這個品牌有期望，所以要求也相對較高。菠蘿海鮮炒飯&蟹籽海鮮炒飯兩個飯的海鮮其實差別不大, 但菠蘿炒飯較高性價, 美感亦高蟹籽的不少, 而四個人食基本上唔可以唔叫兩個飯...你懂的。所以真心CP值算是偏低了點，味道是可以接受但就是未如理想般的美味。泰式大蝦炒粉絲基本上海鮮仍然係與飯同類的海鮮, 以粉絲量來說偏少, 味道不是預期的香濃。雞．牛肉沙爹串燒來說是值得一試, 當然也要視乎返價錢比較, 如果你嗜試過泰國當地街邊抵到你唔信又好食的, 那就一定比下去了。牛肉肉丸船河湯底值得一讚, 整個湯河CP 比飯同粉絲來得高, 暖肚飽胃之選。而且這個是整餐比較暖肚的一個菜，沒有美觀的菜反而是最好吃的就變得與餐廳格局有點格格不入。馬拉盞炒通菜每次食泰菜必叫, 這個炒得非常香而且入味, 價錢一定不是街坊價, 但喜愛食菜的到這裡是必選的。雙色芒果糯米飯個人來講比較正路而且Menu 沒有的推介甜品, 糯米飯雖然不多但終於有點喜出望外的美味感。_______________________

已經唔係第一次食，但每次食都好有新鮮感！今次知佢地新出左啲茶式，所以去試下朋友之前食過，話盆烤魚拍得住北上食個啲，咁我地就一於試下，一如既往，侍應依然好有耐性咁介紹唔同魚同菜式。我地最後叫番之前我食過覺得好好食的冬陰公湯、黃咖喱炒蟹配蒜蓉包同埋新出的烤魚，我又encore之前好鍾意飲嘅Bubble Mellow 😍仲有一個甜香味雪糕，呢個甜品都係新出嘅款式！ 之前食過的可以睇返上次篇食評，今次主要講烤魚同埋甜品。烤魚的確好大盆，魚肉好有鮮味，湯汁亦都好甜，下次可以同埋食得辣嘅朋友一齊叫一個辣的口味試試；甜品略嫌細咗少少，我哋幾個人分就唔係好夠～鍾意食甜品的朋友可以試吓自己叫一個享用～今次試到新野食得好開心，希望下次再嚟，佢哋的服務態度同食物質素都一樣咁好啦！

今晚兩個女仔傾心事，一早向OpenRice book 定枱 ，唔洗等位。Special menu 有好幾種口味烤魚同串燒，想食得清啲，我地今日試食青胡椒酸菜烤魚，微辣，湯底有啲咸不過好夠熱好惹味，反而胡椒味唔太重。魚都幾新鮮，分開了兩邊上碟，我地兩個一人半條剛好，share 1碗白飯，連湯都撈埋來食。至於入面嗰三大舊豬腩肉個人認為可有可無，無乜特別且偏肥，食了一啖就放棄，唔想哂quota。馬拉盞炒椰菜苗，味覺滿分炒得好有火喉，但可惜啲菜有啲老，偏硬，但最後我地都清了碟。芒果糯米飯，個飯偏林，欠煙韌口感。這個特別menu,點任何串燒/烤魚，啤酒有買一送一優惠

食完下午茶餐好快又食晚飯，肚都未餓所以三個大人叫咗個二人餐（因為好吸引）款式配搭好多，所以唔想煩就叫左二人餐。睇過Menu好似好多嘢但到枱感覺就比較精緻喇。前菜：雜錦拼盤（有泰式炸蝦餅，炭燒雞牛沙嗲，柚子沙律）- 個沙律唔夠泰式味（味唔夠濃）主菜：招牌五味脆皮雞（半隻），香辣肉碎炒飯。不失脆皮雞之名，個皮真係好脆，好味！個炒飯味道都唔錯但就唔覺得辣，沒有肉碎。甜品拼盤：鮮芒果鴛鴦糯米飯，泰式斑蘭千層糕，泰式玫瑰水晶糕（除了水晶糕，其餘都好好食！水晶糕裡面個函的香味不是人人可接受）餐飲：青檸梳打

今晚同老公撐枱腳，想食咖哩炒蟹，於是去咗mango tree 食，環境都幾好假期不用等位。兩人叫咗咖哩炒蟹及薄餅, 雞牛串燒, 大蜆椰青湯, 菠蘿炒飯，非常豐富。先來炒蟹，D肉不夠豐厚,不夠熱有D蟹肉是冷的又不夠鑊氣，，中間D膏好似唔熟，水流流好驚唔熟，好失望😞。個薄餅好油又有益味勁唔好食。所以今晚的主菜咖哩炒蟹是不會推介大家吃。大蜆湯也不夠熱但是不過不失，串燒有兩種汁一個是沙嗲汁及菠蘿汁的汁好味。整體味道好一般，價錢貴，不會再幫襯。

餐廳入d既環境更美麗，夜景再配合餐廳裝飾，是個可以影靚相的地方, 而且空間闊，坐得也舒適。所以環境是餐廳的亮點之一。試了不同的菜式, 其中比較喜歡咖哩蟹, 椰香味雪糕, 冬陰功, 沙律。咖哩蟹的咖哩夠濃香, 配上薄餅十分好味，而且都可以撈埋其他菜式例如串燒等等都好夾。椰香味雪糕，口感有別一般雪糕。與粟米一齊吃，味道比想像中更配合，還有椰肉也很好味。而中間的cream有點’濟’。冬陰功湯：十分香濃， 材料亦夠味。

我地叫左三樣野食，一個黃咖哩海鮮多士盒，咖哩完全冇香味，冇乜味添，啲海鮮勁少，有兩隻青口，兩隻蝦，兩舊唔知係咪勁平價嘅鯰魚，同埋少少尤魚卷，咁就收168 真係唔多得喎。 多士盒有啲薄，啲咖哩汁去到 最尾唔夠點面包。蝦餅58蚊得三舊，啲蝦肉一啲都唔彈牙，劣質，呢個價出雞地食高質好多。 馬拉盞炒椰菜苗，諗住呢啲實冇死啦，點知黎到都係勁失望，馬拉盞味係香嘅，但完全唔係有鑊氣果隻香。份量勁少就其他食評都有講，78 蚊咁細碟唔緊要，我知靚椰菜苗係貴嘅，但係咪都應該俾啲新鮮少少嘅椰菜苗黎食下呢，勁老，都未食過咁難食嘅泰菜，真心極度唔推介，我好少俾劣評但呢間真係勁唔建議。

家住荃灣，現在到元朗十分方便，無論坐西鐵或巴士都非常快捷。上星期因事到了元朗YOHO MALL，午餐來到 Mango Tree Café舊址，才知道轉了新慨念店Mango Tree Kitchen，價錢相對地調低，但食物同樣好吃！我喜歡港式奶茶，但有時不得不承認有些地方的泰式奶茶更得我歡心。mango tree kitchen這杯泰式奶茶茶香濃，亦不會太甜，非常適合來配吃辣泰菜。泰式奶茶雖好，但我更推薦泰式鴛鴦。當泰式奶茶遇上咖啡，竟像水乳交融，好喝得過份。個人尤其欣賞那泰式奶茶雪糕，濃郁奶茶香滿分，真想單點這客雪糕來吃！不喝奶茶或鴛鴦，可選這裡的特飲。為我家小朋友點了這杯mango cha cha，以泰柚、橙、芒果汁和梳打水調成，再加一小片芒果點綴，同樣是夏日透心涼之選。mango tree kitchen的泰式牛肉船河賣相很不錯，且配料眾多，生牛肉、牛腩、泰式牛丸，還有通菜、芽菜、芫茜等，看見已經想吃。船河湯底沒有太濃或過咸，而且沒有添辣，小朋友也吃得津津有味。近年香港興起吃泰式船河，遺憾是我從未在泰國吃過正宗的，有機會真想到泰國試試，看看和香港的有甚麼分別。每到泰式餐廳，我都必點

好多年前去過 element 嗰間，食物賣相精緻，味道有水準，好有真泰菜風味，加上餐廳裝潢幾靚，所以間中都會 encore。知道 yoho 開咗間新嘅，mango tree kitchen 感覺小資啲，casual 啲，一真都想去加上屋企人介紹話必食脆皮雞，同埋食評好多人推芒果糯米飯，就被燒着咗。所以約多個 frd 提早訂定枱同一齊去 japjapjap 首先，去到邊都要食嘅 pad thai，雖然個個都話周圍有得食，但做得好味又唔係必然。mango tree kitchen 嘅 pad thai 個人嚟果超鍾意，啲金邊粉唔會黐埋，又唔會太油，加埋青檸汁，好有泰國菜風味 畀足 5 個好味。果然，脆皮雞真係好好好好味。食雞有雞味都唔只，重點係皮脆，有肉汁，水潤得嚟保留返適量嘅雞油，超正 畀 4.5 個好味。當然，仲有大家都推嘅芒果糯米飯(掛住食唔記得影相 so99y)，真心好食到喊。個人唔鍾意死甜嘅芒果，鍾意帶酸味嘅，酸甜感覺 5：5 最正，配埋暖暖嘅糯米飯、椰香，真係有即場 encore 嘅衝動 再來畀足 5 個好味。服務方面，最怕被催落單加單埋單，呢度就冇呢一樣，感覺服務貼心。用